| ᠪᠠᠶᠠᠨ ᠨᠠᠭᠤᠷ ᠤᠨ ᠡᠳᠦᠷ ᠤᠨ ᠰᠣᠨᠢᠨ ᠤ ᠬᠤᠷᠢᠶᠠᠨ ᠤ ᠬᠠᠮ ᠵᠠᠭᠤᠴᠢᠯᠠᠭᠤᠷ ᠤᠨ ᠰᠣᠷᠪᠤᠯᠵᠢᠯᠠᠭᠴᠢ᠄ ᠴᠡᠯᠡᠭᠡᠷ | ᠭᠡᠷᠡᠯ ᠵᠢᠷᠤᠭ᠄ ᠴᠡᠭᠴᠡᠤᠬᠡᠢ ᠤᠷᠠᠨᠳᠣᠭᠤᠰ | ︽ᠮᠣᠩᠭᠤᠯ ᠮᠣᠷᠢ ᠮᠣᠯᠣᠷ ᠡᠷᠳᠡᠨᠢ︾ ᠭᠡᠭᠴᠢ ᠪᠠᠷ ᠤᠷᠠᠳᠴᠣᠳ ᠮᠠᠨᠢ ᠡᠷᠲᠡ ᠳᠡᠭᠡᠲᠦ ᠦᠶᠡ ᠠᠴᠠ ᠡᠬᠢᠯᠠᠨ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠲᠠᠪᠠᠲᠠᠢ | ᠰᠠᠶᠢᠬᠠᠨ ᠦᠰᠭᠡᠵᠦ᠂ ᠠᠳᠣᠭᠤᠨ ᠰᠦᠷᠦᠭ ᠤᠨ ᠬᠡᠰᠢᠭ ᠢᠶᠠᠷ ᠠᠵᠤ ᠲᠦᠷᠦᠨ ᠠᠮᠢᠳᠤᠷᠠᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ᠃ ᠣᠶᠢᠷᠠ ᠶᠢᠨ ᠵᠢᠯ ᠠᠴᠠ ᠠᠳᠣᠭᠤᠨ ᠳᠤ | ᠲᠤᠷᠠᠲᠠᠢ ᠬᠦᠮᠦᠰ ᠤᠨ ᠬᠠᠮᠲᠤ ᠶᠢᠨ ᠴᠢᠷᠮᠠᠶᠢᠯᠭᠠ ᠪᠠᠷ ᠤᠷᠠᠳ ᠨᠤᠲᠤᠭ ᠤᠨ ᠠᠳᠣᠭᠤᠨ ᠰᠣᠶᠣᠯ ᠬᠦᠭᠵᠢᠯᠲᠡ ᠶᠢᠨ ᠱᠠᠳᠣᠨ ᠳᠤ ᠣᠷᠤᠵᠤ᠂ ᠡᠮᠡᠭᠲᠠᠢ ᠨᠣᠭᠳᠤᠴᠢᠨ᠂ | ᠤᠶᠠᠭᠠᠴᠢ᠂ ᠣᠭᠤᠭᠠᠴᠢ ᠴᠦ ᠨᠡᠯᠢᠶᠡᠳ ᠴᠣᠯᠭᠤᠷᠠᠨ ᠭᠠᠷᠴᠠᠢ᠃ ᠤᠷᠠᠳ ᠡᠮᠡᠭᠲᠠᠶᠢᠴᠣᠳ ᠤᠨ ᠨᠣᠭᠲᠤ ᠲᠠᠯᠪᠢᠬᠤ ᠮᠡᠷᠭᠡᠵᠢᠯ ᠨᠢ ᠤᠷᠠᠳ ᠨᠣᠲᠤᠭ ᠤᠨ | ᠣᠨᠴᠠᠯᠢᠭᠲᠤ ᠰᠣᠶᠣᠯ ᠤᠨ ᠨᠢᠭᠡ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠤᠷᠠᠳ ᠨᠤᠲᠤᠭ ᠤᠨ ᠠᠳᠣᠭᠤᠨ ᠰᠣᠶᠣᠯ ᠤᠨ ᠴᠢᠮᠡᠭ ᠪᠤᠯᠤᠭᠰᠠᠨ ᠣᠷᠠ ᠠᠪᠢᠶᠠᠰ ᠲᠠᠢ ᠤᠷᠠᠳ | ᠪᠦᠰᠡᠭᠦᠶᠢᠴᠣᠳ ᠤᠨ ᠵᠣᠷᠢᠭ ᠰᠦᠯᠳᠡ᠂ ᠵᠣᠯᠪᠤᠭᠠ ᠬᠡᠶᠢᠮᠦᠷᠢ ᠶᠢ ᠬᠠᠷᠠᠭᠤᠯᠤᠭᠰᠠᠨ ᠳᠦᠷᠪᠡᠨ ᠬᠦᠮᠦᠨ ᠢ ᠰᠣᠷᠪᠤᠯᠵᠢᠯᠠᠨ ᠪᠢᠴᠢᠪᠡ᠃ | ᠠᠭᠲᠠ ᠶᠢᠨ ᠨᠢᠷᠤᠭᠤᠨ ᠳᠤ ᠠᠳᠣᠭᠤᠴᠢᠨ ᠤ ᠵᠢᠪᠬᠤᠭᠠ ᠶᠢ ᠭᠠᠶᠢᠬᠠᠭᠤᠯᠵᠤ᠂ ᠤᠷᠠᠨ ᠭᠠᠷ ᠲᠤᠷᠭᠠᠨ ᠬᠤᠭᠤᠯᠠᠢ ᠪᠠᠷ ᠢᠶᠠᠨ ᠣᠷᠠ ᠠᠪᠢᠶᠠᠰ ᠢᠶᠠᠨ | ᠪᠠᠳᠠᠷᠠᠭᠤᠯᠵᠤ᠂ ᠬᠦᠳᠡᠯᠮᠦᠷᠢᠴᠢ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠵᠢᠷᠭᠠᠯᠲᠤ ᠠᠮᠢᠳᠤᠷᠠᠯ ᠢᠶᠠᠨ ᠴᠣᠭᠴᠠᠯᠠᠵᠤ ᠶᠠᠪᠤᠭᠠ ᠤᠷᠠᠳ ᠨᠤᠲᠤᠭ ᠤᠨ ᠨᠣᠭᠳᠤᠴᠢᠨ ᠪᠦᠰᠡᠭᠦᠢ ᠰᠠᠴᠡᠨ | ᠲᠠᠢ ᠲᠠᠨᠢᠯᠴᠠᠶᠠ᠃ | ᠰᠡᠴᠡᠨ ᠪᠣᠯ ᠲᠤᠷᠠᠲᠠᠢ ᠠᠵᠢᠯ ᠳᠤ ᠪᠠᠨ ᠤᠷᠮᠠᠰᠢᠵᠤ᠂ ᠬᠢᠭᠰᠡᠨ ᠵᠦᠢᠯ ᠳᠤ ᠪᠠᠨ ᠰᠢᠮᠳᠠᠵᠤ᠂ ᠬᠡᠶᠢᠮᠦᠷᠢᠯᠢᠭ᠋ ᠵᠠᠶᠠᠭᠠ ᠪᠠᠨ ᠠᠷᠭᠤᠮᠠᠭ ᠬᠦᠯᠦᠭ ᠲᠠᠢ ᠬᠤᠯᠪᠤᠨ | ᠤᠷᠠᠳ ᠨᠣᠲᠤᠭ ᠤᠨ ᠤᠯᠠᠨ ᠳᠤ ᠪᠠᠨ ᠲᠠᠨᠢᠭᠳᠠᠵᠤ᠂ ᠱᠠᠭᠰᠢᠭᠳᠠᠵᠤ᠂ ᠬᠦᠷᠢᠶᠡᠯᠡᠭᠳᠡᠵᠦ ᠶᠠᠪᠤᠭᠠ ᠡᠮᠡᠭᠲᠡᠢ ᠨᠤᠭᠳᠤᠴᠢᠨ ᠪᠣᠯᠣᠨᠠ᠃ ᠲᠡᠷᠡ ᠪᠣᠯ ᠣᠷᠠᠳ ᠤᠨ | ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠪᠠᠶ᠋ᠬᠠᠤᠯᠠᠭᠠᠨ ᠰᠤᠮᠤᠨ ᠤ ᠰᠠᠩ ᠤᠨ ᠳᠠᠯᠠᠢ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠶᠤᠮ᠃ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠮᠤᠷᠢᠨ ᠳᠤ ᠪᠠᠭ᠋ᠠᠲᠠᠢ ᠪᠠᠶᠢᠳᠠᠭ | ᠢᠶᠠᠷ ᠢᠶᠠᠨ ᠲᠠᠪᠤ ᠵᠢᠷᠭᠤᠭᠠᠨ ᠨᠠᠰᠣᠨ ᠠᠴᠠ ᠪᠠᠨ ᠡᠬᠢᠯᠡᠨ᠂ ᠮᠣᠷᠢᠨ ᠨᠢᠷᠤᠭᠤᠨ ᠳᠤ ᠮᠣᠷᠲᠠᠵᠤ᠂ ᠮᠤᠷᠢ ᠣᠨᠣᠵᠤ ᠰᠣᠷᠤᠭᠰᠠᠨ ᠶᠤᠮ᠃ | ᠰᠡᠴᠡᠨ ᠳᠡᠭᠡᠷᠡ ᠪᠠᠨ ᠲᠠᠪᠤᠨ ᠠᠬᠠ ᠲᠠᠢ ᠠᠶᠢᠯ ᠤᠨ ᠭᠠᠭᠴᠠ ᠬᠡᠤᠬᠡᠨ ᠪᠣᠯᠬᠤᠷ ᠪᠠᠭᠠ ᠪᠠᠶᠢᠬᠤ ᠳᠤ ᠨᠢ ᠠᠪᠤ ᠡᠵᠢ ᠨᠢ ᠲᠡᠭᠦᠨ ᠢ ᠭᠡᠮᠳᠦᠵᠦ ᠣᠶᠢᠴᠢᠬᠤ ᠠᠴᠠ | ᠨᠢ ᠠᠶᠤᠭᠠᠳ ᠶᠡᠷᠦ ᠠᠴᠠ ᠮᠤᠷᠢ ᠣᠨᠣᠭᠤᠯᠳᠠᠭ ᠦᠭᠡᠢ ᠪᠠᠶᠢᠪᠠ᠃ ᠭᠡᠪᠡᠴᠦ ᠲᠡᠷᠡ ᠦᠪᠡᠷ ᠢᠶᠠᠨ ᠮᠣᠷᠢᠨ ᠳᠤ ᠲᠤᠷᠠᠲᠠᠢ ᠪᠣᠯᠬᠤᠷ ᠨᠢᠭᠤᠴᠠ ᠪᠠᠷ ᠴᠠᠭᠠᠨ ᠪᠤᠷᠤ | ᠮᠤᠷᠢ ᠪᠠᠨ ᠤᠨᠤᠵᠤ ᠪᠠᠶᠢᠭᠰᠠᠭᠠᠷ ᠰᠣᠷᠮᠠᠭᠠᠢ ᠮᠣᠷᠢᠲᠠᠨ ᠵᠠᠶᠠᠭᠠ ᠪᠠᠨ ᠡᠬᠢᠯᠡᠭᠦᠯᠵᠡᠢ᠃ ᠴᠠᠭᠠᠨ ᠪᠤᠷᠤ ᠮᠤᠷᠢ ᠨᠢ ᠲᠡᠭᠦᠨ ᠢ ᠬᠡᠤᠬᠡᠳ ᠭᠡᠳᠡᠭ ᠢ ᠮᠡᠳᠡᠵᠦ ᠪᠠᠶᠢᠬᠤ | ᠰᠢᠭ᠋᠂ ᠰᠠᠨᠠᠭᠠ ᠪᠠᠷ ᠨᠢ ᠠᠯᠬᠤᠵᠤ᠂ ᠱᠣᠭᠰᠢᠵᠤ᠂ ᠮᠣᠷᠢᠨ ᠠᠴᠠ ᠪᠠᠭᠤᠬᠤ ᠳᠤ ᠨᠢ ᠴᠦ ᠳᠡᠮ ᠪᠤᠯᠵᠤ ᠵᠣᠷᠢᠭᠵᠢᠭᠤᠯᠳᠠᠭ ᠪᠠᠶᠢᠭᠰᠠᠨ ᠭᠡᠨᠡ᠃ | ᠰᠡᠴᠡᠨ 1992 ᠣᠨ ᠳᠤ ᠨᠤᠲᠤᠭ ᠤᠨ ᠵᠠᠯᠠᠭᠤ ᠵᠢᠷᠠᠨᠲᠠᠢ ᠲᠠᠢ ᠬᠠᠨᠢ ᠶᠢᠨ ᠵᠠᠶᠠᠭᠠ ᠬᠤᠯᠪᠤᠨ ᠠᠶᠢᠯ ᠭᠡᠷ ᠪᠤᠯᠤᠭᠰᠠᠨ ᠶᠤᠮ᠃ ᠡᠳᠡᠨ ᠤ ᠬᠢᠨ ᠠᠳᠤᠭᠤ | ᠬᠠᠷᠢᠭᠤᠯᠳᠠᠭ ᠪᠣᠯᠬᠤᠷ ᠠᠳᠣᠭᠤᠨ ᠳᠤ ᠶᠠᠪᠤᠬᠤ ᠳᠤ ᠪᠠᠨ ᠪᠦᠷ ᠯᠡ ᠮᠤᠷᠢ ᠣᠨᠣᠳᠠᠭ᠃ ᠢᠩᠬᠢᠭᠡᠳ ᠰᠡᠴᠡᠨ ᠭᠡᠷ ᠤᠨ ᠬᠦᠮᠦᠨ ᠳᠤ ᠪᠠᠨ ᠲᠤᠰᠠ ᠪᠤᠯᠤᠨᠠ ᠭᠡᠵᠦ | ᠮᠤᠷᠢ ᠣᠨᠣᠨ ᠠᠳᠤᠭᠤ ᠮᠠᠯ ᠳᠤ ᠪᠠᠨ ᠶᠠᠪᠤᠳᠠᠭ ᠪᠤᠯᠪᠠ᠃ ᠡᠬᠢᠯᠡᠭᠡᠳ ᠠᠳᠤᠭᠤᠨ ᠤ ᠡᠪ ᠢ ᠰᠠᠶᠢᠨ ᠣᠯᠬᠤ ᠦᠭᠡᠢ᠂ ᠠᠳᠣᠭᠤ ᠡᠷᠭᠢᠭᠦᠯᠦᠨᠡ ᠭᠡᠵᠦ ᠠᠷᠤ ᠠᠴᠠ | ᠨᠢ ᠲᠠᠭᠤᠯᠭᠠᠭᠠᠳ ᠠᠳᠣᠭᠤ ᠪᠠᠨ ᠬᠤᠯᠠᠳᠠᠭᠤᠯᠳᠠᠭ ᠤᠴᠢᠷ ᠴᠦ ᠵᠦᠩᠳᠡᠭᠡᠨ ᠭᠠᠷᠳᠠᠭ ᠪᠠᠶᠢᠵᠠᠢ᠃ ᠨᠦᠬᠦᠷ ᠵᠢᠷᠠᠨᠲᠠᠢ ᠨᠢ ᠠᠳᠣᠭᠤ ᠮᠣᠷᠢ ᠶᠢ ᠡᠪᠲᠡᠢ ᠣᠷᠤᠯᠳᠤᠳᠠᠭ | ᠠᠳᠣᠭᠤᠴᠢᠨ ᠲᠤᠯᠠ᠂ ᠲᠡᠭᠦᠨ ᠤ ᠨᠦᠯᠦᠭᠡ ᠪᠠᠷ 1993 ᠤᠨ ᠳᠤ ᠰᠡᠴᠡᠨ ᠨᠤᠭᠲᠤ ᠲᠠᠯᠪᠢᠬᠤ ᠮᠡᠷᠭᠡᠵᠢᠯ ᠢ ᠪᠦᠷᠢᠨ ᠡᠵᠡᠮᠰᠢᠵᠤ᠂ ᠠᠶᠢᠯ ᠤᠨ ᠠᠳᠣᠭᠤᠨ ᠨᠠᠶᠢᠷ | ᠢᠶᠠᠷ ᠪᠠᠶᠢᠩᠭᠤ ᠶᠠᠪᠤᠵᠤ ᠠᠵᠢᠯ ᠶᠠᠪᠤᠳᠠᠯ ᠳᠤ ᠨᠢ ᠳᠡᠮ ᠪᠣᠯᠬᠤ ᠶᠢᠨ ᠬᠠᠵᠠᠭᠤ ᠪᠠᠷ ᠦᠪᠡᠷ ᠤᠨ ᠮᠡᠷᠭᠡᠵᠢᠯ ᠢᠶᠠᠨ ᠴᠦ ᠳᠡᠭᠡᠭᠰᠢᠯᠡᠬᠦᠯᠵᠦ ᠶᠠᠪᠤᠳᠠᠭ᠃ | ᠰᠡᠭᠦᠯᠡᠷ ᠳᠡᠨ ᠤ ᠬᠢᠨ ᠠᠳᠣᠭᠤ ᠪᠠᠨ ᠴᠦᠭᠡᠴᠢᠯᠡᠭᠡᠳ 2008 ᠣᠨ ᠳᠤ ᠳᠠᠬᠢᠨ ᠠᠳᠣᠭᠤ ᠮᠠᠯᠵᠢᠵᠤ ᠠᠳᠣᠭᠤᠨ ᠰᠣᠶᠣᠯ ᠢᠶᠠᠨ ᠰᠡᠷᠭᠦᠭᠡᠭᠰᠡᠨ ᠶᠤᠮ᠃ | ᠠᠳᠣᠭᠤ ᠲᠠᠢ ᠪᠤᠯᠤᠭᠠᠳ ᠣᠨᠣᠭᠠᠷᠢ ᠶᠢᠨ ᠮᠣᠷᠢ ᠦᠭᠡᠢ ᠪᠤᠯᠬᠤᠷ ᠳᠡᠳᠡ ᠬᠤᠶᠠᠭᠤᠯᠠ ᠪᠠᠨ ᠬᠠᠮᠳᠣᠪᠠᠷ 7 ᠳᠠᠭᠠ ᠰᠣᠷᠭᠠᠵᠤ᠂ ᠰᠡᠴᠡᠨ ᠦᠪᠡᠷ ᠢᠶᠠᠨ 4 ᠳᠠᠭᠠ ᠶᠢ | ᠣᠨᠣᠵᠣ ᠰᠣᠷᠭᠠᠨ ᠮᠣᠷᠢ ᠲᠠᠢ ᠪᠤᠯᠵᠠᠢ᠃ | ︽ᠠᠳᠣᠭᠤᠨ ᠤ ᠲᠤᠭᠤᠰᠣᠨ ᠳᠤ ᠬᠡᠶᠢᠮᠦᠷᠢ ᠳᠡᠭᠳᠡᠨᠡ︾ ᠭᠡᠭᠴᠢ ᠪᠠᠷ᠂ ᠣᠷᠴᠢᠮ ᠤᠨ ᠵᠢᠯ ᠳᠤ ᠠᠳᠣᠭᠤ ᠳᠡᠯᠯᠡᠬᠦ᠂ ᠳᠠᠭᠠ ᠲᠠᠮᠠᠭᠠᠯᠠᠬᠤ᠂ ᠵᠡᠭᠦᠦ ᠲᠠᠷᠢᠯᠭᠠ ᠬᠢᠬᠦ | ᠵᠡᠷᠭᠡ ᠠᠳᠣᠭᠤᠴᠢᠨ ᠠᠶᠢᠯ ᠤᠨ ᠠᠳᠣᠭᠤᠨ ᠰᠣᠶᠣᠯ ᠤᠨ ᠴᠣᠭᠯᠠᠭᠠᠨ ᠠᠷᠪᠢᠳᠠᠭᠰᠠᠨ ᠢᠶᠠᠷ᠂ ᠰᠡᠴᠡᠨ ᠨᠦᠬᠦᠷ ᠲᠠᠬᠢ ᠪᠠᠨ ᠬᠤᠶᠠᠭᠤᠯᠠ ᠦᠷᠭᠦᠯᠵᠢ ᠦᠤᠷ ᠢᠶᠠᠷ | ᠪᠤᠰᠣᠨ ᠡᠳᠦᠷ ᠤᠨ ᠠᠵᠢᠯ ᠢᠶᠠᠨ ᠵᠠᠪᠳᠤᠭᠤᠯᠤᠭᠠᠳ ᠥᠩᠭᠡ ᠶᠢᠨ ᠰᠠᠶᠢᠬᠠᠨ ᠳᠡᠪᠡᠯ ᠲᠡᠷᠯᠢᠭ ᠢᠶᠠᠷ ᠢᠶᠠᠨ ᠭᠤᠶᠤᠯᠠᠨ᠂ ᠦᠵᠡᠮᠵᠢ ᠶᠢᠨ ᠰᠠᠶᠢᠨ ᠲᠣᠷᠭᠠᠨ ᠠᠯᠴᠢᠭᠤᠷ | ᠢᠶᠠᠨ ᠵᠡᠭᠦᠨ᠂ ᠬᠤᠷᠳᠤᠨ ᠬᠦᠯᠦᠭ ᠤᠨ ᠵᠢᠯᠤᠭᠤ ᠰᠣᠩᠭᠠᠨ᠂ ᠬᠠᠷᠴᠠᠭᠠᠢ ᠰᠢᠭ᠋ ᠬᠠᠯᠢᠵᠤ᠂ ᠪᠦᠷᠭᠦᠳ ᠰᠢᠭ ᠰᠢᠭᠦᠷᠡᠨ᠂ ᠠᠳᠣᠭᠤᠨ ᠤ ᠲᠤᠭᠤᠰᠣᠨ ᠳᠤ ᠬᠡᠶᠢᠮᠦᠷᠢ ᠪᠠᠨ | ᠮᠠᠨᠳᠣᠭᠤᠯᠣᠨ ᠠᠶᠢᠯ ᠤᠨ ᠠᠵᠢᠯ ᠳᠤ ᠬᠦᠴᠦ ᠡᠷᠭᠦᠵᠦ ᠶᠠᠪᠤᠳᠠᠭ ᠪᠣᠯᠠᠵᠠᠢ᠃ | ︽ᠲᠤᠷᠠ ᠳᠤ ᠰᠢᠷᠠ ᠦᠭᠡᠢ︾ ᠭᠡᠳᠡᠭ ᠢᠶᠠᠷ ᠣᠳᠤ ᠰᠡᠴᠡᠨ ᠨᠤᠲᠤᠭ ᠤᠨ ᠣᠯᠠᠨ ᠳᠤ ᠪᠠᠨ ᠮᠡᠳᠡᠷᠡᠭᠳᠡᠭᠰᠡᠨ ᠰᠠᠶᠢᠨ ᠨᠣᠭᠳᠣᠴᠢᠨ ᠪᠣᠯᠣᠭᠰᠠᠨ ᠢᠶᠠᠷ ᠪᠠᠷᠠᠬᠤ | ᠦᠭᠡᠢ᠂ ᠡᠮᠨᠢᠭ ᠣᠨᠣᠬᠤ᠂ ᠪᠤᠭᠤᠶᠢᠯᠢ ᠬᠠᠶᠠᠵᠤ ᠶᠢᠨ ᠴᠢᠳᠠᠬᠤ ᠪᠤᠯᠵᠠᠢ᠃ | ᠰᠡᠴᠡᠨ ᠠᠳᠣᠭᠤᠨ ᠰᠣᠶᠣᠯ ᠳᠤ ᠪᠠᠨ ᠬᠠᠶᠢᠷᠠᠲᠠᠢ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠤᠷᠠᠨ ᠭᠠᠷ᠂ ᠲᠤᠷᠭᠠᠨ ᠬᠤᠭᠤᠯᠠᠢ ᠲᠠᠢ ᠪᠠᠶᠢᠵᠤ᠂ ᠨᠤᠲᠤᠭ ᠤᠨ ᠴᠢᠯᠠᠭᠤ ᠳᠡᠭᠡᠷᠡ ᠪᠠᠨ | ᠥᠩᠭᠡ ᠶᠢᠨ ᠪᠢᠷ ᠢᠶᠠᠷ ᠲᠠᠪᠤᠨ ᠬᠤᠰᠢᠭᠤ ᠮᠠᠯ᠂ ᠪᠠᠶᠢᠭᠠᠯᠢ ᠶᠢᠨ ᠥᠩᠭᠡ ᠦᠵᠡᠮᠵᠢ ᠶᠢ ᠵᠢᠷᠤᠭᠯᠠᠵᠤ ᠰᠠᠭᠤᠳᠠᠭ᠃ ᠰᠣᠨᠣᠰᠣᠭᠠᠳ ᠰᠠᠳᠬᠢᠯ ᠳᠤ ᠨᠢ | ᠲᠠᠭᠠᠯᠠᠭᠳᠠᠭᠰᠠᠨ ᠰᠠᠶᠢᠬᠠᠨ ᠳᠠᠭᠤᠤ ᠪᠠᠶᠢᠪᠠᠯ ᠲᠤᠤᠷᠠ ᠪᠠᠨ ᠳᠠᠭᠤᠯᠠᠵᠤ ᠰᠣᠷᠤᠭᠠᠳ ᠲᠤᠷᠭᠠᠨ ᠬᠤᠭᠤᠯᠠᠢ ᠪᠠᠷ ᠢᠶᠠᠨ ᠤᠶᠠᠩᠭᠠᠯᠠᠵᠤ ᠶᠠᠪᠤᠳᠠᠭ᠃ | ᠣᠳᠣ ᠲᠠᠪᠢ ᠶᠢᠨ ᠳᠠᠪᠠᠭᠠ ᠶᠢ ᠳᠠᠪᠠᠵᠤ ᠶᠠᠪᠤᠭᠠ ᠰᠡᠴᠡᠨ ᠠᠭᠲᠠ ᠶᠢᠨ ᠨᠢᠷᠤᠭᠤᠨ ᠳᠤ ᠬᠠᠷᠴᠠᠭᠠᠢ ᠪᠦᠷᠭᠦᠳ ᠰᠢᠭ ᠲᠡᠭᠦᠯᠢᠨ᠂ ᠠᠭᠤᠳᠠᠮ ᠰᠠᠷᠠᠭᠤᠯ ᠠᠷᠤ | ᠭᠦᠨ ᠤ ᠲᠠᠯᠠ ᠳᠡᠭᠡᠷᠡ ᠭᠤᠷᠪᠠᠨ ᠦᠶᠡ ᠪᠠᠷ ᠢᠶᠠᠨ ᠠᠳᠣᠭᠤ ᠮᠠᠯ ᠤᠨ ᠢᠶᠠᠨ ᠬᠡᠰᠢᠭ ᠲᠤ ᠵᠢᠷᠭᠠᠯᠲᠤ ᠠᠮᠢᠳᠣᠷᠠᠯ ᠢᠶᠠᠨ ᠴᠣᠭᠴᠠᠯᠠᠨ᠂ ᠠᠳᠣᠭᠤᠨ ᠰᠣᠶᠣᠯ ᠢᠶᠠᠨ | ᠦᠷᠡ ᠬᠤᠶᠢᠴᠢᠰ ᠲᠤ ᠪᠠᠨ ᠦᠪᠯᠡᠭᠦᠯᠦᠨ ᠤᠯᠠᠮᠵᠢᠯᠠᠵᠤ ᠶᠠᠪᠤᠨᠠ᠃ | | | | | | | | | | ᠪᠠᠶᠠᠨ ᠨᠠᠭᠤᠷ ᠤᠨ ᠡᠳᠦᠷ ᠤᠨ ᠰᠣᠨᠢᠨ ᠠᠴᠠ ᠪᠠᠭᠤᠯᠭᠠᠪᠠ | | | | | |