| ᠲᠦᠷᠦᠯ ᠭᠡᠳᠡᠭ ᠪᠣᠯ ᠡᠴᠢᠭᠡ ᠶᠢᠨ ᠰᠢᠰᠲ᠋ᠧᠮ ᠤᠨ ᠨᠢᠭᠡ ᠤᠳᠤᠮ ᠤᠭᠰᠠᠭᠠᠨ ᠤ ᠶᠠᠰᠤᠨ ᠲᠦᠷᠦᠯ ᠢ ᠵᠢᠭᠠᠵᠤ ᠪᠤᠢ᠃ ᠰᠠᠳᠤᠨ ᠭᠡᠳᠡᠭ ᠪᠣᠯ ᠡᠬᠡ ᠶᠢᠨ | ᠰᠢᠰᠲ᠋ᠧᠮ ᠤᠨ ᠨᠠᠭᠠᠴᠤ ᠨᠠᠷ ᠪᠠ ᠠᠪᠠᠭᠠ ᠡᠭᠡᠴᠢ ᠬᠦᠷᠭᠡᠳ ᠪᠤᠯᠤᠨ ᠲᠡᠲᠡᠨ ᠤ ᠬᠡᠤᠬᠡᠳ ᠪᠠᠭᠳᠠᠨᠠ᠃ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠪᠦᠳᠦᠴᠡ ᠳᠤ ᠡᠬᠡ ᠶᠢᠨ | ᠴᠢᠰᠤᠨ ᠠᠴᠠ ᠦᠷᠡ ᠶᠢᠨ ᠴᠢᠰᠤ ᠮᠢᠬᠠ ᠪᠦᠳᠦᠳᠡᠭ ᠪᠤᠯᠬᠤᠷ ᠡᠬᠡ ᠶᠢᠨ ᠲᠠᠯᠠ ᠶᠢ ᠪᠠᠰᠠ ᠴᠢᠰᠤᠨ ᠲᠦᠷᠦᠯ ᠭᠡᠳᠡᠭ᠃ ᠰᠦᠯᠪᠡᠭᠡ ᠭᠡᠳᠡᠭ ᠪᠣᠯ ᠬᠤᠯᠠ ᠶᠢᠨ | ᠰᠠᠳᠤᠨ ᠢ ᠬᠡᠯᠡᠳᠡᠭ᠃ ᠡᠴᠢᠭᠡ ᠡᠬᠡ ᠶᠢᠨ ᠲᠦᠷᠦᠯ ᠰᠠᠳᠤᠨ ᠠᠴᠠ ᠠᠷᠠᠢ ᠵᠠᠶᠢᠳᠠᠭᠤ ᠦᠭᠡᠷᠡ ᠤᠪᠤᠭ ᠤᠨ ᠤᠶᠢᠷᠠ ᠬᠠᠮᠢᠶᠠᠳᠠᠨ ᠪᠤᠯᠤᠨᠠ᠃ | ᠡᠴᠢᠭᠡ ᠶᠢᠨ ᠲᠠᠯᠠ ᠶᠢᠨ ᠬᠤᠭᠤᠷᠤᠨᠳᠤᠬᠢ ᠲᠠᠭᠤᠳᠠᠯᠭᠠ᠄ ᠡᠴᠢᠭᠡ ᠭᠡᠳᠡᠭ ᠪᠣᠯ ᠦᠷᠡ ᠪᠡᠶᠡ ᠲᠤᠭᠲᠠᠬᠤ ᠦᠶᠡ ᠳᠤ ᠲᠠᠷᠢᠬᠢ᠂ ᠶᠠᠰᠤ᠂ ᠰᠢᠷᠪᠤᠰᠦ᠂ ᠴᠢᠮᠦᠭᠡ ᠶᠢ | ᠪᠦᠳᠦᠭᠡᠳᠡᠭ ᠡᠷᠡᠭᠲᠡᠢ ᠬᠦᠮᠦᠨ ᠢ ᠵᠢᠭᠠᠵᠤ ᠪᠠᠶᠢᠨᠠ᠃ | ᠡᠬᠡ ᠭᠡᠳᠡᠭ ᠪᠣᠯ ᠦᠷᠡ ᠪᠡᠶᠡ ᠲᠤᠭᠲᠠᠬᠤ ᠦᠶᠡ ᠳᠤ ᠴᠢᠰᠤ ᠮᠢᠬᠠ᠂ ᠲᠠᠪᠤᠨ ᠴᠤᠯᠤ ᠵᠢᠷᠭᠤᠭᠠᠨ ᠰᠠᠪᠠ ᠶᠢ ᠪᠦᠳᠦᠭᠡᠭᠰᠡᠨ ᠡᠮᠡᠭᠲᠡᠢ ᠬᠦᠮᠦᠨ ᠢ ᠵᠢᠭᠠᠵᠤ | ᠪᠠᠶᠢᠨᠠ᠃ | ᠲᠡᠭᠡᠭᠰᠢ ᠪᠠᠨ ᠦᠶᠡ ᠲᠠᠷᠠᠭᠠᠯᠠᠨ ᠵᠢᠭᠰᠠᠭᠠᠪᠠᠯ᠄ ᠡᠪᠦᠭᠡ ᠡᠮᠡᠭᠡ — ᠡᠯᠦᠨᠴᠡ ᠡᠪᠦᠭᠡ᠂ ᠡᠯᠦᠨᠴᠡ ᠡᠮᠡᠭᠡ — ᠬᠤᠯᠤᠨᠴᠠ ᠡᠪᠦᠭᠡ᠂ ᠬᠤᠯᠤᠨᠴᠠ ᠡᠮᠡᠭᠡ | — ᠡᠯᠦᠨ ᠡᠪᠦᠭᠡ᠂ ᠡᠯᠦᠨ ᠡᠮᠡᠭᠡ — ᠬᠤᠯᠤᠨ ᠡᠪᠦᠭᠡ᠂ ᠬᠤᠯᠤᠨ ᠡᠮᠡᠭᠡ — ᠬᠤᠯᠪᠤᠭᠠ ᠡᠪᠦᠭᠡ ᠂ ᠬᠤᠯᠪᠤᠭᠠ ᠡᠮᠡᠭᠡ — ᠦᠨᠳᠦᠷ ᠡᠪᠦᠭᠡ᠂ | ᠦᠨᠳᠦᠷ ᠡᠮᠡᠭᠡ ᠭᠡᠬᠦ ᠮᠡᠳᠦ ᠪᠠᠷ ᠲᠠᠭᠤᠳᠠᠨᠠ᠃ | ᠪᠡᠶᠡ ᠠᠴᠠ ᠲᠤᠤᠷᠠᠬᠢ ᠦᠶᠡ ᠶᠢᠨ ᠲᠦᠷᠦᠯ ᠤᠨ ᠲᠠᠭᠤᠳᠠᠯᠭᠠ᠄ ᠪᠡᠷᠢ — ᠦᠪᠡᠷ ᠲᠤ ᠬᠠᠤᠯᠢ ᠶᠤᠰᠤᠭᠠᠷ ᠪᠠᠳᠤᠯᠠᠭᠳᠠᠵᠤ ᠦᠰᠦ ᠬᠤᠯᠪᠤᠭᠰᠠᠨ ᠦᠭᠡᠷᠡ | ᠤᠪᠤᠭ ᠤᠨ ᠡᠮᠡᠭᠲᠡᠢ ᠶᠢ ᠵᠢᠭᠠᠵᠤ ᠪᠤᠢ᠃ | ᠲᠡᠬᠦᠦ ᠪᠡᠷᠢ᠄ ᠦᠪᠡᠷ ᠠᠴᠠ ᠲᠤᠤᠷᠠᠬᠢ ᠦᠶᠡ ᠨᠢᠭᠡᠪᠤᠷᠢ ᠶᠢᠨ ᠬᠤᠷᠢᠮᠯᠠᠵᠤ ᠪᠠᠭᠤᠯᠭᠠᠭᠰᠠᠨ ᠪᠤᠰᠤᠳ ᠤᠪᠤᠭ ᠤᠨ ᠦᠬᠢᠳ ᠢ ᠵᠢᠭᠠᠵᠤ ᠪᠤᠢ᠂ ᠬᠦᠦ ᠪᠡᠷᠢ᠂ ᠠᠴᠢ | ᠪᠡᠷᠢ ᠬᠡᠬᠦ ᠮᠡᠳᠦ᠃ | ᠬᠦᠦ ᠬᠡᠤᠬᠡᠨ — ᠦᠪᠡᠷ ᠠᠴᠠ ᠲᠦᠷᠦᠭᠰᠡᠨ ᠬᠡᠤᠬᠡᠳ ᠤᠨ ᠡᠷᠡᠭᠲᠡᠢ ᠶᠢ ᠨᠢ ᠬᠦᠦ᠂ ᠡᠮᠡᠭᠳᠡᠢ ᠶᠢ ᠨᠢ ᠬᠡᠤᠬᠡᠨ ᠬᠡᠨᠡ᠃ | ᠦᠶᠡ ᠲᠠᠷᠠᠭᠠᠯᠠᠨ ᠲᠤᠷᠤᠭᠰᠢ ᠵᠢᠭᠰᠠᠭᠠᠪᠠᠯ᠄ ᠠᠴᠢ ︵ᠤᠮᠪᠤᠯᠤ︶ ᠬᠦᠦ᠂ ᠠᠴᠢ ︵ᠤᠮᠪᠤᠯᠤ︶ ᠪᠡᠷᠢ — ᠵᠢᠴᠢ ᠬᠦᠦ ᠵᠢᠴᠢ ᠪᠡᠷᠢ — ᠵᠢᠴᠢᠨᠴᠢᠷ ᠬᠦᠦ | ᠂ ᠵᠢᠴᠢᠨᠴᠢᠷ ᠪᠡᠷᠢ — ᠭᠤᠴᠢ ᠬᠦᠦ᠂ ᠭᠤᠴᠢ ᠪᠡᠷᠢ — ᠭᠤᠴᠢᠨᠴᠢᠷ ᠬᠦᠦ ᠂ ᠭᠤᠴᠢᠨᠴᠢᠷ ᠪᠡᠷᠢ — ᠵᠢᠯᠡᠢᠬᠦᠢ ᠬᠦᠦ᠂ ᠵᠢᠯᠡᠢᠬᠦᠢ ᠪᠡᠷᠢ — ᠲᠠᠯᠢᠢᠬᠦᠢ | ᠬᠦᠦ᠂ ᠲᠠᠯᠢᠢᠬᠦᠢ ᠪᠡᠷᠢ ᠭᠡᠵᠤ ᠲᠠᠭᠤᠳᠠᠨᠠ᠃ | ᠬᠦᠨᠳᠡᠯᠡᠨ ᠦᠶᠡ ᠶᠢᠨ ᠲᠦᠷᠦᠯ ᠬᠠᠷᠢᠯᠴᠠᠨ ᠲᠠᠭᠤᠳᠠᠯᠴᠠᠬᠤ ᠶᠤᠰᠤᠨ᠄ ᠠᠬᠠ — ᠨᠢᠭᠡ ᠡᠬᠡ ᠠᠴᠠ ᠲᠦᠷᠦᠭᠰᠡᠨ ᠡᠴᠢᠭᠡ ᠨᠢᠭᠡᠲᠡᠢ᠂ ᠡᠰᠡᠬᠦᠯᠡ ᠡᠴᠢᠭᠡ | ᠨᠢᠭᠡᠲᠡᠢ᠂ ᠡᠬᠡ ᠦᠭᠡᠷᠡ᠂ ᠡᠰᠡᠬᠦᠯᠡ ᠡᠬᠡ ᠨᠢᠭᠡᠲᠡᠢ ᠡᠴᠢᠭᠡ ᠦᠭᠡᠷᠡ ᠨᠠᠰᠤ ᠪᠠᠷ ᠶᠡᠭᠡ ᠡᠷᠡᠭᠲᠡᠢ ᠬᠦᠮᠦᠨ ᠢ ᠠᠬᠠ ᠭᠡᠳᠡᠭ᠃ | ᠪᠡᠷᠭᠡᠨ — ᠠᠬᠠ ᠶᠢᠨ ᠪᠦᠰᠡᠬᠦᠢ ᠶᠢ ᠪᠡᠷᠭᠡᠨ ᠭᠡᠵᠤ ᠲᠠᠭᠤᠳᠠᠨᠠ᠃ ᠪᠡᠶᠡ ᠠᠴᠠ ᠲᠡᠭᠡᠭᠰᠢᠬᠢ ᠤᠯᠠᠨ ᠦᠶᠡ ᠶᠢᠨ ᠪᠤᠰᠤᠳ ᠤᠪᠤᠭ ᠠᠴᠠ ᠪᠠᠭᠤᠯᠭᠠᠨ | ᠠᠪᠤᠭᠰᠠᠨ ᠬᠦᠨᠳᠡᠯᠡᠨ ᠦᠶᠡ ᠶᠢᠨ ᠡᠮᠡᠭᠳᠡᠶᠢᠴᠤᠳ ᠤᠨ ᠨᠡᠶᠢᠲᠡ ᠶᠢᠨ ᠲᠠᠭᠤᠳᠠᠯᠭᠠ ᠪᠤᠯᠵᠤ ᠪᠤᠢ᠃ ᠲᠠᠷᠤᠢ ᠨᠠᠭᠠᠴᠤ ᠪᠡᠷᠭᠡᠨ᠂ ᠠᠪᠠᠭᠠ ᠪᠡᠷᠭᠡᠨ ᠬᠡᠬᠦ ᠮᠡᠳᠦ᠃ | ᠠᠪᠠᠭᠠ — ᠡᠴᠢᠭᠡ ᠯᠦᠭᠡ ᠬᠡᠪᠡᠯᠢ ᠨᠢᠭᠡᠲᠡᠢ ᠠᠬᠠ ᠲᠡᠬᠦᠦ ᠶᠢ ᠬᠡᠯᠡᠨᠡ᠃ | ᠠᠪᠠᠭᠠ ᠪᠡᠷᠭᠡᠨ — ᠠᠪᠠᠭᠠ ᠶᠢᠨ ᠪᠦᠰᠡᠬᠦᠢ ᠶᠢ ᠬᠡᠯᠡᠨᠡ᠃ | ᠠᠪᠠᠭᠠ ᠡᠭᠡᠴᠢ — ᠡᠴᠢᠭᠡ ᠲᠠᠢ ᠡᠬᠡ ᠨᠢᠭᠡᠲᠡᠢ ᠦᠬᠢᠳ ᠢ ᠵᠢᠭᠠᠨᠠ᠃ | ᠠᠪᠠᠭᠠ ᠬᠦᠷᠭᠡᠨ ᠠᠬᠠ — ᠠᠪᠠᠭᠠ ᠡᠭᠡᠴᠢ ᠲᠠᠢ ᠬᠠᠤᠯᠢ ᠶᠤᠰᠤᠭᠠᠷ ᠬᠤᠷᠢᠮᠯᠠᠭᠰᠠᠨ ᠡᠷᠡᠭᠲᠡᠢ ᠶᠢ ᠭᠡᠯᠡᠨᠡ᠃ | ᠦᠶᠡ ᠲᠠᠷᠠᠭᠠᠯᠠᠨ ᠲᠡᠭᠡᠭᠰᠢ ᠵᠢᠭᠰᠠᠭᠠᠪᠠᠯ᠄ ᠠᠪᠠᠭᠠ ᠡᠴᠢᠭᠡ᠂ ᠠᠪᠠᠭᠠ ᠡᠬᠡ — ᠠᠪᠠᠭᠠ ᠡᠪᠦᠭᠡ ᠂ ᠠᠪᠠᠭᠠ ᠡᠮᠡᠭᠡ — ᠠᠪᠠᠭᠠ ᠡᠯᠦᠨᠴᠡ ᠡᠪᠦᠭᠡ᠂ | ᠠᠪᠠᠭᠠ ᠡᠯᠦᠨᠴᠡ ᠡᠮᠡᠭᠡ — ᠠᠪᠠᠭᠠ ᠬᠤᠯᠤᠨᠴᠠ ᠡᠪᠦᠭᠡ᠂ ᠠᠪᠠᠭᠠ ᠬᠤᠯᠤᠨᠴᠠ ᠡᠮᠡᠭᠡ — ᠠᠪᠠᠭᠠ ᠡᠯᠦᠨ ᠡᠪᠦᠭᠡ᠂ ᠠᠪᠠᠭᠠ ᠡᠯᠦᠨ ᠡᠮᠡᠭᠡ — ᠠᠪᠠᠭᠠ | ᠬᠤᠯᠤᠨ ᠡᠪᠦᠭᠡ᠂ ᠠᠪᠠᠭᠠ ᠬᠤᠯᠤᠨ ᠡᠮᠡᠭᠡ — ᠠᠪᠠᠭᠠ ᠬᠤᠯᠪᠤᠭᠠ ᠡᠪᠦᠭᠡ᠂ ᠠᠪᠠᠭᠠ ᠬᠤᠯᠪᠤᠭᠠ ᠡᠮᠡᠭᠡ — ᠠᠪᠠᠭᠠ ᠦᠨᠳᠦᠷ ᠡᠪᠦᠭᠡ᠂ ᠠᠪᠠᠭᠠ | ᠦᠨᠳᠦᠷ ᠡᠮᠡᠭᠡ ᠭᠡᠵᠤ ᠲᠠᠭᠤᠳᠠᠨᠠ᠃ | ᠡᠬᠡ ᠶᠢᠨ ᠲᠠᠯᠠ ᠶᠢᠨ ᠲᠦᠷᠦᠯ ᠤᠨ ᠬᠤᠭᠤᠷᠤᠨᠳᠤᠬᠢ ᠲᠠᠭᠤᠳᠠᠯᠭᠠ᠄ ᠨᠠᠭᠠᠴᠤ — ᠡᠬᠡ ᠲᠠᠢ ᠬᠦᠢ ᠨᠢᠭᠡᠲᠡᠢ ᠡᠷᠡᠭᠲᠡᠢ ᠬᠦᠮᠦᠨ ᠢ ᠬᠡᠯᠡᠨᠡ᠃ | ᠨᠠᠭᠠᠴᠤ ᠪᠡᠷᠭᠡᠨ — ᠨᠠᠭᠠᠴᠤ ᠲᠠᠢ ᠬᠠᠤᠯᠢ ᠶᠤᠰᠤᠭᠠᠷ ᠬᠤᠷᠢᠮᠯᠠᠨ ᠰᠠᠭᠤᠭᠰᠠᠨ ᠬᠦᠮᠦᠨ᠃ | ᠨᠠᠭᠠᠴᠤ ᠡᠪᠦᠭᠡ ︵ᠨᠠᠭᠠ ᠠᠪᠤ︶ ᠨᠠᠭᠠᠴᠤ ᠡᠮᠡᠭᠡ ︵ᠨᠠᠭᠠ ᠡᠵᠢ︶ — ᠡᠵᠢ ᠶᠢᠨ ᠠᠪᠤ ᠡᠵᠢ ᠶᠢ ᠬᠡᠯᠡᠨᠡ᠃ | ᠨᠠᠭᠠᠴᠤ ᠡᠭᠡᠴᠢ᠂ ᠨᠠᠭᠠᠴᠤ ᠬᠦᠷᠭᠡᠨ ᠠᠬᠠ — ᠡᠵᠢ ᠶᠢᠨ ᠡᠭᠡᠴᠢ ᠪᠤᠶᠤ ᠦᠬᠢᠨ ᠲᠡᠬᠦᠦ ᠵᠢᠴᠢ ᠲᠡᠬᠦᠨ ᠲᠠᠢ ᠬᠤᠷᠢᠮᠯᠠᠨ ᠰᠠᠭᠤᠭᠰᠠᠨ ᠬᠦᠮᠦᠨ᠃ | | | ᠮᠦᠩᠬᠡᠴᠢᠯᠠᠭᠤ ᠶᠢᠨ ︽ᠬᠦᠮᠦᠵᠢᠯ ᠤᠨ ᠬᠦᠬᠡ ᠪᠡᠯᠡᠭ︾ ᠠᠴᠠ ᠪᠠᠭᠤᠯᠭᠠᠪᠠ | |