| ᠤᠷᠠᠳᠴᠤᠳ᠂ ᠬᠠᠪᠤᠷ ᠪᠠ ᠵᠤᠨ ᠤ ᠡᠬᠢᠨ ᠢᠶᠠᠷ ᠲᠦᠯ ᠮᠠᠯ ᠴᠠᠭᠠᠯᠠᠬᠤ ᠦᠶᠡ ᠳᠤ ᠪᠠᠨ ᠡᠭᠦᠯᠳᠡᠷ ᠮᠠᠯ ᠢ ᠰᠣᠩᠭᠤᠳᠠᠭ᠃ | ᠠᠵᠢᠷᠭᠠ ᠰᠣᠩᠭᠤᠬᠤ ᠠᠷᠭᠠ᠄ ᠤᠷᠠᠳᠴᠤᠳ᠂ ᠦᠷᠢᠶᠡ ᠬᠠᠭᠠᠷᠢᠬᠤ ᠳᠤ ᠪᠠᠨ ᠰᠢᠳᠦᠯᠡᠩ ᠬᠢᠵᠠᠭᠠᠯᠠᠩ ᠨᠠᠰᠤᠨ ᠤ ᠦᠷᠢᠶᠡ ᠲᠤᠳᠤᠷᠠ ᠠᠴᠠ ᠠᠵᠢᠷᠭᠠ ᠪᠠᠨ | ᠰᠤᠩᠭᠤᠵᠤ ᠲᠠᠯᠪᠢᠳᠠᠭ᠃ ᠠᠵᠢᠷᠭᠠ ᠰᠤᠩᠭᠤᠬᠤ ᠳᠤ ᠪᠠᠨ ᠪᠡᠶᠡ ᠪᠠᠷ ᠲᠡᠭᠰᠢ᠂ ᠲᠤᠮᠤ᠂ ᠬᠠᠮᠠᠷ ᠬᠤᠩᠰᠢᠶᠠᠷ ᠨᠢ ᠪᠦᠳᠦᠭᠦᠨ᠂ ᠬᠠᠮᠠᠷ ᠤᠨ ᠨᠥᠬᠡ ᠨᠢ ᠲᠤᠭᠤᠢ | ᠪᠦᠳᠦᠬᠦᠨ᠂ ᠠᠮᠠᠨ ᠬᠦᠵᠦᠭᠦᠦ ᠨᠢ ᠪᠦᠳᠦᠬᠦᠨ᠂ ᠬᠦᠵᠦᠬᠦᠦ ᠨᠢ ᠪᠤᠭᠤᠨᠢ᠂ ᠪᠡᠶᠡ ᠪᠠᠭᠠᠲᠠᠢ ᠶᠢ ᠬᠦᠴᠦ ᠲᠠᠮᠢᠷ ᠰᠠᠶᠢᠨ᠂ ᠳᠠᠭᠠᠭᠠᠴᠠ ᠲᠡᠰᠪᠦᠷᠢᠲᠡᠢ ᠭᠡᠵᠦ ᠬᠡᠯᠡᠳᠡᠭ᠃ | ᠲᠠᠰᠢᠶᠠ ᠦᠷᠭᠡᠨ ᠠᠳᠤᠭᠤ ᠶᠢ ᠬᠡᠪ ᠶᠠᠩᠵᠤ ᠲᠠᠢ᠂ ᠮᠢᠬᠠ ᠰᠠᠶᠢᠨ ᠰᠠᠭᠤᠳᠠᠭ ᠭᠡᠵᠦ ᠦᠵᠡᠳᠡᠭ᠃ ᠨᠢᠷᠤᠭᠤ ᠨᠢ ᠦᠯᠦ ᠮᠡᠳᠡᠭ ᠪᠦᠭᠳᠦᠷ ᠰᠢᠭ ᠠᠳᠤᠭᠤ ᠶᠢ | ᠳᠠᠭᠠᠭᠠᠴᠠ ᠰᠠᠶᠢᠨ᠂ ᠬᠦᠴᠦ ᠴᠢᠳᠠᠯ ᠲᠠᠢ ᠭᠡᠨᠡ᠃ ᠲᠤᠭᠤᠷᠠᠢ ᠪᠦᠳᠦᠬᠦᠨ ᠠᠳᠤᠭᠤ ᠶᠢ ᠬᠦᠴᠦ ᠲᠠᠮᠢᠷ ᠰᠠᠶᠢᠲᠠᠢ᠂ ᠰᠢᠯᠪᠢ ᠨᠢ ᠪᠤᠭᠤᠨᠢ ᠪᠦᠭᠡᠳ ᠦᠯᠦ ᠮᠡᠳᠡᠭ | ᠨᠠᠷᠢᠪᠳᠤᠷ ᠠᠳᠤᠭᠤ ᠶᠢ ᠬᠤᠷᠳᠤᠨ ᠪᠦᠭᠡᠳ ᠪᠦᠬᠡᠯᠢᠭ ᠲᠡᠰᠪᠦᠷᠢᠲᠡᠢ ᠭᠡᠳᠡᠭ᠃ ᠬᠤᠶᠢᠲᠤ ᠬᠦᠯ ᠤᠨ ᠪᠣᠷᠪᠢ ᠪᠣᠰᠤᠭᠠ ᠲᠡᠭᠰᠢᠬᠡᠨ ᠠᠳᠤᠭᠤ ᠶᠢ ᠴᠢᠳᠠᠯ ᠰᠠᠶᠢᠲᠠᠢ᠂ | ᠲᠡᠰᠪᠦᠷᠢᠲᠡᠢ ᠭᠡᠳᠡᠭ᠃ ᠳᠡᠯ ᠰᠡᠬᠦᠯ ᠨᠢ ᠦᠳᠭᠡᠨ ᠠᠳᠤᠭᠤ ᠶᠢ ᠴᠢᠰᠤᠨ ᠤᠳᠤᠮ ᠢᠶᠠᠷ ᠰᠠᠶᠢᠨ᠂ ᠪᠡᠶᠡ ᠶᠢᠨ ᠲᠤᠳᠤᠷ ᠡᠷᠬᠡᠲᠡᠨ ᠨᠢ ᠡᠷᠡᠭᠦᠯ ᠴᠢᠭᠢᠷᠠᠭ᠂ ᠰᠦᠷ | ᠵᠢᠪᠬᠤᠭᠠ ᠲᠠᠢ᠂ ᠬᠤᠷᠢᠶᠠᠯᠠᠭᠠ ᠰᠠᠶᠢᠲᠠᠢ ᠭᠡᠨᠡ᠃ ᠣᠩᠭᠠᠰᠤ ᠨᠢ ᠨᠢᠭᠲᠠ ᠦᠳᠭᠡᠨ᠂ ᠠᠷᠠᠰᠤ ᠨᠢ ᠵᠣᠵᠠᠭᠠᠪᠳᠤᠷ ᠠᠳᠤᠭᠤ ᠶᠢ ᠬᠦᠢᠲᠡᠨ ᠬᠠᠯᠠᠭᠤᠨ ᠳᠤ | ᠲᠡᠰᠪᠦᠷᠢᠲᠡᠢ᠂ ᠠᠭᠤᠷ ᠠᠮᠢᠰᠬᠤᠯ ᠳᠤ ᠵᠣᠬᠢᠴᠠᠬᠤ ᠪᠠᠷ ᠰᠠᠶᠢᠨ ᠭᠡᠵᠦ ᠦᠵᠡᠳᠡᠭ᠃ ᠨᠢᠲᠦ ᠨᠢ ᠪᠦᠳᠦᠬᠦᠨ ᠮᠦᠷᠲᠡᠭᠡᠨ ᠭᠡᠷᠡᠯ ᠲᠠᠢ᠂ ᠴᠡᠭᠡᠵᠢ ᠨᠢ ᠦᠯᠦ ᠮᠡᠳᠡᠭ | ᠲᠤᠤᠷᠠ ᠠᠳᠤᠭᠤ ᠶᠢ ᠶᠠᠩᠵᠤ ᠲᠠᠢ᠂ ᠴᠢᠳᠠᠯ ᠬᠦᠴᠦ ᠰᠠᠶᠢᠨ᠂ ᠮᠢᠬᠠ ᠰᠠᠶᠢᠨ ᠰᠠᠭᠤᠳᠠᠭ ᠭᠡᠳᠡᠭ᠃ ᠳᠠᠩ ᠪᠠᠷᠠᠭᠠᠨ ᠵᠢᠰᠤᠮ᠂ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠬᠦᠷᠡᠩ᠂ | ᠬᠠᠷᠠ᠂ ᠬᠡᠬᠡᠷ ᠠᠳᠤᠭᠤ ᠶᠢ ᠵᠤᠳ ᠭᠠᠮᠰᠢᠭ ᠲᠤ ᠲᠡᠰᠪᠦᠷᠢᠲᠡᠢ ᠭᠡᠵᠦ ᠰᠢᠨᠵᠢᠭᠡᠳ᠂ ᠨᠡᠩ ᠢᠯᠠᠩᠭᠤᠶᠠ ᠬᠦᠷᠡᠩ ᠵᠢᠰᠤᠮ ᠤᠨ ᠠᠳᠤᠭᠤ ᠶᠢ ᠴᠢᠭᠢᠭ ᠨᠣᠶᠢᠲᠠᠨ ᠳᠤ | ᠲᠡᠰᠪᠦᠷᠢᠲᠡᠢ ᠭᠡᠵᠦ ᠨᠣᠲᠠᠯᠠᠨ ᠰᠤᠩᠭᠤᠳᠠᠭ᠃ | ᠠᠵᠢᠷᠭᠠ ᠶᠢ ᠤᠷᠠᠳ ᠨᠤᠲᠤᠭ ᠤᠨ ᠠᠭᠤᠷ ᠠᠮᠢᠰᠬᠤᠯ᠂ ᠡᠪᠡᠰᠦ ᠤᠷᠭᠤᠮᠠᠯ ᠤᠨ ᠣᠷᠭᠤᠴᠠ ᠪᠠ ᠲᠦᠷᠦᠯ ᠵᠦᠢᠯ ᠳᠤ ᠪᠠᠨ ᠵᠤᠬᠢᠴᠠᠭᠤᠯᠵᠤ᠂ ᠬᠠᠷᠢ ᠣᠷᠤᠨ ᠤ | ᠪᠣᠰᠤᠳ ᠤᠨ ᠠᠳᠤᠭᠤᠨ ᠰᠦᠷᠦᠭ ᠠᠴᠠ ᠰᠤᠩᠭᠤᠬᠤ ᠨᠢ ᠣᠳᠤᠮ ᠤᠭᠰᠠᠭᠠ ᠶᠢ ᠰᠠᠶᠢᠵᠢᠷᠠᠭᠤᠯᠵᠤ ᠶᠠᠰᠤ ᠴᠢᠨᠠᠷ ᠢ ᠳᠡᠭᠡᠭᠰᠢᠯᠡᠬᠦᠯᠬᠦ ᠳᠤ ᠲᠤᠩ ᠴᠢᠬᠤᠯᠠ | ᠦᠢᠯᠡᠳᠦᠯ ᠲᠠᠢ ᠶᠤᠮ᠃ | ᠪᠤᠬᠠ ᠰᠤᠩᠭᠤᠬᠤ ᠠᠷᠭᠠ᠄ ᠪᠤᠬᠠ ᠶᠢ ᠰᠤᠩᠭᠤᠬᠤ ᠳᠤ ᠪᠠᠨ ᠦᠷᠭᠡᠨ ᠲᠤᠬᠤ ᠲᠠᠢ᠂ ᠴᠡᠭᠡᠵᠢ ᠦᠷᠭᠡᠨ᠂ ᠡᠪᠴᠢᠭᠦᠦ ᠲᠤᠷᠤᠭᠰᠢ᠂ ᠬᠦᠵᠦᠬᠦᠦ ᠪᠦᠳᠦᠬᠦᠨ᠂ | ᠨᠢᠷᠤᠭᠤ ᠲᠡᠭᠰᠢ ᠤᠷᠳᠤ᠂ ᠪᠦᠳᠦᠭᠦᠨ ᠭᠤᠶᠠ ᠪᠠᠷ ᠢᠶᠠᠨ ᠪᠦᠭᠡᠷᠡᠩᠬᠡᠢ᠂ ᠬᠠᠳᠠᠭᠤ ᠵᠠᠩᠭᠢᠷᠠᠭᠰᠠᠨ ᠪᠤᠯᠴᠢᠩ ᠲᠠᠢ᠂ ᠡᠮᠦᠨᠡ ᠬᠦᠯ ᠨᠢ ᠡᠭᠴᠡ᠂ ᠬᠤᠶᠢᠲᠦ ᠪᠣᠷᠪᠢ ᠨᠢ | ᠠᠭᠤᠵᠢᠮ᠂ ᠲᠠᠬᠢᠮ ᠨᠢ ᠣᠶᠢᠷᠠ ᠪᠢᠰᠢ᠂ ᠰᠡᠭᠦᠯ ᠤᠷᠳᠤ᠂ ᠦᠰᠦ ᠰᠠᠬᠤᠯᠢᠭ᠂ ᠠᠷᠠᠰᠤ ᠵᠤᠵᠠᠭᠠᠨ᠂ ᠡᠪᠡᠷ ᠪᠤᠭᠤᠨᠢ ᠪᠠᠬᠢᠮ᠂ ᠵᠢᠰᠦ ᠨᠢ ᠤᠯᠠᠭᠠᠨ᠂ ᠬᠦᠷᠡᠩ᠂ ᠬᠠᠯᠢᠭᠤᠨ᠂ | ᠬᠠᠷᠠ ᠵᠡᠷᠭᠡ ᠵᠢᠰᠦᠮ ᠪᠦᠬᠦᠢ ᠨᠦᠬᠦᠴᠡᠯ ᠢ ᠦᠨᠳᠦᠰᠦᠯᠡᠵᠦ ᠰᠤᠩᠭᠤᠨ ᠳᠠᠯᠪᠢᠳᠠᠭ ᠵᠠᠩᠰᠢᠯ ᠲᠠᠢ᠃ | ᠪᠤᠤᠷᠠ ᠰᠤᠩᠭᠤᠬᠤ ᠠᠷᠭᠠ᠄ ᠪᠤᠤᠷᠠ ᠰᠤᠩᠭᠤᠬᠤ ᠳᠤ ᠪᠠᠨ ᠪᠡᠶᠡ ᠪᠦᠳᠦᠬᠦᠨ᠂ ᠮᠠᠩᠨᠠᠢ ᠦᠨᠳᠦᠷ᠂ ᠨᠢᠳᠦ ᠨᠢ ᠪᠦᠯᠳᠡᠭᠡᠷ ᠠᠭᠤᠵᠢᠮ᠂ ᠵᠦᠭᠡᠯᠡᠨ ᠬᠠᠷᠠᠴᠠ ᠲᠠᠢ᠂ | ᠰᠢᠳᠦ ᠰᠠᠶᠢᠲᠠᠢ᠂ ᠪᠦᠬᠦ ᠨᠢ ᠠᠭᠤᠵᠢᠮ ᠵᠠᠢ ᠲᠠᠢ᠂ ᠴᠡᠭᠡᠵᠢ ᠦᠷᠭᠡᠨ᠂ ᠡᠮᠦᠨᠡ ᠬᠤᠶᠠᠷ ᠬᠦᠯ ᠨᠢ ᠬᠤᠭᠤᠷᠤᠨᠳᠤ ᠪᠠᠨ ᠵᠠᠢ ᠲᠠᠢ᠂ ᠬᠤᠨᠳᠤᠯᠠᠢ ᠰᠠᠶᠢᠲᠠᠢ᠂ ᠪᠦᠳᠦᠬᠦᠨ | ᠲᠤᠮᠤ ᠭᠤᠶᠠ ᠲᠠᠢ᠂ ᠲᠠᠪᠠᠭ ᠠᠴᠠ ᠡᠬᠢᠯᠡᠨ ᠬᠠᠷᠠ ᠮᠢᠬᠠ ᠶᠡᠭᠡ ᠲᠠᠢ᠂ ᠬᠢᠯᠭᠠᠰᠤᠨ ᠡᠪᠦᠳᠦᠭ ᠵᠣᠭᠳᠤᠷ ᠰᠠᠶᠢᠨ᠂ ᠤᠷᠳᠤ ᠦᠳᠭᠡᠨ ᠨᠤᠯᠤᠤᠷ ᠦᠰᠦ ᠲᠠᠢ᠂ ᠪᠠᠭᠠᠬᠠᠨ | ᠴᠣᠮᠪᠤᠭᠤᠷ ᠲᠠᠪᠠᠭ ᠲᠠᠢ᠂ ᠵᠤᠵᠠᠭᠠᠨ ᠬᠠᠷᠠ ᠤᠯᠠ ᠲᠠᠢ᠂ ᠰᠢᠯᠪᠢ ᠪᠤᠭᠤᠨᠢ ᠪᠦᠳᠦᠬᠦᠨ᠂ ᠬᠢᠮᠦᠰᠦ ᠬᠤᠮᠪᠤᠭᠤᠷ᠂ ᠰᠡᠬᠦᠯ ᠤᠷᠳᠤ᠂ ᠪᠣᠷᠪᠢ ᠪᠠᠷ ᠲᠡᠨᠢᠭᠦᠨ᠂ ᠵᠠᠩ ᠠᠪᠤᠷᠢ | ᠨᠣᠮᠣᠬᠠᠨ ᠲᠠᠶᠢᠯᠤᠭ ᠲᠡᠮᠡᠭᠡ ᠶᠢ ᠰᠤᠩᠭᠤᠳᠠᠭ᠃ | ᠬᠤᠴᠠ ᠰᠤᠩᠭᠤᠬᠤ ᠠᠷᠭᠠ᠄ ᠬᠤᠴᠠ ᠰᠤᠩᠭᠤᠬᠤ ᠳᠤ ᠪᠠᠨ ᠪᠡᠶᠡ ᠪᠠᠷ ᠪᠦᠳᠦᠬᠦᠨ᠂ ᠪᠦᠭᠡᠷᠡᠩᠬᠡᠢ ᠲᠡᠭᠰᠢ ᠪᠡᠶᠡ ᠲᠠᠢ᠂ ᠳᠠᠯᠤ ᠬᠤᠨᠳᠤᠯᠠᠢ ᠪᠠᠷ ᠦᠷᠭᠡᠨ᠂ ᠬᠦᠯ ᠨᠢ | ᠡᠭᠴᠡ ᠴᠢᠭᠢᠷᠠᠭ᠂ ᠬᠦᠵᠦᠬᠦᠦ ᠪᠤᠭᠤᠨᠢ ᠪᠦᠬᠡᠳ ᠪᠦᠳᠦᠬᠦᠨ᠂ ᠴᠡᠭᠡᠵᠢ ᠦᠷᠭᠡᠨ᠂ ᠡᠪᠴᠢᠬᠦᠦ ᠲᠤᠷᠤᠭᠰᠢ᠂ ᠠᠷᠠᠰᠤ ᠵᠦᠭᠡᠯᠡᠨ᠂ ᠰᠡᠬᠦᠯ ᠨᠢ ᠲᠤᠭᠤᠷᠢᠭ ᠲᠤᠮᠤ᠂ ᠪᠣᠷᠪᠢ | ᠨᠢ ᠲᠡᠨᠢᠭᠦᠨ᠂ ᠰᠢᠳᠦ ᠰᠠᠶᠢᠲᠠᠢ᠂ ᠡᠪᠡᠷ ᠨᠢ ᠲᠤᠬᠢᠷᠠᠮᠵᠢᠲᠠᠢ᠂ ᠦᠰᠦ ᠨᠣᠣᠰᠣ ᠨᠢ ᠪᠣᠷᠵᠢᠬᠢᠷ ᠰᠠᠬᠤᠯᠢᠭ ᠪᠦᠭᠡᠳ ᠲᠣᠷᠭᠠᠮᠰᠤᠭ ᠨᠠᠷᠢᠨ᠂ ᠵᠢᠰᠦ ᠨᠢ ᠳᠡᠮᠳᠡᠭ ᠦᠭᠡᠢ᠂ | ᠤᠯᠠᠭᠠᠨ ᠪᠤᠶᠤ ᠬᠠᠷᠠ ᠲᠤᠯᠤᠭᠠᠢ ᠲᠠᠢ᠂ ᠡᠰᠡᠬᠦᠯᠡ ᠶᠠᠮᠠᠷᠴᠤ ᠳᠡᠮᠳᠡᠭ ᠦᠭᠡᠢ ᠴᠡᠩᠭᠡᠷ ᠵᠢᠰᠦᠮ ᠤᠨ ᠬᠤᠷᠠᠭᠠ ᠶᠢ ᠰᠤᠩᠭᠤᠳᠠᠭ᠃ | ᠤᠬᠤᠨᠠ ᠰᠤᠩᠭᠤᠬᠤ ᠠᠷᠭᠠ᠄ ᠤᠬᠤᠨᠠ ᠰᠣᠩᠭᠤᠬᠤ ᠳᠤ ᠪᠠᠨ ᠲᠡᠭᠰᠢ ᠪᠦᠳᠦᠬᠦᠨ ᠪᠡᠶᠡ ᠲᠠᠢ ᠂ ᠴᠡᠭᠡᠵᠢ ᠦᠷᠭᠡᠨ᠂ ᠡᠪᠴᠢᠬᠦᠦ ᠲᠤᠷᠤᠭᠰᠢ᠂ ᠬᠦᠵᠦᠬᠦᠦ | ᠪᠦᠳᠦᠬᠦᠨ᠂ ᠬᠦᠯ ᠨᠢ ᠡᠭᠴᠡ᠂ ᠰᠢᠯᠪᠢ ᠪᠦᠳᠦᠬᠦᠨ᠂ ᠪᠤᠯᠴᠢᠩ ᠰᠠᠶᠢᠲᠠᠢ᠂ ᠬᠤᠨᠳᠤᠯᠠᠢ ᠦᠷᠭᠡᠨ᠂ ᠰᠢᠲᠦ ᠰᠠᠶᠢᠲᠠᠢ᠂ ᠴᠡᠭᠡᠵᠢᠳᠡᠭᠦᠦ ᠭᠡᠳᠡᠰᠦ ᠲᠠᠢ᠂ ᠦᠰᠦ ᠨᠤᠯᠤᠤᠷ | ᠡᠯᠪᠡᠭ᠂ ᠡᠪᠡᠷ ᠨᠢ ᠪᠠᠭᠠ ᠮᠢᠬᠠᠯᠢᠭ᠂ ᠰᠦ ᠰᠠᠶᠢᠲᠠᠢ ᠣᠳᠤᠮ ᠤᠨ ᠢᠰᠢᠬᠡ ᠶᠢ ᠰᠤᠩᠭᠤᠵᠤ ᠲᠠᠯᠪᠢᠨᠠ᠃ | ᠮᠠᠯ ᠤᠨ ᠡᠭᠦᠯᠳᠡᠷ ᠢ ᠰᠤᠩᠭᠤᠨ ᠳᠠᠯᠪᠢᠬᠤ ᠳᠤ ᠪᠠᠨ ᠬᠠᠮᠤᠭ ᠤᠨ ᠠᠩᠬᠠᠳᠤᠭᠠᠷ ᠲᠦᠯ ᠢᠶᠠᠷ ᠳᠠᠯᠪᠢᠬᠤ ᠦᠭᠡᠢ᠂ ᠬᠠᠷᠢᠨ ᠲᠤᠮᠳᠠ ᠨᠠᠰᠤᠨ ᠤ ᠮᠠᠯ ᠤᠨ ᠲᠦᠯ | ᠢᠶᠠᠷ ᠰᠤᠩᠭᠤᠨ ᠳᠠᠯᠪᠢᠬᠤ ᠶᠢ ᠴᠢᠬᠤᠯᠠᠴᠢᠯᠠᠳᠠᠭ᠃ ᠤᠷᠠᠳᠴᠤᠳ ᠦᠷᠡ ᠶᠢᠨ ᠮᠠᠯ ᠢᠶᠠᠨ ᠲᠤᠩ ᠶᠡᠭᠡ ᠬᠦᠨᠳᠦᠳᠭᠡᠨ ᠳᠡᠭᠡᠳᠦᠯᠡᠳᠡᠭ᠃ ᠦᠷᠡ ᠶᠢᠨ ᠮᠠᠯ ᠦᠬᠦᠵᠦ | ᠬᠤᠬᠢᠷᠠᠪᠠᠯ ᠠᠷᠠᠰᠤ ᠶᠢ ᠨᠢ ᠦᠪᠴᠢᠬᠦ ᠦᠭᠡᠢ ᠪᠠᠷ ᠠᠭᠤᠯᠠ ᠶᠢᠨ ᠤᠷᠤᠢ ᠪᠤᠶᠤ ᠦᠨᠳᠦᠷ ᠭᠠᠵᠠᠷ ᠲᠤᠯᠤᠭᠠᠢ ᠶᠢ ᠨᠢ ᠬᠤᠶᠢᠲᠤ ᠵᠦᠭ ᠲᠤ ᠬᠠᠨᠳᠤᠭᠤᠯᠤᠨ ᠵᠠᠰᠠᠵᠤ | ᠳᠠᠯᠪᠢᠳᠠᠭ᠃ | | ᠮᠣᠩᠭᠤᠯ ᠲᠡᠤᠬᠡ ᠰᠤᠶᠤᠯ ᠤᠨ ᠰᠤᠩᠭᠤᠳᠠᠭ ᠵᠣᠬᠢᠶᠠᠯ ᠤᠨ ᠬᠦᠮᠦᠷᠭᠡ᠂ ᠵᠠᠩ | ᠦᠢᠯᠡ ᠶᠢᠨ ᠴᠣᠪᠤᠷᠠᠯ ᠪᠢᠴᠢᠭ ︽ᠤᠷᠠᠳ ᠵᠠᠩ ᠦᠢᠯᠡ︾ ᠠᠴᠠ ᠪᠠᠭᠤᠯᠭᠠᠪᠠ | | | | | |