| ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ ᠤ ᠪᠠᠶᠢᠴᠠᠭᠠᠨ ᠲᠤᠳᠤᠯᠠᠭᠰᠠᠨ ᠢᠶᠠᠷ ᠤᠷᠠᠳ ᠨᠤᠲᠤᠭ ᠲᠤ ᠨᠡᠶᠢᠲᠡ 378 ᠲᠦᠷᠦᠯ ᠳᠤ ᠬᠠᠷᠢᠶᠠᠯᠠᠭᠳᠠᠬᠤ 918 ᠵᠦᠢᠯ ᠤᠨ ᠵᠡᠷᠯᠢᠭ | ᠤᠷᠭᠤᠮᠠᠯ ᠤᠨ ᠢᠵᠠᠭᠤᠷ ᠲᠤ ᠪᠠᠭᠳᠠᠳᠠᠭ᠂ ᠡᠭᠦᠨ ᠠᠴᠠ ᠭᠠᠳᠠᠨᠠ 36 ᠢᠵᠠᠭᠤᠷ ᠲᠤ ᠪᠠᠭᠳᠠᠬᠤ 78 ᠲᠦᠷᠦᠯ ᠤᠨ 178 ᠵᠦᠢᠯ ᠤᠨ ᠮᠤᠳᠤᠯᠢᠭ ᠤᠷᠭᠤᠮᠠᠯ | ᠪᠠᠶᠢᠳᠠᠭ᠃ ᠡᠳᠡᠭᠡᠷ ᠤᠷᠭᠤᠮᠠᠯ ᠤᠨ ᠵᠠᠷᠢᠮ ᠨᠢ ᠢᠳᠡᠰᠢ ᠨᠡᠷᠡᠬᠦ᠂ ᠪᠤᠷᠳᠤᠭᠠ ᠬᠢᠬᠦ ᠵᠡᠷᠭᠡ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠦᠨᠡ ᠦᠷᠲᠡᠭ ᠲᠠᠢ᠂ ᠵᠠᠷᠢᠮ ᠨᠢ ᠡᠮ ᠳᠤ | ᠤᠷᠤᠵᠤ ᠡᠪᠡᠳᠴᠢᠨ ᠵᠠᠰᠠᠬᠤ ᠡᠮᠴᠢᠯᠡᠭᠡᠨ ᠤ ᠦᠨᠡ ᠦᠷᠲᠡᠭ ᠲᠠᠢ ᠪᠠᠶᠢᠳᠠᠭ᠃ ᠪᠤᠳᠠᠳᠠᠢ ᠪᠠᠷ ᠬᠡᠯᠡᠪᠡᠯ ᠠᠳᠤᠭᠤ ᠢᠳᠡᠬᠦ ᠲᠤᠷᠠᠲᠠᠢ ᠠᠭᠢ᠂ ᠴᠠᠭᠠᠯᠵᠢ᠂ ᠪᠦᠵᠦᠨᠦᠦᠷ᠃ | ᠲᠡᠮᠡᠭᠡ ᠢᠳᠡᠬᠦ ᠲᠤᠷᠠᠲᠠᠢ ᠪᠠᠭᠠᠯᠤᠤᠷ᠂ ᠵᠠᠭ᠂ ᠪᠤᠲᠤᠷᠭᠠᠨᠠ᠂ ᠬᠠᠷᠭᠠᠨᠠ᠂ ᠴᠠᠬᠢᠯᠳᠠᠭ᠂ ᠰᠤᠨᠳᠤᠤᠯᠠ ᠪᠤᠷᠤᠯᠵᠠᠢ᠂ ᠰᠢᠷᠠᠯᠵᠢ᠃ ᠦᠬᠡᠷ ᠢᠳᠡᠬᠦ ᠲᠤᠷᠠᠲᠠᠢ ᠲᠡᠷᠡᠰᠦ᠂ ᠰᠣᠯᠢ᠂ | ᠴᠠᠭᠠᠯᠵᠢ᠂ ᠲᠠᠭᠠᠨᠠ᠃ ᠪᠤᠭ ᠮᠠᠯ ᠢᠳᠡᠬᠦ ᠲᠤᠷᠠᠲᠠᠢ ᠲᠡᠷᠡᠰᠦ᠂ ᠴᠠᠬᠢᠯᠳᠠᠭ᠂ ᠰᠣᠯᠢ᠂ ᠴᠠᠭᠠᠯᠵᠢ᠂ ᠬᠦᠮᠡᠯᠢ ᠲᠠᠭᠠᠨᠠ᠂ ᠬᠠᠷᠠ ᠪᠤᠳᠠ᠂ ᠲᠡᠮᠡᠭᠡᠨ ᠬᠦᠬᠦ᠂ ᠮᠦᠬᠦ᠂ ᠬᠠᠯᠠᠭᠠᠢ | ᠵᠡᠷᠭᠡ ᠢᠳᠡᠵᠦ ᠪᠤᠯᠬᠤ ᠤᠷᠭᠤᠮᠠᠯ ᠴᠦ ᠦᠷᠭᠡᠨ ᠬᠡᠪᠴᠢᠶᠡ ᠪᠠᠷ ᠤᠷᠭᠤᠳᠠᠭ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠵᠠᠭᠰᠠᠭᠠᠯ᠂ ᠲᠤᠷᠯᠤᠭ ᠰᠦᠲᠦ ᠡᠪᠡᠰᠦ᠂ ᠬᠠᠮᠬᠤᠤᠯ᠂ ᠯᠣᠣᠯᠢ᠂ | ᠭᠦᠢᠯᠡᠰᠦ ᠮᠡᠲᠦ ᠶᠢᠨ ᠤᠷᠭᠤᠮᠠᠯ ᠴᠦ ᠦᠷᠭᠦᠯᠵᠢ ᠬᠠᠷᠠᠭᠳᠠᠳᠠᠭ ᠪᠠᠶᠢᠨᠠ᠃ ᠲᠡᠷᠡᠴᠢᠯᠡᠨ ᠬᠦᠯ ᠨᠢᠷᠤᠭᠤᠨ ᠤ ᠡᠪᠡᠳᠴᠢᠨ ᠵᠠᠰᠠᠬᠤ ᠬᠠᠯᠠᠭᠤᠨ ᠷᠠᠰᠢᠶᠠᠨ ᠳᠤ | ᠬᠡᠷᠡᠭᠯᠡᠭᠳᠡᠳᠡᠭ ᠠᠷᠴᠠ᠂ ᠵᠡᠭᠡᠷᠭᠡᠨᠡ᠂ ᠠᠭᠢ ᠵᠡᠷᠭᠡ ᠪᠠ ᠲᠡᠮᠡᠭᠡ ᠬᠠᠨᠢᠶᠠᠪᠠᠯ ᠴᠢᠨᠠᠵᠤ ᠦᠭᠳᠡᠭ ᠰᠦᠷᠭᠡᠤ ᠡᠪᠡᠰᠦ ᠭᠡᠬᠦ ᠮᠡᠲᠦ ᠡᠮ ᠲᠠᠩ ᠳᠤ ᠤᠷᠤᠳᠠᠭ ᠡᠪᠡᠰᠦ ᠴᠦ | ᠴᠦᠭᠡᠨ ᠪᠤᠰᠤ ᠵᠦᠢᠯ ᠪᠠᠶᠢᠳᠠᠭ᠃ | ᠡᠳᠡᠭᠡᠷ ᠠᠴᠠ ᠭᠠᠳᠠᠨᠠ ᠤᠯᠠᠭᠠᠨ ᠮᠤᠳᠤ᠂ ᠦᠩᠬᠡ ᠮᠤᠳᠤ᠂ ᠴᠠᠭᠠᠨ ᠭᠤᠶᠤᠤ᠂ ᠬᠤᠨᠴᠢᠷ᠂ ᠤᠯᠠᠭᠠᠨ ᠪᠣᠶᠢᠯᠠᠰᠤ᠂ ᠲᠣᠣᠷᠠᠢ᠂ ᠤᠯᠢᠶᠠᠰᠤ ᠵᠡᠷᠭᠡ ᠤᠯᠤᠰ ᠤᠨ | ᠳᠡᠰ ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠤᠷᠭᠤᠮᠠᠯ ᠤᠨ ᠲᠦᠷᠦᠯ ᠵᠦᠢᠯ ᠳᠤ ᠤᠷᠤᠭᠰᠠᠨ ᠡᠪᠡᠰᠦᠨ ᠤ ᠵᠦᠢᠯ ᠴᠦ ᠪᠠᠶᠢᠳᠠᠭ᠃ | | | | ᠮᠣᠩᠭᠤᠯ ᠲᠡᠤᠬᠡ ᠰᠤᠶᠤᠯ ᠤᠨ ᠰᠤᠩᠭᠤᠳᠠᠭ ᠵᠣᠬᠢᠶᠠᠯ ᠤᠨ ᠬᠦᠮᠦᠷᠭᠡ᠂ | ᠵᠠᠩ ᠦᠢᠯᠡ ᠶᠢᠨ ᠴᠤᠪᠤᠷᠠᠯ ᠪᠢᠴᠢᠭ ︽ᠤᠷᠠᠳ ᠵᠠᠩ ᠦᠢᠯᠡ︾ ᠠᠴᠠ ᠪᠠᠭᠤᠯᠭᠠᠪᠠ | | | | | |