| ᠶ᠊᠂ ᠪᠠᠳᠠᠷᠠ | ᠰᠢᠯᠦᠭ — ᠨᠠᠮᠤᠷ | | ᠳᠠᠯᠠᠢ ᠰᠢᠭ᠋ ᠨᠠᠯᠠᠭᠠᠷ ᠠᠭᠤᠵᠢᠮ ᠤᠨ ᠳᠣᠮᠳᠠ | ᠳᠠᠩᠴᠣ ᠮᠡᠳᠡᠭᠳᠡᠬᠦ ᠦᠭᠡᠢ ᠢᠷᠡᠴᠢᠬᠡᠭᠰᠡᠨ ᠪᠠᠶᠢᠳᠠᠭ | ᠳᠠᠷᠣᠣᠬᠠᠨ ᠡᠷᠬᠢᠮᠰᠦᠭ ᠪᠦᠰᠡᠭᠦᠢ ᠰᠢᠭ | ᠳᠠᠯᠳᠠ ᠶᠢᠨ ᠮᠦᠷᠦᠭᠡᠳᠦᠯ ᠳᠠᠯᠠᠯᠴᠢᠬᠠᠭᠰᠠᠨ ᠪᠠᠶᠢᠳᠠᠭ | ᠨᠠᠮᠤᠷ ᠭᠡᠮᠡᠬᠦ ᠣᠷᠤᠨ ᠵᠠᠢ | ᠠᠮᠤᠷ ᠠᠮᠤᠭᠤᠯᠠᠩ ᠤᠨ ᠳᠤᠮᠳᠠ ᠢᠷᠡᠵᠦ ᠶᠠᠪᠤᠨᠠ | ᠰᠠᠮᠤᠷ ᠬᠡᠮᠡᠯᠢᠬᠦ ᠬᠡᠷᠡᠮᠦ ᠰᠢᠭ | ᠰᠡᠳᠬᠢᠯ ᠳᠤ ᠣᠶᠢᠳᠬᠠᠷ ᠪᠦᠮᠪᠦᠷᠢᠭᠦᠯᠵᠦ ᠢᠷᠡᠨᠡ ᠁ | ᠡᠷᠦᠬᠡᠨ ᠤ ᠣᠭᠤᠰᠣᠷ ᠲᠤ ᠵᠡᠭᠦᠷᠮᠡᠭ ᠰᠠᠯᠬᠢ ᠶᠢ ᠠᠷᠭᠠᠮᠵᠢᠵᠤ | ᠡᠷᠢᠬᠡᠨ ᠤ ᠦᠷᠢᠯ ᠳᠤ ᠵᠢᠷᠦᠬᠡᠨ ᠤ ᠭᠡᠮᠨᠡᠯ ᠢ ᠰᠢᠨᠠᠯᠭᠠᠵᠤ | ᠡᠷᠭᠢᠨ ᠳᠡᠭᠡᠭᠦᠷ ᠭᠠᠭᠴᠠ ᠰᠢᠪᠠᠭᠤ ᠬᠦᠭᠡᠷᠦᠭᠦᠯᠴᠢᠬᠡᠭᠡᠳ | ᠡᠷᠲᠡ ᠢᠷᠡᠭᠰᠡᠨ ᠨᠠᠮᠤᠷ ᠣᠷᠳᠤ ᠠᠴᠠ ᠣᠷᠳᠤ ᠦᠷᠭᠦᠯᠵᠢᠯᠡᠨᠡ ᠁ | ᠰᠡᠳᠬᠢᠯ ᠤᠨ ᠨᠣᠭᠤᠭᠠᠨ ᠳᠡᠨᠵᠢ ᠶᠢ ᠮᠢᠨᠢ | ᠰᠢᠷᠭᠠᠯ ᠠᠷᠠᠨᠰᠢᠨ ᠢᠶᠠᠷ ᠢᠶᠠᠨ ᠪᠣᠳᠣᠭᠯᠠᠵᠤ | ᠰᠡᠮ ᠰᠡᠮᠭᠡᠨ ᠵᠦᠭᠡᠯᠡᠨ ᠭᠤᠨᠢᠭ ᠢ | ᠰᠢᠷᠭᠡᠭ ᠰᠢᠷᠭᠡᠭ ᠢᠶᠠᠷ ᠬᠦᠨᠳᠡᠵᠦ | ᠨᠠᠮᠤᠷ ᠴᠢ ᠠᠨᠢᠷᠭᠦᠢ ᠪᠠᠶᠢᠲᠠᠯᠠ ᠪᠠᠨ | ᠠᠮᠤᠷ ᠪᠠᠶᠢᠯᠭᠠᠳᠠᠭ ᠦᠭᠡᠢ ᠶᠢ ᠶᠠᠭᠠᠬᠢᠨᠠ ᠡ | ᠨᠠᠮᠤᠷ ᠴᠢ ᠦᠨᠦᠷᠭᠦᠢ ᠪᠠᠶᠢᠳᠠᠯᠠ ᠪᠠᠨ | ᠬᠠᠮᠠᠷ ᠱᠠᠷᠭᠢᠷᠠᠭᠤᠯᠬᠤ ᠶᠢ ᠶᠠᠭᠠᠬᠢᠨᠠ ᠡ ᠁ | ᠨᠢᠭᠡᠯᠡ ᠦᠷᠯᠦᠭᠡ ᠰᠡᠷᠡᠬᠦ ᠳᠤ | ᠰᠢᠪᠠᠭᠤᠳ ᠢᠶᠠᠨ ᠳᠠᠭᠠᠭᠤᠯᠤᠭᠠᠳ ᠪᠣᠴᠠᠴᠢᠬᠠᠭᠰᠠᠨ ᠪᠠᠶᠢᠳᠠᠭ | ᠨᠢᠩᠵᠢᠨ ᠰᠡᠳᠬᠢᠯ ᠤᠨ ᠮᠠᠨᠠᠨ ᠢ | ᠨᠢᠮᠬᠡᠨ ᠬᠢᠷᠠᠭᠤ ᠪᠠᠷ ᠬᠤᠴᠢᠴᠢᠬᠠᠭᠰᠠᠨ ᠪᠠᠶᠢᠳᠠᠭ | ᠨᠠᠮᠤᠷ ᠡ ᠭᠡᠵᠦ ᠨᠠᠨᠳᠢᠩᠬᠠᠨ ᠤᠯᠠᠷᠢᠯ ᠡ | ᠨᠠᠮᠤᠷ ᠡ ᠭᠡᠵᠦ ᠨᠠᠷᠠ ᠬᠤᠷᠭᠤᠭᠰᠠᠨ ᠠᠶᠠᠯᠠᠯ ᠡ | ᠨᠠᠮᠤᠷ ᠡ ᠭᠡᠵᠦ ᠡᠵᠢ ᠶᠢᠨ ᠭᠠᠷ ᠤᠨ ᠢᠯᠪᠢᠯ ᠡ | ᠨᠠᠮᠤᠷ ᠡ ᠭᠡᠵᠦ ᠡᠬᠡ ᠭᠠᠵᠠᠷ ᠤᠨ ᠤᠶᠠᠷᠠᠯ ᠡ ᠁ | | ︽ ᠤᠷᠠᠳ ᠣᠳᠬᠠ ᠵᠣᠬᠢᠶᠠᠯ︾ ᠸᠢᠴᠠᠲ ᠤᠯᠠᠨ ᠨᠡᠶᠢᠲᠡ ᠶᠢᠨ ᠲᠠᠪᠴᠠᠩ ᠠᠴᠠ ᠪᠠᠭᠤᠯᠭᠠᠪᠠ | | | |