| ᠡᠬᠡ ᠮᠠᠯ ᠨᠢ ᠲᠦᠯ ᠢᠶᠠᠨ ᠠᠪᠬᠤ ᠦᠭᠡᠢ᠂ ᠭᠤᠯᠤᠬᠤ ᠦᠵᠡᠭᠳᠡᠯ ᠵᠦᠩᠳᠡᠭᠡᠨ ᠭᠠᠷᠳᠠᠭ᠃ ᠣᠨᠴᠠᠭᠠᠶᠢᠯᠠᠨ ᠬᠤᠨᠢ ᠢᠮᠠᠭᠠ ᠳᠤ ᠤᠯᠠᠨ ᠲᠤᠬᠢᠶᠠᠯᠳᠤᠳᠠᠭ᠃ | ᠡᠶᠢᠮᠦᠷᠬᠦ ᠦᠵᠡᠭᠳᠡᠯ ᠨᠢ ᠭᠤᠣᠯᠳᠠᠭᠤ ᠮᠠᠯ ᠤᠨ ᠲᠠᠷᠭᠤ ᠬᠦᠴᠦ ᠪᠠ ᠠᠭᠤᠷ ᠠᠮᠢᠰᠬᠤᠯ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠠᠲᠠᠢ ᠪᠠᠶᠢᠳᠠᠭ᠃ ᠵᠣᠳ ᠰᠢᠭᠤᠷᠭᠠᠨ ᠪᠠᠭᠠ᠂ ᠠᠭᠤᠷ | ᠠᠮᠢᠰᠬᠤᠯ ᠲᠤᠯᠠᠭᠠᠨ ᠡᠶᠡᠪᠡᠷᠭᠦᠦ᠂ ᠡᠪᠡᠰᠦ ᠪᠡᠯᠴᠢᠭᠡᠷ ᠰᠠᠶᠢᠲᠠᠢ ᠵᠢᠯ ᠳᠤ ᠮᠠᠯ ᠤᠨ ᠭᠤᠯᠤᠩᠬᠠᠢ ᠴᠦᠭᠡᠨ ᠪᠠᠶᠢᠵᠤ᠂ ᠵᠣᠳ ᠭᠠᠮᠰᠢᠭ ᠲᠠᠢ ᠵᠢᠯ ᠳᠤ ᠠᠷᠪᠢᠨ ᠭᠠᠷᠳᠠᠭ᠃ | ᠤᠷᠠᠳ ᠨᠤᠳᠤᠭ ᠤᠨ ᠮᠠᠯᠴᠢᠳ ᠤᠷᠳᠤ ᠤᠳᠠᠭᠠᠨ ᠵᠢᠯ ᠤᠨ ᠮᠠᠯ ᠠᠵᠤ ᠠᠬᠤᠢ ᠡᠷᠬᠢᠯᠡᠬᠦ ᠶᠠᠪᠤᠴᠠ ᠳᠤ ᠪᠠᠨ ᠲᠦᠯ ᠤᠨ ᠭᠤᠯᠤᠩᠬᠠᠢ ᠶᠢ ᠠᠪᠤᠭᠤᠯᠬᠤ ᠮᠠᠰᠢ | ᠣᠯᠠᠨ ᠲᠤᠷᠰᠢᠯᠭᠠ ᠶᠢ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠶᠤᠮ᠃ ᠪᠡᠯᠴᠢᠭᠡᠷ ᠲᠤ ᠭᠠᠷᠤᠭᠰᠠᠨ ᠨᠢᠯᠬᠠ ᠲᠦᠯ ᠢ ᠤᠭᠤᠳᠠᠨ ᠳᠤ ᠬᠢᠬᠦ ᠳᠤ ᠪᠠᠨ ᠤᠭᠤᠳᠠ ᠶᠢᠨ ᠢᠷᠤᠭᠠᠷ ᠲᠤ | ᠨᠢ ᠪᠠᠭᠠᠬᠠᠨ ᠰᠢᠭ᠋ ᠬᠡᠷᠡᠰᠦ ᠡᠪᠡᠰᠦ ᠶᠢ ᠵᠢᠵᠢᠭᠯᠡᠨ ᠬᠢᠬᠦ ᠪᠤᠶᠤ ᠮᠤᠷᠢᠨ ᠤ ᠬᠤᠮᠤᠯ ᠠᠴᠠ ᠲᠠᠯᠬᠠᠯᠠᠨ ᠬᠢᠵᠦ᠂ ᠲᠦᠯ ᠤᠭᠤᠳᠠᠯᠠᠪᠠᠯ ᠡᠬᠡ ᠮᠠᠯ ᠤᠨ ᠭᠤᠯᠤᠬᠤ ᠶᠢ | ᠰᠡᠷᠭᠡᠶᠢᠯᠡᠵᠦ ᠴᠢᠳᠠᠳᠠᠭ᠃ ᠡᠨᠡ ᠨᠢ ᠡᠪᠡᠰᠦ ᠪᠠᠷ ᠡᠯᠳᠡᠪ ᠮᠠᠭᠤᠬᠠᠢ ᠦᠨᠦᠷ ᠢ ᠳᠠᠷᠤᠵᠤ ᠪᠠᠶᠢᠭᠠ ᠤᠴᠢᠷ ᠶᠤᠮ᠃ ᠪᠠᠰᠠ ᠲᠦᠯ ᠢ ᠨᠢ ᠡᠬᠡ ᠳᠤ ᠨᠢ ᠰᠠᠶᠢᠳᠤᠷ | ᠲᠤᠯᠢᠶᠠᠯᠭᠠᠵᠤ ᠬᠠᠳᠠᠭᠰᠠᠨ ᠤ ᠳᠠᠷᠠᠭᠠ ᠤᠭᠤᠳᠠᠨ ᠳᠤ ᠪᠠᠨ ᠬᠦᠬᠦ ᠪᠠ ᠤᠭᠤᠷᠠᠭ ᠰᠦ ᠶᠢ ᠴᠠᠳᠲᠠᠯᠠ ᠬᠦᠬᠦᠬᠦᠯᠵᠦ ᠪᠠᠷᠠᠭᠠᠳ ᠬᠢᠪᠡᠯ ᠡᠬᠡ ᠨᠢ ᠲᠦᠯ ᠢᠶᠠᠨ | ᠭᠤᠯᠤᠬᠤ ᠠᠴᠠ ᠵᠠᠶᠢᠯᠠᠰᠬᠢᠵᠦ ᠴᠢᠳᠠᠳᠠᠭ᠃ | ᠬᠤᠨᠢ ᠢᠮᠠᠭᠠᠨ ᠤ ᠭᠤᠯᠣᠩᠬᠠᠢ ᠠᠪᠤᠭᠤᠯᠬᠤ ᠠᠷᠭᠠ᠄ ᠬᠤᠨᠢ ᠢᠮᠠᠭᠠᠨ ᠤ ᠭᠤᠯᠣᠩᠬᠠᠢ ᠠᠪᠤᠭᠤᠯᠬᠤ ᠳᠤ ︽ᠦᠨᠦᠷᠯᠡᠭᠦᠯᠬᠦ︾ ︽ᠤᠶᠠᠵᠤ ᠵᠠᠭᠢᠰᠬᠠᠬᠤ︾ | ︽ᠡᠪᠡᠳᠭᠡᠨ ᠰᠦᠷᠲᠡᠭᠦᠯᠬᠦ︾ ︽ᠠᠷᠭᠠᠳᠠᠨ ᠵᠦᠭᠡᠯᠡᠷᠡᠭᠦᠯᠬᠦ︾ ᠵᠡᠷᠭᠡ ᠠᠷᠭᠠ ᠪᠠᠶᠢᠳᠠᠭ᠃ ︽ᠦᠨᠦᠷᠯᠡᠭᠦᠯᠬᠦ︾ ᠭᠡᠳᠡᠭ ᠨᠢ ᠨᠢᠯᠬᠠ ᠲᠦᠯ ᠤᠨ ᠰᠡᠭᠦᠯ ᠬᠤᠨᠳᠤᠯᠠᠢ | ᠶᠢᠨ ᠬᠡᠰᠡᠭ ᠢ ᠡᠬᠡ ᠶᠢᠨ ᠬᠢᠨᠢ ᠪᠦᠭᠰᠡᠨ ᠳᠤ ᠨᠠᠭᠠᠯᠳᠤᠵᠤ ᠪᠠᠶᠢᠭᠠ ᠣᠰᠣ ᠰᠠᠯᠢᠰᠦ ᠳᠤ ᠨᠢ ᠪᠠᠶᠢᠨ ᠪᠠᠶᠢᠨ ᠱᠦᠷᠭᠦᠭᠡᠵᠦ ᠠᠪᠤᠭᠠᠳ ᠡᠬᠡ ᠳᠤ ᠨᠢ ᠦᠨᠦᠷᠯᠡᠭᠦᠯᠦᠨ᠂ | ᠬᠦᠬᠦᠭᠦᠯᠵᠦ ᠪᠠᠶᠢᠭᠠᠳ ᠠᠪᠤᠭᠤᠯᠬᠤ ᠶᠢ ᠬᠡᠯᠡᠳᠡᠭ᠃ ︽ᠤᠶᠠᠵᠤ ᠵᠠᠭᠢᠰᠬᠠᠬᠤ︾ ᠬᠡᠳᠡᠭ ᠨᠢ ᠳᠣᠭᠰᠢᠨ ᠦᠰᠦᠷᠴᠦ ᠳᠡᠪᠬᠡᠷᠤᠭᠡᠳ ᠪᠠᠶᠢᠳᠠᠭ ᠭᠤᠯᠤᠩᠬᠠᠢ ᠶᠢ | ᠮᠣᠳᠤᠨ ᠳᠤ ᠣᠬᠤᠷᠬᠠᠨ ᠰᠢᠭ᠋ ᠤᠶᠠᠵᠤ ᠪᠠᠶᠢᠭᠠᠳ ᠲᠦᠯ ᠢ ᠨᠢ ᠠᠯᠪᠠ ᠪᠠᠷ ᠵᠠᠬᠢᠰᠬᠠᠵᠤ ᠬᠦᠬᠦᠭᠦᠯᠵᠦ ᠪᠠᠶᠢᠭᠠᠳ᠂ ᠬᠡᠵᠢᠶᠡ ᠲᠦᠯ ᠢᠶᠠᠨ ᠠᠮᠠᠷᠠᠭᠯᠠᠨ ᠠᠪᠤᠪᠠᠯ ᠰᠠᠶ᠋ᠢ | ᠤᠶᠠᠭᠠ ᠶᠢ ᠨᠢ ᠳᠠᠯᠪᠢᠵᠤ ᠠᠪᠤᠭᠤᠯᠬᠤ ᠶᠢ ᠬᠡᠯᠡᠳᠡᠭ᠃ ︽ᠡᠪᠡᠳᠭᠡᠨ ᠰᠦᠷᠲᠡᠭᠦᠯᠬᠦ︾ ᠠᠷᠭᠠ ᠪᠣᠯ ᠭᠤᠣᠯᠳᠠᠭᠤ ᠬᠡᠳᠡᠷ ᠲᠤᠭᠰᠢᠨ ᠭᠤᠯᠤᠩᠬᠠᠢ ᠳᠤ ᠲᠦᠯ ᠢ ᠨᠢ | ᠬᠦᠬᠦᠭᠦᠯᠬᠦ ᠳᠤ ᠪᠠᠨ ᠰᠡᠭᠦᠯ ᠢ ᠨᠢ ᠮᠣᠰᠬᠢᠵᠤ᠂ ᠵᠠᠩᠳᠤᠷᠴᠤ ᠰᠦᠷ ᠦᠵᠡᠭᠦᠯᠦᠨ᠂ ᠡᠪᠡᠳᠭᠡᠬᠦ ᠠᠷᠭᠠ ᠶᠢ ᠳᠠᠬᠢᠨ ᠲᠠᠪᠳᠠᠨ ᠬᠡᠳᠦᠨᠲᠡ ᠬᠡᠷᠡᠭᠯᠡᠪᠡᠯ ᠣᠯᠠᠩᠬᠢ | ᠭᠤᠯᠤᠩᠬᠠᠢ ᠲᠦᠯ ᠢᠶᠠᠨ ᠦᠨᠦᠷᠯᠡᠵᠦ ᠠᠪᠳᠠᠭ᠃ ᠲᠣᠰ ᠠᠷᠭᠠ ᠶᠢ ᠢᠮᠠᠭᠠᠨ ᠳᠤ ᠤᠯᠠᠨ ᠬᠡᠷᠡᠭᠯᠡᠳᠡᠭ᠂ ᠬᠤᠨᠢᠨ ᠤ ᠭᠤᠯᠤᠩᠬᠠᠢ ᠲᠤᠩ ᠴᠦᠭᠡᠨ ᠪᠠᠶᠢᠳᠠᠭ | ᠲᠠᠭᠠᠷᠠᠳᠠᠭ᠃ ᠭᠤᠯᠤᠩᠬᠠᠢ ᠬᠤᠨᠢ ᠶᠢ ᠤᠶᠠᠵᠤ ᠪᠠᠶᠢᠭᠠᠳ ᠬᠤᠷᠠᠭᠠ ᠶᠢ ᠨᠢ ᠪᠠᠶᠢᠨ ᠳᠠᠬᠢᠨ ᠬᠦᠬᠦᠭᠦᠯᠪᠡᠯ ᠲᠦᠯ ᠠᠪᠴᠢᠬᠠᠳᠠᠭ᠃ ︽ᠠᠷᠭᠠᠳᠠᠨ ᠵᠦᠭᠡᠯᠡᠷᠡᠭᠦᠯᠬᠦ︾ | ᠠᠷᠭᠠ ᠪᠣᠯ ᠨᠣᠮᠣᠬᠠᠨ ᠤᠶᠠᠬᠠᠨ ᠭᠤᠯᠤᠩᠬᠠᠢ ᠳᠤ ᠬᠡᠷᠡᠭᠯᠡᠬᠦ ᠤᠶᠠᠷᠠᠭᠤᠯᠤᠨ ᠪᠠᠶᠢᠵᠤ ᠲᠦᠯ ᠢ ᠨᠢ ᠠᠪᠤᠭᠤᠯᠬᠤ ᠠᠷᠭᠠ ᠪᠤᠯᠤᠨᠠ᠃ ᠲᠦᠯ ᠢ ᠨᠢ ᠠᠯᠪᠠᠳᠠᠨ | ᠬᠦᠬᠦᠭᠦᠯᠬᠦ ᠳᠤ ᠪᠠᠨ ᠬᠤᠨᠢᠨ ᠳᠤ ︽ᠲᠤᠶᠢᠭ ᠤᠨ ᠳᠠᠭᠤᠤ︾ ᠢᠮᠠᠭᠠᠨ ᠳᠤ ︽ᠴᠠᠶᠢᠭ ᠤᠨ ᠳᠠᠭᠤᠤ︾ ᠶᠢ ᠠᠶᠠᠯᠠᠭᠤᠯᠨ ᠳᠠᠭᠤᠯᠠᠵᠤ ᠤᠶᠠᠷᠠᠭᠤᠯᠤᠨ ᠪᠠᠶᠢᠵᠤ | ᠲᠦᠯ ᠢ ᠨᠢ ᠠᠪᠤᠭᠤᠯᠳᠠᠭ᠃ ᠲᠤᠶᠢᠭ ᠤᠨ ᠳᠠᠭᠤᠨ ᠳᠤ᠄ ︽ᠲᠣᠶᠢᠭ ᠲᠣᠶᠢᠭ ᠲᠣᠶᠢᠭ᠂ ᠲᠤᠷᠮᠤᠭᠤᠷ ᠨᠢᠲᠦ ᠲᠠᠢ ᠬᠤᠷᠠᠭᠠ ᠴᠢᠨᠢ᠂ ᠭᠡᠳᠡᠰᠦ ᠨᠢ ᠦᠯᠦᠰᠦᠭᠡᠳ | ᠬᠠᠷᠠᠩᠭᠤᠰᠴᠤ ᠪᠠᠶᠢᠨᠠ᠂ ᠬᠦᠭᠡᠷᠦᠬᠦᠨ ᠠᠯᠠᠭ ᠦᠷᠡ ᠪᠠᠨ᠂ ᠲᠦᠷᠭᠡᠨ ᠲᠦᠷᠭᠡᠨ ᠬᠦᠬᠦᠭᠦᠯᠴᠢᠬᠡ ᠳ᠋ᠡ ᠁︾ ᠭᠡᠬᠦ ᠮᠡᠳᠦ ᠪᠠᠷ ᠲᠤᠶᠢᠭᠯᠠᠨ ᠪᠠᠶᠢᠵᠤ ᠠᠪᠤᠭᠤᠯᠳᠠᠭ | ᠶᠤᠮ᠃ | ᠠᠳᠤᠭᠤᠨ ᠤ ᠭᠤᠯᠤᠩᠬᠠᠢ ᠶᠢ ᠠᠪᠤᠭᠤᠯᠬᠤ ᠠᠷᠭᠠ᠄ ᠪᠠᠶᠢᠳᠠᠰᠤᠨ ᠬᠡᠭᠦᠦ ᠳᠤ ᠠᠷᠪᠢᠨ ᠭᠠᠷᠳᠠᠭ᠃ ᠭᠤᠯᠤᠩᠬᠠᠢ ᠭᠡᠭᠦᠦ ᠶᠢ ᠴᠢᠳᠦᠷᠯᠡᠭᠡᠳ ᠤᠨᠠᠭᠠ ᠶᠢ ᠨᠢ | ᠬᠦᠬᠦᠭᠦᠯᠵᠦ ᠠᠮᠠᠳᠠᠨᠠ᠂ ᠲᠡᠭᠡᠬᠦ ᠳᠤ ᠪᠠᠨ ᠣᠨᠠᠭᠠ ᠪᠠᠨ ᠬᠠᠵᠠᠵᠤ᠂ ᠢᠰᠭᠦᠯᠵᠦ ᠬᠠᠰᠢᠷᠠᠭᠠᠬᠤ ᠠᠴᠠ ᠬᠢᠴᠢᠶᠡᠬᠦ ᠬᠡᠷᠡᠭᠲᠡᠢ᠃ ᠤᠨᠠᠭᠠ ᠡᠬᠡ ᠶᠢᠨ ᠢᠶᠠᠨ ᠰᠦ ᠳᠤ | ᠠᠮᠲᠠᠰᠢᠭᠰᠠᠨ ᠤ ᠬᠤᠶᠢᠨᠠ ᠡᠬᠡ ᠶᠢ ᠨᠢ ᠴᠢᠳᠦᠷᠯᠡᠵᠦ ᠣᠨᠠᠭᠠ ᠶᠢ ᠨᠢ ᠣᠶᠢᠷᠠᠳᠤᠭᠤᠯᠤᠨᠠ᠂ ᠡᠬᠡ ᠨᠢ ᠬᠠᠵᠢᠭᠯᠠᠬᠤ ᠪᠣᠯᠭᠠᠨ ᠳᠤ ᠨᠢ ᠵᠠᠩᠳᠤᠷᠴᠤ᠂ ᠵᠤᠳᠤᠵᠤ | ᠪᠠᠶᠢᠵᠤ ᠵᠣᠭᠰᠤᠭᠠᠨᠠ᠂ ᠡᠨᠡ ᠮᠡᠲᠦ ᠪᠠᠷ ᠬᠡᠵᠢᠶᠡ ᠣᠨᠠᠭᠠ ᠨᠢ ᠬᠦᠳᠡᠯᠬᠦ ᠦᠭᠡᠢ ᠨᠣᠮᠣᠬᠠᠨ ᠪᠣᠯᠪᠠᠯ ᠰᠠᠶ᠋ᠢ ᠵᠠᠩᠳᠤᠷᠴᠤ ᠠᠶᠤᠯᠭᠠᠬᠤ ᠪᠠᠨ ᠵᠣᠭᠰᠤᠨᠠ᠃ | ᠡᠷᠡᠵᠦ ᠠᠪᠤᠭᠤᠯᠬᠤ ᠠᠷᠭᠠ᠄ ᠭᠡᠭᠦᠦ ᠪᠠᠨ ᠨᠣᠭᠳᠤᠯᠠᠵᠤ ᠠᠪᠤᠭᠠᠳ ᠴᠣᠯᠪᠤᠭᠤᠷ ᠢ ᠨᠢ ᠣᠷᠤᠭᠰᠢ ᠳᠠᠳᠠᠵᠤ ᠤᠶᠠᠭᠠᠳ᠂ ᠦᠷᠦᠭᠡᠰᠦᠨ ᠭᠤᠶᠠ ᠶᠢᠨ ᠪᠣᠷᠪᠢ | ᠠᠴᠠ ᠳᠡᠭᠡᠭᠦᠷ ᠪᠤᠭᠤᠵᠤ ᠬᠤᠶᠢᠰᠢ ᠨᠢ ᠬᠡᠢ ᠳᠡᠳᠡᠵᠦ ᠤᠶᠠᠭᠠᠳ᠂ ᠮᠥᠨ ᠤᠶᠠᠭᠰᠠᠨ ᠲᠠᠯᠠ ᠠᠴᠠ ᠨᠢ ᠤᠨᠠᠭᠠ ᠶᠢ ᠨᠢ ᠬᠦᠬᠦᠭᠦᠯᠳᠡᠭ᠂ ᠡᠭᠦᠨ ᠢ ᠡᠷᠡᠬᠦ ᠠᠷᠭᠠ | ᠭᠡᠳᠡᠭ᠃ ᠪᠠᠰᠠ ᠵᠠᠷᠢᠮ ᠦᠶᠡ ᠳᠤ ᠪᠠᠨ ᠭᠡᠭᠦᠦ ᠪᠠᠨ ᠣᠨᠣᠵᠣ ᠬᠦᠯᠦᠷᠡᠭᠦᠯᠦᠭᠡᠳ ᠬᠦᠯᠦᠰᠦ ᠲᠠᠢ ᠲᠤᠬᠤᠮ ᠢ ᠨᠢ ᠤᠨᠠᠭᠠᠨ ᠤ ᠬᠢ ᠨᠢ ᠨᠢᠷᠤᠭᠤᠨ ᠳᠡᠭᠡᠷᠡ | ᠲᠤᠬᠤᠵᠤ ᠤᠨᠠᠭᠠ ᠶᠢ ᠨᠢ ᠲᠠᠨᠢᠭᠤᠯᠵᠤ ᠠᠪᠤᠭᠤᠯᠳᠠᠭ᠃ | ᠦᠨᠢᠶᠡᠨ ᠤ ᠭᠤᠯᠤᠩᠬᠠᠢ ᠶᠢ ᠠᠪᠤᠭᠤᠯᠬᠤ ᠠᠷᠭᠠ᠄ ᠭᠤᠯᠤᠩᠬᠠᠢ ᠦᠨᠢᠶᠡᠨ ᠤ ᠪᠠᠶᠠᠨ ᠲᠦᠷᠦᠭᠦᠦ ᠳᠤ ᠨᠢ ᠨᠣᠶᠢᠲᠠᠨ ᠭᠦᠵᠡᠭᠡ ᠴᠢᠬᠢᠵᠦ ᠣᠷᠤᠭᠤᠯᠤᠭᠠᠳ | ᠦᠯᠢᠶᠡᠵᠦ ᠪᠦᠨᠲᠦᠶᠢᠯᠭᠡᠭᠡᠳ ᠭᠠᠷᠭᠠᠨ ᠠᠪᠤᠭᠠᠳ ᠲᠤᠭᠤᠯ ᠳᠡᠭᠡᠷᠡ ᠨᠢ ᠵᠦᠯᠭᠦᠵᠦ᠂ ᠡᠬᠡ ᠳᠤ ᠨᠢ ᠦᠨᠦᠷᠯᠡᠬᠦᠯᠵᠦ ᠪᠠᠶᠢᠵᠤ ᠠᠪᠤᠭᠤᠯᠳᠠᠭ᠃ ᠪᠠᠰᠠ ᠨᠢᠭᠡ ᠠᠷᠭᠠ | ᠭᠡᠪᠡᠯ ᠦᠨᠢᠶᠡᠨ ᠤ ᠪᠠᠨ ᠪᠠᠶᠠᠨ ᠲᠦᠷᠦᠭᠦᠦ ᠳᠤ ᠨᠢ ᠳᠠᠪᠤᠰᠤᠨ ᠤ ᠲᠠᠯᠬᠠ ᠬᠢᠵᠦ ᠰᠢᠭᠡᠯᠭᠡᠵᠦ᠂ ᠰᠢᠭᠡᠰᠦ ᠪᠠᠷ ᠨᠢ ᠲᠤᠭᠤᠯ ᠢ ᠨᠢ ᠵᠦᠯᠭᠦᠵᠦ ᠲᠤᠯᠢᠶᠠᠯᠭᠠᠨ ᠪᠠᠶᠢᠵᠤ | ᠠᠪᠤᠭᠤᠯᠬᠤ ᠠᠷᠭᠠ ᠪᠤᠯᠤᠨᠠ᠃ | ᠢᠩᠭᠡᠨ ᠤ ᠭᠤᠯᠤᠩᠬᠠᠢ ᠶᠢ ᠠᠪᠤᠭᠤᠯᠬᠤ ᠠᠷᠭᠠ᠄ ᠭᠤᠯᠤᠩᠬᠠᠢ ᠢᠩᠭᠡᠨ ᠤ ᠬᠠᠵᠠᠭᠤ ᠳᠤ ᠪᠤᠳᠤᠭᠤ ᠶᠢ ᠨᠢ ᠪᠠᠷᠢᠵᠤ ᠤᠶᠠᠭᠠᠳ᠂ ᠤᠶᠠᠬᠠᠨ ᠰᠠᠶᠢᠬᠠᠨ ᠣᠷᠳᠤ | ᠠᠶᠠ ᠲᠠᠢ ᠳᠠᠭᠤᠤ ᠶᠢ ᠳᠠᠭᠤᠯᠠᠬᠤ ᠪᠤᠶᠤ ᠮᠣᠷᠢᠨ ᠬᠤᠭᠤᠷ ᠤᠨ ᠠᠶᠠᠯᠭᠤ ᠬᠦᠭᠵᠢᠮ ᠰᠣᠨᠣᠰᠬᠠᠪᠠᠯ ᠢᠩᠭᠡ ᠤᠶᠠᠷᠠᠭᠠᠳ ᠪᠦᠳᠦᠭᠦᠨ ᠪᠦᠳᠦᠭᠦᠨ ᠨᠢᠯᠪᠤᠰᠤ | ᠣᠨᠠᠭᠠᠵᠤ᠂ ᠪᠤᠳᠤᠭᠤ ᠶᠢ ᠨᠢ ᠣᠶᠢᠷᠠᠲᠤᠭᠤᠯᠵᠤ ᠦᠭᠪᠡᠯ ᠠᠪᠴᠢᠬᠠᠳᠠᠭ᠃ ᠪᠠᠰᠠ ᠢᠩᠭᠡ ᠶᠢᠨ ᠴᠣᠯᠪᠤᠭᠤᠷ ᠬᠢᠭᠡᠳ ᠪᠤᠷᠠᠯᠲᠤᠭ ᠢ ᠨᠢ ᠡᠮᠦᠨᠡᠰᠢ ᠲᠡᠲᠡᠨ ᠤᠶᠠᠵᠤ᠂ | ᠨᠢᠭᠡ ᠭᠤᠶᠠ ᠶᠢ ᠨᠢ ᠬᠤᠶᠢᠰᠢ ᠬᠡᠢ ᠲᠠᠲᠠᠨ ᠤᠶᠠᠭᠠᠳ᠂ ᠲᠡᠷᠡ ᠲᠠᠯᠠ ᠠᠴᠠ ᠨᠢ ᠪᠤᠳᠤᠭᠤ ᠶᠢ ᠨᠢ ᠬᠦᠬᠦᠭᠦᠯᠵᠦ ᠪᠠᠶᠢᠭᠠᠳ ᠠᠯᠪᠠᠳᠠᠨ ᠪᠠᠶᠢᠵᠤ ᠠᠪᠤᠭᠤᠯᠳᠠᠭ᠃ | | | | | | ᠮᠣᠩᠭᠤᠯ ᠲᠡᠤᠬᠡ ᠰᠤᠶᠤᠯ ᠤᠨ ᠰᠤᠩᠭᠤᠳᠠᠭ ᠵᠣᠬᠢᠶᠠᠯ ᠤᠨ ᠬᠦᠮᠦᠷᠭᠡ᠂ ᠵᠠᠩ | ᠦᠢᠯᠡ ᠶᠢᠨ ᠴᠣᠪᠤᠷᠠᠯ ᠪᠢᠴᠢᠭ ︽ᠤᠷᠠᠳ ᠵᠠᠩ ᠦᠢᠯᠡ︾ ᠠᠴᠠ ᠪᠠᠭᠤᠯᠭᠠᠪᠠ | | | | | | |