| ᠤᠷᠠᠳᠴᠣᠳ ᠳᠡᠭᠡᠳᠦᠰ ᠢᠶᠠᠨ ᠰᠢᠲᠦᠭᠡᠨ ᠪᠣᠯᠭᠠᠨ ᠲᠠᠬᠢᠵᠦ᠂ ᠳᠡᠭᠡᠳᠦᠰ ᠤᠨ ᠢᠶᠠᠨ ᠠᠯᠳᠠᠷ ᠨᠡᠷᠡ᠂ ᠬᠡᠷᠢᠶᠡᠰᠦ ᠰᠣᠷᠭᠠᠯ ᠢ ᠪᠠᠲᠤ ᠴᠡᠭᠡᠵᠢᠯᠡᠵᠦ᠂ ᠲᠡᠭᠦᠨ ᠢᠶᠠᠷ | ᠠᠶᠢᠯ ᠭᠡᠷ ᠤᠨ ᠢᠶᠠᠨ ᠠᠮᠢᠳᠣᠷᠠᠯ ᠠᠬᠤᠢ ᠶᠢ ᠵᠢᠯᠤᠭᠤᠳᠤᠭᠤᠯᠵᠤ᠂ ᠪᠣᠲᠠᠲᠠᠢ ᠪᠠᠷ ᠪᠡᠶᠡᠯᠡᠬᠦᠯᠦᠨ ᠭᠦᠢᠴᠡᠳᠭᠡᠬᠦ ᠶᠢ ᠪᠣᠳᠤᠵᠤ ᠶᠠᠪᠤᠪᠠᠯ ᠳᠡᠭᠡᠳᠦᠰ ᠤᠨ ᠬᠢ ᠨᠢ | ᠰᠦᠨᠡᠰᠦ ᠰᠠᠬᠢᠭᠤᠰᠤ ᠨᠢ ᠬᠡᠵᠢᠶᠡᠳᠡ ᠦᠷᠡ ᠠᠴᠢᠷ ᠢᠶᠠᠨ ᠢᠪᠡᠭᠡᠨ ᠬᠠᠮᠠᠭᠠᠯᠠᠵᠤ ᠲᠣᠰᠠᠯᠠᠳᠠᠭ ᠶᠤᠮ ᠭᠡᠵᠦ ᠦᠵᠡᠳᠡᠭ᠃ ᠡᠶᠢᠮᠦ ᠠᠴᠠ ᠲᠡᠳᠡ᠂ ᠡᠪᠦᠭᠡ ᠡᠮᠡᠭᠡ ᠶᠢᠨ | ᠢᠶᠠᠨ ᠬᠦᠷᠦᠭ ᠵᠢᠷᠤᠭ᠂ ᠬᠢᠷᠢᠶᠡᠰᠦ ᠰᠣᠷᠭᠠᠯ ᠤᠨ ᠨᠣᠮ ᠪᠢᠴᠢᠭ ᠪᠤᠶᠤ ᠠᠮᠢᠳᠤ ᠰᠡᠷᠡᠭᠦᠨ ᠪᠠᠶᠢᠬᠤ ᠳᠤ ᠨᠢ ᠡᠳ᠋ᠯᠡᠵᠦ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯ — | ᠬᠡᠳᠡ ᠬᠢᠳᠤᠭᠠ᠂ ᠬᠤᠪᠴᠠᠰᠤ ᠮᠠᠯᠠᠭᠠᠢ᠂ ᠵᠠᠪᠰᠡᠭ᠂ ᠮᠣᠷᠢᠨ ᠤ ᠡᠮᠡᠭᠡᠯ ᠬᠠᠵᠠᠭᠠᠷ᠂ ᠳᠦᠷᠦᠭᠡ᠂ ᠲᠡᠷᠡᠴᠢᠯᠡᠨ ᠠᠯᠳᠠ ᠮᠦᠩᠭᠦᠨ ᠵᠠᠰᠠᠯ ᠴᠢᠮᠡᠭᠯᠡᠯ ᠤᠨ ᠵᠦᠢᠯ ᠢ ᠲᠠᠬᠢᠵᠤ | ᠪᠠᠶᠢᠵᠠᠢ᠃ | ᠳᠡᠭᠡᠳᠦᠰ ᠤᠨ ᠢᠶᠠᠨ ︽ᠰᠦᠨᠡᠰᠦ ᠰᠠᠬᠢᠭᠤᠰᠣ︾ ᠶᠢ ᠰᠢᠲᠦᠭᠡᠨ ᠪᠣᠯᠭᠠᠵᠤ ᠲᠠᠬᠢᠬᠤ ᠦᠭᠡᠷᠡ ᠨᠢᠭᠡᠨ ᠠᠷᠭᠠ ᠪᠣᠯ ᠠᠪᠤ ᠡᠵᠢ ᠨᠢ ᠨᠠᠰᠤ ᠪᠠᠷᠠᠬᠤ ᠦᠶᠡᠰ᠂ | ᠲᠡᠮᠡᠭᠡᠨ ᠤ ᠨᠣᠣᠰᠣ᠂ ᠬᠦᠪᠦᠩ ᠪᠤᠶᠤ ᠪᠦᠰ ᠤᠨ ᠦᠭᠡᠳᠡᠰᠦ ᠶᠢᠨ ᠠᠯᠢ ᠵᠦᠢᠯ ᠢ ᠬᠠᠮᠠᠷ ᠲᠤ ᠨᠢ ᠨᠠᠭᠠᠯᠳᠣᠭᠤᠯᠵᠤ᠂ ᠬᠠᠮᠤᠭ ᠰᠡᠭᠦᠯᠴᠢ ᠶᠢᠨ ᠠᠮᠢᠰᠬᠤᠯ ᠢ ᠨᠢ | ᠰᠢᠩᠭᠡᠭᠡᠨ ᠠᠪᠳᠠᠭ᠃ ᠡᠨᠡ ᠬᠦ ᠨᠣᠣᠰᠣ ᠬᠦᠪᠦᠩ ᠣᠷᠢᠶᠠᠮᠠᠯ ᠪᠤᠶᠤ ᠪᠦᠰ ᠤᠨ ᠲᠣᠳᠣᠷᠠ ᠳᠠᠯᠠᠶᠢᠴᠢ ᠶᠢᠨ ᠠᠮᠢᠨ ᠰᠦᠨᠡᠰᠦ ᠨᠢ ᠦᠨᠢ ᠡᠭᠦᠷᠢᠳᠡ ᠣᠷᠤᠰᠢᠨ | ᠰᠠᠭᠠᠳᠠᠵᠤ ᠪᠠᠶᠢᠨᠠ ᠭᠡᠳᠡᠭ᠃ ︽ᠰᠦᠨᠡᠰᠦ ᠰᠠᠬᠢᠭᠤᠰᠣ︾ ᠣᠷᠣᠰᠢᠭᠰᠠᠨ ᠵᠦᠢᠯ ᠢᠶᠠᠨ ᠲᠤᠰᠬᠠᠢ ᠢᠰᠡᠭᠡᠢ ᠤᠭᠤᠲᠠ ᠪᠤᠶᠤ ᠬᠠᠶᠢᠷᠴᠠᠭ ᠰᠠᠪᠠᠨ ᠳᠤ ᠰᠦᠰᠦᠭᠯᠡᠨ | ᠬᠠᠳᠠᠭᠠᠯᠠᠵᠤ᠂ ᠦᠭᠡᠷᠡ ᠪᠣᠰᠣᠳ ᠲᠤ ᠦᠵᠡᠭᠦᠯᠦᠯ ᠦᠭᠡᠢ᠂ ᠴᠡᠪᠡᠷ ᠦᠨᠳᠦᠷ ᠭᠠᠵᠠᠷ ᠲᠤ ᠬᠠᠳᠠᠭᠠᠯᠠᠨ ᠳᠠᠯᠪᠢᠵᠤ ᠰᠢᠲᠦᠭᠡᠨ ᠪᠣᠯᠭᠠᠨ ᠳᠠᠬᠢᠳᠠᠭ᠃ | ᠡᠨᠡ ︽ᠰᠦᠨᠡᠰᠦ ᠰᠠᠬᠢᠭᠤᠰᠣ︾ ᠶᠢ ᠠᠳᠠᠭᠠ ᠲᠠᠬᠢᠬᠤ ᠭᠡᠳᠡᠭ᠃ ᠠᠳᠠᠭᠠ ᠳᠠᠬᠢᠳᠠᠭ ᠠᠶᠢᠯ ᠤᠨ ᠪᠠᠷᠠᠭᠤᠨ ᠬᠤᠶᠢᠭᠤᠷ ᠮᠣᠷᠢ ᠣᠨᠤᠭᠠ ᠪᠠᠷ ᠰᠢᠷᠦᠭᠦᠨ | ᠭᠦᠶᠦᠯᠭᠡᠵᠦ ᠦᠩᠭᠡᠷᠡᠵᠦ ᠪᠣᠯᠳᠠᠭ ᠦᠭᠡᠢ᠃ ᠰᠢᠷᠦᠭᠦᠨ ᠦᠩᠭᠡᠷᠡᠭᠰᠡᠳ ᠵᠠᠪᠠᠯ ᠬᠤᠬᠢᠷᠠᠯ ᠠᠮᠰᠠᠨᠠ ᠭᠡᠳᠡᠭ᠃ ᠨᠢᠭᠡ ᠬᠤᠳᠠ ᠶᠢᠨ ᠬᠢ ᠨᠢ ᠠᠳᠠᠭᠠ ᠲᠠᠢ ᠠᠶᠢᠯ ᠤᠨ | ᠪᠠᠷᠠᠭᠤᠨ ᠬᠤᠶᠢᠭᠤᠷ ᠨᠣᠳᠤᠭᠰᠢᠬᠤ ᠶᠢ ᠴᠦ ᠲᠠᠰᠣ ᠴᠡᠭᠡᠷᠯᠡᠳᠡᠭ᠃ ᠨᠣᠲᠤᠭᠰᠢᠪᠠᠯ ᠨᠠᠰᠣᠨ ᠳᠤ ᠪᠠᠨ ᠦᠭᠡᠳᠡᠯᠡᠳᠡᠭ ᠦᠭᠡᠢ ᠭᠡᠳᠡᠭ ᠤᠨ ᠤᠯᠠ ᠮᠦᠷ ᠨᠢ ᠦᠨᠦᠬᠡᠨ | ᠬᠦᠷᠲᠡᠯᠡ ᠬᠠᠳᠠᠭᠠᠯᠠᠭᠳᠠᠭᠰᠠᠭᠠᠷ ᠪᠠᠶᠢᠭᠰᠠᠨ ᠶᠤᠮ᠃ | ᠠᠳᠠᠭᠠ ᠳᠠᠬᠢᠳᠠᠭ ᠠᠶᠢᠯ ᠨᠢ ᠠᠯᠢᠪᠠ ᠤᠴᠢᠷ ᠢ ᠠᠳᠠᠭᠠ ᠰᠢᠳᠦᠭᠡᠨ ᠳᠤ ᠪᠠᠨ ᠳᠠᠭᠠᠳᠬᠠᠨ ᠰᠦᠰᠦᠭᠯᠡᠳᠡᠭ᠃ ᠡᠶᠢᠮᠦ ᠠᠴᠠ ᠠᠳᠠᠭᠠ ᠲᠠᠬᠢᠭᠰᠠᠨ ᠠᠶᠢᠯ ᠢ | ᠲᠣᠭᠰᠢᠨ ᠰᠢᠲᠦᠭᠡᠨ ᠲᠠᠢ ᠭᠡᠳᠡᠭ᠃ | ᠳᠡᠭᠡᠳᠦᠰ ᠤᠨ ᠰᠢᠲᠦᠭᠡᠨ ᠲᠠᠢ ᠠᠶᠢᠯ ᠤᠳ ᠰᠢᠲᠦᠭᠡᠨ ᠳᠤ ᠪᠠᠨ ᠡᠳᠦᠷ ᠪᠦᠷᠢ ᠶᠢᠨ ᠬᠠᠷᠠ ᠪᠦᠷᠦᠢ ᠪᠠᠷ ᠰᠠᠩ ᠲᠠᠯᠪᠢᠵᠤ᠂ ᠴᠠᠭ ᠤᠨ ᠴᠠᠢ᠂ ᠬᠤᠭᠤᠯᠠ | ᠢᠳᠡᠭᠡᠨ ᠤ ᠪᠠᠨ ᠳᠡᠭᠡᠵᠢ ᠶᠢ ᠫᠢᠯᠠ ᠰᠠᠪᠠᠨ ᠳᠤ ᠬᠢᠵᠦ ᠰᠢᠲᠦᠭᠡᠨ ᠤ ᠪᠠᠨ ᠡᠮᠦᠨᠡ ᠨᠢ ᠲᠠᠬᠢᠯᠭᠠ ᠪᠤᠯᠭᠠᠳᠠᠭ᠃ ᠵᠢᠯ ᠪᠦᠷᠢ ᠶᠢᠨ ᠬᠦᠬᠡᠬᠡ ᠰᠠᠷᠠ ᠶᠢᠨ ᠪᠢᠳᠡᠭᠦᠨ ᠪᠠ | ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠤ ᠦᠷᠯᠦᠭᠡ ᠲᠡᠭᠷᠢ ᠳᠤ ᠮᠦᠷᠬᠦᠬᠦ ᠳᠤ ᠪᠠᠨ ᠳᠡᠭᠡᠳᠦᠰ ᠲᠤ ᠪᠠᠨ ᠰᠢᠲᠦᠭᠡᠨ ᠤ ᠰᠠᠴᠣᠯᠢ ᠡᠷᠭᠦᠵᠦ᠂ ᠠᠷᠴᠠ | ᠣᠭᠤᠬᠢᠭᠤᠯᠳᠠᠭ᠃ ᠶᠠᠮᠠᠷ ᠨᠢᠭᠡᠨ ᠬᠤᠷᠢᠮ ᠨᠠᠶᠢᠷ ᠬᠢᠬᠦ ᠳᠤ ᠳᠡᠭᠡᠳᠦᠰ ᠲᠤ ᠪᠠᠨ ᠰᠠᠩ ᠲᠠᠯᠪᠢᠵᠤ᠂ ᠢᠳᠡᠭᠡᠨ ᠤ ᠪᠠᠨ ᠳᠡᠭᠡᠵᠢ ᠶᠢ ᠡᠷᠭᠦᠳᠡᠭ᠃ | | | | | | | | ᠮᠤᠩᠭᠤᠯ ᠲᠡᠤᠬᠡ ᠰᠣᠶᠣᠯ ᠤᠨ ᠰᠣᠩᠭᠤᠳᠠᠭ ᠵᠣᠬᠢᠶᠠᠯ ᠤᠨ ᠬᠦᠮᠦᠷᠭᠡ᠂ ᠵᠠᠩ | ᠦᠢᠯᠡ ᠶᠢᠨ ᠴᠣᠪᠣᠷᠠᠯ ︽ ᠤᠷᠠᠳ ᠵᠠᠩ ᠦᠢᠯᠡ︾ ᠠᠴᠠ ᠪᠠᠭᠤᠯᠭᠠᠪᠠ | | |