| ᠮᠣᠷᠢᠲᠠᠨ ᠦᠨᠳᠦᠰᠦᠲᠡᠨ ᠮᠣᠩᠭᠤᠯᠴᠣᠳ ᠲᠤ ᠦᠨᠢᠷ ᠪᠠᠶᠠᠯᠢᠭ ᠠᠳᠤᠭᠤᠨ ᠰᠤᠶᠤᠯ ᠲᠠᠢ ᠪᠠᠶᠢᠳᠠᠭ᠃ ᠲᠡᠷᠡ ᠨᠢ ᠨᠡᠷᠡᠶᠢᠳᠦᠯ᠂ ᠥᠩᠭᠡ ᠵᠢᠰᠦᠮ᠂ ᠨᠠᠰᠤ | ᠰᠢᠲᠦ᠂ ᠠᠯᠬᠤᠳᠠᠯ ᠭᠢᠰᠬᠢᠳᠡᠯ ᠠᠴᠠ ᠠᠪᠤᠭᠠᠳ ᠡᠳᠦᠷ ᠲᠤᠳᠤᠮ ᠤᠨ ᠡᠳ᠋ᠯᠡᠵᠦ ᠬᠡᠷᠡᠭᠯᠡᠬᠦ᠂ ᠠᠷᠠᠴᠢᠯᠠᠵᠤ ᠲᠤᠳᠤᠮᠳᠠᠬᠤ ᠵᠢᠴᠢ ᠣᠨᠴᠠᠭᠠᠢ ᠴᠠᠭ ᠦᠶᠡ ᠶᠢᠨ ᠵᠠᠩ | ᠦᠢᠯᠡ᠂ ᠴᠡᠭᠡᠷ ᠶᠣᠰᠣ ᠵᠡᠷᠭᠡ ᠪᠠᠶᠠᠯᠢᠭ ᠠᠭᠤᠯᠬᠤᠨ ᠲᠠᠢ ᠪᠠᠶᠢᠳᠠᠭ᠃ | ᠠᠳᠤᠭᠤ ᠶᠢ ᠥᠩᠭᠡ ᠵᠢᠰᠦᠮ ᠢᠶᠠᠷ ᠨᠢ ᠢᠯᠭᠠᠨ ᠨᠡᠷᠡᠯᠡᠬᠦ ᠳᠤ ᠭᠤᠣᠯᠳᠠᠭᠤ ᠦᠰᠦ ᠰᠣᠷ ᠤᠨ ᠬᠢᠨᠢ ᠥᠩᠭᠡ ᠶᠢ ᠦᠨᠳᠦᠰᠦᠯᠡᠳᠡᠭ᠃ ᠠᠳᠤᠭᠤᠨ ᠤ ᠥᠩᠭᠡ | ᠵᠢᠰᠦᠮ ᠵᠠᠭᠤ ᠮᠢᠩᠭᠠ ᠪᠠᠷ ᠲᠣᠭᠠᠯᠠᠭᠳᠠᠬᠤ ᠪᠣᠯᠪᠠᠴᠤ ᠦᠰᠦ ᠰᠣᠷ ᠤᠨ ᠬᠢᠨᠢ ᠦᠨᠳᠦᠰᠦᠨ ᠥᠩᠭᠡ ᠶᠢ ᠦᠨᠳᠦᠰᠦᠯᠡᠭᠡᠳ ᠳᠠᠩ ᠵᠢᠰᠤᠮ ᠪᠠ ᠳᠠᠪᠬᠤᠷ ᠵᠢᠰᠤᠮ | ᠭᠡᠵᠦ ᠬᠤᠶᠠᠷ ᠬᠤᠪᠢᠶᠠᠨᠠ᠃ | ᠲᠠᠩ ᠵᠢᠰᠤᠮ ᠳᠤ ᠬᠠᠷᠠ᠂ ᠬᠡᠭᠡᠷ᠂ ᠬᠦᠷᠡᠩ᠂ ᠬᠤᠸᠠ᠂ ᠵᠡᠭᠡᠷᠲᠡ᠂ ᠰᠠᠭᠠᠷᠠᠯ᠂ ᠰᠢᠷᠭᠠ ᠵᠡᠷᠭᠡ ᠪᠣᠢ᠃ ᠳᠠᠪᠬᠤᠷ ᠵᠢᠰᠤᠮ ᠭᠡᠪᠡᠯ ᠠᠳᠤᠭᠤᠨ ᠤ ᠦᠰᠦ ᠰᠣᠷ ᠨᠢ | ᠬᠤᠶᠠᠷ ᠪᠤᠶᠤ ᠬᠤᠶᠠᠷ ᠠᠴᠠ ᠳᠡᠭᠡᠭᠰᠢ ᠥᠩᠭᠡ ᠨᠡᠶᠢᠯᠡᠯᠳᠦᠭᠰᠡᠨ ᠢ ᠬᠡᠯᠡᠨᠡ᠂ ᠳᠠᠪᠬᠤᠷ ᠵᠢᠰᠤᠮ ᠳᠤ ᠬᠠᠯᠢᠭᠤᠨ᠂ ᠪᠣᠷᠤ᠂ ᠪᠤᠭᠤᠷᠤᠯ᠂ ᠠᠯᠠᠭ ᠴᠤᠬᠤᠷ᠂ ᠬᠠᠯᠲᠠᠷ ᠵᠡᠷᠭᠡ | ᠪᠠᠶᠢᠳᠠᠭ᠃ ᠳᠠᠪᠬᠤᠷ ᠵᠢᠰᠤᠮ ᠨᠢ ᠬᠤᠶᠠᠷ ᠠᠴᠠ ᠳᠡᠭᠡᠭᠰᠢ ᠥᠩᠭᠡ ᠨᠡᠶᠢᠯᠡᠯᠳᠦᠭᠰᠡᠨ ᠪᠣᠯᠬᠤᠷ ᠭᠤᠣᠯ ᠪᠣᠯᠬᠤ ᠦᠰᠦ᠂ ᠰᠣᠷ ᠤᠨ ᠬᠢᠨᠢ ᠥᠩᠭᠡ ᠶᠢ ᠬᠤᠯᠢᠯᠳᠤᠭᠰᠠᠨ | ᠥᠩᠭᠡ ᠪᠠᠷ ᠨᠢ ᠲᠤᠳᠤᠳᠬᠠᠨ ᠨᠡᠷᠡᠯᠡᠬᠦ ᠲᠤᠯᠠ ᠳᠠᠪᠬᠤᠷ ᠵᠢᠰᠤᠮ ᠤᠨ ᠨᠡᠷᠡᠶᠢᠳᠦᠯ ᠲᠤᠩ ᠣᠯᠠᠨ ᠪᠣᠯᠬᠤ ᠪᠦᠭᠡᠳ ᠨᠠᠷᠢᠨ ᠢᠯᠭᠠᠭᠠ ᠲᠠᠢ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠄ | ᠬᠡᠬᠡᠷ ᠵᠢᠰᠦᠮ ᠤᠨ ᠮᠤᠷᠢ ᠶᠢ ᠲᠡᠬᠦᠨ ᠤ ᠬᠤᠯᠢᠯᠳᠤᠭᠰᠠᠨ ᠦᠰᠦ ᠰᠣᠷ ᠢᠶᠠᠷ ᠨᠢ ᠲᠤᠳᠤᠳᠬᠠᠬᠤ ᠳᠤ ᠬᠠᠷᠠ ᠬᠡᠬᠡᠷ᠂ ᠬᠠᠯᠲᠠᠷ ᠬᠡᠬᠡᠷ᠂ ᠤᠯᠠᠭᠠᠨ ᠬᠡᠬᠡᠷ᠂ ᠭᠡᠬᠦ ᠁ | ᠰᠠᠭᠠᠷᠠᠯ ᠮᠤᠷᠢ ᠶᠢ ᠴᠠᠭᠠ ᠰᠠᠭᠠᠷᠠᠯ᠂ ᠴᠢᠯᠪᠠᠩ ᠰᠠᠭᠠᠷᠠᠯ᠂ ᠤᠯᠠᠭᠠᠨ ᠰᠠᠭᠠᠷᠠᠯ᠂ ᠬᠦᠬᠡ ᠰᠠᠭᠠᠷᠠᠯ᠂ ᠬᠠᠯᠢᠭᠤᠨ ᠰᠠᠭᠠᠷᠠᠯ ᠭᠡᠬᠦ ᠮᠡᠳᠦᠴᠢᠯᠡᠨ ᠨᠠᠷᠢᠨ ᠢᠯᠭᠠᠵᠤ ᠪᠤᠯᠤᠨᠠ᠃ | ᠮᠤᠷᠢᠨ ᠳᠤ ᠪᠠᠭ᠋ᠠᠲᠠᠢ ᠮᠣᠩᠭᠤᠯᠴᠣᠳ ᠰᠠᠶᠢᠨ ᠮᠠᠭᠤ ᠮᠤᠷᠢ ᠶᠢ ᠠᠯᠬᠤᠳᠠᠯ ᠭᠢᠰᠬᠢᠳᠡᠯ ᠢᠶᠠᠷ ᠨᠢ ᠰᠢᠨᠵᠢᠨ ᠮᠡᠳᠡᠳᠡᠭ᠃ ᠮᠣᠷᠢᠨ ᠤ ᠶᠠᠪᠤᠳᠠᠯ ᠢ ᠶᠡᠷᠦᠩᠬᠡᠢ ᠳᠤ | ᠪᠠᠨ ᠤᠷᠠᠨ ᠶᠠᠪᠤᠳᠠᠯ᠂ ᠡᠩ ᠤᠨ ᠶᠠᠪᠤᠳᠠᠯ ᠭᠡᠵᠦ ᠬᠤᠶᠠᠷ ᠬᠤᠪᠢᠶᠠᠳᠠᠭ᠃ ᠡᠭᠦᠨ ᠳᠤ ᠤᠷᠠᠨ ᠶᠠᠪᠤᠳᠠᠯ ᠳᠤ ᠵᠢᠷᠤᠭᠠ᠂ ᠰᠠᠶᠢᠪᠤᠷ᠂ ᠬᠤᠸᠠᠷ ᠬᠠᠲᠠᠷᠢᠶᠠ ᠪᠠᠭᠲᠠᠵᠤ᠂ ᠡᠩ | ᠤᠨ ᠶᠠᠪᠤᠳᠠᠯ ᠳᠤ ᠱᠣᠭᠰᠢᠶᠠ᠂ ᠬᠠᠲᠠᠷᠢᠶᠠ᠂ ᠳᠠᠪᠬᠢᠶᠠ᠂ ᠠᠯᠬᠤᠭᠠ᠂ ᠰᠡᠭᠡᠯᠭᠡ ᠵᠡᠷᠭᠡ ᠪᠣᠢ᠃ | ᠵᠢᠷᠤᠭᠠ ᠪᠣᠯ ᠮᠣᠷᠢᠨ ᠤ ᠬᠠᠮᠤᠭ ᠤᠨ ᠰᠠᠶᠢᠨ ᠶᠠᠪᠤᠳᠠᠯ ᠪᠣᠯᠣᠨᠠ᠃ ᠡᠶᠢᠨᠬᠦ ᠵᠢᠷᠤᠭᠠ ᠮᠣᠷᠢᠨ ᠤ ᠲᠤᠰᠬᠠᠢ ᠤᠷᠤᠯᠳᠤᠭᠠᠨ ᠪᠠᠷᠤᠭ ᠤᠷᠤᠯᠳᠤᠭᠠᠨ ᠪᠦᠷᠢ ᠳᠤ | ᠪᠠᠶᠢᠳᠠᠭ ᠶᠤᠮ᠃ ᠵᠢᠷᠤᠭᠠ ᠮᠣᠷᠢᠨ ᠤ ᠦᠷᠦᠭᠡᠯ ᠬᠤᠶᠠᠷ ᠬᠦᠯ ᠨᠢ ᠵᠡᠷᠭᠡ ᠪᠠᠷ ᠲᠤᠰᠬᠤ ᠲᠤᠯᠠ ᠨᠢᠭᠡ ᠠᠯᠬᠤᠮ ᠳᠤ ᠬᠤᠶᠠᠷ ᠲᠤᠭᠤᠷᠠᠢ ᠶᠢᠨ ᠳᠠᠭᠤᠨ ᠭᠠᠷᠬᠤ | ᠪᠦᠭᠡᠳ ᠠᠯᠬᠤᠮ ᠪᠦᠷᠢ ᠶᠢᠨ ᠵᠠᠢ ᠪᠣᠯᠣᠨ ᠲᠤᠰᠤᠯᠲᠠ ᠨᠢ ᠵᠢᠭᠳᠡ ᠰᠤᠨᠤᠰᠲᠠᠵᠤ᠂ ᠮᠣᠷᠢᠨ ᠤ ᠨᠢᠷᠤᠭᠤ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠪᠠᠭᠠ ᠬᠦᠳᠡᠯᠬᠦ ᠠᠴᠠ ᠪᠢᠰᠢ᠂ | ᠳᠡᠭᠡᠭᠰᠢ ᠲᠤᠭᠤᠭᠰᠢ ᠲᠡᠮᠡᠢ ᠬᠦᠳᠡᠯᠬᠦ ᠦᠭᠡᠢ ᠪᠠᠶᠢᠳᠠᠭ᠃ ᠵᠢᠷᠤᠭᠠ ᠶᠠᠪᠤᠳᠠᠯ ᠨᠢ ᠮᠣᠷᠢᠨ ᠳᠦᠷᠪᠡᠨ ᠮᠦᠴᠢ ᠪᠣᠯᠣᠨ ᠲᠤᠭᠤᠷᠠᠢ ᠰᠢᠭᠢᠷᠡ ᠶᠢ ᠴᠢᠬᠢᠷᠠᠭᠵᠢᠭᠤᠯᠳᠠᠭ᠃ | ᠠᠳᠤᠭᠤ ᠶᠢ ᠨᠠᠰᠤ ᠰᠢᠲᠤ ᠪᠠᠷ ᠨᠢ ᠢᠯᠭᠠᠵᠤ ᠨᠡᠷᠡᠯᠡᠵᠤ ᠪᠣᠯᠳᠠᠭ᠃ ᠨᠢᠭᠡ ᠨᠠᠰᠤᠨ ᠤ ᠬᠢ ᠶᠢ ᠤᠨᠠᠭᠠ᠂ ᠬᠤᠶᠠᠷ ᠨᠠᠰᠤᠨ ᠤ ᠬᠢ ᠶᠢ ᠳᠠᠭᠠ᠂ ᠭᠤᠷᠪᠠᠨ ᠨᠠᠰᠤᠨ | ᠳᠤ ᠪᠠᠨ ᠡᠭᠦᠳᠡᠨ ᠰᠢᠳᠦ ᠨᠢ ᠬᠤᠶᠠᠷ ᠬᠠᠯᠪᠠᠭᠠ ᠲᠠᠢ ᠪᠣᠯᠪᠠᠯ ᠰᠢᠳᠦᠯᠡᠩ ᠭᠡᠵᠦ᠂ ᠳᠦᠷᠪᠡᠨ ᠨᠠᠰᠤᠨ ᠳᠤ ᠪᠠᠨ ᠳᠦᠷᠪᠡᠨ ᠬᠠᠯᠪᠠᠭᠠ ᠲᠠᠢ ᠪᠣᠯᠪᠠᠯ ᠬᠢᠵᠠᠭᠠᠯᠠᠩ | ᠭᠡᠵᠦ᠂ ᠲᠠᠪᠤᠨ ᠨᠠᠰᠤᠨ ᠳᠤ ᠪᠠᠨ ᠵᠢᠷᠭᠤᠭᠠᠨ ᠬᠠᠯᠪᠠᠭᠠ ᠲᠠᠢ ᠪᠣᠯᠪᠠᠯ ᠰᠤᠶᠤᠭᠠᠯᠠᠩ ᠭᠡᠵᠦ᠂ ᠵᠢᠷᠭᠤᠭᠠᠨ ᠨᠠᠰᠤᠨ ᠠᠴᠠ ᠳᠡᠭᠡᠭᠰᠢᠬᠢ ᠶᠢ ᠶᠡᠷᠦᠩᠬᠡᠢ ᠳᠤ ᠨᠢ | ᠪᠦᠳᠦᠬᠦᠨ ᠮᠣᠷᠢ ᠭᠡᠳᠡᠭ᠃ | ᠬᠦᠢᠰᠦ ᠢᠯᠭᠠᠯ ᠢᠶᠠᠷ ᠨᠢ᠂ ᠠᠵᠢᠷᠭᠠ᠂ ᠠᠭᠲᠠ᠂ ᠭᠡᠭᠦᠦ ᠭᠡᠵᠦ ᠨᠡᠷᠡᠯᠡᠭᠡᠳ᠂ ᠲᠤᠳᠤᠷᠠ ᠨᠢ ᠪᠠᠰᠠ ᠨᠠᠷᠢᠨ ᠢᠯᠭᠠᠳᠠᠭ᠃ ᠠᠵᠢᠷᠭᠠ ᠭᠡᠪᠡᠯ ᠳᠦᠷᠪᠡᠨ ᠨᠠᠰᠤᠨ | ᠠᠴᠠ ᠳᠡᠭᠡᠭᠰᠢᠬᠢ ᠦᠷᠡ ᠶᠢᠨ ᠮᠣᠷᠢ ᠶᠢᠨ ᠶᠡᠷᠦᠩᠬᠡᠢ ᠨᠡᠷᠡᠶᠢᠳᠦᠯ᠂ ᠠᠭᠲᠠ ᠭᠡᠪᠡᠯ ᠳᠦᠷᠪᠡᠨ ᠨᠠᠰᠤᠨ ᠠᠴᠠ ᠳᠡᠭᠡᠭᠰᠢᠬᠢ ᠠᠭᠲᠠᠯᠠᠭᠰᠠᠨ ᠮᠤᠷᠢᠨ ᠤ ᠶᠡᠷᠦᠩᠬᠡᠢ | ᠨᠡᠷᠡ᠂ ᠭᠡᠭᠦᠦ ᠭᠡᠪᠡᠯ ᠲᠠᠪᠤᠨ ᠨᠠᠰᠤᠨ ᠠᠴᠠ ᠳᠡᠭᠡᠭᠰᠢᠬᠢ ᠦᠷᠡᠵᠢᠯ ᠤᠨ ᠮᠣᠷᠢ ᠶᠢ ᠵᠢᠭᠠᠳᠠᠭ ᠃ ᠦᠷᠢᠶᠡ ᠭᠡᠪᠡᠯ ᠭᠤᠷᠪᠠ ᠠᠴᠠ ᠳᠦᠷᠪᠡᠨ ᠨᠠᠰᠤᠨ ᠤ ᠠᠭᠲᠠᠯᠠᠭᠠᠳᠤᠢ | ᠮᠣᠷᠢ ᠶᠢ ᠵᠢᠭᠠᠵᠤ᠂ ᠪᠠᠶᠢᠳᠠᠰᠤ ᠭᠡᠪᠡᠯ ᠭᠤᠷᠪᠠ ᠠᠴᠠ ᠲᠠᠪᠤᠨ ᠨᠠᠰᠤᠨ ᠤ ᠡᠮᠡ ᠬᠦᠢᠰᠦ ᠲᠠᠢ ᠮᠣᠷᠢ ᠶᠢ ᠬᠡᠯᠡᠳᠡᠭ᠃ | ᠮᠣᠩᠭᠤᠯᠴᠣᠳ ᠤᠨ ᠮᠣᠷᠢ ᠲᠠᠢ ᠬᠤᠯᠪᠤᠭᠳᠠᠬᠤ ᠵᠠᠩ ᠦᠢᠯᠡ ᠪᠤᠶᠤ ᠴᠡᠭᠡᠷ ᠶᠣᠰᠤ ᠣᠯᠠᠨ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠂ ᠣᠷᠭᠠᠯᠠᠬᠤ᠂ ᠰᠡᠲᠡᠷᠯᠡᠬᠦ᠂ ᠲᠠᠮᠠᠭᠠᠯᠠᠬᠤ᠂ | ᠴᠠᠭᠠᠯᠠᠬᠤ᠂ ᠭᠡᠭᠦᠦ ᠰᠠᠭᠠᠬᠤ ᠦᠶᠡ ᠶᠢᠨ ᠭᠡᠭᠦᠦ ᠶᠢᠨ ᠦᠷᠡᠰ ᠤᠨ ᠨᠠᠶᠢᠷ ᠴᠢᠭᠳᠠ ᠶᠢᠨ ᠨᠠᠶᠢᠷ ︵ᠵᠡᠯᠡ ᠶᠢᠨ ᠨᠠᠶᠢᠷ︶ ᠭᠡᠬᠦ ᠮᠡᠲᠦ᠃ ᠶᠠᠮᠠᠷ ᠨᠢᠭᠡᠨ ᠵᠠᠩ ᠦᠢᠯᠡ | ᠶᠠᠪᠤᠭᠳᠠᠬᠤ ᠳᠤ ᠪᠦᠷ ᠵᠣᠬᠢᠬᠤ ᠵᠢᠷᠤᠮ ᠭᠤᠷᠢᠮ ᠲᠠᠢ ᠪᠦᠭᠡᠳ ᠠᠶᠢᠯ ᠠᠶᠢᠮᠠᠭ ᠢᠶᠠᠷ ᠢᠶᠠᠨ ᠬᠠᠮᠲᠤ ᠳᠤ ᠪᠠᠨ ᠣᠷᠤᠯᠴᠠᠳᠠᠭ᠃ | ᠶᠠᠭᠤᠨ ᠤ ᠤᠷᠢᠳ ᠮᠣᠷᠢᠨ ᠤ ᠲᠤᠯᠤᠭᠠᠢ ᠶᠢ ᠲᠠᠰᠢᠭᠤᠷᠳᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠮᠣᠷᠢ ᠶᠢ ︽ᠮᠠᠭᠤ ᠠᠳᠤᠭᠤ︾ ᠭᠡᠵᠦ ᠳᠠᠭᠤᠳᠠᠬᠤ ᠠᠴᠠ ᠴᠡᠭᠡᠷᠯᠡᠨᠡ᠃ | ᠮᠣᠷᠢ ᠶᠢ ᠪᠤᠷᠤᠭᠤ ᠬᠠᠷᠠᠵᠤ ᠣᠨᠣᠵᠤ ᠪᠣᠯᠬᠤ ᠦᠭᠡᠢ᠃ ᠮᠣᠷᠢ ᠶᠢ ᠤᠶᠠᠬᠤ ᠳᠤ ᠪᠠᠨ ᠵᠠᠩᠭᠢᠳᠴᠤ ᠤᠶᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠪᠠᠰᠠ ᠭᠡᠷ ᠬᠤᠷᠤᠭᠠ ᠶᠢᠨ ᠡᠭᠦᠳᠡᠨ | ᠠᠴᠠ ᠤᠶᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠮᠣᠷᠢ ᠶᠢ ᠬᠦᠵᠦᠭᠦᠪᠴᠢᠯᠡᠨ ᠬᠦᠲᠦᠯᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠮᠣᠷᠢ ᠣᠨᠤᠭᠠ ᠶᠢ ᠴᠠᠳᠬᠤᠯᠠᠩ ᠦᠶᠡ ᠳᠤ ᠨᠢ ᠳᠠᠪᠬᠢᠭᠤᠯᠵᠤ | ᠭᠦᠶᠦᠯᠭᠡᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠮᠣᠷᠢ ᠶᠢ ᠳᠠᠪᠬᠢᠭᠤᠯᠵᠤ ᠢᠷᠡᠭᠡᠳ ᠭᠡᠨᠡᠳᠲᠡ ᠵᠣᠭᠰᠤᠭᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠮᠣᠷᠢᠨ ᠳᠤ ᠮᠣᠷᠲᠠᠬᠤ ᠳᠤ ᠪᠠᠨ ᠰᠢᠷᠦᠭᠦᠨ ᠮᠤᠷᠳᠠᠬᠤ | ᠶᠢ ᠴᠡᠭᠡᠷᠯᠡᠨᠡ᠃ ᠮᠣᠷᠢ ᠶᠢ ᠬᠦᠯᠦᠰᠦ ᠲᠠᠢ ᠦᠶᠡ ᠳᠤ ᠡᠮᠡᠭᠡᠯ ᠲᠤᠬᠤᠮ ᠠᠪᠬᠤ ᠪᠤᠶᠤ ᠤᠰᠤᠯᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠮᠣᠷᠢᠲᠠᠢ ᠬᠦᠮᠦᠰ ᠴᠤᠪᠤᠵᠤ ᠶᠠᠪᠤᠬᠤ ᠶᠢ | ᠴᠡᠭᠡᠷᠯᠡᠨᠡ᠃ ᠡᠳᠡᠭᠡᠷ ᠴᠡᠭᠡᠷ ᠶᠣᠰᠣ ᠨᠢ ᠭᠤᠣᠯᠳᠠᠭᠤ ᠮᠣᠷᠢ ᠣᠨᠣᠭᠠᠨ ᠳᠤ ᠠᠷᠬᠠᠭ ᠭᠡᠮ ᠲᠣᠭᠳᠠᠬᠤ ᠠᠴᠠ ᠨᠢ ᠬᠢᠴᠢᠶᠡᠭᠰᠡᠨ ᠪᠠ ᠮᠣᠩᠭᠤᠯ ᠬᠦᠮᠦᠨ ᠮᠣᠷᠢ ᠶᠢ | ︽ᠲᠡᠭᠷᠢ ᠶᠢᠨ ᠣᠨᠠᠭᠠ︾ ᠬᠡᠮᠡᠨ ᠰᠢᠳᠤᠨ ᠬᠠᠶᠢᠷᠠᠯᠠᠳᠠᠭ ᠲᠠᠢ ᠬᠤᠯᠪᠤᠭᠠ ᠲᠠᠢ ᠶᠤᠮ᠃ | | ᠪᠠᠶᠠᠨ ᠨᠠᠭᠤᠷ ᠤᠨ ᠡᠳᠦᠷ ᠤᠨ ᠰᠣᠨᠢᠨ ᠤ ︽ᠳᠡᠯᠭᠡᠷ ᠬᠠᠩᠭᠠᠢ︾ ᠪᠤᠯᠤᠩ ᠠᠴᠠ ᠪᠠᠭᠤᠯᠭᠠᠪᠠ | |