| ᠤᠷᠠᠳ ᠤᠨ ᠲᠤᠮᠲᠠᠲᠤ ᠬᠤᠰᠢᠭᠤᠨ ᠤ ᠪᠠᠶᠠᠨᠬᠠᠲᠠᠢ ᠰᠤᠮᠤᠨ ᠤ ᠵᠤᠰᠠᠮᠠᠯ ᠭᠠᠴᠠᠭᠠᠨ ᠳᠤ ᠪᠠᠶᠢᠷᠢᠰᠢᠭᠠ ᠰᠢᠷᠡᠭᠡ ᠶᠢᠨ ᠰᠦᠮᠡ ᠳᠤ ᠲᠠ ᠤᠴᠢᠵᠦ | ᠦᠩᠭᠡᠷᠡᠭᠰᠡᠨ ᠤᠤ︖ ᠰᠢᠳᠢᠳᠦ ᠤᠮᠲᠠᠭᠠᠨ ᠰᠢᠷᠡᠭᠡ ᠶᠢᠨ ᠷᠠᠰᠢᠶᠠᠨ ᠭᠡᠵᠤ ᠠᠯᠢ ᠡᠷᠲᠡ ᠠᠴᠠ ᠠᠯᠲᠠᠷᠰᠢᠭᠰᠠᠨ ᠷᠠᠰᠢᠶᠠᠨ ᠢ ᠲᠠ ᠤᠤᠭᠤᠵᠤ ᠦᠵᠡᠭᠰᠡᠨ ᠤᠤ︖ | ᠬᠤᠰᠢᠭᠤᠨ ᠲᠦᠪ ᠬᠠᠯᠢᠭᠤᠲᠤ ᠪᠠᠯᠭᠠᠰᠤᠨ ᠠᠴᠠ ᠰᠢᠨᠡᠬᠦ᠋ᠷᠢᠶᠠ ᠰᠤᠮᠤ ᠬᠦᠷᠬᠦ ᠲᠡᠷᠭᠡᠨ ᠳᠤ ᠰᠠᠭᠤᠵᠤ ᠨᠠᠢᠮᠠ ᠶᠢᠰᠦᠨ ᠺᠢᠯᠤᠮᠲ᠋ᠧᠷ ᠶᠠᠪᠤᠭᠠᠳ ᠪᠠᠶᠠᠨᠬᠠᠲᠠᠢ ᠰᠤᠮᠤᠨ ᠤ | ᠲᠡᠪᠰᠡᠭ ᠤᠨ ᠤᠪᠤᠭᠠ ᠬᠦᠷᠦᠭᠡᠳ ᠬᠤᠶᠢᠰᠢ ᠰᠠᠯᠠᠭᠠ ᠵᠠᠮ ᠢᠶᠠᠷ ᠲᠠᠪᠤ ᠵᠢᠷᠭᠤᠭᠠᠨ ᠭᠠᠵᠠᠷ ᠶᠠᠪᠤᠪᠠᠯ ᠲᠦᠷᠪᠡᠨ ᠲᠠᠯᠠ ᠪᠠᠷ ᠢᠶᠠᠨ ᠠᠭᠤᠯᠠᠨ ᠳᠤ ᠬᠦᠷᠢᠶᠡᠯᠡᠭᠲᠡᠭᠰᠡᠨ | ᠬᠠᠪᠴᠢᠯ ᠳᠤ ᠤᠷᠤᠬᠤ ᠳᠤ ᠡᠪᠲᠡᠷᠡᠵᠦ ᠨᠤᠷᠠᠭᠰᠠᠨ ᠰᠦᠮᠠ ᠶᠢᠨ ᠪᠠᠭᠤᠷᠢ ᠬᠠᠷᠠᠭᠲᠠᠬᠤ ᠪᠤᠯᠤᠨᠠ᠃ ᠡᠨᠡ ᠪᠤᠯ ᠲᠠᠷᠤᠢ ᠲᠡᠤᠭᠡᠨᠠ ᠠᠯᠲᠠᠷᠰᠢᠭᠰᠠᠨ ᠰᠢᠷᠡᠭᠡ ᠶᠢᠨ | ᠰᠦᠮᠠ ᠪᠤᠯᠤᠨᠠ᠃ | ᠰᠢᠷᠡᠭᠡ ᠶᠢᠨ ᠰᠦᠮᠠ ᠶᠢᠨ ᠠᠷᠤ ᠠᠭᠤᠯᠠ ᠶᠢ ᠬᠠᠷᠠ ᠪᠤᠩᠬᠤᠨ᠂ ᠵᠡᠬᠦᠨ ᠠᠭᠤᠯᠠ ᠶᠢ ᠬᠠᠶᠢᠯᠠᠰᠤᠲᠠᠢ᠂ ᠵᠡᠬᠦᠨ ᠬᠦᠲᠦᠯ ᠢ ᠨᠠᠷᠡᠨ ᠭᠡᠮᠵᠢᠶᠡᠲᠦ᠂ ᠡᠮᠦᠨᠠ | ᠠᠭᠤᠯᠠ ᠶᠢ ᠭᠡᠮᠫᠢ᠂ ᠪᠠᠷᠠᠭᠤᠨ ᠡᠮᠦᠨᠡᠬᠢ ᠠᠭᠤᠯᠠ ᠶᠢ ᠠᠭᠤᠯᠠᠨ ᠤᠪᠤᠭᠠ᠂ ᠪᠠᠷᠠᠭᠤᠨ ᠬᠤᠶᠢᠲᠤ ᠠᠭᠤᠯᠠ ᠶᠢ ᠦᠷᠬᠦᠬᠦᠯ ᠠᠭᠤᠢ ᠭᠡᠬᠦ ᠪᠠ ᠲᠡᠬᠦᠨ ᠤ ᠪᠠᠷᠠᠭᠤᠨ | ᠡᠮᠦᠨᠡᠬᠢ ᠬᠦᠲᠦᠯ ᠢ ᠬᠠᠷᠠ ᠭᠡᠷᠰᠡᠩ ᠭᠡᠲᠡᠭ᠃ ᠰᠢᠲᠦᠭᠡᠨ ᠲᠤᠭᠠᠩ ᠤᠨ ᠠᠷᠤ ᠳᠠᠬᠢ ᠱᠤᠪᠤᠭᠤᠷ ᠠᠭᠤᠯᠠ ᠶᠢᠨ ᠤᠷᠤᠢ ᠲᠡᠭᠡᠷᠡ ᠵᠠᠰᠠᠭᠠᠳ ᠲᠠᠯᠪᠢᠭᠰᠠᠨ ᠶᠤᠮᠰᠢᠭ | ᠮᠠᠰᠢ ᠪᠦᠲᠦᠭᠦᠨ ᠠᠰᠬᠠ ᠬᠠᠲᠠ ᠰᠡᠬᠦᠶᠢᠨ ᠪᠤᠰᠤᠭᠰᠠᠨ ᠪᠠᠶᠢᠲᠠᠭ᠂ ᠡᠬᠦᠨ ᠢ ︽ᠢᠯᠠᠭᠤᠭᠰᠠᠨ ᠴᠢᠮᠡᠭ︾ ᠭᠡᠵᠤ ᠨᠡᠷᠡᠯᠡᠲᠡᠭ ᠪᠦᠭᠡᠳ ᠡᠷᠡ ᠪᠡᠯᠭᠡ ᠶᠢᠨ ᠬᠦᠢᠰᠤ ᠶᠢ | ᠲᠦᠯᠦᠭᠡᠯᠡᠲᠡᠭ ᠪᠠᠶᠢᠨᠠ᠃ ᠰᠦᠮᠠ ᠶᠢᠨ ᠪᠠᠷᠠᠭᠤᠨ ᠡᠮᠦᠨᠡ ᠲᠠᠯᠠ ᠳᠤ ᠪᠠᠷᠠᠭᠤᠨ ᠬᠤᠶᠢᠰᠢ ᠪᠠᠨ ︽ᠢᠯᠠᠭᠤᠭᠰᠠᠨ ᠴᠢᠮᠡᠭ︾ ᠢ ᠬᠠᠨᠲᠤᠭᠰᠠᠨ ᠬᠠᠪᠴᠢᠯ ᠲᠠᠢ᠂ | ᠬᠠᠪᠴᠢᠯ ᠤᠨ ᠬᠤᠶᠠᠷ ᠲᠠᠯᠠ ᠲᠡᠭᠡᠷᠡ ᠨᠢ ᠲᠤᠰ ᠪᠦᠷᠢ ᠨᠢᠭᠡ ᠴᠠᠭᠠᠨ ᠰᠤᠪᠤᠷᠭᠠ ᠪᠠᠶᠢᠭᠤᠯᠵᠠᠢ᠃ ᠡᠨᠡ ᠭᠠᠵᠠᠷ ᠢ ᠡᠮᠡ ᠪᠡᠯᠭᠡ ᠶᠢᠨ ᠬᠦᠢᠰᠦ ᠶᠢ ᠲᠦᠯᠦᠭᠡᠯᠡᠲᠡᠭ | ᠪᠠᠶᠢᠨᠠ᠃ ᠦᠭᠡᠷᠡ ᠪᠠᠷ ᠭᠡᠯᠡᠪᠡᠯ ᠡᠨᠡ ᠰᠦᠮᠡ ᠶᠢᠨ ᠪᠠᠶᠢᠷᠢᠯᠠᠭᠠ ᠭᠠᠵᠠᠷ ᠲᠤ ᠠᠷᠭᠠ ᠪᠢᠯᠢᠭ ᠵᠡᠷᠭᠡᠴᠡᠨ ᠤᠷᠤᠰᠢᠭᠰᠠᠨ ᠭᠠᠶᠢᠬᠠᠮᠰᠢᠭᠲᠤ ᠭᠠᠵᠠᠷ ᠪᠤᠯᠤᠨᠠ᠃ | ᠲᠡᠤᠭᠡᠨ ᠳᠤ᠂ ᠰᠤᠪᠤᠷᠭᠠ ᠶᠢᠨ ᠲᠤᠭᠤᠷᠢᠨ ᠳᠤ ᠨᠠᠢᠮᠠᠨ ᠭᠠᠨᠳᠢᠭ ᠴᠢᠯᠠᠭᠤᠨ ᠠᠷᠰᠯᠠᠨ ᠲᠠᠯᠪᠢᠵᠦ᠂ ᠲᠤᠰ ᠠᠷᠰᠯᠠᠨ ᠨᠤᠭᠤᠳ ᠤᠨ ᠬᠦᠯ ᠠᠴᠠ ᠨᠢ ᠬᠤᠷᠤᠬᠠᠢ | ᠭᠡᠯᠪᠡᠷᠢᠲᠦ ᠨᠠᠷᠢᠨ ᠲᠡᠮᠦᠷ ᠲᠡᠭᠡᠰᠤ ᠪᠠᠷ ᠤᠭᠤᠰᠤᠷᠯᠠᠨ ᠰᠤᠪᠤᠷᠭᠠ ᠶᠢᠨ ᠤᠷᠤᠢ ᠲᠠᠢ ᠬᠤᠯᠪᠤᠭᠰᠠᠨ ᠪᠠᠶᠢᠲᠠᠭ᠃ ᠡᠨᠡᠬᠦ ᠬᠠᠪᠴᠢᠯ ᠢ ᠦᠭᠡᠲᠡᠯᠡᠨ ᠵᠠᠭᠤ ᠭᠠᠷᠤᠢ ᠮᠧᠲᠷ | ᠶᠠᠪᠤᠪᠠᠯ ᠨᠠᠷᠢᠨ ᠤᠷᠤᠰᠬᠠᠯ ᠲᠠᠢ ᠭᠤᠤᠯ ᠤᠨ ᠡᠮᠦᠨᠡ ᠲᠠᠯᠠ ᠳᠤ ᠪᠤᠯᠠᠭ ᠲᠠᠢ ᠪᠠᠶᠢᠵᠤ᠂ ᠪᠤᠯᠠᠭ ᠤᠨ ᠢᠷᠤᠭᠠᠷ ᠤᠨ ᠭᠡᠰᠡᠭ ᠲᠤ ᠲᠤᠮᠤ ᠱᠠᠭᠠᠵᠠᠩ ᠤᠨ ᠴᠢᠨᠡᠭᠡᠨ | ᠭᠤᠷᠪᠠᠨ ᠴᠢᠨᠲᠠᠮᠤᠨᠢ ᠨᠦᠭᠡ ᠪᠠᠷ ᠷᠠᠰᠢᠶᠠᠨ ᠲᠠᠰᠤᠷᠠᠯᠲᠠ ᠦᠭᠡᠢ ᠤᠨᠲᠤᠷᠤᠳᠠᠭ ᠪᠠᠶᠢᠨᠠ᠃ | ᠰᠢᠲᠦᠭᠡᠨ ᠲᠤᠭᠠᠩ ᠤᠨ ᠡᠮᠦᠨᠡ ᠲᠤᠤᠷᠠᠬᠢ ᠦᠨᠲᠦᠷ ᠭᠠᠴᠠᠭᠠᠨ ᠳᠤ ︽ᠲᠢᠶᠠᠨᠴᠢ ᠶᠢᠨ ᠠᠭᠤᠢ︾ ᠲᠠᠢ᠃ ︽ᠲᠢᠶᠠᠨᠴᠢ ᠶᠢᠨ ᠠᠭᠤᠢ︾ ᠠᠴᠠ ᠲᠡᠭᠡᠭᠰᠢ | ᠬᠠᠲᠠᠨ ᠭᠠᠴᠠᠭᠠ ᠶᠢ ᠴᠢᠯᠠᠭᠤ ᠪᠠᠷ ᠲᠡᠭᠲᠡᠷᠯᠡᠨ ᠦᠷᠦᠵᠦ᠂ ᠷᠠᠰᠠᠩ ᠲᠤᠭᠠᠩ ᠤᠨ ᠵᠡᠬᠦᠨ ᠡᠮᠦᠨᠡ ᠠᠴᠠ ᠪᠠᠷᠠᠭᠤᠨ ᠡᠮᠦᠨᠠ ᠬᠦᠷᠲᠡᠯᠠ ᠰᠦᠮᠠ ᠶᠢᠨ ᠡᠬᠦᠲᠡ ᠶᠢ | ᠬᠠᠰᠢᠵᠦ᠂ ᠮᠧᠲᠷ ᠦᠨᠲᠦᠷ ᠴᠢᠯᠠᠭᠤᠨ ᠭᠡᠷᠡᠮ ᠦᠷᠦᠵᠦ ᠬᠠᠰᠢᠯᠭᠠ ᠪᠤᠯᠭᠠᠨ ᠵᠠᠰᠠᠭᠰᠠᠨ ᠶᠤᠮ᠃ ᠠᠷᠠᠳ ᠤᠨ ᠶᠠᠷᠢᠶᠠᠨ ᠳᠤ ︽ᠲᠢᠶᠠᠨᠴᠢ ᠶᠢᠨ ᠠᠭᠤᠢ︾ ᠲᠤᠲᠤᠷᠠ | ᠰᠠᠩ ᠲᠠᠯᠪᠢᠪᠠᠯ ᠢᠯᠠᠭᠤᠭᠰᠠᠨ ᠴᠢᠮᠡᠭ ᠤᠨ ᠤᠷᠤᠢ ᠪᠠᠷ ᠰᠠᠩ ᠤᠨ ᠤᠲᠤᠭᠠ ᠨᠢ ᠭᠠᠷᠲᠠᠭ ᠪᠠᠶᠢᠯᠠ ᠭᠡᠲᠡᠭ᠃ ᠤᠷᠤᠭᠠ ᠪᠤᠰᠤᠭᠠ ᠲᠡᠤᠭᠡ ᠶᠢᠨ ᠤᠯᠪᠠᠭᠠ ᠪᠠᠷ | ᠲᠡᠮᠵᠢᠨ ᠦᠨᠦᠲᠦᠷ ᠪᠤᠯᠬᠤ ᠳᠤ ᠡᠨᠡᠬᠦ ᠬᠠᠴᠢᠨ ᠦᠵᠡᠭᠲᠡᠯ ᠲᠡᠬᠢᠨ ᠬᠠᠷᠠᠭᠲᠠᠬᠤ ᠪᠠᠨ ᠪᠤᠯᠢᠵᠠᠢ᠃ ᠲᠡᠭᠡᠪᠡᠯ ᠰᠢᠷᠡᠭᠡ ᠶᠢᠨ ᠰᠦᠮᠡ ᠪᠠᠶᠢᠭᠤᠯᠤᠭᠲᠠᠭᠰᠠᠨ ᠲᠤᠬᠠᠢ | ᠪᠠᠰᠠ ᠨᠢᠭᠡᠨ ᠰᠠᠶᠢᠬᠠᠨ ᠲᠤᠮᠤᠭ ᠤᠯᠠᠮᠵᠢᠯᠠᠭᠲᠠᠵᠤ ᠪᠠᠶᠢᠲᠠᠭ᠃ ᠪᠠᠲᠠᠷᠠᠯᠲᠤ ᠲᠦᠷᠦ ᠶᠢᠨ ᠠᠩᠬᠠᠲᠤᠭᠠᠷ ᠤᠨ ︵1875 ᠤᠨ︶ ᠳᠤ ᠳ᠋ᠧᠽᠦ᠋ᠩ ᠬᠠᠭᠠᠨ ᠤ | ᠡᠭᠡ ᠨᠢ ᠪᠡᠭᠡᠵᠢᠩ ᠬᠤᠲᠠᠨᠠ ᠨᠠᠰᠤ ᠨᠦᠭᠴᠢᠭᠰᠡᠨ ᠳᠤ ᠬᠠᠭᠠᠨ ᠡᠵᠡᠨ ᠴᠢᠭᠤᠯᠭᠠᠨ ᠬᠤᠷᠠᠵᠤ ᠵᠠᠷᠯᠢᠭ ᠪᠠᠭᠤᠯᠭᠠᠨ᠄ ︽ᠮᠢᠨᠤ ᠡᠵᠢ ᠶᠢᠨ ᠨᠦᠭᠴᠢᠭᠰᠡᠨ ᠰᠦᠨᠠᠰᠤ ᠶᠢ | ᠪᠤᠷᠬᠠᠨ ᠪᠤᠳᠢᠰᠠᠳ᠋ᠸᠠ ᠶᠢᠨ ᠤᠷᠤᠨ ᠳᠤ ᠬᠦᠷᠭᠡᠵᠦ ᠴᠢᠲᠠᠬᠤ ᠡᠷᠲᠡᠮᠲᠤ ᠯᠠᠮᠠ ᠬᠠᠮᠢᠭᠠ ᠪᠠᠶᠢᠬᠤ ᠪᠤᠢ︖︾ ᠭᠡᠮᠡᠨ ᠰᠠᠶᠢᠳ ᠲᠦᠰᠢᠮᠡᠳ ᠠᠴᠠ ᠪᠠᠨ | ᠠᠰᠠᠭᠤᠭᠰᠠᠨ ᠳᠤ ᠰᠢᠡᠵᠢᠭᠴᠢ ᠰᠠᠶᠢᠳ᠄ ︽ᠪᠠᠷᠠᠭᠤᠨ ᠬᠤᠶᠢᠲᠤ ᠵᠦᠭ ᠤᠨ ᠠᠯᠤᠰ ᠲᠠᠬᠢ ᠬᠠᠲᠠᠨ ᠠᠭᠤᠢ ᠶᠢᠨ ᠲᠤᠲᠤᠷᠠ ᠨᠢᠭᠡᠨ ᠠᠷᠰᠢ ᠯᠠᠮᠠ ᠪᠠᠶᠢᠮᠤᠢ᠂ ᠲᠡᠷᠡ | ᠬᠦᠮᠦᠨ ᠡᠵᠡᠨ ᠬᠠᠭᠠᠨ ᠤ ᠡᠵᠢ ᠶᠢᠨ ᠨᠦᠭᠴᠢᠭᠰᠡᠨ ᠰᠦᠨᠡᠰᠤ ᠶᠢ ᠪᠤᠷᠬᠠᠨ ᠪᠤᠳᠢᠰᠠᠳ᠋ᠸᠠ ᠶᠢᠨ ᠤᠷᠤᠨᠠ ᠬᠦᠷᠭᠡᠵᠦ ᠴᠢᠲᠠᠮᠤᠢ︾ ᠭᠡᠵᠤ ᠠᠶᠢᠯᠠᠳᠬᠠᠪᠠ᠃ ᠡᠵᠡᠨ | ᠬᠠᠭᠠᠨ ᠡᠬᠦᠨ ᠢ ᠰᠤᠨᠤᠰᠤᠭᠠᠳ ᠮᠠᠰᠢᠲᠠ ᠪᠠᠶᠠᠷᠯᠠᠨ ᠲᠠᠷᠦ᠋ᠢᠬᠠᠨ ᠵᠠᠯᠠᠵᠤ ᠠᠪᠴᠢᠷᠠᠭᠲᠤᠨ ᠭᠡᠵᠤ ᠵᠠᠷᠯᠢᠭ ᠪᠤᠯᠪᠠ᠃ ᠰᠢᠡᠵᠢᠭᠴᠢ ᠰᠠᠶᠢᠳ ᠬᠦᠰᠭᠡ ᠲᠡᠷᠭᠡ ᠪᠠᠷ | ᠪᠠᠷᠠᠭᠤᠨ ᠬᠤᠶᠢᠲᠤ ᠵᠦᠭ ᠢ ᠵᠤᠷᠢᠨ ᠶᠠᠪᠤᠭᠰᠠᠭᠠᠷ ᠪᠠᠶᠢᠵᠤ᠂ ᠨᠢᠭᠡᠨ ᠡᠲᠦᠷ ᠤᠨ ᠨᠠᠷᠠᠨ ᠵᠢᠷᠭᠠᠬᠤ ᠶᠢᠨ ᠦᠶᠡ ᠪᠠᠷ ᠰᠢᠷᠡᠭᠡ ᠶᠢᠨ ᠠᠭᠤᠯᠠᠨ ᠳᠤ ᠬᠦᠷᠴᠦ ᠠᠷᠰᠢ | ᠯᠠᠮᠠ ᠳᠤ ᠢᠷᠡᠭᠰᠡᠨ ᠵᠤᠷᠢᠯᠭᠠ ᠪᠠᠨ ᠲᠤᠲᠤᠷᠬᠠᠶᠢᠯᠠᠭᠰᠠᠨ ᠳᠤ ᠠᠷᠰᠢ ᠯᠠᠮᠠ᠄ ︽ᠪᠤᠯᠤᠨᠠ︾ ᠭᠡᠵᠤ ᠵᠦᠪᠰᠢᠶᠡᠷᠡᠭᠡᠳ ᠪᠡᠯᠡᠳᠭᠡᠵᠦ ᠢᠷᠡᠭᠰᠡᠨ ᠰᠠᠤᠭᠡᠨ ᠳᠤᠨᠢ | ᠰᠠᠭᠤᠭᠰᠠᠨ ᠦᠭᠡᠢ ᠶᠠᠪᠠᠭᠠᠨ ᠢᠶᠠᠷ ᠪᠡᠭᠡᠵᠢᠩ ᠬᠤᠲᠠᠨᠠ ᠬᠦᠷᠬᠦ ᠵᠠᠮ ᠳᠤ ᠪᠠᠨ ᠤᠷᠤᠯᠠ᠃ ᠡᠪᠤᠭᠡᠨ ᠠᠷᠰᠢ ︽ᠶᠠᠮᠠᠲᠠᠨ ᠪᠤᠷᠬᠠᠨ︾ ᠪᠡᠶᠡ ᠪᠠᠷ ᠪᠦᠲᠦᠵᠦ ᠵᠠᠯᠠᠷᠠᠨ | ᠪᠠᠭᠤᠬᠤ ᠳᠤ᠂ ᠡᠵᠡᠨ ᠬᠠᠭᠠᠨ ᠦᠪᠡᠷ ᠤᠨ ᠪᠡᠶᠡ ᠪᠠᠷ ᠢᠶᠠᠨ ᠭᠠᠷᠴᠤ ᠠᠯᠲᠠ ᠮᠦᠩᠬᠦ᠂ ᠮᠠᠩᠨᠤᠭ ᠲᠤᠷᠭᠠ ᠵᠡᠷᠭᠡ ᠶᠢ ᠬᠦᠷᠭᠡᠨ᠂ ᠬᠦᠵᠢ ᠵᠤᠯᠠ ᠠᠰᠠᠭᠠᠨ ᠵᠠᠯᠠᠯᠭᠠ | ᠲᠡᠯᠪᠢᠨ ᠤᠭᠲᠤᠵᠤ᠂ ᠰᠢᠲᠦᠭᠡᠨ ᠤ ᠤᠷᠲᠤᠨ ᠳᠤ ᠪᠠᠨ ᠪᠠᠭᠤᠯᠭᠠᠨ᠂ ᠲᠦᠷᠦ ᠶᠢᠨ ᠪᠡᠯᠪᠡᠰᠤᠷᠠᠯ ᠤᠨ ᠶᠤᠰᠤᠭᠠᠷ ᠮᠡᠨᠲᠦᠯᠡᠵᠦ᠂ ᠵᠠᠯᠠᠵᠤ ᠰᠠᠭᠤᠯᠭᠠᠵᠠᠢ᠃ ᠲᠠᠷᠠᠭᠠ | ᠦᠷᠯᠦᠭᠡ ᠨᠢ ᠡᠪᠦᠭᠡᠨ ᠠᠷᠰᠢ᠄ ︽ᠲᠠᠨᠠᠷ ᠭᠠᠲᠠᠨᠠ ᠭᠠᠷᠴᠤ ᠤᠭᠲᠠᠷᠭᠤᠢ ᠶᠢ ᠪᠠᠷᠠᠭᠠᠯᠠᠭᠲᠤᠨ︕ ᠡᠵᠨᠨ ᠬᠠᠭᠠᠨ ᠤ ᠡᠵᠢ ᠶᠢᠨ ᠴᠢᠨᠲᠡᠷ ᠤᠨ ᠭᠡᠷ ᠤᠨ ᠤᠷᠤᠢ ᠠᠴᠠ | ᠤᠷᠲᠤ ᠴᠠᠭᠠᠨ ᠰᠤᠭᠤᠨᠠᠭ ᠲᠡᠭᠲᠡᠵᠦ ᠬᠠᠮᠢᠭᠠᠰᠢ ᠤᠳᠬᠤ ᠶᠢ ᠨᠠᠲᠤᠷ ᠮᠡᠲᠡᠬᠦᠯ︾ ᠭᠡᠵᠡᠢ᠃ ᠡᠵᠡᠨ ᠬᠠᠭᠠᠨ ᠤᠯᠠᠨ ᠰᠠᠶᠢᠳ ᠲᠦᠰᠢᠮᠡᠯ ᠤᠨ ᠬᠠᠮᠲᠤ ᠴᠢᠨᠲᠠᠷ ᠤᠨ | ᠭᠡᠷ ᠤᠨ ᠤᠷᠤᠢ ᠶᠢ ᠪᠠᠷᠠᠭᠠᠯᠠᠵᠤ ᠪᠠᠶᠢᠲᠠᠯᠠ ᠦᠨᠡᠭᠡᠷ ᠨᠢᠭᠡᠨ ᠤᠷᠲᠤ ᠴᠠᠭᠠᠨ ᠰᠤᠭᠤᠨᠠᠭ ᠲᠠᠲᠠᠵᠤ ᠪᠠᠷᠠᠭᠠᠳ ᠬᠤᠶᠢᠲᠤ ᠵᠦᠭ ᠲᠤ ᠲᠡᠭᠲᠡᠨ ᠤᠭᠲᠠᠷᠭᠤᠢ ᠳᠤ | ᠰᠢᠩᠭᠡᠨ ᠵᠠᠮᠬᠠᠷᠠᠵᠤᠬᠤᠢ᠃ ᠡᠬᠦᠨ ᠢ ᠮᠡᠲᠡᠬᠦᠯᠬᠦ ᠳᠤ ᠡᠪᠦᠭᠡᠨ ᠠᠷᠰᠢ᠄ ︽ᠡᠶᠢᠮᠤ ᠪᠤᠯᠪᠠᠰᠤ ᠡᠵᠡᠨ ᠬᠠᠭᠠᠨ ᠤ ᠡᠵᠢ ᠶᠢᠨ ᠰᠦᠨᠡᠰᠤ ᠢᠨᠤ ᠪᠤᠷᠬᠠᠨ ᠪᠤᠳᠢᠰᠠᠳ᠋ᠸᠠ ᠶᠢᠨ | ᠤᠷᠤᠨ ᠳᠤ ᠬᠦᠷᠴᠦᠬᠦᠢ︾ ᠭᠡᠮᠡᠨ ᠦᠬᠦᠯᠡᠵᠦ᠂ ᠤᠲᠤ ᠴᠢᠨᠲᠠᠷ ᠢ ᠨᠢ ᠲᠡᠭᠡᠲᠦᠰ ᠤᠨ ᠪᠤᠩᠬᠤᠨ ᠳᠤ ᠤᠷᠤᠰᠢᠭᠤᠯᠲᠤᠭᠠᠢ ᠭᠡᠪᠡ᠃ ᠡᠬᠦᠨ ᠠᠴᠠ ᠡᠵᠡᠨ ᠬᠠᠭᠠᠨ ᠠᠷᠰᠢ | ᠬᠠᠭᠠᠨ ᠠᠷᠰᠢ ᠯᠠᠮᠠ ᠶᠢᠨ ᠡᠷᠲᠡᠮ ᠴᠢᠲᠠᠪᠤᠷᠢ ᠶᠢ ᠶᠡᠭᠡᠲᠡ ᠪᠢᠰᠢᠷᠡᠵᠦ᠂ ᠲᠡᠬᠦᠨ ᠳᠤ ᠲᠤᠭᠠᠩ ᠰᠦᠮᠠ ᠪᠠᠶᠢᠭᠤᠯᠤᠨ ᠰᠢᠲᠦᠭᠡᠨ ᠪᠤᠷᠬᠠᠨ ᠲᠠᠬᠢᠭᠤᠯᠬᠤ ᠶᠢᠨ ᠲᠦᠯᠦᠭᠡ | ᠶᠢᠰᠤ ᠶᠢᠰᠤ ᠨᠠᠶᠠᠨ ᠨᠢᠭᠡᠨ ᠵᠦᠢᠯ ᠤᠨ ᠪᠡᠯᠡᠭ ᠢ ᠰᠤᠩᠭᠤᠨ ᠪᠤᠲᠤᠭᠲᠤ ᠠᠯᠲᠠᠨ ᠯᠤᠤ ᠶᠢᠨ ᠬᠤᠸᠠᠷ ᠲᠠᠢ ᠬᠤᠶᠠᠷ ᠰᠤᠷᠢᠨᠵᠢᠨ ᠬᠦᠷᠲᠦᠲᠤ ᠠᠪᠲᠠᠷᠠ ᠳᠤ ᠬᠢᠵᠦ | ᠬᠦᠷᠭᠡᠭᠰᠡᠨ ᠪᠦᠭᠡᠳ ᠲᠠᠪᠤᠨ ᠵᠢᠯ ᠤᠨ ᠬᠤᠭᠤᠴᠠᠭᠠᠨ ᠳᠤ ᠰᠢᠷᠡᠭᠡ ᠶᠢᠨ ᠰᠦᠮᠠ ᠶᠢ ᠪᠠᠶᠢᠭᠤᠯᠤᠨ ᠪᠦᠲᠦᠭᠡᠭᠰᠡᠨ ᠪᠠᠶᠢᠨᠠ᠃ | ᠰᠢᠷᠡᠭᠡ ᠶᠢᠨ ᠰᠦᠮᠠ ᠨᠢ ᠰᠢᠲᠦᠭᠡᠨ ᠲᠤᠭᠠᠩ᠂ ᠷᠠᠰᠠᠩ ᠲᠤᠭᠠᠩ᠂ ᠬᠦᠭᠡ ᠰᠦᠮᠠ᠂ ᠨᠦᠩᠨᠠᠢ ᠲᠤᠭᠠᠩ᠂ ᠭᠠᠨᠵᠤᠤᠷ ᠲᠤᠭᠠᠩ᠂ ᠯᠠᠪᠷᠤᠩ᠂ ᠷᠦᠩᠺᠠᠩ | ︵ᠬᠤᠭᠤᠯᠠᠨ ᠭᠡᠷ︶᠂ ᠵᠢᠰᠠ ᠶᠢᠨ ᠵᠠᠪᠠ ︵ᠡᠳ᠋ ᠤᠨ ᠵᠠᠰᠠᠭ︶ ᠵᠡᠷᠭᠡ ᠪᠠᠷᠢᠯᠭᠠ ᠪᠠᠷ ᠪᠦᠷᠢᠯᠲᠦᠵᠦ᠂ ᠬᠦᠭᠵᠢᠯ ᠤᠨ ᠱᠠᠲᠤᠨ ᠳᠤ ᠪᠠᠨ ᠭᠡᠲᠦᠨ ᠵᠠᠭᠤᠨ ᠯᠠᠮᠠ ᠱᠠᠪᠢ | ᠲᠠᠢ ᠲᠤᠮᠤ ᠰᠦᠮᠠ ᠪᠠᠶᠢᠵᠤ᠂ ᠦᠯᠡᠲᠡᠵᠦ ᠬᠤᠴᠤᠷᠤᠭᠰᠠᠨ ᠪᠠᠭᠤᠷᠢ ᠠᠴᠠ ᠨᠢ ᠬᠤᠯᠠ ᠤᠶᠢᠷᠠ ᠶᠢᠨ ᠮᠦᠷᠬᠦᠯᠴᠢᠳ ᠰᠤᠪᠤᠷᠠᠭᠰᠠᠨ ᠱᠠᠰᠢᠨ ᠤ ᠤᠷᠤᠨ ᠪᠠᠶᠢᠭᠰᠠᠨ ᠢ | ᠮᠡᠲᠡᠵᠦ ᠪᠤᠯᠤᠨᠠ᠃ ᠰᠢᠷᠡᠭᠡ ᠶᠢᠨ ᠰᠦᠮᠡ ᠨᠢ ᠤᠷᠤᠭᠠ ᠪᠤᠰᠤᠭᠠ ᠲᠡᠤᠭᠡ ᠶᠢᠨ ᠰᠠᠯᠬᠢ ᠰᠢᠭᠤᠷᠭᠠᠨ ᠳᠤ ᠦᠨᠲᠦᠰᠦᠲᠠᠨ ᠤ ᠮᠢᠨᠢ ᠰᠤᠶᠤᠯ ᠤᠨ ᠬᠤᠪᠤᠷ ᠡᠷᠲᠡᠨᠢᠰ | ᠦᠨᠡᠰᠤᠨ ᠲᠤᠪᠤᠷᠠᠭ ᠪᠤᠯᠵᠤ᠂ ᠦᠯᠡᠲᠡᠵᠦ ᠬᠤᠴᠤᠷᠤᠭᠰᠠᠨ ᠨᠤᠷᠠ ᠲᠦᠷᠢ ᠨᠢ ᠦᠴᠦᠭᠡᠲᠦᠷ ᠤᠨ ᠬᠦᠭᠵᠢᠯ ᠴᠡᠴᠡᠭᠯᠡᠯ ᠢ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠶᠠᠷᠢᠵᠦ | ᠪᠠᠶᠢᠯᠠ᠃ ᠤᠷᠴᠢᠮ ᠤᠨ ᠭᠡᠲᠦᠨ ᠵᠢᠯ ᠲᠦᠷᠦ ᠶᠢᠨ ᠪᠤᠲᠤᠯᠭᠠ ᠶᠢᠨ ᠲᠤᠶᠠᠭᠠᠯᠠᠯ ᠲᠤᠤᠷᠠ᠂ ᠰᠢᠷᠡᠭᠡ ᠰᠦᠮᠡ ᠨᠢ ᠵᠠᠷᠢᠮ ᠪᠠᠷᠢᠯᠭᠠ ᠪᠠᠨ ᠰᠡᠷᠬᠦᠭᠡᠨ ᠵᠠᠰᠠᠵᠤ᠂ | ᠱᠠᠰᠢᠨ ᠤ ᠠᠵᠢᠯᠯᠠᠭᠠ ᠪᠠᠨ ᠡᠬᠢᠯᠡᠬᠦᠯᠵᠦ᠂ ᠡᠯᠡᠰᠤ ᠬᠠᠶᠢᠷ ᠲᠤ ᠲᠠᠷᠤᠭᠲᠠᠭᠠᠳ ᠤᠨ ᠵᠢᠯ ᠤᠲᠠᠭᠰᠠᠨ ᠷᠠᠰᠢᠶᠠᠨ ᠪᠤᠯᠠᠭ ᠨᠢ ᠴᠦ ᠠᠮᠢᠯᠠᠯ ᠤᠨ ᠬᠦᠴᠦᠨ ᠢᠶᠠᠨ ᠤᠯᠵᠤ᠂ | ᠲᠦᠷᠪᠡᠨ ᠵᠦᠭ ᠨᠠᠢᠮᠠᠨ ᠵᠤᠪᠬᠢᠰ ᠤᠨ ᠵᠤᠭᠠᠴᠠᠭᠰᠠᠳ᠂ ᠮᠦᠷᠬᠦᠯᠴᠢᠳ ᠤᠨ ᠬᠠᠯᠠᠭᠤᠨ ᠬᠦᠷᠢᠶᠡᠯᠡᠯ ᠢ ᠤᠯᠤᠭᠰᠠᠨ ᠰᠢᠲᠢᠲᠤ ᠤᠮᠲᠠᠭᠠᠨ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | | | | | | | ᠪᠠ᠊ ᠊ ᠪᠦᠬᠡ ᠶᠢᠨ ︽ᠬᠠᠶᠢᠷᠠ ᠪᠠᠷ ᠢᠪᠢᠯᠬᠦ ᠬᠤᠷᠸᠠ︾ ᠭᠡᠬᠦ | ᠮᠡᠳᠡᠭᠡᠯᠡᠯ ᠤᠨ ᠤᠷᠠᠨ ᠵᠤᠬᠢᠶᠠᠯ ᠤᠨ ᠲᠡᠭᠦᠪᠦᠷᠢ ᠠᠴᠠ ᠪᠠᠭᠤᠯᠭᠠᠪᠠ | | | | | | | | |