| ᠲᠤᠯᠬᠢᠶᠡ ︵1915.5.27 — 1991.8.25︶ ᠡᠮᠡᠭᠳᠡᠢ᠂ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ᠂ ᠤᠷᠠᠳ ᠤᠨ ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠰᠠᠩ ᠤᠨ | ᠲᠠᠯᠠᠢ ᠰᠤᠮᠤᠨ ᠤ ᠤᠩᠭᠤᠨ ᠲᠡᠭᠡᠭ ᠭᠠᠴᠠᠭᠠᠨ ᠤ ᠬᠦᠮᠦᠨ᠃ ᠰᠠᠩ ᠤᠨ ᠲᠠᠯᠠᠢ ᠰᠤᠮᠤᠨ ᠤ ᠮᠠᠯᠴᠢᠨ᠃ | ᠲᠡᠭᠦᠨ ᠤ ᠲᠡᠭᠡᠳᠦᠰ ᠤᠨ ᠦᠶᠡ ᠨᠢ ᠪᠤᠭᠤᠯ ᠪᠠᠶᠢᠵᠠᠢ᠂ ᠶᠢᠰᠦᠨ ᠨᠠᠰᠤᠳᠠᠢ ᠳᠠᠭᠠᠨ ᠸᠠᠩ ᠬᠦᠩ ᠤᠨ ᠳᠤ ᠪᠤᠭᠤᠯ ᠪᠠᠶᠢᠬᠰᠠᠨ ᠡᠵᠢ ᠪᠠᠨ ᠠᠯᠳᠠᠵᠤ᠂ 15 | ᠨᠠᠰᠤᠳᠠᠢ ᠠᠬᠠ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠠᠯᠪᠠᠳᠠᠯᠭᠠ ᠪᠠᠷ ᠪᠠᠰᠠ ᠪᠤᠭᠤᠯ ᠪᠤᠯᠵᠤ᠂ ᠡᠭᠡ ᠲᠠᠢ ᠪᠠᠨ ᠠᠳᠠᠯᠢ ᠦᠭᠡᠷ ᠮᠠᠯ ᠰᠢᠭ᠋ ᠠᠮᠢᠳᠤᠷᠠᠯ ᠢ ᠦᠩᠭᠡᠷᠡᠭᠡᠵᠦ ᠪᠠᠶᠢᠵᠠᠢ᠃ | ᠲᠡᠷᠡ ᠭᠤᠷᠪᠠᠨ ᠭᠡᠤᠭᠡᠳ ᠲᠦᠷᠦᠭᠡᠳ ᠴᠦᠮ ᠢ ᠠᠯᠳᠠᠵᠤ᠂ 25 ᠨᠠᠰᠤᠨ ᠳᠠᠭᠠᠨ ᠶᠠᠳᠠᠷᠠᠯ ᠵᠦᠳᠡᠷᠡᠯ ᠭᠡᠳᠦᠷᠡᠭᠰᠡᠨ ᠠᠴᠠ ᠪᠤᠯᠵᠤ ᠵᠡᠭᠦᠨ ᠨᠢᠳᠦ ᠨᠢ ᠮᠠᠭᠤᠳᠠᠭᠠᠳ | ᠡᠮᠨᠡᠭᠦᠯᠵᠦ ᠴᠢᠳᠠᠬᠰᠠᠨ ᠦᠭᠡᠢ ᠰᠤᠬᠤᠷᠴᠢᠬᠠᠯᠠ᠃ 1949 ᠤᠨ ᠳᠤ ᠴᠢᠯᠦᠭᠡᠯᠡᠭᠳᠡᠭᠡᠳ᠂ ᠲᠡᠷᠡ ᠪᠤᠰᠤᠳ ᠬᠦᠳᠡᠯᠮᠦᠷᠢᠴᠢᠨ ᠮᠠᠯᠴᠢᠳ ᠲᠠᠢ ᠠᠳᠠᠯᠢ ᠪᠠᠷ ᠰᠢᠨᠡ | ᠠᠮᠢᠳᠤᠷᠠᠯ ᠢᠶᠠᠨ ᠡᠬᠢᠯᠡᠭᠦᠯᠵᠠᠢ᠃ ᠡᠪ ᠬᠠᠮᠳᠤ ᠨᠠᠮ ᠲᠡᠭᠦᠨ ᠢ ᠬᠠᠪᠰᠤᠷᠴᠤ ᠭᠡᠷ ᠬᠦᠷᠦᠩᠭᠡ ᠶᠢ ᠨᠢ ᠪᠤᠰᠬᠠᠵᠤ᠂ ᠲᠡᠭᠦᠨ ᠳᠤ 14 ᠬᠤᠨᠢ᠂ 1 ᠦᠭᠡᠷ ᠤᠨ | ᠵᠢᠭᠡᠯᠡᠯᠭᠡ ᠦᠭᠭᠦ ᠳᠤ ᠲᠡᠷᠡ ᠡᠷᠳᠡᠨᠢ ᠤᠯᠤᠬᠰᠠᠨ ᠰᠢᠭ᠋ ᠰᠡᠳᠬᠢᠯ ᠲᠠᠯᠪᠢᠨ ᠠᠷᠠᠴᠢᠯᠠᠵᠤ᠂ 1958 ᠤᠨ ᠪᠤᠯᠬᠤ ᠳᠤ ᠦᠷᠡᠵᠢᠭᠡᠳ 200 ᠬᠤᠨᠢ᠂ 7 ᠦᠭᠡᠷ᠂ 2 | ᠠᠳᠤᠭᠤ ᠲᠠᠢ ᠪᠤᠯᠤᠬᠰᠠᠨ ᠪᠢᠯᠡ᠃ ᠠᠷᠠᠳ ᠤᠨ ᠨᠢᠭᠡᠳᠦᠯ ᠪᠠᠶᠢᠭᠤᠯᠤᠬᠳᠠᠬᠰᠠᠨ ᠤ ᠲᠠᠷᠠᠭᠠ᠂ ᠲᠡᠷᠡ ᠭᠡᠭᠦᠳᠡᠭ ᠲᠦᠭᠦᠷᠡᠩ ᠬᠠᠯᠠᠭᠤᠨ ᠰᠡᠳᠬᠢᠯᠭᠡ ᠪᠠᠷ ᠰᠢᠷᠭᠠᠭᠤ | ᠬᠠᠳᠠᠭᠤᠵᠢᠯᠳᠠᠢ ᠪᠠᠷ ᠬᠦᠳᠡᠯᠮᠦᠷᠢᠯᠡᠨ᠂ ᠵᠢᠯ ᠪᠦᠷᠢ ᠲᠠᠭᠠᠭᠠᠴᠢᠯᠠᠬᠰᠠᠨ ᠡᠭᠦᠷᠭᠡ ᠪᠠᠨ ᠲᠠᠪᠠᠭᠤᠯᠤᠨ ᠪᠡᠶᠡᠯᠡᠭᠦᠯᠵᠦ᠂ ᠤᠳᠤᠷᠢᠳᠤᠯᠭᠠ ᠪᠠ ᠤᠯᠠᠨ ᠲᠦᠮᠡᠨ ᠤ | ᠰᠠᠶᠢᠰᠢᠶᠠᠯ ᠬᠦᠷᠢᠶᠡᠯᠡᠯ ᠢ ᠤᠯᠤᠭᠠᠳ᠂ ᠨᠢᠭᠡᠳᠦᠯ ᠪᠤᠯᠤᠨ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠪᠠᠷᠢᠭᠠᠳᠠ ᠶᠢᠨ ᠤᠯᠠᠨ ᠤᠳᠠᠭᠠᠨ ᠤ ᠬᠦᠳᠡᠯᠮᠦᠷᠢ ᠶᠢᠨ ᠵᠢᠱᠢᠶᠡᠴᠢ᠂ ᠲᠠᠪᠤᠨ | ᠰᠠᠶᠢᠨᠳᠠᠢ ᠭᠡᠰᠢᠭᠦᠨ ᠢᠶᠠᠷ ᠰᠤᠩᠭᠤᠬᠳᠠᠬᠰᠠᠨ ᠶᠤᠮ᠃ | 1964 ᠤᠨ ᠤ 2 ᠳ᠋ᠤᠭᠠᠷ ᠰᠠᠷᠠ ᠶᠢᠨ 9 ᠤ ᠡᠳᠦᠷ᠂ ᠰᠢᠨᠡᠯᠡᠭᠦ ᠶᠢᠨ ᠡᠮᠦᠨᠡᠭᠡᠨ᠂ ᠲᠡᠷᠡ 13 ᠨᠠᠰᠤᠳᠠᠢ ᠬᠤᠶᠠᠳᠤᠭᠠᠷ ᠭᠡᠤᠭᠡᠨ ᠠᠯᠳᠠᠨᠰᠸᠠ ᠲᠠᠢ ᠪᠠᠨ | ᠬᠤᠶᠠᠭᠤᠯᠠ ᠮᠠᠯ ᠬᠠᠷᠢᠭᠤᠯᠬᠤ ᠪᠠᠷ ᠭᠠᠷᠤᠯᠠ᠂ ᠦᠳᠡ ᠪᠤᠯᠬᠤ ᠶᠢᠨ ᠠᠯᠳᠠ ᠳᠤ ᠲᠡᠭᠷᠢ ᠭᠡᠨᠡᠳᠳᠡ ᠬᠤᠪᠢᠷᠠᠬᠤ ᠳᠤ ᠰᠠᠨᠳᠤᠷᠴᠤ ᠮᠠᠯ ᠢᠶᠠᠨ ᠡᠭᠡᠭᠦᠯᠦᠨ ᠪᠤᠴᠠᠭᠠᠬᠤ | ᠵᠠᠮ ᠳᠤ ᠴᠠᠰᠤᠨ ᠰᠢᠭᠤᠷᠭᠠᠨ ᠳᠤ ᠲᠠᠭᠠᠷᠢᠬᠳᠠᠪᠠ᠃ ᠠᠶᠤᠯ ᠬᠦᠴᠢᠷᠳᠡᠯ ᠤᠨ ᠡᠮᠦᠨᠡ᠂ ᠡᠭᠡ ᠭᠡᠤᠭᠡᠨ ᠬᠤᠶᠠᠭᠤᠯᠠ ᠬᠠᠮᠳᠤ ᠶᠢᠨ ᠮᠠᠯ ᠬᠦᠷᠦᠩᠭᠡ ᠶᠢ ᠬᠠᠮᠠᠭᠠᠯᠠᠬᠤ | ᠶᠢᠨ ᠲᠦᠯᠦᠭᠡ᠂ ᠠᠶᠤᠯ ᠲᠦᠭᠰᠢᠭᠦᠷᠢ ᠠᠴᠠ ᠠᠶᠤᠬᠤ ᠦᠭᠡᠢ ᠪᠠᠷ ᠰᠠᠯᠬᠢ ᠰᠢᠭᠤᠷᠭᠠᠨ ᠲᠠᠢ ᠪᠠᠭᠠᠳᠤᠷᠯᠠᠨ ᠲᠡᠮᠡᠴᠡᠪᠡ᠃ ᠬᠦᠢᠳᠡᠨ ᠰᠠᠯᠬᠢ ᠬᠠᠪᠢᠷᠭᠠ ᠨᠡᠪᠳᠡ | ᠰᠢᠭᠤᠷᠴᠤ᠂ ᠬᠠᠷᠠᠩᠭᠤᠢ ᠰᠦᠨᠢ ᠶᠢᠨ ᠴᠠᠰᠤᠨ ᠳᠤ ᠦᠯᠦᠰᠴᠤ ᠵᠦᠳᠡᠷᠡᠭᠰᠡᠨ ᠴᠦ ᠬᠤᠨᠢᠨ ᠰᠦᠷᠦᠭ ᠢᠶᠠᠨ ᠪᠤᠳᠠᠷᠠᠭᠠᠬᠰᠠᠨ ᠦᠭᠡᠢ᠂ ᠡᠭᠡ ᠭᠡᠤᠭᠡᠨ ᠬᠤᠶᠠᠭᠤᠯᠠ | ᠬᠦᠮᠦᠨ ᠢ ᠰᠤᠴᠢᠭᠠᠮᠠ ᠰᠦᠷ ᠵᠢᠪᠬᠤᠭᠠ᠂ ᠨᠤᠭᠤᠷᠠᠰᠢ ᠦᠭᠡᠢ ᠬᠠᠳᠠᠭᠤ ᠵᠤᠷᠢᠭ ᠢᠶᠠᠷ ᠵᠦᠢᠯ ᠪᠦᠷᠢ ᠶᠢᠨ ᠬᠦᠴᠢᠷᠳᠡᠯ ᠢ ᠲᠡᠰᠪᠦᠷᠢᠯᠡᠵᠦ ᠪᠠᠶᠢᠯᠠ᠃ 2 ᠳ᠋ᠤᠭᠠᠷ | ᠰᠠᠷᠠ ᠶᠢᠨ 10 ᠤ ᠦᠷᠯᠦᠭᠡ᠂ ᠠᠯᠳᠠᠨᠰᠸᠠ ᠬᠠᠷᠢᠵᠤ ᠬᠦᠮᠦᠨ ᠲᠠᠭᠤᠳᠠᠬᠤ ᠪᠠᠷ ᠴᠠᠰᠤ ᠰᠢᠭᠤᠷᠭᠠᠨ ᠤ ᠲᠤᠮᠳᠠᠭᠤᠷ ᠮᠦᠯᠭᠦᠵᠦ ᠮᠠᠴᠤᠯᠠᠨ ᠤᠷᠤᠬᠰᠢᠯᠠᠭᠠᠳ᠂ | ᠪᠤᠷᠳᠤᠭᠠᠨ ᠰᠠᠭᠤᠷᠢᠨ ᠭᠠᠵᠠᠷ ᠤᠨ ᠬᠢᠳᠠᠳ ᠭᠡᠰᠢᠭᠦᠨ ᠶᠢᠨ ᠯᠠᠢ ᠱᠦᠨ ᠲᠠᠢ ᠲᠠᠭᠠᠷᠠᠯᠳᠤᠨ ᠴᠠᠭ ᠲᠠᠷᠤᠢ ᠳᠤᠨᠢ ᠠᠪᠤᠷᠠᠵᠤ ᠠᠪᠤᠬᠰᠠᠨ ᠤ ᠬᠤᠶᠢᠨᠠ ᠰᠠᠶ᠋ᠢ ᠡᠭᠡ ᠨᠢ | ᠠᠶᠤᠯ ᠳᠤ ᠤᠴᠠᠷᠠᠬᠰᠠᠨ ᠢ ᠤᠯᠵᠤ ᠮᠡᠳᠡᠯᠡ᠃ ᠲᠡᠷᠡ ᠠᠬᠠᠮᠠᠳ ᠮᠠᠯᠴᠢᠨ ᠾᠸᠤ ᠵᠧᠨ ᠢ ᠶᠠᠪᠤᠭᠤᠯᠵᠤ ᠪᠠᠷᠢᠭᠠᠳᠠ ᠳᠤ ᠬᠡᠯᠡ ᠬᠦᠷᠭᠡᠭᠦᠯᠪᠡ᠃ ᠾᠸᠤ ᠵᠧᠨ ᠨᠠᠰᠤ | ᠦᠨᠳᠦᠷ ᠪᠡᠶᠡ ᠮᠠᠭᠤ ᠪᠠᠨ ᠴᠤ ᠮᠠᠷᠳᠠᠵᠤ᠂ ᠴᠠᠰᠤ ᠰᠢᠭᠤᠷᠭᠠᠨ ᠤ ᠲᠤᠮᠳᠠ 7.5 ᠺᠢᠯᠦᠮᠧᠲᠷ ᠬᠤᠯᠠ ᠬᠦᠶᠦᠨ ᠪᠠᠶᠢᠵᠤ ᠪᠠᠶᠠᠨᠴᠠᠭᠠᠨ ᠪᠠᠷᠢᠭᠠᠳᠠ ᠳᠤ ᠬᠦᠷᠴᠠᠢ᠃ | ᠪᠠᠷᠢᠭᠠᠳᠠ ᠶᠢᠨ ᠲᠠᠷᠤᠭᠠ ᠲᠡᠮᠤᠷᠪᠠᠭᠠᠨᠠ ᠲᠠᠷᠤᠶᠢᠬᠠᠨ ᠬᠦᠮᠦᠨ ᠤ ᠬᠦᠴᠦ ᠪᠠᠨ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠨ᠂ ᠭᠠᠵᠠᠷ ᠪᠤᠯᠭᠠᠨ ᠳᠤ ᠶᠠᠪᠤᠭᠤᠯᠵᠤ ᠡᠷᠢᠭᠦᠯᠪᠡ᠃ ᠬᠦᠮᠦᠰ | ᠨᠢᠭᠡ ᠯᠠ ᠠᠮᠢᠰᠬᠤᠭᠠ ᠪᠠᠷ 20 ᠭᠠᠷᠤᠢ ᠺᠢᠯᠦᠮᠧᠲᠷ ᠬᠤᠯᠠ ᠬᠦᠶᠦᠯᠳᠦᠵᠦ᠂ ᠦᠳᠡ ᠶᠢᠨ ᠬᠤᠶᠢᠨᠠ ᠪᠤᠯᠬᠤ ᠳᠤ ᠰᠠᠶ᠋ᠢ ᠲᠤᠯᠬᠢᠶᠠ ᠬᠢᠭᠡᠳ ᠲᠡᠭᠦᠨ ᠤ | ᠬᠠᠷᠢᠭᠤᠯᠤᠬᠰᠠᠨ 770 ᠬᠤᠨᠢ ᠶᠢ ᠤᠯᠵᠤ ᠠᠪᠤᠭᠠᠳ᠂ ᠠᠮᠤᠷ ᠲᠦᠪᠰᠢᠨ ᠢᠶᠠᠷ ᠡᠪᠦᠯᠵᠢᠶᠠᠨ ᠳᠤᠨᠢ ᠬᠦᠷᠭᠡᠵᠠᠢ᠃ ᠲᠤᠯᠬᠢᠶᠠ ᠡᠭᠡ ᠭᠡᠤᠭᠡᠨ ᠬᠤᠶᠠᠭᠤᠯᠠ ᠡᠨᠡ | ᠮᠡᠳᠦ ᠪᠠᠷ ᠬᠤᠶᠠᠷ ᠡᠳᠦᠷ ᠨᠢᠭᠡ ᠰᠦᠨᠢ ᠬᠠᠮᠳᠤ ᠶᠢᠨ ᠮᠠᠯ ᠰᠦᠷᠦᠭ ᠢ ᠬᠠᠮᠠᠭᠠᠯᠠᠬᠰᠠᠨ ᠦᠢᠯᠡ ᠠᠵᠢᠯᠯᠠᠭᠠ ᠨᠢ ᠨᠢᠭᠡᠳᠦᠯ᠂ ᠬᠤᠰᠢᠭᠤ᠂ ᠠᠶᠢᠮᠠᠭ ᠤᠨ ᠨᠠᠮ ᠵᠠᠰᠠᠭ | ᠤᠨ ᠤᠳᠤᠷᠢᠳᠤᠯᠭᠠ ᠶᠢᠨ ᠬᠠᠯᠠᠮᠵᠢᠯᠡᠯ ᠢ ᠤᠯᠵᠤ᠂ ᠡᠭᠡ ᠭᠡᠤᠭᠡᠨ ᠬᠤᠶᠠᠭᠤᠯᠠ ᠶᠢ ᠴᠠᠭ ᠲᠠᠷᠤᠢ ᠳᠤᠨᠢ ᠡᠮᠨᠡᠨ ᠵᠠᠰᠠᠵᠤ ᠲᠤᠬᠤᠨᠢᠭᠤᠯᠤᠬᠰᠠᠨ ᠤ ᠬᠠᠮᠳᠤ ᠰᠠᠶᠢᠰᠢᠶᠠᠨ | ᠱᠠᠩᠨᠠᠵᠠᠢ᠃ ᠲᠤᠮᠳᠠᠳᠤ ᠤᠯᠤᠰ ᠤᠨ ᠡᠪ ᠬᠠᠮᠳᠤ ᠨᠠᠮ ᠤᠨ ᠪᠠᠶᠠᠨᠨᠠᠭᠤᠷ ᠠᠶᠢᠮᠠᠭ ᠤᠨ ᠬᠤᠷᠢᠶᠠᠨ ᠠᠴᠠ ︽ᠪᠦᠭᠦ ᠠᠶᠢᠮᠠᠭ ᠤᠨ ᠡᠯᠡ ᠦᠨᠳᠦᠰᠦᠳᠡᠨ ᠤ ᠠᠷᠠᠳ | ᠲᠦᠮᠡᠨ ᠲᠤᠯᠬᠢᠶᠠ᠂ ᠠᠯᠳᠠᠨᠰᠸᠠ ᠤᠨ ᠪᠠᠭᠠᠳᠤᠷᠯᠢᠭ ᠦᠢᠯᠡ ᠶᠠᠪᠤᠳᠠᠯ ᠠᠴᠠ ᠰᠤᠷᠤᠯᠴᠠᠬᠤ ᠶᠢ ᠤᠷᠢᠶᠠᠯᠠᠬᠰᠠᠨ ᠮᠡᠳᠡᠭᠳᠡᠯ︾ ᠭᠠᠷᠭᠠᠪᠠ᠃ ᠪᠠᠭᠠᠳᠤᠷ ᠡᠭᠡ ᠭᠡᠤᠭᠡᠨ | ᠮᠠᠯ ᠰᠦᠷᠦᠭ ᠢᠶᠠᠨ ᠬᠠᠮᠠᠭᠠᠯᠠᠬᠰᠠᠨ ᠮᠡᠳᠡᠭᠡ ᠤᠷᠠᠳ ᠤᠨ ᠲᠠᠯᠠ ᠨᠤᠳᠤᠭ ᠲᠤ ᠲᠠᠭᠤᠷᠢᠰᠴᠤ᠂ ᠲᠤᠰ ᠵᠢᠯ ᠤᠨ 9 ᠳ᠋ᠤᠭᠡᠷ ᠰᠠᠷᠠ ᠳᠤ᠂ ᠲᠤᠯᠬᠢᠶᠠ ᠦᠪᠦᠷ | ᠮᠤᠩᠭᠤᠯ ᠤᠨ ᠴᠦᠭᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨ ᠤ ᠲᠤᠭᠤᠷᠢᠨ ᠦᠵᠡᠭᠦ ᠪᠦᠯᠭᠦᠮ ᠤᠨ ᠭᠡᠰᠢᠭᠦᠨ ᠤ ᠬᠤᠪᠢ ᠪᠠᠷ ᠭᠡᠤᠭᠡᠨ ᠠᠯᠳᠠᠨᠰᠸᠠ ᠢᠶᠠᠨ ᠲᠠᠭᠠᠭᠤᠯᠤᠨ | ᠪᠡᠭᠡᠵᠢᠩ ᠳᠤ ᠬᠦᠷᠴᠦ᠂ ᠤᠯᠤᠰ ᠤᠨ ᠪᠠᠶᠠᠷ ᠤᠨ ᠶᠤᠰᠤᠯᠠᠯ ᠳᠤ ᠤᠷᠤᠯᠴᠠᠨ᠂ ᠵᠤᠯ ᠵᠢᠷᠭᠠᠯᠳᠠᠢ ᠪᠠᠷ ᠮᠠᠤ ᠽᠧ ᠳ᠋ᠦᠩ ᠲᠡᠷᠢᠭᠦᠯᠡᠭᠴᠢ ᠲᠠᠢ ᠠᠭᠤᠯᠵᠠᠵᠤ ᠰᠡᠭᠦᠳᠡᠷ | ᠲᠠᠳᠠᠭᠤᠯᠵᠠᠢ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠲᠠᠯᠠᠭᠠᠳ ᠤᠨ ᠬᠦᠷᠳᠡᠯᠡ᠂ ᠲᠤᠯᠬᠢᠶᠠ ᠪᠠᠰᠠ ᠨᠢᠭᠡᠳᠦᠯ᠂ ᠬᠤᠰᠢᠭᠤ᠂ ᠠᠶᠢᠮᠠᠭ᠂ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ | ᠬᠦᠳᠡᠯᠮᠦᠷᠢ ᠶᠢᠨ ᠵᠢᠱᠢᠶᠡᠴᠢ᠂ ᠲᠡᠷᠢᠭᠦᠨ ᠤ ᠦᠢᠯᠡᠳᠪᠦᠷᠢᠴᠢᠨ ᠵᠡᠷᠭᠡ ᠢᠷᠠᠭᠤ ᠠᠯᠳᠠᠷ ᠤᠨ ᠴᠤᠯᠠ ᠶᠢ ᠬᠦᠷᠳᠡᠵᠦ ᠱᠠᠩᠨᠠᠯ ᠤᠯᠤᠬᠰᠠᠨ ᠪᠢᠯᠡ᠃ | ︽ᠤᠷᠠᠳ ᠤᠨ ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠤᠶᠢᠯᠠᠯᠭᠠ ︾ ᠠᠴᠠ ᠪᠠᠭᠤᠯᠭᠠᠪᠠ᠃ | |