| ᠤᠷᠠᠳᠴᠣᠳ ᠪᠣᠯ ᠬᠠᠪᠤᠲᠤ ᠬᠠᠰᠠᠷ ᠤᠨ ᠬᠤᠶᠢᠴᠢᠰ᠂ ᠦᠶᠡ ᠵᠠᠯᠭᠠᠮᠵᠢ ᠶᠢᠨ ᠦᠷᠡᠰ ᠤᠳ ᠪᠣᠯᠣᠨᠠ᠃ | ᠬᠠᠪᠤᠲᠤ ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠶᠢ ᠵᠢᠯ ᠤᠨ ᠳᠦᠷᠪᠡᠨ ᠤᠯᠠᠷᠢᠯ ᠳᠤ ᠲᠣᠭᠲᠠᠭᠰᠠᠨ ᠡᠳᠦᠷ ᠲᠤ ᠶᠠᠪᠤᠭᠤᠯᠳᠠᠭ᠃ ᠲᠠᠬᠢᠬᠤ ᠡᠳᠦᠷ ᠨᠢ ᠪᠢᠯᠢᠭ ᠤᠨ ᠤᠯᠠᠷᠢᠯ | ᠤᠨ ᠬᠤᠶᠠᠳᠣᠭᠠᠷ ᠰᠠᠷᠠ ᠶᠢᠨ ᠬᠤᠷᠢᠨ ᠲᠣᠯᠣᠭᠠᠨ᠂ ᠲᠠᠪᠤᠳᠣᠭᠠᠷ ᠰᠠᠷᠠ ᠶᠢᠨ ᠬᠤᠷᠢᠨ ᠲᠣᠯᠣᠭᠠᠨ᠂ ᠲᠣᠯᠣᠳᠣᠭᠠᠷ ᠰᠠᠷᠠ ᠶᠢᠨ ᠬᠤᠷᠢᠨ ᠲᠣᠯᠣᠭᠠᠨ᠂ ᠠᠷᠪᠠᠳᠣᠭᠠᠷ | ᠰᠠᠷᠠ ᠶᠢᠨ ᠬᠤᠷᠢᠨ ᠲᠣᠯᠣᠭᠠᠨ ᠳᠤ ᠲᠣᠰ ᠪᠦᠷᠢ ᠪᠠᠭᠠ ᠲᠠᠬᠢᠯᠭᠠ᠂ ᠲᠤᠮᠳᠠ ᠲᠠᠬᠢᠯᠭᠠ᠂ ᠶᠡᠭᠡ ᠲᠠᠬᠢᠯᠭᠠ ᠭᠡᠵᠦ ᠬᠤᠪᠢᠶᠠᠨ ᠶᠠᠪᠤᠭᠳᠠᠭᠤᠯᠳᠠᠭ᠃ ᠭᠡᠪᠡᠴᠦ ᠡᠪᠡᠳᠴᠢᠨ | ᠵᠣᠪᠠᠯᠠᠩ ᠲᠡᠯᠭᠡᠷᠡᠵᠦ᠂ ᠭᠠᠢ ᠪᠠᠷᠴᠢᠳ ᠲᠣᠬᠢᠶᠠᠯᠳᠣᠪᠠᠯ ᠬᠡᠵᠢᠶᠡ ᠪᠣᠯᠪᠠᠴᠣ ᠴᠦᠮ ᠲᠠᠶᠢᠯ ᠪᠤᠭᠳᠠ ᠶᠢ ᠲᠠᠬᠢᠵᠤ ᠪᠣᠯᠳᠠᠭ᠃ | ᠬᠤᠷᠢᠨ ᠲᠣᠯᠣᠭᠠᠨ ᠢ ᠡᠷᠬᠢᠮᠯᠡᠨ ᠵᠠᠪᠠᠯ ᠡᠨᠡ ᠡᠳᠦᠷ ᠢ ᠲᠠᠬᠢᠯᠭᠠ ᠶᠢᠨ ᠡᠳᠦᠷ ᠢᠶᠠᠷ ᠲᠤᠭᠲᠠᠭᠰᠠᠨ ᠤᠴᠢᠷ ᠪᠣᠯ ᠮᠦᠩᠬᠡ ᠲᠡᠭᠷᠢ ᠶᠢᠨ ᠰᠢᠲᠦᠯᠭᠡ ᠪᠣᠯᠣᠨ | ᠮᠤᠩᠭᠤᠯ ᠬᠠᠭᠠᠨᠲᠤ ᠲᠦᠷᠦ ᠶᠢᠨ ᠶᠣᠰᠣ ᠪᠡᠯᠭᠡ ᠶᠢᠨ ᠠᠭᠤᠯᠭᠠ ᠳᠤ ︽ᠶᠢᠰᠦ︾ ᠭᠡᠬᠦ ᠡᠷᠬᠢᠮ ᠲᠤᠭᠠ ᠪᠠᠨ ᠬᠠᠮᠤᠭ ᠤᠨ ᠲᠣᠮᠣ ᠲᠤᠭᠠ ᠪᠣᠯᠬᠤ ᠭᠡᠳᠡᠭ ᠲᠠᠢ | ᠬᠤᠯᠪᠤᠭᠳᠠᠭᠤᠯᠤᠨ᠂ ᠦᠨᠢ ᠡᠭᠦᠷᠢᠲᠡ ᠮᠠᠷᠲᠠᠬᠤ ᠦᠭᠡᠢ ᠭᠡᠵᠦ ᠬᠠᠪᠤᠳᠤ ᠬᠠᠰᠠᠷ ᠤᠨ ᠠᠮᠢᠳᠣᠷᠠᠯ ᠲᠡᠤᠬᠡ ᠶᠢ ᠳᠣᠷᠠᠰᠬᠠᠬᠤ ᠶᠢᠨ ᠲᠦᠯᠦᠭᠡ ᠬᠤᠷᠢᠨ ᠲᠤᠯᠤᠭᠠᠨ ᠤ | ᠡᠳᠦᠷ ᠢ ᠲᠠᠶᠢᠯ ᠪᠤᠭᠳᠠ ᠶᠢᠨ ᠲᠠᠬᠢᠯᠭᠠ ᠶᠢᠨ ᠡᠳᠦᠷ ᠢᠶᠠᠷ ᠰᠤᠩᠭᠤᠭᠰᠠᠨ ᠭᠡᠳᠡᠭ ᠨᠢ ᠲᠣᠳᠣᠷᠬᠠᠢ ᠪᠠᠶᠢᠨᠠ᠃ | ᠤᠷᠠᠳᠴᠣᠳ ᠣᠪᠣᠭ ᠤᠭᠰᠠᠭᠠ ᠶᠢᠨ ᠳᠡᠭᠡᠳᠦᠰ ᠤᠨ ᠢᠶᠠᠨ ︽ᠰᠦᠨᠡᠰᠦ︾ ᠪᠤᠶᠤ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠡᠳ᠋ ᠬᠡᠷᠡᠭᠰᠡᠯ᠂ ᠬᠤᠪᠴᠠᠰᠣ ᠬᠤᠨᠠᠷ᠂ ᠵᠠᠷ ᠵᠡᠪᠰᠡᠭ | ᠮᠡᠲᠦ ᠶᠢᠨ ᠶᠠᠭᠤᠮᠠᠰ ᠢ ᠣᠪᠤᠭᠠ ᠪᠣᠰᠬᠠᠵᠤ ᠲᠣᠳᠣᠷᠠ ᠨᠢ ᠰᠢᠲᠦᠭᠡᠨᠴᠢᠯᠡᠨ ᠲᠠᠯᠪᠢᠵᠦ᠂ ᠲᠤᠭᠲᠠᠭᠰᠠᠨ ᠡᠳᠦᠷ ᠶᠡᠭᠡ ᠪᠠᠭᠠ ᠲᠠᠬᠢᠯᠭᠠ ᠶᠢᠨ ᠶᠣᠰᠣ ᠶᠢ | ᠭᠦᠢᠴᠡᠳᠭᠡᠵᠦ᠂ ᠠᠯᠢᠪᠠ ᠤᠴᠢᠷ ᠢᠶᠠᠨ ᠳᠠᠭᠠᠳᠬᠠᠨ ᠵᠠᠯᠪᠠᠷᠢᠵᠦ ᠰᠢᠳᠦᠳᠡᠭ ᠪᠠᠶᠢᠭᠰᠠᠨ ᠶᠤᠮ᠃ ᠵᠢᠱᠢᠶᠡᠯᠡᠬᠦ ᠳᠤ᠂ ᠤᠷᠠᠳ ᠤᠨ ᠪᠠᠷᠠᠭᠤᠨ ᠭᠦᠩ ᠤᠨ ᠬᠤᠰᠢᠭᠤᠨ ᠤ | ᠭᠦᠩ ᠨᠤᠶᠠᠨ ᠣᠪᠤᠨ ᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ᠂ ᠰᠡᠯᠡᠮᠡ᠂ ᠬᠤᠶᠠᠭ ᠲᠣᠭᠤᠯᠠᠭᠠ᠂ ᠡᠮᠡᠭᠡᠯ ᠬᠠᠵᠠᠭᠠᠷ ᠵᠡᠷᠭᠡ ᠶᠢ ᠬᠤᠰᠢᠭᠤ ᠣᠪᠤᠭᠠᠨ ᠲᠣᠳᠣᠷᠠ ᠰᠢᠩᠭᠡᠭᠡᠨ ᠬᠠᠳᠠᠭᠠᠯᠠᠵᠤ᠂ | ᠭᠤᠷᠪᠠᠨ ᠵᠢᠯ ᠳᠤ ᠨᠢᠭᠡ ᠤᠳᠠᠭᠠ ᠲᠠᠬᠢᠵᠦ ᠪᠠᠶᠢᠭᠰᠠᠨ ᠪᠦᠭᠡᠳ ᠶᠢᠰᠦᠨ ᠰᠠᠷᠠ ᠶᠢᠨ ᠰᠢᠨᠡ ᠢ ᠬᠤᠶᠠᠷ ᠤᠨ ᠲᠡᠭᠷᠢ ᠰᠠᠬᠢᠭᠤᠯᠰᠣᠨ ᠨᠠᠷ ᠤᠨ ᠳᠡᠭᠡᠵᠢᠯᠡᠭᠡ ᠶᠢᠨ | ᠴᠢᠭᠤᠯᠭᠠᠨ ᠡᠳᠦᠷ ᠲᠤ ᠪᠤᠶᠤ ᠶᠢᠰᠦᠨ ᠰᠠᠷᠠ ᠶᠢᠨ ᠠᠯᠢ ᠨᠢᠭᠡ ᠦᠯᠵᠡᠶᠢᠲᠦ ᠰᠠᠶᠢᠨ ᠡᠳᠦᠷ ᠢ ᠰᠤᠩᠭᠤᠨ ᠲᠠᠬᠢᠳᠠᠭ᠃ ᠲᠡᠷᠡ ᠣᠪᠤᠭᠠ ᠪᠣᠯ ᠬᠤᠰᠢᠭᠤ ᠣᠪᠤᠭᠠ | ᠲᠤᠯᠠ ᠬᠤᠰᠢᠭᠤ ᠵᠠᠰᠠᠭ ᠠᠴᠠ ᠡᠷᠬᠢᠯᠡᠨ᠂ ᠪᠦᠬᠦ ᠠᠷᠠᠳ ᠣᠷᠤᠯᠴᠠᠨ ᠲᠠᠬᠢᠳᠠᠭ᠃ ᠲᠡᠭᠡᠬᠦ ᠳᠤ ᠪᠠᠨ ᠮᠢᠩᠭᠠᠨ ᠦᠬᠡᠷ ᠤᠨ ᠮᠠᠩᠯᠠᠢ᠂ ᠲᠦᠮᠡᠨ ᠦᠭᠡᠷ ᠤᠨ ᠲᠦᠷᠦᠭᠦᠦ | ᠭᠡᠵᠦ ᠪᠣᠬᠠ ᠪᠠᠷ ᠲᠠᠬᠢᠯᠭᠠ ᠲᠠᠬᠢᠬᠤ ᠦᠪᠡᠷᠮᠢᠴᠡ ᠲᠠᠬᠢᠯᠭᠠ ᠪᠡᠯᠡᠳᠭᠡᠨ ᠲᠠᠬᠢᠬᠤ ᠣᠨᠴᠠᠯᠢᠭ ᠲᠠᠢ ᠶᠤᠮ᠃ | | | | | ᠮᠤᠩᠭᠤᠯ ᠲᠡᠤᠬᠡ ᠰᠣᠶᠣᠯ ᠤᠨ ᠰᠣᠩᠭᠤᠳᠠᠭ ᠵᠣᠬᠢᠶᠠᠯ ᠤᠨ ᠬᠦᠮᠦᠷᠭᠡ᠂ ᠵᠠᠩ | ᠦᠢᠯᠡ ᠶᠢᠨ ᠴᠣᠪᠣᠷᠠᠯ ︽ᠤᠷᠠᠳ ᠵᠠᠩ ᠦᠢᠯᠡ︾ ᠠᠴᠠ ᠪᠠᠭᠤᠯᠭᠠᠪᠠ | |