| ᠰᠤᠶᠤᠯᠲᠤ | ᠰᠢᠯᠦᠭ — ᠤᠷᠠᠳ ᠤᠨ ᠰᠠᠶᠢᠬᠠᠨ ᠨᠣᠳᠤᠭ | | ᠦᠤᠷ ᠤᠨ ᠭᠡᠭᠡ ᠲᠠᠢ ᠰᠠᠮᠤᠷᠤᠭᠰᠠᠨ ᠭᠡᠭᠦᠦ ᠶᠢᠨ ᠴᠡᠭᠡ | ᠢᠳᠡᠰᠢ ᠶᠢᠨ ᠤᠳᠤᠳ ᠲᠠᠢ ᠱᠠᠭᠢᠭᠰᠠᠨ ᠢᠩᠭᠡᠨ ᠤ ᠰᠦ | ᠠᠯᠠᠭᠠᠨ ᠳᠡᠭᠡᠷᠡ ᠮᠢᠨᠢ ᠨᠡᠮᠢᠷᠠᠬᠤ ᠠᠶᠤᠰᠢ ᠬᠠᠳᠠᠭ | ᠠᠶᠠᠰᠬᠠᠨ ᠭᠦᠩᠬᠢᠨᠠᠨ ᠰᠢᠷᠤᠩᠬᠠᠶᠢᠯᠠᠬᠤ ᠣᠷᠳᠤ ᠶᠢᠨ ᠳᠠᠭᠤᠨ | ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠬᠤᠷᠤᠢ ᠳᠠᠯᠠᠯᠤᠭᠰᠠᠨ ᠠᠭᠤᠯᠠ ᠣᠰᠤᠨ | ᠡᠨᠡ ᠪᠣᠯ ᠤᠷᠠᠳ ᠤᠨ ᠰᠠᠶᠢᠬᠠᠨ ᠨᠣᠳᠤᠭ | ᠡᠯᠢᠭᠡ ᠵᠢᠷᠦᠭᠡᠨ ᠤ ᠮᠠᠨᠢ ᠳᠠᠷᠬᠠᠨ ᠴᠣᠬᠢᠯᠭᠠ | ᠠᠯᠳᠠᠨ ᠵᠤᠭᠳᠤᠷ ᠢᠶᠠᠨ ᠨᠠᠮᠢᠷᠠᠭᠤᠯᠤᠭᠰᠠᠨ ᠬᠦᠭᠡᠷᠦᠭᠦᠨ ᠪᠣᠷᠤᠯᠠᠭ ᠲᠡᠮᠡᠭᠡᠳ | ᠠᠪᠤ ᠳᠡᠭᠡᠲᠦ ᠦᠶᠡ ᠶᠢᠨ ᠮᠠᠨᠢ ᠭᠦᠯ ᠣᠨᠣᠭᠠᠷᠢ ᠪᠠᠷᠢᠭᠰᠠᠨ | ᠢᠩᠭᠡ ᠪᠣᠶᠢᠯᠠᠬᠤ ᠳᠤ ᠪᠣᠷᠤᠭᠠᠨ ᠵᠦᠰᠡᠷᠡᠳᠡᠭ ᠳᠡᠯᠭᠡᠷ ᠬᠠᠩᠭᠠᠢ | ᠢᠰᠭᠡᠷᠴᠦ ᠬᠦᠬᠡᠮᠡᠶᠢᠯᠡᠬᠦ ᠲᠤ ᠰᠠᠯᠬᠢ ᠨᠢ ᠰᠡᠪᠢᠯᠵᠡᠳᠡᠭ ᠵᠠᠭ ᠲᠠᠢ ᠪᠠᠯᠠᠷ | ᠲᠠᠭᠠᠨᠠ ᠶᠢᠨ ᠴᠡᠴᠡᠭ ᠭᠠᠩᠬᠤᠬᠤ ᠳᠤ ᠰᠦ ᠪᠠᠷ ᠴᠠᠶᠢᠯᠵᠠᠭᠰᠠᠨ ᠬᠦᠨᠳᠡᠢ ᠮᠠᠨᠢ | ᠲᠠᠬᠢ ᠬᠤᠯᠠᠨ ᠬᠠᠳᠠᠷᠢᠬᠤ ᠳᠤ ᠰᠦᠷᠦᠭ ᠢᠶᠠᠷ ᠳᠤᠯᠬᠢᠶᠠᠯᠠᠭᠰᠠᠨ ᠭᠤᠪᠢ ᠮᠠᠨᠢ | ᠡᠨᠡ ᠪᠣᠯ ᠤᠷᠠᠳ ᠤᠨ ᠰᠠᠶᠢᠬᠠᠨ ᠨᠣᠳᠤᠭ | ᠡᠴᠢᠭᠡ ᠳᠡᠭᠡᠲᠦ ᠶᠢᠨ ᠮᠠᠨᠢ ᠭᠤᠯᠤᠮᠲᠠ ᠪᠢᠯᠡ | ᠬᠦᠷᠡᠩ ᠲᠡᠮᠡᠭᠡᠳ ᠤᠨ ᠢᠶᠠᠨ ᠡᠪᠦᠯᠵᠢᠶᠡ ᠨᠢ ᠤᠶᠠᠰᠳᠠᠭ ᠪᠠᠶᠢᠭᠠᠯᠢ | ᠬᠦᠮᠦᠨ ᠠᠷᠠᠳ ᠤᠨ ᠢᠶᠠᠨ ᠴᠡᠴᠡᠨ ᠳᠤ ᠪᠣᠳᠣᠯ ᠨᠢ ᠠᠷᠢᠭᠤᠰᠳᠠᠭ | ᠬᠠᠯᠲᠠᠷ ᠮᠠᠨᠤᠨ ᠬᠦᠭᠡᠷᠭᠡ ᠡᠪᠤᠷ ᠲᠣᠳᠤᠷᠠ ᠨᠢ ᠬᠦᠯᠦᠷᠡᠵᠦ | ᠬᠠᠶᠢᠷᠠ ᠶᠢᠨ ᠨᠢᠩᠵᠢᠨ ᠰᠡᠳᠬᠢᠯ ᠬᠠᠳᠠᠭ ᠤᠨ ᠳᠡᠭᠡᠷᠡ ᠨᠢ ᠮᠦᠰᠢᠶᠡᠭᠡᠰᠦᠲᠡᠢ | ᠵᠡᠭᠦᠳᠦᠨ ᠴᠡᠩᠭᠡᠷ ᠬᠠᠩᠭᠠᠢ ᠮᠠᠨᠢ ᠰᠠᠷᠠᠨ ᠤ ᠲᠤᠶᠠᠭᠠᠨ ᠳᠤ ᠤᠶᠠᠩᠭᠠᠰᠢᠵᠤ | ᠵᠡᠭᠡᠷᠡ ᠶᠢᠨ ᠰᠢᠷᠭᠠᠯ ᠭᠤᠪᠢ ᠮᠠᠨᠢ ᠨᠠᠷᠠᠨ ᠤ ᠰᠠᠴᠤᠷᠭᠠᠨ ᠳᠤ ᠲᠤᠤᠯᠢᠶᠠᠨᠳᠤᠭᠰᠠᠨ | ᠡᠨᠡ ᠪᠣᠯ ᠤᠷᠠᠳ ᠤᠨ ᠰᠠᠶᠢᠬᠠᠨ ᠨᠣᠳᠤᠭ | ᠡᠩ ᠦᠭᠡᠢ ᠳᠠᠭᠰᠢᠨ ᠠᠯᠳᠠᠷ ᠪᠢᠯᠡ | | | | | ᠢᠷᠡᠯᠲᠡ᠄ ︽ᠤᠷᠠᠳ ᠣᠳᠬᠠ ᠵᠣᠬᠢᠶᠠᠯ︾ ᠸᠢᠴᠠᠲ ᠤᠯᠠᠨ ᠨᠡᠶᠢᠲᠡ ᠶᠢᠨ ᠲᠠᠪᠴᠠᠩ ᠠᠴᠠ ᠪᠠᠭᠤᠯᠭᠠᠪᠠ | | | | | |