| ᠤᠷᠠᠳ ᠤᠨ ᠤᠷᠤᠭ ᠪᠠᠷᠢᠯᠳᠤᠬᠤ ᠶᠣᠰᠣᠨ ᠳᠤ ᠣᠯᠠᠨ ᠵᠦᠢᠯ ᠤᠨ ᠲᠣᠭᠲᠠᠭᠰᠠᠨ ᠶᠣᠰᠣ ᠳᠦᠷᠢᠮ ᠪᠠᠶᠢᠳᠠᠭ᠃ ᠤᠷᠤᠭ ᠬᠤᠷᠢᠮ ᠳᠤ ᠲᠡᠷᠡ ᠪᠦᠬᠦᠢ ᠳᠦᠷᠢᠮ | ᠢ ᠴᠢᠩᠭᠠ ᠵᠢᠷᠤᠮᠯᠠᠳᠠᠭ ᠪᠠᠶᠢᠵᠠᠢ᠃ ᠤᠷᠠᠳ ᠤᠨ ᠤᠷᠤᠭ ᠪᠠᠷᠢᠯᠳᠤᠬᠤ ᠶᠣᠰᠣᠨ ᠳᠤ ᠦᠶᠡ ᠨᠢᠭᠡ ᠬᠦᠮᠦᠰ ᠬᠤᠭᠤᠷᠤᠨᠳᠤ ᠪᠠᠨ ᠣᠷᠤᠭ ᠬᠤᠯᠪᠤᠵᠤ ᠪᠣᠯᠬᠤ ᠠᠴᠠ | ᠪᠢᠰᠢ᠂ ᠦᠶᠡ ᠨᠢᠭᠡ ᠪᠢᠰᠢ ᠡᠷᠡᠭᠲᠡᠢ᠂ ᠡᠮᠡᠭᠲᠡᠢ ᠬᠤᠭᠤᠷᠤᠨᠳᠤ ᠪᠠᠨ ᠣᠷᠤᠭ ᠪᠠᠷᠢᠯᠳᠤᠵᠤ ᠪᠣᠯᠬᠤ ᠦᠭᠡᠢ᠃ ᠦᠶᠡ ᠨᠢᠭᠡ ᠪᠣᠰᠣ ᠭᠡᠳᠡᠭ ᠨᠢ ᠡᠷᠡᠭᠲᠡᠢ ᠡᠮᠡᠭᠲᠡᠢ | ᠬᠤᠶᠠᠷ ᠤᠨ ᠨᠢᠭᠡ ᠨᠢ ᠦᠶᠡ ᠪᠠᠷ ᠳᠡᠭᠡᠷᠡ᠂ ᠨᠥᠭᠦᠭᠡ ᠨᠢ ᠦᠶᠡ ᠪᠠᠷ ᠳᠣᠣᠷᠠ ᠪᠣᠯᠬᠤ ᠶᠢ ᠵᠢᠭᠠᠵᠤ ᠪᠣᠢ᠃ | ᠠᠳᠠᠯᠢ ᠣᠪᠣᠭᠲᠠᠨ ᠪᠣᠯ ᠨᠢᠭᠡ ᠶᠠᠰᠤᠲᠠᠨ᠂ ᠴᠢᠰᠤᠨ ᠲᠥᠷᠥᠯ ᠨᠢᠭᠡᠲᠡᠢ ᠪᠣᠯᠬᠤᠷ ᠠᠳᠠᠯᠢ ᠣᠪᠣᠭᠲᠠᠨ ᠬᠤᠭᠤᠷᠤᠨᠳᠤ ᠪᠠᠨ ᠣᠷᠤᠭᠯᠠᠬᠤ ᠠᠴᠠ ᠵᠠᠶᠢᠯᠠᠰᠬᠢᠳᠡᠭ᠃ | ᠡᠭᠦᠨ ᠳᠤ ᠲᠠᠶᠢᠵᠢ ᠬᠤᠭᠤᠷᠤᠨᠳᠤ ᠪᠠᠨ ᠣᠷᠣᠭᠯᠠᠵᠤ ᠪᠣᠯᠬᠤ ᠦᠭᠡᠢ᠃ ᠢᠯᠠᠩᠭᠤᠶᠠ ᠴᠢᠰᠣᠨ ᠲᠥᠷᠥᠯ ᠤᠨ ᠬᠠᠷᠢᠴᠠᠭᠠ ᠶᠢᠨ ᠲᠠᠯᠠ ᠪᠠᠷ ᠣᠶᠢᠷᠠ ᠬᠦᠮᠦᠰ | ᠣᠷᠣᠭᠯᠠᠵᠤ ᠪᠣᠯᠬᠤ ᠦᠭᠡᠢ᠃ ᠭᠡᠪᠡᠴᠦ ᠲᠣᠰ ᠬᠤᠰᠢᠭᠤᠨ ᠤ ᠲᠠᠶᠢᠵᠢ ᠪᠣᠰᠣᠳ ᠬᠤᠰᠢᠭᠤᠨ ᠤ ᠲᠠᠶᠢᠵᠢ ᠲᠠᠢ ᠴᠢᠰᠤᠨ ᠬᠠᠷᠢᠴᠠᠭᠠ ᠨᠡᠯᠢᠶᠡᠳ ᠬᠤᠯᠠ ᠪᠣᠯ | ᠤᠷᠤᠭᠯᠠᠵᠤ ᠪᠣᠯᠣᠨᠠ᠃ ᠲᠠᠶᠢᠵᠢ ᠨᠠᠷ ᠲᠣᠰ ᠬᠤᠰᠢᠭᠤᠨ ᠤ ᠬᠠᠷᠠᠴᠣ ᠪᠣᠶᠣ ᠪᠣᠰᠣᠳ ᠬᠤᠰᠢᠭᠤᠳ ᠤᠳ ᠬᠠᠷᠠᠴᠣ ᠲᠠᠢ ᠤᠷᠤᠭᠯᠠᠵᠤ ᠪᠣᠯᠳᠠᠭ᠃ ᠬᠠᠷᠠᠴᠣ ᠠᠷᠠᠳ | ᠭᠡᠰᠡᠨ ᠴᠤ ᠮᠦᠨ ᠠᠳᠠᠯᠢ ᠣᠪᠣᠭᠲᠠᠨ ᠲᠠᠢ ᠪᠠᠨ ᠤᠷᠤᠭ ᠬᠤᠯᠪᠣᠵᠣ ᠪᠣᠯᠬᠤ ᠦᠭᠡᠢ᠃ ᠭᠡᠪᠡᠴᠦ ᠴᠢᠰᠤᠨ ᠬᠠᠷᠢᠴᠠᠭᠠ ᠬᠤᠯᠠ ᠪᠣᠯ ᠠᠳᠠᠯᠢ ᠣᠪᠣᠭᠲᠠᠨ ᠴᠤ | ᠬᠠᠷᠢᠯᠴᠠᠨ ᠣᠷᠣᠭᠯᠠᠵᠤ ᠪᠣᠯᠣᠨᠠ᠃ | ᠠᠬᠠ ᠲᠡᠭᠦᠦ ᠬᠤᠶᠠᠷ ᠤᠨ ᠬᠡᠤᠬᠡᠳ ᠴᠢᠰᠤᠨ ᠲᠥᠷᠥᠯ ᠨᠢᠭᠡᠲᠡᠢ ᠲᠤᠯᠠ ᠤᠷᠤᠭᠯᠠᠬᠤ ᠶᠢ ᠲᠠᠰᠤ ᠴᠡᠭᠡᠷᠯᠡᠨᠡ᠃ ᠭᠡᠲᠡᠯᠡ ᠡᠭᠡᠴᠢ ᠲᠡᠭᠦᠦ ᠬᠤᠶᠠᠷ ᠤᠨ ᠬᠡᠤᠬᠡᠳ | ᠠᠳᠠᠯᠢ ᠪᠣᠰᠤ ᠣᠪᠣᠭᠲᠠᠨ ᠪᠣᠯ ᠤᠷᠤᠭᠯᠠᠵᠤ ᠪᠣᠯᠳᠠᠭ ᠪᠦᠭᠡᠳ ᠠᠪᠠᠭᠠ ᠨᠠᠭᠠᠴᠣ ᠶᠢᠨ ᠬᠠᠷᠢᠴᠠᠭᠠ ᠲᠠᠢ ᠦᠷᠡ ᠬᠡᠤᠬᠡᠳ ᠴᠤ ᠬᠤᠭᠤᠷᠤᠨᠳᠤ ᠪᠠᠨ ᠤᠷᠤᠭ | ᠪᠠᠷᠢᠯᠳᠤᠵᠤ ᠪᠣᠯᠳᠠᠭ᠃ | ᠵᠠᠷᠢᠮ ᠠᠶᠢᠯ ᠱᠠᠰᠢᠨ ᠰᠢᠲᠦᠯᠭᠡ ᠶᠢᠨ ᠡᠭᠦᠳᠡᠨ ᠠᠴᠠ ᠪᠣᠳᠤᠯᠬᠢᠯᠠᠵᠤ᠂ ᠦᠵᠡᠯᠭᠡ ᠲᠦᠯᠭᠡ ᠲᠠᠯᠪᠢᠵᠤ᠂ ᠬᠤᠶᠠᠷ ᠬᠡᠤᠬᠡᠳ ᠤᠨ ᠲᠦᠷᠦᠭᠰᠡᠨ ᠵᠢᠯ ᠤᠨ ᠡᠷᠬᠡᠲᠡᠨ | ᠨᠢ ᠬᠤᠭᠤᠷᠤᠨᠳᠤ ᠪᠠᠨ ᠢᠪᠡᠭᠡᠯ ᠪᠠ ᠢᠪᠡᠭᠡᠯ ᠪᠣᠰᠣ ᠪᠣᠯᠬᠤ ᠶᠢ ᠦᠵᠡᠭᠦᠯᠳᠡᠭ᠃ ᠢᠪᠡᠭᠡᠯ ᠲᠠᠢ ᠪᠣᠯ ᠤᠷᠤᠭᠯᠠᠭᠰᠠᠨ ᠤ ᠬᠤᠶᠢᠨᠠ ᠡᠶᠡ ᠡᠪᠲᠡᠢ᠂ ᠦᠷᠡ ᠬᠡᠤᠬᠡᠳ | ᠳᠡᠯᠭᠡᠷᠡᠵᠦ᠂ ᠵᠣᠯ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠨᠠ ᠭᠡᠵᠦ ᠦᠵᠡᠳᠡᠭ᠂ ᠬᠡᠷᠪᠡ ᠢᠪᠡᠭᠡᠯ ᠪᠣᠰᠣ ᠪᠠᠶᠢᠪᠠᠯ ᠤᠷᠤᠭ ᠬᠤᠯᠪᠣᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠪᠠᠰᠠ ᠡᠮᠨᠡᠯᠭᠡ ᠶᠢᠨ | ᠤᠬᠠᠭᠠᠨ ᠤ ᠲᠠᠪᠤᠨ ᠮᠠᠬᠠᠪᠤᠳ ᠤᠨ ᠨᠡᠶᠢᠯᠡᠬᠦ᠂ ᠬᠠᠷᠰᠢᠬᠤ ᠤᠴᠠᠷᠠᠯ ᠢ ᠰᠢᠨᠵᠢᠨ ᠦᠵᠡᠭᠦᠯᠵᠦ᠂ ᠤᠷᠤᠭ ᠪᠠᠷᠢᠯᠳᠤᠵᠤ ᠪᠣᠯᠬᠤ ᠡᠰᠡᠬᠦ ᠶᠢ ᠲᠤᠭᠲᠠᠭᠠᠳᠠᠭ ᠴᠤ ᠪᠣᠢ᠃ | ᠲᠡᠲᠡᠨ ᠤ ᠦᠵᠡᠬᠦ ᠪᠠᠷ ᠣᠷᠴᠢᠯᠠᠩ ᠤᠨ ᠬᠦᠮᠦᠨ᠂ ᠲᠦᠮᠡᠨ ᠪᠣᠳᠠᠰ ᠨᠢ ᠴᠦᠮ ᠲᠠᠪᠤᠨ ᠮᠠᠬᠠᠪᠤᠳ ᠲᠠᠢ ᠨᠢᠭᠲᠠ ᠬᠤᠯᠪᠤᠭᠠᠲᠠᠢ ᠪᠠᠶᠢᠵᠣ᠂ ᠬᠠᠷᠢᠯᠴᠠᠨ ᠲᠦᠯᠵᠢᠬᠦ᠂ | ᠬᠠᠷᠰᠢᠯᠠᠬᠤ ᠬᠦᠳᠡᠯᠭᠡᠭᠡᠨ ᠤ ᠲᠤᠮᠳᠠ ᠣᠷᠣᠰᠢᠨ ᠠᠮᠢᠳᠤᠷᠠᠵᠤ ᠪᠠᠶᠢᠳᠠᠭ ᠲᠤᠯᠠ ᠶᠠᠮᠠᠷ ᠨᠢᠭᠡ ᠬᠦᠮᠦᠨ ᠴᠤ ᠡᠨᠡᠬᠦ ᠲᠠᠪᠤᠨ ᠮᠠᠬᠠᠪᠤᠳ — ᠭᠠᠯ᠂ ᠰᠢᠷᠤᠢ᠂ ᠲᠡᠮᠦᠷ᠂ | ᠣᠰᠣ᠂ ᠮᠣᠳᠤ ᠶᠢᠨ ᠴᠢᠨᠠᠷ ᠤᠨ ᠨᠢᠭᠡ ᠳᠤ ᠲᠥᠷᠥᠳᠡᠭ᠃ ᠬᠡᠷᠪᠡ ᠬᠤᠶᠠᠷ ᠬᠡᠤᠬᠡᠳ ᠤᠨ ᠮᠠᠬᠠᠪᠤᠳ ᠨᠢ ᠬᠠᠷᠢᠯᠴᠠᠨ ᠬᠠᠷᠰᠢᠯᠳᠤᠬᠤ ᠦᠭᠡᠢ ᠪᠣᠯ ᠰᠠᠶᠢᠨ᠂ | ᠬᠠᠷᠰᠢᠯᠳᠤᠪᠠᠯ ᠮᠠᠭᠤ ᠭᠡᠵᠦ ᠦᠵᠡᠳᠡᠭ᠃ ᠤᠷᠤᠭ ᠬᠤᠯᠪᠣᠬᠤ ᠬᠤᠶᠠᠷ ᠬᠦᠮᠦᠨ ᠤ ᠲᠥᠷᠥᠭᠰᠡᠨ ᠵᠢᠯ ᠪᠠ ᠮᠠᠬᠠᠪᠤᠳ ᠨᠢ ᠬᠠᠷᠰᠢ ᠮᠠᠭᠤ ᠪᠠᠶᠢᠬᠤ ᠳᠤ ᠬᠦᠷᠪᠡᠯ ᠯᠠᠮᠠ | ᠬᠤᠸᠠᠷᠠᠭ ᠵᠠᠯᠠᠵᠤ ᠳᠣᠮ ᠵᠠᠰᠠᠯᠭᠠ ᠬᠢᠯᠭᠡᠵᠦ᠂ ᠭᠠᠢ ᠪᠠᠷᠴᠢᠳ ᠢ ᠨᠢ ᠠᠷᠢᠯᠭᠠᠵᠤ ᠪᠠᠶᠢᠭᠠᠳ ᠰᠠᠶ᠋ᠢ ᠤᠷᠤᠭ ᠪᠠᠷᠢᠯᠳᠤᠭᠤᠯᠳᠠᠭ ᠵᠠᠩᠰᠢᠯ ᠲᠠᠢ᠃ | ᠦᠩᠭᠡᠷᠡᠭᠰᠡᠨ ᠳᠤ ᠤᠷᠠᠳ ᠨᠤᠲᠤᠭ ᠲᠤ ᠨᠢᠭᠡ ᠡᠷᠡ ᠨᠢᠭᠡ ᠯᠡ ᠪᠦᠰᠡᠭᠦᠢ ᠠᠪᠬᠤ ᠶᠢ ᠪᠠᠷᠢᠮᠲᠠᠯᠠᠳᠠᠭ ᠪᠣᠯᠪᠠᠴᠤ᠂ ᠲᠠᠶᠢᠵᠢ ᠢᠵᠠᠭᠤᠷᠲᠠᠨ ᠪᠠ ᠵᠠᠷᠢᠮ ᠪᠠᠶᠠᠨ | ᠠᠶᠢᠯ ᠤᠨ ᠡᠷᠡᠭᠲᠡᠢ ᠬᠡᠲᠦ ᠬᠡᠲᠦᠨ ᠪᠦᠰᠡᠭᠦᠢ ᠠᠪᠬᠤ ᠦᠵᠡᠭᠲᠡᠯ ᠴᠤ ᠵᠥᠩᠳᠡᠭᠡᠨ ᠪᠠᠶᠢᠭᠰᠠᠨ ᠶᠤᠮ᠃ ᠡᠨᠡ ᠨᠢ ᠭᠤᠣᠯᠳᠠᠭᠤ ᠲᠦᠷᠦᠭᠦᠦ ᠪᠦᠰᠡᠬᠦᠢ ᠠᠴᠠ ᠨᠢ | ᠦᠷᠡ ᠬᠡᠤᠬᠡᠳ ᠭᠠᠷᠤᠭᠰᠠᠨ ᠦᠭᠡᠢ ᠪᠠᠶᠢᠳᠠᠯ ᠤᠨ ᠳᠣᠣᠷᠠ ᠭᠤᠯᠣᠮᠲᠠ ᠲᠠᠰᠤᠷᠠᠬᠤ ᠠᠴᠠ ᠠᠶᠤᠵᠤ᠂ ᠥᠭᠡᠷᠡ ᠪᠠᠰᠠ ᠨᠢᠭᠡ ᠡᠬᠡᠨᠡᠷ ᠠᠪᠳᠠᠭ ᠪᠠᠶᠢᠵᠠᠢ᠃ | ᠰᠢᠷᠠ ᠶᠢᠨ ᠱᠠᠰᠢᠨ ᠬᠦᠭᠵᠢᠨ ᠳᠡᠯᠭᠡᠷᠡᠵᠦ ᠪᠠᠶᠢᠭᠰᠠᠨ ᠦᠶᠡ ᠳᠤ ᠨᠢᠭᠡ ᠠᠶᠢᠯ ᠳᠤ ᠭᠤᠷᠪᠠᠨ ᠬᠦᠪᠡᠭᠦᠨ ᠲᠠᠢ ᠪᠣᠯ ᠬᠤᠶᠠᠷ ᠢ ᠨᠢ ᠯᠠᠮᠠ ᠪᠣᠯᠭᠠᠳᠠᠭ ᠳᠦᠷᠢᠮ | ᠲᠠᠢ ᠪᠠᠶᠢᠭᠰᠠᠨ ᠲᠤᠯᠠ ᠡᠷᠡᠭᠲᠡᠢ ᠬᠠᠷᠠ ᠬᠦᠮᠦᠨ ᠴᠦᠭᠡᠷᠡᠵᠦ᠂ ᠯᠠᠮᠠ ᠬᠦᠮᠦᠨ ᠤᠯᠠᠰᠢᠷᠠᠵᠤ᠂ ᠬᠡᠤᠬᠡᠨ ᠬᠦᠮᠦᠨ ᠬᠦᠷᠭᠡᠨ ᠣᠯᠬᠤ ᠳᠤ ᠬᠦᠴᠢᠷ ᠪᠣᠯᠵᠠᠢ᠃ ᠡᠨᠡᠬᠦ | ᠪᠠᠶᠢᠳᠠᠯ ᠤᠨ ᠳᠣᠣᠷᠠ ᠵᠠᠷᠢᠮ ᠠᠶᠢᠯ᠂ ᠬᠡᠤᠬᠡᠨ ᠤ ᠪᠠᠨ ᠨᠠᠰᠤ ᠶᠡᠭᠡ ᠪᠣᠯᠵᠣ᠂ ᠬᠦᠷᠭᠡᠨ ᠣᠯᠬᠤ ᠦᠭᠡᠢ ᠪᠣᠯᠬᠤᠷ ᠶᠠᠮᠠᠷ ᠨᠢᠭᠡᠨ ᠬᠠᠷᠠ ᠬᠦᠮᠦᠨ ᠤ ᠨᠡᠷᠡ ᠶᠢ ᠵᠢᠭᠠᠵᠤ᠂ | ᠬᠡᠤᠬᠡᠨ ᠢᠶᠠᠨ ᠪᠦᠰᠡᠭᠦᠢ ᠪᠣᠯᠭᠠᠵᠤ᠂ ᠦᠰᠦ ᠶᠢ ᠨᠢ ᠪᠣᠭᠤᠵᠦ ᠭᠡᠷ ᠲᠤ ᠪᠠᠨ ᠦᠯᠡᠳᠡᠭᠡᠵᠦ ᠠᠪᠤ ᠡᠵᠢ ᠪᠠᠨ ᠬᠠᠷᠠᠭᠠᠯᠵᠠᠨ᠂ ᠭᠠᠯ ᠭᠤᠯᠣᠮᠲᠠ ᠪᠠᠨ ᠰᠠᠬᠢᠵᠦ | ᠠᠮᠢᠳᠤᠷᠠᠵᠤ ᠪᠠᠶᠢᠵᠠᠢ᠃ ᠨᠡᠷᠡ ᠵᠢᠭᠠᠵᠤ ᠪᠦᠰᠡᠭᠦᠢ ᠪᠣᠯᠭᠠᠬᠤ ᠳᠤ ᠵᠠᠷᠢᠮ ᠠᠶᠢᠯ ᠨᠢ ᠭᠡᠷ ᠤᠨ ᠨᠢᠷᠤᠭᠤ ᠲᠤᠯᠭᠠᠭᠤᠷ ᠪᠣᠶᠣ ᠠᠪᠳᠠᠷᠠ ᠰᠠᠪᠠ ᠡᠳ᠋ᠯᠡᠯ ᠳᠤ ᠬᠡᠤᠬᠡᠨ ᠢᠶᠠᠨ | ᠨᠡᠷᠡ ᠵᠢᠭᠠᠵᠤ ᠦᠰᠦ ᠶᠢ ᠨᠢ ᠪᠣᠭᠤᠬᠤ ᠵᠠᠩᠰᠢᠯ ᠨᠡᠶᠢᠳᠡᠮ ᠣᠷᠣᠰᠢᠵᠣ ᠪᠠᠶᠢᠭᠰᠠᠨ ᠶᠤᠮ᠃ | ᠭᠡᠷᠯᠡᠬᠦ ᠶᠣᠰᠤᠨ ᠤ ᠪᠠᠰᠠ ᠨᠢᠭᠡ ᠵᠦᠢᠯ ᠪᠣᠯ ᠡᠷᠡ ᠡᠮᠡ ᠬᠤᠶᠠᠭᠤᠯᠠ ᠡᠪ ᠨᠠᠶᠢᠷ ᠦᠭᠡᠢ ᠪᠣᠯᠵᠤ᠂ ᠣᠷᠤᠭ ᠰᠠᠯᠬᠤ ᠳᠤ ᠬᠦᠷᠪᠡᠯ ᠪᠠᠭ ᠪᠣᠶᠣ ᠰᠣᠮᠣᠨ ᠤ | ᠳᠠᠭᠠᠭᠠᠮᠠᠯ ᠬᠦᠮᠦᠨ ᠤ ᠭᠡᠷᠡᠴᠢᠯᠡᠭᠡ ᠪᠠᠷ ᠰᠠᠯᠬᠤ ᠭᠡᠵᠦ ᠪᠠᠶᠢᠭᠠ ᠡᠷᠡ ᠡᠮᠡ ᠬᠤᠶᠠᠭᠤᠯᠠ ᠬᠠᠷᠢᠯᠴᠠᠨ ᠬᠦᠬᠦᠷ ᠵᠦᠷᠢᠭᠦᠯᠡᠨ ᠲᠠᠮᠠᠬᠢᠯᠠᠵᠤ ᠮᠡᠨᠳᠦᠯᠡᠭᠡᠳ ᠤᠷᠤᠭ | ᠰᠠᠯᠳᠠᠭ ᠶᠣᠰᠤ ᠲᠠᠢ ᠪᠠᠶᠢᠵᠠᠢ᠃ ᠡᠶᠢᠮᠦ ᠭᠡᠷ ᠤᠨ ᠡᠷᠡ ᠡᠮᠡ ᠬᠤᠶᠠᠭᠤᠯᠠ ᠡᠩ ᠤᠨ ᠦᠶᠡ ᠳᠤ ᠬᠦᠬᠦᠷ ᠰᠤᠯᠢᠯᠴᠠᠬᠤ ᠶᠣᠰᠣ ᠦᠭᠡᠢ᠂ ᠵᠦᠪᠬᠡᠨ ᠤᠷᠤᠭ ᠰᠠᠯᠬᠤ | ᠳᠤ ᠰᠠᠶ᠋ᠢ ᠬᠦᠬᠦᠷ ᠰᠤᠯᠢᠯᠴᠠᠳᠠᠭ ᠵᠠᠩᠰᠢᠯ ᠲᠠᠢ ᠶᠤᠮ᠃ ᠪᠠᠰᠠ ᠬᠦᠴᠦᠨ ᠬᠦᠷᠭᠡᠨ ᠠᠪᠬᠤ ᠭᠡᠵᠦ ᠪᠠᠶᠢᠳᠠᠭ᠃ ᠬᠦᠪᠡᠭᠦᠨ ᠦᠭᠡᠢ ᠪᠣᠶᠣ ᠡᠰᠡᠭᠦᠯᠡ ᠬᠡᠤᠬᠡᠳ ᠤᠨ | ᠶᠡᠭᠡ ᠨᠢ ᠬᠡᠤᠬᠡᠨ ᠪᠠ ᠬᠦᠦ ᠨᠢ ᠨᠠᠰᠤ ᠪᠠᠷ ᠪᠠᠭᠠ ᠪᠦᠭᠡᠳ ᠡᠴᠢᠭᠡ ᠡᠬᠡ ᠨᠢ ᠡᠪᠡᠳᠴᠢᠨ ᠬᠠᠭᠤᠴᠢᠨᠲᠠᠢ᠂ ᠬᠦᠳᠡᠯᠮᠦᠷᠢ ᠶᠢᠨ ᠬᠦᠴᠦᠨ ᠦᠭᠡᠢ ᠠᠶᠢᠯ ᠬᠦᠴᠦᠨ ᠤ | ᠬᠦᠷᠭᠡᠨ ᠠᠪᠴᠦ᠂ ᠬᠦᠴᠦ ᠶᠢ ᠨᠢ ᠡᠳ᠋ᠯᠡᠨᠡ ᠭᠡᠳᠡᠭ᠃ ᠡᠶᠢᠮᠦᠷᠬᠦ ᠤᠷᠤᠭ ᠢ ᠤᠷᠠᠳᠴᠤᠳ ᠬᠦᠴᠦᠨ ᠬᠦᠷᠭᠡᠨ ᠠᠪᠬᠤ ᠭᠡᠨᠡ᠂ ᠬᠦᠴᠦᠨ ᠬᠦᠷᠭᠡᠨ ᠪᠣᠯᠣᠭᠰᠠᠳ ᠨᠢ | ᠬᠠᠳᠠᠮ ᠠᠪᠤ᠂ ᠡᠵᠢ ᠪᠠᠨ ᠨᠠᠰᠤᠨ ᠲᠤᠷᠰᠢ ᠠᠰᠠᠷᠠᠨ ᠬᠠᠷᠠᠭᠠᠯᠵᠠᠵᠤ᠂ ᠲᠡᠭᠦᠦ ᠨᠠᠷ ᠢᠶᠠᠨ ᠬᠦᠮᠦᠨ ᠤ ᠵᠡᠷᠭᠡ ᠳᠤ ᠬᠦᠷᠭᠡᠵᠦ᠂ ᠡᠭᠦᠲᠡ ᠡᠷᠦᠬᠡ ᠶᠢ ᠨᠢ ᠪᠣᠰᠬᠠᠨ ᠥᠭᠬᠦ | ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠪᠦᠭᠡᠳ ᠲᠣᠰ ᠠᠶᠢᠯ ᠤᠨ ᠭᠠᠯ ᠭᠤᠯᠣᠮᠲᠠ ᠶᠢ ᠰᠠᠬᠢᠵᠤ᠂ ᠥᠪ ᠬᠥᠷᠥᠩᠭᠡ ᠶᠢ ᠨᠢ ᠵᠠᠯᠭᠠᠮᠵᠢᠯᠠᠬᠤ ᠡᠷᠬᠡ ᠲᠠᠢ ᠪᠠᠶᠢᠳᠠᠭ᠃ | ᠬᠦᠦ ᠲᠠᠢ ᠠᠶᠢᠯ ᠤᠨ ᠬᠦᠴᠦᠨ ᠬᠦᠷᠭᠡᠨ ᠪᠣᠯᠣᠭᠰᠠᠳ ᠨᠢ ᠳᠡᠭᠦᠦ ᠪᠠᠨ ᠤᠷᠤᠭᠯᠠᠲᠠᠯᠠ ᠬᠠᠳᠠᠮ ᠡᠴᠢᠭᠡ᠂ ᠡᠬᠡ ᠳᠤ ᠪᠠᠨ ᠬᠦᠴᠦ ᠪᠠᠨ ᠡᠷᠭᠦᠵᠦ᠂ ᠬᠦᠦ ᠨᠢ | ᠤᠷᠤᠭᠯᠠᠭᠰᠠᠨ ᠤ ᠳᠠᠷᠠᠭᠠ ᠬᠦᠴᠦᠨ ᠬᠦᠷᠭᠡᠨ ᠨᠢ ᠪᠦᠰᠡᠬᠦᠢ ᠬᠡᠤᠬᠡᠳ ᠢᠶᠠᠨ ᠠᠪᠴᠤ ᠬᠤᠪᠢᠨ ᠳᠤ ᠪᠠᠨ ᠠᠮᠢᠳᠤᠷᠠᠳᠠᠭ ᠵᠠᠩᠰᠢᠯ ᠲᠠᠢ᠃ | | ᠮᠣᠩᠭᠤᠯ ᠲᠡᠤᠬᠡ ᠰᠤᠶᠤᠯ ᠤᠨ ᠰᠤᠩᠭᠤᠳᠠᠭ ᠵᠣᠬᠢᠶᠠᠯ ᠤᠨ ᠬᠦᠮᠦᠷᠭᠡ᠂ | ᠵᠠᠩ ᠦᠢᠯᠡ ᠶᠢᠨ ᠴᠣᠪᠣᠷᠠᠯ ︽ᠤᠷᠠᠳ ᠵᠠᠩ ᠦᠢᠯᠡ ︾ ᠠᠴᠠ ᠪᠠᠭᠤᠯᠭᠠᠪᠠ | | | | | |