| ᠪᠠᠶᠠᠨ ᠨᠠᠭᠤᠷ ᠤᠨ ᠡᠳᠦᠷ ᠤᠨ ᠰᠣᠨᠢᠨ ᠤ ᠬᠤᠷᠢᠶᠠᠨ ᠤ ᠬᠠᠮ ᠵᠠᠭᠤᠴᠢᠯᠠᠭᠤᠷ ᠤᠨ ᠰᠣᠷᠪᠤᠯᠵᠢᠯᠠᠭᠴᠢ ᠄ ᠬᠠ᠊᠂ ᠰᠠᠴᠣᠷᠠ | ᠭᠡᠷᠡᠯ ᠵᠢᠷᠤᠭ᠄ ᠴᠡᠭᠴᠡᠤᠬᠡᠢ ᠴᠢᠮᠠᠳ | ︽ᠮᠣᠩᠭᠤᠯ ᠮᠣᠷᠢ ᠮᠣᠯᠣᠷ ᠡᠷᠳᠡᠨᠢ︾ ᠭᠡᠭᠴᠢ ᠪᠠᠷ ᠤᠷᠠᠳᠴᠣᠳ ᠮᠠᠨᠢ ᠡᠷᠲᠡ ᠳᠡᠭᠡᠲᠦ ᠦᠶᠡ ᠠᠴᠠ ᠡᠬᠢᠯᠠᠨ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠲᠠᠪᠠᠲᠠᠢ | ᠰᠠᠶᠢᠬᠠᠨ ᠦᠰᠭᠡᠵᠦ᠂ ᠠᠳᠣᠭᠤᠨ ᠰᠦᠷᠦᠭ ᠤᠨ ᠬᠡᠰᠢᠭ ᠢᠶᠠᠷ ᠠᠵᠤ ᠲᠦᠷᠦᠨ ᠠᠮᠢᠳᠤᠷᠠᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ᠃ ᠣᠶᠢᠷᠠ ᠶᠢᠨ ᠵᠢᠯ ᠠᠴᠠ ᠠᠳᠣᠭᠤᠨ ᠳᠤ | ᠲᠤᠷᠠᠲᠠᠢ ᠬᠦᠮᠦᠰ ᠤᠨ ᠬᠠᠮᠲᠤ ᠶᠢᠨ ᠴᠢᠷᠮᠠᠶᠢᠯᠭᠠ ᠪᠠᠷ ᠤᠷᠠᠳ ᠨᠤᠲᠤᠭ ᠤᠨ ᠠᠳᠣᠭᠤᠨ ᠰᠣᠶᠣᠯ ᠬᠦᠭᠵᠢᠯᠲᠡ ᠶᠢᠨ ᠱᠠᠳᠣᠨ ᠳᠤ ᠣᠷᠤᠵᠤ᠂ ᠡᠮᠡᠭᠲᠠᠢ ᠨᠣᠭᠳᠤᠴᠢᠨ᠂ | ᠤᠶᠠᠭᠠᠴᠢ᠂ ᠣᠭᠤᠭᠠᠴᠢ ᠴᠦ ᠨᠡᠯᠢᠶᠡᠳ ᠴᠣᠯᠭᠤᠷᠠᠨ ᠭᠠᠷᠴᠠᠢ᠃ ᠤᠷᠠᠳ ᠡᠮᠡᠭᠲᠠᠶᠢᠴᠣᠳ ᠤᠨ ᠨᠣᠭᠲᠤ ᠲᠠᠯᠪᠢᠬᠤ ᠮᠡᠷᠭᠡᠵᠢᠯ ᠨᠢ ᠤᠷᠠᠳ ᠨᠣᠲᠤᠭ ᠤᠨ ᠣᠨᠴᠠᠯᠢᠭᠲᠤ | ᠰᠣᠶᠣᠯ ᠤᠨ ᠨᠢᠭᠡ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠤᠷᠠᠳ ᠨᠤᠲᠤᠭ ᠤᠨ ᠠᠳᠣᠭᠤᠨ ᠰᠣᠶᠣᠯ ᠤᠨ ᠴᠢᠮᠡᠭ ᠪᠤᠯᠤᠭᠰᠠᠨ ᠣᠷᠠ ᠠᠪᠢᠶᠠᠰ ᠲᠠᠢ ᠤᠷᠠᠳ ᠪᠦᠰᠡᠭᠦᠶᠢᠴᠣᠳ ᠤᠨ | ᠵᠣᠷᠢᠭ ᠰᠦᠯᠳᠡ᠂ ᠵᠣᠯᠪᠤᠭᠠ ᠬᠡᠶᠢᠮᠦᠷᠢ ᠶᠢ ᠬᠠᠷᠠᠭᠤᠯᠤᠭᠰᠠᠨ ᠳᠦᠷᠪᠡᠨ ᠬᠦᠮᠦᠨ ᠢ ᠰᠣᠷᠪᠤᠯᠵᠢᠯᠠᠨ ᠪᠢᠴᠢᠪᠡ᠃ | ᠠᠭᠳᠠ ᠶᠢᠨ ᠨᠢᠷᠤᠭᠤᠨ ᠳᠤ ᠬᠡᠶᠢᠮᠦᠷᠢ ᠰᠡᠷᠭᠦᠵᠦ᠂ ᠪᠤᠶᠠᠨ ᠵᠠᠶᠠᠭᠠ ᠪᠠᠨ ᠮᠤᠷᠢ ᠲᠠᠢ ᠬᠤᠯᠪᠤᠵᠤ᠂ ᠨᠤᠲᠤᠭ ᠣᠰᠤᠨ ᠳᠤ ᠪᠠᠨ ᠨᠡᠷᠡ ᠠᠯᠳᠠᠷ ᠢᠶᠠᠨ ᠡᠷᠭᠦᠵᠦ | ᠶᠠᠪᠤᠭᠠ ᠤᠶᠠᠭᠠᠴᠢᠨ᠂ ᠣᠨᠣᠭᠠᠴᠢᠨ᠂ ᠨᠤᠭᠲᠤᠴᠢᠨ ᠣᠳᠣᠨᠴᠡᠴᠡᠭ ᠪᠣᠯ ᠤᠷᠠᠳ ᠤᠨ ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠴᠣᠩᠵᠢ ᠰᠣᠮᠣᠨ ᠤ ᠪᠠᠶᠢᠳᠤᠩ ᠭᠠᠴᠠᠭᠠᠨ ᠳᠤ | ᠳᠦᠷᠦᠵᠦ ᠦᠰᠦᠨ᠂ ᠣᠳᠤ ᠤᠷᠠᠳ ᠤᠨ ᠬᠤᠶᠢᠲᠤ ᠬᠤᠰᠢᠭᠤᠨ ᠤ ᠪᠠᠶᠠᠨᠴᠢᠨᠳᠠᠮᠤᠨᠢ ᠰᠣᠮᠣᠨ ᠤ ᠪᠠᠶᠠᠨᠬᠤᠰᠢᠭᠤ ᠭᠠᠴᠠᠭᠠᠨ ᠳᠤ ᠠᠵᠤ ᠲᠦᠷᠦᠵᠦ ᠪᠠᠶᠢᠭᠠ ᠨᠢᠭᠡᠨ | ᠮᠠᠯᠴᠢᠨ ᠪᠦᠰᠡᠬᠦᠢ ᠪᠤᠯᠤᠨᠠ᠃ | ᠣᠳᠤᠨᠴᠡᠴᠡᠭ ᠤᠨᠠᠭᠠᠨ ᠪᠠᠭᠠ ᠨᠠᠰᠤᠨ ᠠᠴᠠ ᠪᠠᠨ ᠮᠠᠯ ᠣᠨᠤᠭᠠ ᠲᠠᠢ ᠨᠠᠭᠠᠳᠴᠦ ᠦᠰᠦᠨ᠂ ᠠᠳᠣᠭᠤᠴᠢᠨ ᠠᠪᠤ ᠨᠤᠭᠲᠤᠴᠢᠨ ᠡᠵᠢ ᠶᠢᠨ ᠢᠶᠠᠨ ᠨᠦᠯᠦᠭᠡ ᠪᠠᠷ᠂ | ᠠᠬᠠ ᠡᠭᠡᠴᠢ ᠪᠠᠨ ᠳᠠᠭᠠᠵᠤ᠂ ᠭᠤᠷᠪᠠᠨ ᠨᠠᠰᠤᠲᠠᠢ ᠠᠴᠠ ᠪᠠᠨ ᠮᠤᠷᠢ ᠣᠨᠣᠵᠣ ᠰᠣᠷᠤᠨ᠂ ᠲᠠᠪᠤᠨ ᠨᠠᠰᠤᠲᠠᠢ ᠠᠴᠠ ᠪᠠᠨ ᠣᠷᠤᠯᠳᠣᠭᠠᠨ ᠤ ᠮᠤᠷᠢ ᠣᠨᠣᠵᠣ | ᠳᠠᠪᠬᠢᠭᠤᠯᠤᠨ᠂ ᠠᠷᠪᠠᠨ ᠨᠠᠢᠮᠠᠲᠠᠢ ᠠᠴᠠ ᠪᠠᠨ ᠨᠤᠭᠲᠤ ᠳᠠᠯᠪᠢᠨ᠂ ᠬᠤᠷᠢᠨ ᠬᠡᠳᠦᠲᠡᠢ ᠠᠴᠠ ᠪᠠᠨ ᠡᠮᠨᠢᠭ ᠰᠣᠷᠭᠠᠵᠤ᠂ ᠬᠦᠯᠦᠭ ᠤᠨ ᠨᠢᠷᠤᠭᠤᠨ ᠳᠤ ᠵᠢᠯᠤᠭᠤ ᠳᠠᠯᠪᠢᠨ | ᠳᠠᠪᠬᠢᠭᠤᠯᠤᠭᠠᠳ ᠣᠳᠣ ᠪᠤᠯᠵᠠᠢ᠃ | ᠣᠳᠣᠨᠴᠡᠴᠡᠭ ᠬᠠᠮᠤᠭ ᠠᠩᠬᠠ ᠪᠠᠶᠢᠳᠤᠩ ᠭᠠᠴᠠᠭᠠᠨ ᠤ ᠣᠷᠭᠠᠴᠢᠨ ᠠᠪᠤᠭᠠᠢ ᠶᠢᠨ ᠢᠶᠠᠨ ᠮᠣᠷᠢ ᠶᠢ ᠤᠨᠤᠵᠤ ᠤᠷᠤᠯᠳᠤᠭᠠᠨ ᠳᠤ ᠣᠷᠤᠯᠴᠠᠭᠠᠳ ᠠᠶᠢᠷᠠᠭ ᠤᠨ | ᠲᠠᠪᠤ ᠳᠤ ᠣᠷᠤᠭᠰᠠᠨ ᠭᠡᠳᠡᠭ᠃ ᠲᠡᠷᠡ ᠠᠭᠳᠠ ᠶᠢᠨ ᠨᠢᠷᠤᠭᠤᠨ ᠳᠤ ᠠᠯᠠᠪᠬᠢᠨ ᠮᠣᠷᠳᠠᠪᠠᠯ ᠴᠤᠭ ᠪᠠᠳᠠᠷᠠᠵᠤ᠂ ᠰᠠᠨᠠᠭᠠ ᠰᠠᠷᠠᠭᠤᠯᠰᠢᠨ᠂ ᠶᠡᠭᠡ ᠪᠠᠭᠠ ᠨᠠᠶᠢᠷ ᠨᠠᠭᠠᠳᠤᠮ | ᠢᠶᠠᠷ ᠲᠤᠭᠠ ᠦᠭᠡᠢ ᠣᠯᠠᠨ ᠱᠠᠩ ᠳᠤᠰᠴᠣ᠂ ᠢᠷᠠᠭᠤ ᠠᠯᠳᠠᠷ ᠤᠨ ᠮᠧᠳᠠᠯ ᠢᠶᠠᠷ ᠡᠩᠭᠡᠷ ᠢᠶᠠᠨ ᠮᠢᠯᠢᠶᠠᠯᠭᠠᠭᠰᠠᠭᠠᠷ ᠢᠷᠡᠵᠡᠢ᠃ ︽ᠣᠷᠤᠭᠠ ᠮᠤᠷᠢ ᠶᠢ ᠤᠷᠭᠠ ᠪᠠᠷ᠂ | ᠣᠷᠤᠯᠳᠣᠭᠠᠨ ᠤ ᠮᠤᠷᠢ ᠶᠢ ᠤᠶᠠᠭᠠ ᠪᠠᠷ︾ ᠭᠡᠳᠡᠭᠴᠢᠯᠡᠨ ᠣᠳᠣᠨᠴᠡᠴᠡᠭ ᠤᠷᠤᠯᠳᠤᠭᠠᠨ ᠤ ᠮᠤᠷᠢ ᠶᠢ ᠤᠨᠤᠵᠤ᠂ ᠶᠡᠭᠡ ᠪᠠᠭᠠ ᠠᠳᠣᠭᠤᠨ ᠨᠠᠶᠢᠷ᠂ ᠣᠪᠤᠭᠠᠨ ᠨᠠᠶᠢᠷ | ᠢᠶᠠᠷ ᠠᠶᠢᠷᠠᠭ ᠤᠨ ᠲᠠᠪᠤ ᠳᠤ ᠤᠯᠠᠨᠳᠠ ᠣᠷᠤᠵᠤ᠂ ᠤᠨᠠᠭᠠ ᠳᠠᠭᠠ ᠪᠠᠨ ᠭᠠᠷᠰᠢᠭᠤᠯᠬᠤ ᠠᠴᠠ ᠡᠬᠢᠯᠡᠭᠡᠳ ᠮᠣᠷᠢᠳ ᠤᠨ ᠤᠶᠠᠭᠠ ᠰᠣᠶᠢᠯᠠᠭᠠ ᠶᠢ ᠨᠢ ᠳᠠᠭᠠᠷᠠᠭᠤᠯᠬᠤ | ᠳᠤ ᠴᠦ ᠦᠪᠡᠷ ᠤᠨ ᠭᠡᠰᠡᠨ ᠠᠷᠭᠠ ᠲᠤᠷᠰᠢᠯᠭᠠ ᠲᠠᠢ ᠪᠠᠶᠢᠳᠠᠭ᠃ ᠲᠡᠭᠦᠨ ᠤ ᠰᠣᠷᠭᠠᠭᠰᠠᠨ ᠮᠤᠷᠢ ᠨᠢ ᠴᠦ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠭᠠᠳ ᠤᠯᠠᠨᠲᠠ | ᠦᠵᠦᠭᠦᠷᠯᠡᠵᠦ ᠪᠠᠶᠢᠵᠠᠢ᠃ | 2017 ᠣᠨ ᠳᠤ᠂ ᠣᠳᠣᠨᠴᠡᠴᠡᠭ ᠠᠳᠣᠭᠤᠨ ᠨᠠᠶᠢᠷ ᠲᠤ ᠮᠤᠷᠢ ᠨᠤᠭᠲᠤᠯᠠᠵᠤ ᠪᠠᠶᠢᠬᠤ ᠳᠤ ᠪᠠᠨ ᠰᠠᠨᠠᠮᠰᠠᠷ ᠦᠭᠡᠢ ᠮᠤᠷᠢᠨ ᠠᠴᠠ ᠤᠨᠠᠵᠤ ᠭᠠᠷ ᠤᠨ ᠶᠠᠰᠣ | ᠪᠠᠨ ᠭᠡᠮᠳᠦᠭᠡᠪᠡ᠃ ᠭᠡᠪᠡᠴᠦ ︽ᠳᠣᠷᠠ ᠳᠤ ᠰᠢᠷᠠ ᠦᠭᠡᠢ︾ ᠭᠡᠳᠡᠭ ᠢᠶᠠᠷ ᠲᠡᠷᠡ ᠰᠢᠷᠬᠠ ᠪᠠᠨ ᠰᠣᠪᠢᠯᠠᠵᠤ ᠡᠳᠡᠭᠡᠭᠡᠭᠰᠡᠨ ᠬᠤᠶᠢᠨᠠ ᠮᠦᠨᠬᠦ ᠬᠡᠪ ᠤᠨ ᠢᠶᠠᠨ ᠰᠢᠭ | ᠮᠤᠷᠢ ᠪᠠᠨ ᠤᠨᠤᠵᠤ᠂ ᠡᠮᠨᠢᠭ ᠰᠣᠷᠭᠠᠨ᠂ ᠨᠤᠭᠲᠤ ᠳᠠᠯᠪᠢᠨ᠂ ᠮᠣᠷᠢᠨ ᠨᠢᠷᠤᠭᠤᠨ ᠳᠤ ᠳᠠᠪᠬᠢᠭᠤᠯᠵᠤ ᠶᠠᠪᠤᠨᠠ᠃ | ᠣᠳᠣᠨᠴᠡᠴᠡᠭ ᠪᠠᠰᠠ ᠨᠢᠭᠡᠨ ᠶᠠᠭᠤᠮᠠ ᠪᠦᠬᠦᠨ ᠢ ᠵᠤᠷᠢᠭᠲᠠᠢ ᠪᠠᠷ ᠰᠣᠷᠴᠣ ᠣᠷᠤᠯᠳᠣᠳᠠᠭ ᠰᠣᠷᠮᠠᠭᠠᠢ ᠵᠠᠩ ᠲᠠᠢ ᠭᠠᠪᠰᠢᠭᠠᠢ ᠪᠦᠰᠡᠭᠦᠢ ᠮᠥᠨ᠃ ᠲᠡᠷᠡ ᠰᠣᠯᠠ | ᠰᠡᠯᠡᠭᠦᠦ ᠴᠠᠭ ᠢᠶᠠᠨ ᠵᠤᠬᠢᠰᠲᠠᠢ ᠠᠰᠢᠭᠯᠠᠵᠤ᠂ ᠮᠣᠷᠢᠨ ᠤ ᠬᠡᠷᠡᠭᠰᠡᠯ ᠬᠢᠵᠦ ᠬᠤᠳᠠᠯᠳᠤᠭᠠᠳ ᠠᠮᠢᠳᠣᠷᠠᠯ ᠳᠤ ᠪᠠᠨ ᠲᠤᠰᠠ ᠳᠡᠮ ᠦᠵᠡᠭᠦᠯᠳᠡᠭ᠃ ᠲᠡᠷᠡ ᠨᠢᠳᠣᠨᠣᠨ | ᠠᠴᠠ ᠡᠬᠢᠯᠠᠨ ᠲᠡᠮᠡᠭᠡ ᠣᠨᠣᠵᠤ ᠰᠣᠷᠤᠨ᠂ ᠪᠠᠰᠠ ᠬᠡᠲᠦ ᠤᠳᠠᠭᠠᠨ ᠤ ᠲᠡᠮᠡᠭᠡᠨ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠯᠴᠠᠭᠠᠳ ᠨᠡᠯᠢᠶᠡᠳ ᠰᠠᠶᠢᠨ ᠬᠢᠷᠢ ᠪᠦᠲᠦᠮᠵᠢ ᠣᠯᠵᠤ᠂ | ᠣᠶᠢᠷᠠ ᠶᠢᠨ ᠬᠡᠳᠦᠨ ᠵᠢᠯ ᠪᠠᠰᠠ ᠲᠠᠬᠠᠷ ᠪᠦᠮᠪᠦᠭᠡ ᠨᠠᠭᠠᠳᠴᠣ ᠰᠣᠷᠴᠣ ᠪᠤᠢ᠃ | ᠮᠣᠷᠢᠨ ᠤ ᠲᠤᠬᠠᠢ ᠶᠠᠷᠢᠬᠤ ᠳᠤ ᠣᠳᠤᠨᠴᠡᠴᠡᠭ ᠶᠠᠷᠦ ᠨᠢ ᠶᠠᠷᠢᠭᠠᠳ ᠪᠠᠷᠠᠬᠤ ᠦᠭᠡᠢ ᠦᠭᠡ ᠲᠠᠢ᠂ ᠬᠤᠪᠢᠶᠠᠯᠴᠠᠭᠠᠳ ᠳᠠᠭᠤᠰᠬᠤ ᠦᠭᠡᠢ ᠲᠤᠷᠰᠢᠯᠭᠠ ᠲᠠᠢ | ᠪᠠᠶᠢᠯᠠ᠃ ᠡᠶᠢᠨᠬᠦ ᠠᠳᠣᠭᠤᠨ ᠰᠣᠶᠣᠯ ᠳᠤ ᠪᠠᠨ ᠠᠷᠭᠠ ᠦᠭᠡᠢ ᠬᠠᠶᠢᠷᠠᠲᠠᠢ ᠣᠳᠣᠨᠴᠡᠴᠡᠭ ᠤᠨ ᠬᠤᠶᠠᠷ ᠬᠡᠤᠬᠡᠳ ᠨᠢ ᠴᠤ ᠲᠡᠭᠦᠨ ᠤ ᠨᠦᠯᠦᠭᠡᠨ ᠳᠣᠣᠷᠠ ᠮᠣᠷᠢ | ᠣᠨᠣᠬᠤ ᠲᠣᠷᠠᠲᠠᠢ ᠪᠤᠯᠵᠤ᠂ ᠬᠦᠦ ᠨᠢ ᠪᠠᠭᠠ ᠳᠤ ᠪᠠᠨ ᠤᠯᠠᠨᠲᠠ ᠤᠷᠤᠯᠳᠤᠭᠠᠨ ᠤ ᠮᠤᠷᠢ ᠤᠨᠤᠵᠤ ᠳᠠᠪᠬᠢᠭᠤᠯᠤᠨ ᠤᠯᠠᠨ ᠱᠠᠩ ᠳᠣᠰᠴᠤ᠂ ᠦᠬᠢᠨ ᠨᠢ ᠴᠦ ᠬᠤᠶᠠᠷ | ᠭᠤᠷᠪᠠᠨ ᠨᠠᠰᠣᠲᠠᠢ ᠠᠴᠠ ᠪᠠᠨ ᠡᠬᠢᠯᠡᠨ ᠮᠤᠷᠢ ᠤᠨᠤᠵᠤ᠂ ᠮᠣᠷᠢᠨ ᠳᠤ ᠪᠠᠭ᠋ᠠᠲᠠᠢ ᠬᠡᠤᠬᠡᠳ ᠪᠤᠯᠵᠠᠢ᠃ | ᠣᠳᠣᠨᠴᠡᠴᠡᠭ ᠶᠡᠷᠦ ᠨᠢ ᠠᠷᠭᠠ ᠲᠤᠷᠰᠢᠯᠭᠠ ᠪᠠᠨ ᠬᠠᠷᠠᠮᠨᠠᠬᠤ ᠦᠭᠡᠢ᠂ ᠡᠷᠬᠢᠨ ᠲᠤᠭᠤᠷᠢᠨ ᠤ ᠪᠠᠨ ᠤᠶᠠᠭᠠᠴᠢᠨ᠂ ᠣᠨᠣᠭᠠᠴᠢᠨ᠂ ᠨᠤᠭᠲᠤᠴᠢᠳ ᠲᠠᠢ ᠬᠠᠷᠢᠯᠴᠠᠨ | ᠰᠣᠯᠢᠯᠴᠠᠨ᠂ ᠵᠠᠯᠠᠭᠤ ᠨᠢᠭᠡ ᠦᠶᠡ ᠶᠢᠨ ᠬᠢᠨ ᠳᠤ ᠬᠤᠷᠠᠮᠳᠣᠭᠤᠯᠣᠭᠰᠠᠨ ᠳᠤᠷᠰᠢᠯᠭᠠ ᠪᠠᠨ ᠬᠠᠷᠠᠮ ᠦᠭᠡᠢ ᠬᠤᠪᠢᠶᠠᠯᠴᠠᠳᠠᠭ᠃ | ᠮᠠᠯᠴᠢᠨ ᠵᠠᠶᠠᠭᠠ ᠪᠠᠨ ᠳᠡᠭᠡᠳᠦᠯᠡᠵᠦ᠂ ᠮᠣᠷᠢᠨ ᠨᠢᠷᠤᠭᠤᠨ ᠳᠡᠭᠡᠷᠡ ᠠᠮᠵᠢᠯᠲᠠ ᠬᠤᠷᠤᠶᠢᠯᠠᠵᠤ ᠶᠠᠪᠤᠭᠠ ᠬᠡᠶᠢᠮᠦᠷᠢ ᠲᠠᠢ ᠪᠦᠰᠡᠭᠦᠢ ᠣᠳᠤᠨᠴᠡᠴᠡᠭ ᠤᠨ ᠠᠭᠳᠠ | ᠶᠢᠨ ᠨᠢᠷᠤᠭᠤᠨ ᠳᠤ ᠭᠠᠨᠵᠤᠭᠠ ᠲᠦᠭᠦᠷᠡᠩ ᠶᠠᠪᠤᠵᠤ᠂ ᠦᠨᠳᠦᠷ ᠠᠮᠵᠢᠯᠲᠠ ᠣᠯᠬᠤ ᠶᠢ ᠬᠦᠰᠡᠶᠡ᠃ | | | | | | | | | | | | | ᠪᠠᠶᠠᠨ ᠨᠠᠭᠤᠷ ᠤᠨ ᠡᠳᠦᠷ ᠤᠨ ᠰᠣᠨᠢᠨ ᠠᠴᠠ ᠪᠠᠭᠤᠯᠭᠠᠪᠠ | | | | | | | | |