| ᠤᠷᠠᠳᠴᠣᠳ ᠤᠨ ᠵᠢᠯ ᠣᠷᠤᠭᠤᠯᠬᠤ ᠶᠣᠰᠤ ᠭᠡᠳᠡᠭ ᠪᠣᠯ ᠣᠨ ᠵᠢᠯ ᠤᠨ ᠦᠶᠡᠯᠡᠯ ᠢᠶᠠᠷ ᠨᠢᠭᠡ ᠨᠠᠰᠤ᠂ ᠠᠷᠪᠠᠨ ᠭᠤᠷᠪᠠ᠂ ᠬᠤᠷᠢᠨ ᠲᠠᠪᠤ᠂ ᠭᠤᠴᠢᠨ ᠳᠣᠯᠤᠭᠠ᠂ | ᠳᠥᠴᠢ ᠶᠢᠰᠦ᠂ ᠵᠢᠷᠠᠨ ᠨᠢᠭᠡ᠂ ᠳᠠᠯᠠᠨ ᠭᠤᠷᠪᠠ᠂ ᠨᠠᠶᠠᠨ ᠲᠠᠪᠤ ᠭᠡᠬᠦ ᠮᠡᠲᠦ ᠪᠠᠷ ᠳᠡᠭᠡᠭᠰᠢ ᠪᠠᠨ ᠦᠶᠡᠯᠡᠨ ᠪᠣᠳᠤᠨᠠ᠃ | ᠡᠨᠡ ᠨᠢ ᠨᠢᠭᠡ ᠬᠦᠮᠦᠨ ᠤ ᠲᠦᠷᠦᠭᠰᠡᠨ ᠵᠢᠯ ᠤᠨ ᠡᠷᠬᠡᠲᠡᠨ ᠨᠢ ᠠᠷᠪᠠᠨ ᠬᠤᠶᠠᠷ ᠵᠢᠯ ᠢᠶᠠᠷ ᠦᠶᠡᠯᠡᠵᠦ ᠢᠷᠡᠳᠡᠭ᠃ ᠵᠢᠱᠢᠶᠡᠯᠡᠪᠡᠯ ᠬᠤᠯᠤᠭᠠᠨᠠ ᠵᠢᠯ ᠳᠤ | ᠲᠦᠷᠦᠭᠰᠡᠨ ᠬᠦᠮᠦᠨ ᠤ ᠨᠠᠰᠤᠨ ᠤ ᠦᠶᠡᠯᠡᠯ ᠨᠢ ᠳᠠᠷᠠᠭᠠᠴᠢ ᠢᠷᠡᠬᠦ ᠬᠤᠯᠤᠭᠠᠨᠠ ᠵᠢᠯ ᠪᠣᠯᠣᠨᠠ᠃ ᠡᠨᠡ ᠮᠡᠲᠦ ᠪᠠᠷ ᠠᠷᠪᠠᠨ ᠭᠤᠷᠪᠠ᠂ ᠬᠤᠷᠢᠨ ᠲᠠᠪᠤ᠂ ᠭᠤᠴᠢᠨ | ᠳᠣᠯᠤᠭᠠ᠂ ᠳᠥᠴᠢ ᠶᠢᠰᠦ᠂ ᠵᠢᠷᠠᠨ ᠨᠢᠭᠡ᠂ ᠳᠠᠯᠠᠨ ᠭᠤᠷᠪᠠ᠂ ᠨᠠᠶᠠᠨ ᠲᠠᠪᠤ ᠶᠢᠨ ᠨᠠᠰᠤᠨ ᠳᠡᠭᠡᠷᠡ ᠪᠠᠨ ᠵᠢᠯ ᠨᠢ ᠭᠤᠣᠯᠯᠠᠨᠠ᠂ ᠲᠡᠭᠡᠬᠦ ᠳᠤ ᠪᠠᠨ ᠵᠢᠯ ᠣᠷᠤᠭᠤᠯᠬᠤ | ᠶᠤᠰᠤᠯᠠᠯ ᠢ ᠡᠮᠦᠨᠡ ᠨᠢᠭᠡ ᠵᠢᠯ ᠳᠡᠭᠡᠷᠡ ᠶᠠᠪᠤᠭᠤᠯᠳᠠᠭ᠃ ᠳᠠᠷᠤᠢ ᠵᠢᠷᠠᠨ ᠨᠢᠭᠡ ᠶᠢᠨ ᠨᠠᠰᠤᠨ ᠤ ᠦᠶᠡᠯᠡᠯ ᠢ ᠵᠢᠷᠠ ᠳᠡᠭᠡᠷᠡ ᠨᠢ ᠬᠢᠨᠡ᠃ ᠲᠡᠭᠡᠪᠡᠯ ᠵᠢᠷᠠᠨ ᠨᠢᠭᠡ ᠶᠢᠨ | ᠦᠶᠡᠯᠡᠯ ᠨᠢ ᠨᠢᠭᠡᠨᠲᠡ ᠦᠩᠭᠡᠷᠡᠵᠡᠢ ᠭᠡᠰᠡᠨ ᠤᠳᠬᠠ ᠲᠠᠢ᠃ | ᠬᠦᠮᠦᠨ ᠦᠶᠡᠯᠡᠯ ᠤᠨ ᠨᠠᠰᠤᠨ ᠳᠤ ᠲᠤᠬᠢᠶᠠᠯᠳᠤᠬᠤ ᠳᠤ ᠠᠯᠢᠪᠠ ᠭᠠᠢ ᠭᠠᠮᠰᠢᠭ ᠤᠴᠠᠷᠠᠬᠤ ᠬᠤᠭᠤᠴᠠᠭᠠ ᠭᠡᠵᠦ ᠦᠵᠡᠳᠡᠭ ᠪᠣᠯᠬᠤᠷ ᠵᠢᠯ ᠣᠷᠤᠭᠤᠯᠬᠤ | ᠶᠣᠰᠤᠨ ᠢ ᠭᠦᠢᠴᠡᠳᠭᠡᠵᠦ ᠠᠯᠢᠪᠠ ᠵᠤᠪᠠᠯᠠᠩ ᠠᠴᠠ ᠵᠠᠶᠢᠯᠠᠰᠬᠢᠬᠦ ᠶᠢᠨ ᠲᠥᠯᠥᠭᠡ ᠶᠤᠮ᠃ | ᠵᠢᠯ ᠣᠷᠤᠭᠤᠯᠬᠤ ᠨᠢ ᠠᠪᠤ ᠡᠵᠢ᠂ ᠠᠬᠠᠮᠠᠳ ᠬᠦᠮᠦᠰ ᠲᠤ ᠪᠠᠨ ᠬᠡᠤᠬᠡᠳ ᠳᠡᠭᠦᠦ ᠨᠠᠷ ᠨᠢ ᠭᠦᠢᠴᠡᠳᠭᠡᠬᠦ ᠦᠢᠯᠡ ᠶᠤᠮ᠃ ᠵᠢᠯ ᠣᠷᠤᠭᠤᠯᠵᠤ ᠪᠠᠶᠢᠭᠠ ᠶᠡᠬᠡᠴᠤᠣᠯ | ᠳᠤ ᠪᠠᠨ ᠮᠠᠯ ᠬᠤᠢ ᠠᠴᠠ ᠡᠬᠢᠯᠡᠨ ᠬᠤᠪᠴᠠᠰᠤᠨ ᠤ ᠳᠣᠷᠭᠠ ᠪᠦᠰ᠂ ᠲᠡᠪᠡᠯ ᠲᠡᠷᠯᠢᠭ᠂ ᠬᠤᠪᠴᠠᠰᠤ ᠬᠤᠨᠠᠷ᠂ ᠬᠡᠪ ᠤᠨ ᠴᠠᠢ᠂ ᠠᠷᠢᠬᠢ ᠰᠠᠷᠬᠤᠳ᠂ ᠵᠢᠮᠢᠰ ᠪᠣᠣᠪᠤ᠂ | ᠰᠢᠬᠢᠷ ᠪᠣᠷᠮᠠ ᠳᠤ ᠬᠦᠷᠲᠡᠯᠡ ᠪᠡᠯᠡᠭ ᠤᠨ ᠶᠠᠭᠤᠮᠠᠰ ᠢᠶᠠᠷ ᠥᠭᠳᠡᠭ᠃ ᠵᠢᠯ ᠣᠷᠤᠭᠰᠠᠨ ᠬᠦᠮᠦᠨ ᠨᠢ ᠬᠡᠤᠬᠡᠳ ᠪᠠᠭᠠᠴᠤᠳ ᠤᠨ ᠢᠶᠠᠨ ᠵᠣᠯᠭᠠᠬᠤ ᠪᠠᠷ ᠢᠷᠡᠬᠦ ᠳᠤ ᠨᠢ᠄ | ︽ᠠᠪᠤ ᠡᠵᠢ ᠨᠢ ᠬᠡᠨ ᠬᠡᠨ ᠳᠤ ᠪᠠᠨ ᠦᠨᠳᠦᠷ ᠨᠠᠰᠤᠨ ᠬᠤᠳᠤᠭ ᠢᠶᠠᠨ ᠥᠭᠭᠦᠶᠡ︾ ᠭᠡᠵᠦ ᠢᠷᠦᠭᠡᠬᠦ ᠶᠢᠨ ᠬᠠᠮᠲᠤ ᠰᠢᠬᠢᠷ ᠪᠣᠭᠤᠷᠰᠤᠭ᠂ ᠬᠤᠷᠤᠳ᠂ ᠬᠠᠨᠲᠠᠭᠠᠰᠤ᠂ | ᠪᠦᠰ ᠪᠠᠷᠠᠭᠠ ᠵᠡᠷᠭᠡ ᠬᠠᠷᠢᠭᠤ ᠬᠤᠪᠢ ᠭᠡᠵᠦ ᠥᠭᠳᠡᠭ᠃ ᠵᠢᠯ ᠣᠷᠤᠭᠤᠯᠬᠤ ᠦᠢᠯᠡ ᠶᠢ ᠡᠩ ᠤᠨ ᠪᠠᠶᠢᠳᠠᠯ ᠳᠤ ᠵᠢᠯ ᠤᠨ ᠡᠴᠦᠰ ᠰᠠᠷᠠ ᠶᠢᠨ ᠦᠶᠡ ᠪᠠᠷ | ᠶᠠᠪᠤᠭᠤᠯᠳᠠᠭ᠃ ᠪᠠᠰᠠ ᠵᠠᠷᠢᠮ ᠨᠢ ᠡᠳᠦᠷ ᠦᠵᠡᠵᠦ ᠰᠠᠶᠢᠨ ᠡᠳᠦᠷ ᠢ ᠰᠤᠩᠭᠤᠨ ᠬᠢᠬᠦ ᠴᠤ ᠪᠤᠢ᠃ | ᠬᠡᠤᠬᠡᠳ ᠤᠨ ᠠᠷᠪᠠᠨ ᠭᠤᠷᠪᠠᠨ ᠨᠠᠰᠤᠨ ᠤ ᠣᠢ ᠶᠢ ᠠᠪᠤ ᠡᠵᠢ ᠨᠢ ᠲᠣᠩ ᠴᠢᠬᠤᠯᠠᠴᠢᠯᠠᠨ ᠥᠩᠭᠡᠷᠡᠭᠦᠯᠳᠡᠭ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠵᠢᠷᠠᠨ ᠨᠢᠭᠡ᠂ ᠳᠠᠯᠠᠨ | ᠭᠤᠷᠪᠠ᠂ ᠨᠠᠶᠠᠨ ᠲᠠᠪᠤ ᠶᠢᠨ ᠨᠠᠰᠤᠨ ᠤ ᠪᠠᠶᠠᠷ ᠢ ᠲᠤᠶᠢᠯ ᠢᠶᠠᠷ ᠬᠦᠨᠳᠦᠳᠭᠡᠵᠦ᠂ ᠨᠠᠰᠤᠨ ᠪᠠᠶᠠᠷ ᠤᠨ ᠨᠠᠶᠢᠷ ᠭᠡᠵᠦ ᠬᠢᠳᠡᠭ᠃ | | | | | | | ᠮᠣᠩᠭᠤᠯ ᠲᠡᠤᠬᠡ ᠰᠤᠶᠤᠯ ᠤᠨ ᠰᠤᠩᠭᠤᠳᠠᠭ ᠵᠣᠬᠢᠶᠠᠯ ᠤᠨ ᠬᠦᠮᠦᠷᠭᠡ᠂ | ᠵᠠᠩ ᠦᠢᠯᠡ ᠶᠢᠨ ᠴᠣᠪᠣᠷᠠᠯ ︽ᠤᠷᠠᠳ ᠵᠠᠩ ᠦᠢᠯᠡ︾ ᠠᠴᠠ ᠪᠠᠭᠤᠯᠭᠠᠪᠠ | | |