| ᠳ᠋ᠠᠮᠪᠠᠷᠢᠨᠴᠢᠨ ︵1912—1980 ᠤᠨ︶ ᠡᠷᠡᠭᠳᠡᠢ᠂ ᠮᠤᠩᠭᠤᠯ ᠦᠨᠳᠤᠰᠤᠳᠡᠨ᠂ ᠤᠷᠠᠳ ᠤᠨ ᠲᠤᠮᠳᠠᠳᠤ ᠭᠦᠩ ᠤᠨ ᠬᠤᠰᠢᠭᠤᠨ ᠤ ᠭᠦᠮᠤᠨ᠃ | 1912 ᠤᠨ ᠤ 5 ᠳ᠋ᠤᠭᠠᠷ ᠰᠠᠷᠠ ᠶᠢᠨ 25 ᠤ ᠡᠳᠤᠷ ᠲᠤᠮᠳᠠᠳᠤ ᠭᠦᠩ ᠤᠨ ᠬᠤᠰᠢᠭᠤᠨ ︵ᠤᠳᠤ ᠶᠢᠨ ᠪᠠᠶᠠᠨᠬᠠᠳᠠᠢ ᠰᠤᠮᠤ ᠤᠷᠴᠢᠮ︶ ᠤ ᠨᠢᠭᠡᠨ ᠬᠠᠷᠠᠴᠦ | ᠠᠷᠠᠳ ᠤᠨ ᠭᠡᠷ ᠲᠤ ᠲᠦᠷᠤᠵᠡᠢ᠃ ᠬᠠᠷᠠ ᠪᠠᠭᠠ ᠠᠴᠠ ᠪᠠᠨ ᠠᠵᠤ ᠠᠮᠢᠳᠤᠷᠠᠯ ᠨᠢ ᠶᠠᠳᠠᠭᠤ ᠵᠦᠳᠡᠭᠦᠦ ᠮᠦᠷᠳᠡᠭᠡᠨ ᠡᠴᠢᠭᠡ ᠡᠬᠡ ᠨᠢ ᠴᠦᠮ ᠡᠷᠳᠡ ᠨᠡᠰᠤ | ᠪᠠᠷᠠᠭᠰᠠᠨ ᠪᠤᠯᠬᠤᠷ ᠰᠠᠶᠢᠨ ᠰᠠᠨᠠᠭᠠ ᠲᠠᠢ ᠵᠡᠷᠭᠡᠯᠡᠳᠡᠭᠡ ᠠᠶᠢᠯ ᠤᠨ ᠬᠢᠨ ᠲᠡᠭᠦᠨ ᠢ ᠰᠦᠮᠡ ᠲᠡᠭᠡᠷᠡ ᠬᠦᠷᠭᠡᠵᠤ ᠦᠭᠪᠡ᠃ ᠲᠡᠷᠡ ᠪᠠᠭᠠ ᠨᠠᠰᠤᠨ ᠳᠠᠭᠠᠨ ᠤᠷᠢᠳ | ᠬᠤᠵᠢᠳ ᠪᠤᠷᠬᠠᠨᠳᠤ᠂ ᠬᠠᠳᠠᠢ ᠰᠦᠮᠡ ᠶᠢᠨ ᠯᠠᠮᠠ ᠠᠴᠠ ᠠᠨᠠᠭᠠᠬᠤ ᠤᠬᠭᠠᠨ ᠰᠤᠷᠬᠤ ᠪᠠᠷ ᠱᠠᠪᠢ ᠪᠤᠯᠵᠤ᠂ ᠬᠤᠵᠢᠮ ᠨᠢ ᠰᠢᠷᠡᠭᠡ ᠰᠦᠮᠡ᠂ ᠬᠦᠨᠳᠡᠯᠡᠨ ᠤ | ᠰᠦᠮᠡ ᠳᠤ ᠱᠠᠪᠢ ᠪᠤᠯᠵᠤ ᠡᠮᠨᠡᠯᠭᠡ ᠰᠤᠷᠴᠠᠢ᠃ ᠲᠡᠷᠡ ᠲᠦᠪᠡᠳ ᠪᠢᠴᠢᠭ ᠰᠤᠷᠴᠦ ᠲᠦᠪᠡᠳ ᠨᠤᠮ ᠢ ᠴᠦ ᠲᠤᠷᠤᠭᠠ ᠦᠬᠡᠢ ᠤᠩᠰᠢᠵᠤ ᠴᠢᠳᠠᠬᠤ ᠪᠤᠯᠵᠠᠢ᠃ | ᠲᠡᠷᠡ ᠤᠯᠠᠮ ᠴᠢᠨᠠᠭᠰᠢᠳᠠ ᠮᠤᠩᠭᠤᠯ ᠪᠢᠴᠢᠭ ᠰᠤᠷᠴᠦ᠂ ᠱᠠᠰᠢᠨ ᠰᠤᠷᠳᠠᠬᠤᠨ᠂ ᠭᠦᠨ ᠤᠬᠠᠭᠠᠨ᠂ ᠤᠳᠤᠨ ᠤᠷᠤᠨ᠂ ᠲᠤᠭᠠᠨ ᠤ ᠤᠬᠠᠭᠠᠨ᠂ ᠮᠤᠩᠭᠤᠯ | ᠠᠨᠠᠭᠠᠬᠤ ᠤᠬᠠᠭᠠᠨ᠂ ᠡᠮ ᠤᠨ ᠦᠨᠳᠤᠰᠤ ᠵᠦᠢ ᠵᠡᠷᠭᠡ ᠲᠠᠯᠠ ᠶᠢᠨ ᠡᠷᠳᠡᠮ ᠮᠡᠳᠡᠯᠭᠡ ᠶᠢ ᠰᠤᠷᠴᠦ ᠡᠵᠡᠮᠰᠢᠭᠰᠡᠨ ᠤ ᠬᠠᠮᠳᠤ᠂ ᠮᠤᠩᠭᠤᠯ ᠲᠦᠪᠡᠳ ᠦᠰᠦᠭ ᠢ | ᠤᠷᠴᠢᠭᠤᠯᠤᠨ ᠲᠠᠶᠢᠯᠪᠤᠷᠢᠯᠠᠬᠤ ᠠᠵᠢᠯ ᠢ ᠡᠷᠬᠢᠯᠡᠭᠡᠳ ᠲᠡᠭᠦᠨ ᠤ ᠡᠮᠨᠡᠯᠭᠡ ᠶᠢᠨ ᠮᠡᠷᠭᠡᠵᠢᠯ ᠴᠦ ᠨᠡᠯᠢᠶᠡᠳ ᠲᠡᠭᠡᠭᠰᠢᠯᠡᠵᠤ᠂ ᠤᠮᠵᠢᠳ ᠯᠠᠮᠠ ᠵᠡᠷᠭᠡ ᠪᠡ ᠠᠷᠠᠨᠵᠢᠮᠪᠡ | ᠴᠤᠯᠠ ᠤᠯᠵᠤ᠂ ᠨᠡᠷᠡ ᠠᠯᠳᠠᠷᠰᠢᠭᠰᠠᠨ ᠮᠡᠷᠡᠮᠪᠡ ︵ᠡᠮᠴᠢ︶ ᠪᠤᠯᠵᠠᠢ᠃ 1948 ᠤᠨ ᠳᠤ ᠬᠤᠰᠢᠭᠤᠨ ᠤ ᠵᠠᠰᠠᠭ ᠷᠢᠨᠴᠢᠨᠰᠡᠩᠬᠡ ᠶᠢᠨ ᠬᠤᠪᠢ ᠶᠢᠨ ᠡᠮᠴᠢ ᠪᠠᠷ | ᠵᠠᠯᠠᠭᠳᠠᠪᠡ᠃ | 1950 ᠤᠨ ᠳᠤ᠂ ᠲᠡᠷᠡ ᠬᠤᠪᠢᠰᠬᠠᠯ ᠤᠨ ᠠᠵᠢᠯ ᠳᠤ ᠢᠳᠡᠪᠬᠢᠯᠡᠨ ᠤᠷᠤᠯᠴᠠᠵᠤ᠂ ᠨᠡᠮ ᠤᠨ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠢ ᠶᠡᠬᠡᠪᠡᠷ ᠤᠬᠠᠭᠤᠯᠤᠨ᠂ ᠰᠢᠨᠡ | ᠲᠦᠷᠦ ᠶᠢ ᠬᠦᠷᠢᠶᠡᠯᠡᠭᠰᠡᠨ ᠶᠤᠮ᠃ ᠲᠡᠷᠡ ᠪᠡᠶᠡ ᠪᠠᠷ ᠢᠶᠠᠨ ᠦᠯᠵᠡᠶᠢᠳᠤ ᠶᠢᠨ ᠰᠦᠮᠠ ᠳᠤ ᠬᠦᠷᠴᠦ ᠯᠠᠮᠠ ᠬᠤᠸᠠᠷᠠᠭ ᠪᠤᠯᠤᠨ ᠤᠯᠠᠨ ᠲᠦᠮᠠᠨ ᠢ ᠤᠬᠠᠭᠤᠯᠤᠨ | ᠲᠠᠶᠢᠴᠢᠯᠠᠵᠤ᠂ ᠪᠠᠰᠠ《 ᠬᠤᠪᠢᠰᠬᠠᠯ ᠳᠤ ᠤᠷᠤᠯᠴᠠᠶᠠ︕》ᠬᠡᠰᠡᠨ ᠬᠤᠯᠪᠤᠭᠠ ᠵᠤᠬᠢᠶᠠᠪᠡ᠃ ᠬᠤᠯᠪᠤᠭᠠᠨ ᠤ ᠦᠬᠡ ᠨᠢ ᠲᠠᠷᠤᠢ᠄《 ᠠᠷᠠᠳ ᠤᠯᠠᠨ ᠲᠠ ᠨᠡᠷ | ᠲᠠᠭᠠᠨ ᠠᠶᠠᠯᠭᠤ ᠰᠢᠯᠦᠭ ᠢᠶᠠᠨ ᠬᠡᠯᠡᠵᠤ ᠦᠭᠭᠦᠶᠡ᠂ ᠠᠬᠠ ᠡᠭᠡᠴᠢ ᠲᠡᠭᠦᠦ ᠪᠦᠭᠦᠳᠡᠭᠡᠷ ᠢᠶᠠᠨ ᠠᠶᠠᠳᠠᠨ ᠪᠦᠯᠭᠦᠮᠳᠡᠵᠤ ᠪᠤᠰᠴᠠᠭᠠᠷᠠᠢ᠃ ᠭᠦᠨᠳᠡᠯᠡᠨ ᠤ ᠰᠦᠮᠡ ᠶᠢᠨ | ᠯᠠᠮᠠ ᠨᠡᠷ ᠴᠢᠨᠢ ᠭᠦᠴᠦᠳᠡᠨ ᠨᠡᠷ ᠤᠨ ᠬᠤᠯᠪᠤᠭᠠ ᠲᠠᠢ ᠭᠦᠴᠦᠨ ᠴᠢᠳᠠᠯ ᠢᠶᠠᠨ ᠨᠢᠭᠡᠳᠭᠡᠵᠤ᠂ ᠭᠦᠳᠡᠯᠮᠤᠷᠢ ᠠᠵᠢᠯ ᠳᠠᠭᠠᠨ ᠢᠳᠡᠪᠬᠢᠯᠡᠶᠡ︕ ᠬᠤᠪᠠᠭ᠋ᠠᠢ ᠹᠸᠤᠳᠠᠯ | ᠤᠨ ᠶᠤᠰᠤ ᠶᠢ ᠬᠤᠪᠬᠤ ᠲᠠᠳᠠᠨ ᠤᠨᠠᠭᠠᠶᠡ᠂ ᠬᠤᠷᠳᠤᠨ ᠲᠦᠷᠭᠡᠨ ᠪᠤᠰᠤᠯᠴᠠᠭᠠᠳ᠂ ᠬᠤᠪᠢᠰᠬᠠᠯ ᠤᠨ ᠠᠵᠢᠯ ᠳᠤ ᠤᠷᠤᠯᠴᠠᠶᠡ︕》ᠬᠡᠵᠤ ᠪᠢᠴᠢᠪᠡ᠃ ᠤᠳᠠᠯ | ᠦᠬᠡᠢ ᠲᠡᠷᠡ ᠯᠠᠮᠠ ᠨᠡᠷ ᠤᠨ ᠠᠵᠢᠯᠯᠠᠬᠤ ᠲᠤᠭᠤᠶᠢᠯᠠᠩ ᠤᠨ ᠲᠠᠷᠤᠭᠠ ᠶᠢᠨ ᠲᠤᠰᠢᠶᠠᠯ ᠢ ᠡᠭᠦᠷᠭᠡᠯᠡᠵᠤ᠂ ᠨᠡᠮ ᠤᠨ ᠦᠨᠳᠤᠰᠤᠳᠡᠨ ᠤ ᠲᠤᠬᠠᠢ ᠲᠦᠷᠦ ᠶᠢᠨ | ᠪᠤᠳᠤᠯᠭᠠ᠂ ᠱᠠᠰᠢᠨ ᠰᠤᠷᠳᠠᠬᠤᠨ ᠤ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠢ ᠰᠤᠷᠳᠠᠯᠴᠢᠯᠠᠨ ᠤᠬᠠᠭᠤᠯᠬᠤ ᠶᠢᠨ ᠬᠠᠮᠳᠤ᠂ ᠮᠠᠯᠴᠢᠨ ᠲᠦᠮᠡᠨ ᠢ ᠲᠠᠶᠢᠴᠢᠯᠠᠨ ᠠᠮᠧᠷᠢᠺᠡ ᠶᠢ | ᠡᠰᠡᠷᠭᠦᠴᠡᠨ ᠰᠤᠯᠤᠩᠭᠤᠰ ᠢ ᠲᠤᠰᠠᠯᠠᠬᠤ ᠬᠦᠳᠡᠯᠭᠡᠭᠡᠨ ᠳᠤ ᠤᠷᠤᠯᠴᠠᠭᠤᠯᠵᠤ᠂ ᠤᠯᠠᠨ ᠲᠦᠮᠡᠨ ᠤ ᠲᠤᠮᠳᠠ ᠴᠢᠬᠤᠯᠠ ᠶᠡᠭᠡ ᠨᠦᠯᠤᠭᠡ ᠦᠵᠡᠭᠦᠯᠦᠭᠰᠡᠨ ᠪᠢᠯᠡ᠃ | 1953 ᠤᠨ ᠳᠤ ᠲᠡᠷᠡ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠵᠤ ᠡᠮᠴᠢᠯᠡᠭᠡ ᠶᠢᠨ ᠠᠵᠢᠯ ᠢᠶᠠᠨ ᠬᠢᠪᠡ᠃ 1955 ᠤᠨ ᠳᠤ ᠪᠠᠶᠠᠨᠬᠠᠳᠠᠢ ᠰᠤᠮᠤᠨ ᠤ ᠨᠠᠮ ᠤᠨ ᠬᠤᠷᠢᠶᠠ ᠠᠴᠠ | ᠲᠡᠭᠦᠨ ᠢ ᠤᠷᠢᠵᠤ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠤᠨ ᠬᠤᠷᠢᠶᠠᠨ ᠤ ᠲᠠᠷᠤᠭᠠ ᠪᠤᠯᠭᠠᠵᠤ᠂ ᠰᠤᠮᠤᠨ ᠤ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠤᠨ ᠬᠤᠷᠢᠶᠠ ᠶᠢ ᠬᠠᠷᠢᠭᠤᠴᠠᠨ ᠪᠠᠶᠢᠭᠤᠯᠵᠠᠢ᠃ | 1959 ᠤᠨ ᠳᠤ ᠮᠤᠩᠭᠤᠯ ᠲᠦᠪᠡᠳ ᠦᠰᠦᠭ ᠢᠶᠠᠷ ᠬᠠᠷᠭᠤᠭᠤᠯᠤᠬᠰᠠᠨ ᠵᠢᠷᠤᠬᠠᠢ ︵1960——2030 ᠤᠨ ᠭᠦᠷᠳᠡᠯᠡᠬᠢ︶ ᠶᠢ ᠨᠡᠶᠢᠷᠠᠭᠤᠯᠤᠨ | ᠵᠤᠬᠢᠶᠠᠪᠡ᠃ 1962 ᠤᠨ ᠳᠤ ᠲᠡᠷᠡ ᠬᠤᠰᠢᠭᠤᠨ ᠤ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠰᠠᠯᠠᠭᠠ ᠳᠤ ᠠᠵᠢᠯᠯᠠᠵᠤ᠂ 1963 ᠤᠨ ᠳᠤ ᠲᠤᠰ | ᠬᠤᠰᠢᠭᠤᠨ ᠳᠤ ᠠᠩᠬᠠ ᠤᠳᠠᠭᠠ ᠮᠤᠩᠭᠤᠯ ᠡᠮᠳᠤ ᠤᠬᠢᠶᠠᠯᠭᠠ ᠭᠠᠷᠭᠠᠵᠤ ᠮᠠᠯᠴᠢᠨ ᠲᠦᠮᠠᠨ ᠤ ᠴᠦᠬᠡᠨ ᠪᠤᠰᠤ ᠡᠪᠡᠳᠴᠢᠨ ᠭᠡᠮ ᠢ ᠵᠠᠰᠠᠵᠤ ᠡᠳᠡᠭᠡᠷᠡᠭᠦᠯᠦᠭᠰᠡᠨ | ᠪᠠᠶᠢᠨᠠ᠃《 ᠠᠷᠪᠠᠨ ᠵᠢᠯ ᠤᠨ ᠰᠠᠮᠠᠭᠤᠷᠠᠯ 》 ᠲᠤᠮᠳᠠ ᠲᠡᠭᠦᠨ ᠳᠤ ᠭᠤᠤᠯᠴᠢ ᠪᠤᠰᠤ ᠪᠠᠷ ᠬᠠᠨᠳᠤᠭᠰᠠᠨ ᠪᠤᠯᠪᠠᠴᠦ ᠲᠡᠷᠡ ᠶᠡᠷᠤᠨᠢ ᠡᠮ ᠤᠨ ᠰᠤᠳᠤᠯᠭᠠ ᠪᠠᠨ | ᠬᠠᠶᠠᠭᠰᠠᠨ ᠦᠬᠡᠢ᠂ ᠮᠤᠷᠢ ᠤᠨᠤᠵᠤ ᠮᠠᠯᠵᠢᠬᠤ ᠤᠷᠤᠨ ᠢᠶᠠᠷ ᠡᠪᠡᠰᠤᠨ ᠡᠮ ᠲᠡᠭᠦᠵᠤ᠂ ᠲᠤᠰ ᠭᠠᠵᠠᠷ ᠤᠨ 213 ᠵᠤᠶᠢᠯ ᠤᠨ ᠵᠡᠷᠯᠢᠭ ᠡᠪᠡᠰᠤᠨ ᠡᠮ ᠢ ᠬᠢᠨᠠᠨ | ᠲᠤᠭᠳᠠᠭᠠᠵᠠᠢ᠃ 1973 ᠤᠨ ᠳᠤ ᠲᠡᠷᠡ ᠪᠦᠬᠦ ᠤᠷᠤᠨ ᠤ ᠮᠤᠩᠭᠤᠯ ᠡᠮ ᠤᠨ ᠨᠡᠷᠡᠰ ᠢ ᠬᠢᠨᠠᠨ ᠨᠢᠭᠡᠳᠭᠡᠭᠦ ᠬᠤᠷᠠᠯᠳᠤᠭᠠᠨ ᠳᠤ ᠤᠷᠤᠯᠴᠠᠵᠤ᠂ ᠲᠡᠭᠦᠨ ᠤ | ᠪᠢᠴᠢᠭᠰᠡᠨ《 ᠤᠷᠠᠳ ᠤᠨ ᠡᠪᠡᠰᠤᠨ ᠡᠮ》 ᠵᠡᠷᠭᠡ ᠭᠤᠷᠪᠠᠨ ᠦᠬᠦᠯᠡᠯ ᠨᠢ ᠮᠠᠰᠢ ᠰᠠᠶᠢᠨ ᠦᠨᠡᠯᠡᠯᠳᠠ ᠤᠯᠪᠡ᠃1975 ᠤᠨ ᠳᠤ ᠪᠦᠬᠦ ᠤᠷᠤᠨ ᠤ《 | ᠲᠦᠷᠪᠡᠨ ᠦᠨᠳᠤᠰᠤ》 ᠶᠢ ᠬᠢᠨᠠᠨ ᠲᠤᠭᠳᠠᠭᠠᠬᠤ ᠠᠵᠢᠯ ᠳᠤ ᠤᠷᠤᠯᠴᠡᠪᠡ᠃ 1977 ᠤᠨ ᠳᠤ ᠦᠪᠤᠷ ᠮᠤᠩᠭᠤᠯ ᠤᠨ ᠬᠢᠳᠠᠳ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ | ᠰᠤᠳᠤᠯᠭᠠᠨ ᠤ ᠭᠠᠵᠠᠷ ᠲᠤ ᠤᠷᠢᠭᠳᠠᠵᠤ᠂ ᠲᠦᠪᠡᠳ ᠤᠨ ᠠᠨᠠᠭᠠᠬᠤ ᠤᠬᠠᠭᠠᠨ ᠤ《 ᠲᠦᠷᠪᠡᠨ ᠦᠨᠳᠤᠰᠤ》 ᠶᠢᠨ ᠡᠬᠢᠨ ᠤ ᠬᠤᠶᠠᠷ ᠪᠦᠯᠦᠭ ᠤᠨ《 ᠤᠪᠢᠳᠠᠰ | ᠤᠨ ᠦᠨᠳᠤᠰᠤᠨ 》《 ᠬᠦᠬᠡ ᠪᠧᠳᠤᠷᠢᠶᠡ》《 ᠬᠤᠶᠢᠳᠤ ᠦᠨᠳᠤᠰᠤᠨ ᠤ ᠬᠦᠬᠡ ᠪᠧᠳᠤᠷᠢᠶᠡ》 ᠶᠢ ᠮᠤᠩᠭᠤᠯ ᠢᠶᠠᠷ ᠤᠷᠴᠢᠭᠤᠯᠤᠨ ᠨᠠᠶᠢᠷᠠᠭᠤᠯᠬᠤ ᠠᠵᠢᠯ | ᠳᠤ ᠤᠷᠤᠯᠴᠠᠪᠡ᠃ 1978 ᠤᠨ ᠳᠤ ᠲᠡᠷᠡ《 ᠮᠤᠩᠭᠤᠯ ᠲᠦᠪᠡᠳ ᠤᠨ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠨᠡᠷᠡ ᠲᠤᠮᠢᠶᠠ》 ᠭᠡᠰᠡᠨ ᠨᠤᠮ ᠢ ᠨᠡᠶᠢᠷᠠᠭᠤᠯᠤᠨ ᠵᠤᠬᠢᠶᠠᠵᠤ᠂ | 《 ᠪᠦᠷᠢᠶᠠᠳ ᠳ᠋ᠢᠶ᠋ᠢᠭ᠋》ᠭᠡᠰᠡᠨ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠲᠤᠯᠢ ᠪᠢᠴᠢᠭ ᠢ ᠤᠷᠴᠢᠭᠤᠯᠤᠨ ᠨᠡᠶᠢᠷᠡᠭᠤᠯᠪᠡ᠃1979 ᠤᠨ ᠳᠤ ᠲᠡᠷᠡ ᠪᠠᠶᠠᠨᠨᠠᠭᠤᠷ ᠠᠶᠢᠮᠠᠭ ᠤᠨ | ᠵᠢᠷᠭᠤᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠤᠯᠤᠰ ᠲᠦᠷᠦ ᠶᠢᠨ ᠵᠦᠪᠯᠡᠯᠭᠡᠨ ᠤ ᠬᠡᠰᠢᠭᠦᠨ᠂ ᠦᠪᠤᠷ ᠮᠤᠩᠭᠤᠯ ᠤᠨ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠰᠤᠳᠤᠯᠭᠠᠨ ᠤ ᠨᠡᠶᠢᠭᠡᠮᠯᠢᠭ ᠤᠨ | ᠪᠠᠶᠠᠨᠨᠠᠭᠤᠷ ᠠᠶᠢᠮᠠᠭ ᠤᠨ ᠬᠤᠪᠢᠶᠠᠷᠢ ᠨᠡᠶᠢᠭᠡᠮᠯᠢᠭ ᠤᠨ ᠲᠡᠳ᠋ ᠬᠡᠷᠡᠭ ᠡᠷᠬᠢᠯᠡᠭᠴᠢ ᠪᠠᠷ ᠰᠤᠩᠭᠤᠭᠳᠠᠪᠡ᠃ 1980 ᠤᠨ ᠳᠤ ᠲᠡᠷᠡ ᠰᠤᠳᠨᠠᠮᠳᠠᠷᠵᠠ ᠲᠠᠢ | ᠬᠠᠮᠳᠤ《 ᠲᠦᠷᠪᠡᠨ ᠦᠨᠳᠤᠰᠤ》 ᠶᠢᠨ ᠰᠡᠭᠦᠯᠴᠢ ᠶᠢᠨ ᠬᠤᠶᠠᠷ ᠪᠦᠯᠦᠭ ᠤᠨ《 ᠬᠦᠬᠡ ᠪᠧᠳᠤᠷᠢᠶᠡ 》 ᠶᠢ ᠤᠷᠴᠢᠭᠤᠯᠤᠨ ᠨᠠᠶᠢᠷᠠᠭᠤᠯᠵᠤ ᠬᠢᠨᠠᠨ | ᠲᠤᠭᠳᠠᠭᠠᠭᠰᠠᠨ ᠶᠤᠮ᠃ ᠲᠤᠰ ᠵᠢᠯ ᠳᠡᠭᠡᠨ ᠲᠡᠷᠡ ᠳᠡᠳ᠋ ᠡᠷᠬᠢᠯᠡᠭᠴᠢ ᠡᠮᠴᠢ ᠪᠠᠷ ᠲᠡᠪᠰᠢᠪᠡ᠃ ᠲᠡᠷᠡ ᠬᠡᠳᠤᠨ ᠠᠷᠪᠠᠨ ᠵᠢᠯ ᠡᠮᠴᠢᠯᠡᠭᠡᠳ ᠲᠤᠭᠠ ᠲᠤᠮᠰᠢ ᠦᠬᠡᠢ | ᠤᠯᠠᠨ ᠡᠪᠡᠳᠴᠢᠳᠡᠨ ᠢ ᠡᠮᠴᠢᠯᠡᠨ ᠵᠠᠰᠠᠭᠰᠠᠨ ᠢᠶᠠᠷ ᠦᠯᠤ ᠪᠠᠷᠠᠨ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠴᠢᠳᠠᠪᠤᠷᠢᠳᠠᠨ ᠢ ᠭᠦᠮᠤᠵᠢᠭᠦᠯᠭᠦ ᠳᠤ ᠭᠦᠴᠦ ᠲᠠᠯᠪᠢᠵᠤ᠂ ᠮᠤᠩᠭᠤᠯ ᠡᠮ | ᠤᠨ ᠰᠤᠳᠤᠯᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠢ ᠵᠠᠯᠭᠠᠮᠵᠢᠯᠠᠨ ᠪᠠᠳᠠᠷᠠᠭᠤᠯᠬᠤ ᠲᠠᠯᠠ ᠪᠠᠷ ᠢᠳᠡᠪᠬᠢᠳᠠᠢ ᠬᠤᠪᠢ ᠨᠡᠮᠡᠷᠢ ᠪᠠᠨ ᠦᠵᠡᠭᠦᠯᠦᠭᠰᠡᠨ ᠶᠤᠮ᠃ | 1980 ᠤᠨ ᠤ 5 ᠳ᠋ᠤᠭᠠᠷ ᠰᠠᠷᠠ ᠶᠢᠨ 24 ᠤ ᠡᠳᠤᠷ᠂ ᠲᠡᠭᠦᠨ ᠤ ᠵᠢᠷᠤᠬᠡᠨ ᠤ ᠡᠪᠡᠳᠴᠢᠨ ᠨᠢ ᠬᠡᠨᠡᠳᠳᠡ ᠬᠦᠳᠡᠯᠵᠤ ᠬᠠᠯᠢᠭᠤᠳᠤ ᠳᠤ ᠡᠪᠡᠳᠴᠢᠨ ᠢᠶᠠᠷ | ᠨᠠᠰᠤ ᠪᠠᠷᠠᠪᠡ᠂ 69 ᠨᠠᠰᠤᠳᠠᠢ᠃ | ︽ᠤᠷᠠᠳ ᠤᠨ ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠤᠶᠢᠯᠠᠯᠭᠠ︾ ᠠᠴᠠ ᠪᠠᠭᠤᠯᠭᠠᠪᠠ | |