| ᠠᠮᠠᠷᠬᠠᠨ ᠡᠳᠡᠭᠡᠷᠡᠵᠦ ᠲᠦᠷᠭᠡᠨ ᠤᠷᠭᠤᠬᠤ ᠤᠯᠠᠭᠠᠨ ᠰᠤᠬᠠᠢ ᠪᠣᠯ ᠨᠢᠭᠡ ᠵᠦᠢᠯ ᠤᠨ ᠪᠤᠲᠠᠯᠢᠭ ᠪᠤᠶᠤ ᠪᠣᠭᠤᠨᠢ ᠲᠣᠷᠤᠭ ᠮᠣᠳᠣ ᠪᠣᠯᠤᠨᠠ᠃ ᠲᠡᠷᠡ ᠨᠢ ᠬᠠᠬᠢᠷ | ᠬᠦᠢᠲᠡᠨ ᠭᠠᠩ ᠬᠠᠭᠤᠷᠠᠢ ᠠᠭᠤᠷ ᠠᠮᠢᠰᠬᠤᠯ ᠳᠤ ᠲᠣᠬᠢᠷᠠᠵᠤ ᠲᠠᠴᠢᠷ ᠨᠢᠮᠭᠡᠨ ᠭᠠᠵᠠᠷ᠂ ᠴᠢᠭᠢᠭᠯᠢᠭ ᠭᠠᠵᠠᠷ᠂ ᠬᠤᠵᠢᠷᠯᠢᠭ ᠭᠠᠵᠠᠷ ᠲᠤ ᠪᠦᠷ ᠰᠠᠶᠢᠨ ᠤᠷᠭᠤᠳᠠᠭ᠃ | ᠭᠠᠩ ᠬᠠᠭᠰᠠᠷᠠᠭᠠᠨ ᠲᠠᠢ ᠵᠢᠯ ᠳᠤ ᠣᠯᠠᠩᠬᠢ ᠲᠥᠷᠥᠯ ᠤᠨ ᠮᠣᠳᠣ ᠤᠷᠭᠤᠯᠲᠠ ᠤᠳᠠᠭᠠᠨ ᠪᠣᠯᠵᠤ ᠨᠠᠪᠴᠢ ᠨᠠᠬᠢᠶᠠ ᠨᠢ ᠰᠢᠷᠠᠯᠠᠵᠤ ᠬᠠᠳᠠᠬᠤ ᠳᠤ ᠤᠯᠠᠭᠠᠨ ᠰᠤᠬᠠᠢ | ᠬᠠᠷᠢᠨ ᠵᠢᠯ ᠳᠤ 20 — 40 ᠰᠠᠨᠲ᠋ᠢᠮᠧᠲᠷ ᠥᠨᠳᠥᠷ ᠤᠷᠭᠤᠵᠤ᠂ ᠤᠷᠭᠤᠵᠤ ᠭᠦᠢᠴᠡᠭᠰᠡᠨ ᠮᠣᠳᠣ ᠶᠢᠨ ᠬᠠᠮᠤᠭ ᠥᠨᠳᠥᠷ ᠨᠢ 5 ᠮᠧᠲᠷ ᠪᠣᠯᠳᠠᠭ᠃ ᠤᠯᠠᠭᠠᠨ | ᠰᠤᠬᠠᠢ ᠶᠢᠨ ᠨᠠᠪᠴᠢ ᠨᠢ ᠰᠠᠯᠠᠭᠠ ᠠᠷᠪᠢᠨ ᠪᠣᠯᠬᠤᠷ ᠪᠡᠶᠡ ᠰᠡᠭᠦᠳᠡᠷ ᠶᠡᠬᠡᠲᠡᠢ ᠪᠥᠭᠡᠳ ᠤᠰᠤ ᠬᠠᠳᠠᠭᠠᠯᠠᠨ ᠬᠥᠷᠥᠰᠥ ᠰᠢᠷᠣᠢ ᠶᠢ ᠬᠠᠮᠠᠭᠠᠯᠠᠬᠤ ᠣᠨᠴᠠ | ᠦᠢᠯᠡᠳᠦᠯ ᠲᠠᠢ ᠪᠠᠶᠢᠳᠠᠭ᠃ ᠡᠶᠢᠮᠦ ᠠᠴᠠ ᠬᠤᠪᠠᠭ᠋ᠠᠢ ᠬᠤᠭᠤᠰᠣᠨ ᠬᠥᠲᠥᠯ ᠭᠠᠵᠠᠷ ᠢ ᠨᠣᠭᠤᠭᠠᠷᠠᠭᠤᠯᠬᠤ ᠰᠠᠶᠢᠨ ᠮᠣᠳᠣ ᠪᠣᠯᠬᠤ ᠶᠤᠮ᠃ ᠤᠯᠠᠭᠠᠨ ᠰᠤᠬᠠᠢ ᠨᠢ | ᠬᠠᠲᠠᠭᠤ᠂ ᠥᠷᠭᠡᠰᠦ ᠦᠭᠡᠢ᠂ ᠲᠣᠰᠣᠯᠢᠭ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠲᠦᠯᠡᠰᠢ ᠪᠣᠯᠭᠠᠪᠠᠯ ᠭᠠᠯ ᠨᠢ ᠬᠦᠴᠦᠲᠡᠢ ᠪᠠᠶᠢᠳᠠᠭ᠃ ᠨᠠᠮᠠᠭᠠ ᠰᠠᠯᠠᠭᠠ ᠪᠠᠷ ᠨᠢ ᠰᠠᠭᠰᠤ ᠰᠠᠷᠠᠯᠵᠢ | ᠬᠦᠷᠦᠵᠦ ᠪᠣᠯᠬᠤ ᠪᠥᠭᠡᠳ ᠵᠥᠭᠡᠯᠡᠨ ᠨᠠᠮᠠᠭᠠ ᠨᠢ ᠪᠠᠰᠠ ᠡᠮ ᠳᠤ ᠣᠷᠣᠵᠤ ᠪᠣᠯᠤᠨᠠ᠃ ᠤᠯᠠᠭᠠᠨ ᠰᠤᠬᠠᠢ ᠶᠢ ᠰᠠᠭᠤᠯᠭᠠᠵᠤ ᠲᠠᠷᠢᠳᠠᠭ᠃ ᠲᠠᠷᠢᠭᠠᠳ 3 ᠵᠢᠯ | ᠳᠡᠭᠡᠷᠡ ᠨᠢ ᠨᠠᠮᠠᠭᠠ ᠰᠠᠯᠠᠭᠠ ᠶᠢ ᠨᠢ ᠵᠠᠰᠠᠪᠠᠯ ᠤᠯᠠᠮ ᠲᠦᠷᠭᠡᠨ ᠤᠷᠭᠤᠳᠠᠭ᠃ | ︽ᠮᠠᠯ ᠲᠠᠷᠢᠶᠠᠯᠠᠩ ᠤᠨ ᠬᠡᠷᠡᠭᠯᠡᠭᠡᠨ ᠤ ᠰᠢᠨᠡ ᠮᠡᠷᠭᠡᠵᠢᠯ︾ ᠭᠡᠬᠦ ᠨᠣᠮ ᠠᠴᠠ ᠪᠠᠭᠤᠯᠭᠠᠪᠠ᠃ | |