| ᠲᠡᠤᠭᠡ ᠶᠢᠨ ᠶᠡᠭᠡ ᠤᠷᠤᠰᠬᠠᠯ ᠳᠤ ᠲᠠᠯᠠᠨ ᠵᠢᠯ ᠲᠠᠩᠴᠤ ᠤᠬᠤᠷ᠂ ᠴᠡᠭ ᠯᠠ ᠭᠡᠵᠤ ᠮᠠᠲᠠ᠃ ᠬᠦᠮᠦᠨ ᠳᠤ ᠠᠪᠴᠦ ᠭᠡᠯᠡᠪᠡᠯ ᠲᠠᠯᠠᠨ ᠵᠢᠯ ᠭᠡᠵᠤ ᠠᠯᠢ | ᠤᠯᠠᠨ ᠢ ᠦᠵᠡᠵᠦ᠂ ᠲᠡᠷᠡ ᠪᠡᠶᠡ ᠪᠠᠷ ᠢᠶᠠᠨ ᠠᠮᠢᠲᠤ ᠲᠤᠯᠢ ᠭᠡᠬᠦ ᠳᠤ ᠢᠯᠡᠬᠦᠲᠡᠬᠦ ᠭᠠᠵᠠᠷ ᠠᠯᠠᠭᠠ᠃ ᠬᠠᠭᠤᠴᠢᠨ ᠨᠡᠶᠢᠭᠡᠮ ᠳᠤ ᠲᠦᠷᠦᠵᠦ ᠦᠰᠦᠨ᠂ ᠡᠩᠬᠦᠯ | ᠲᠤᠩᠬᠤᠯ ᠤᠷᠪᠠᠭᠠᠨ ᠬᠦᠷᠪᠡᠭᠡᠨ ᠲᠠᠢ ᠤᠨ ᠵᠢᠯ ᠤᠳ ᠢ ᠪᠡᠶᠡ ᠪᠠᠷ ᠢᠶᠠᠨ ᠦᠩᠭᠡᠷᠡᠭᠡᠵᠦ᠂ ᠰᠢᠨᠠ ᠡᠷᠢᠨ ᠳᠤ ᠠᠮᠢᠲᠤᠷᠠᠯ ᠤᠨ ᠰᠠᠶᠢᠬᠠᠨ ᠢ ᠡᠳ᠋ᠯᠡᠵᠦ ᠶᠠᠪᠤᠭᠠ | ᠰᠤᠯᠤᠩᠭᠠ ᠱᠠᠩᠨᠠᠯᠲᠤ ᠮᠠᠯᠴᠢᠨ ᠵᠤᠬᠢᠶᠠᠯᠴᠢ ᠨᠠ᠊ ᠰᠢᠷᠡᠬᠦᠦ ᠭᠤᠸᠠᠢ 1943 ᠤᠨ ᠤ ᠲᠦᠯ᠂ ᠤᠷᠠᠳ ᠤᠨ ᠲᠤᠮᠲᠠᠲᠤ ᠬᠦᠩ ᠤᠨ ᠬᠤᠰᠢᠭᠤᠨ ᠤ ᠭᠤᠤᠯ ᠰᠤᠮᠤᠨ | ᠤ ᠲᠠᠶᠢᠵᠢ ᠤᠭᠰᠠᠭᠠᠲᠠᠨ ᠨᠠᠮᠰᠠᠷᠠᠢ ᠶᠢᠨ ᠬᠤᠶᠠᠲᠤᠭᠠᠷ ᠬᠦᠪᠡᠬᠦᠨ ᠪᠤᠯᠤᠨ ᠵᠠᠶᠠᠭᠠᠵᠠᠢ᠃ ᠡᠨᠡ ᠵᠢᠯ ᠲᠠᠯᠠᠨ ᠲᠠᠪᠤᠲᠠᠢ ᠪᠤᠭᠤᠷᠤᠯ ᠵᠤᠬᠢᠶᠠᠯᠴᠢ ᠮᠠᠨᠢ ᠤᠷᠠᠳ ᠭᠤᠪᠢ | ᠶᠢᠨ ᠲᠠᠯᠠᠨ ᠵᠢᠯ ᠤᠨ ᠬᠤᠪᠢᠰᠤᠯ ᠬᠦᠭᠵᠢᠯ ᠢ ᠠᠯᠠᠭᠠᠨ ᠵᠢᠷᠤᠭᠠᠰᠣ ᠪᠠᠨ ᠰᠢᠭ᠋ ᠰᠠᠶᠢᠨ ᠮᠡᠲᠡᠲᠡᠭ ᠬᠦᠮᠦᠨ ᠤ ᠨᠢᠭᠡ᠃ | ᠲᠤᠮᠲᠠᠲᠤ ᠶᠢᠨ ᠲᠡᠤᠭᠡᠨ ᠳᠤ ᠲᠡᠭᠡᠷᠡ ᠵᠠᠭᠤᠨ ᠤ ᠲᠦᠴᠢ ᠲᠠᠪᠢᠭᠠᠳ ᠤᠨ ᠭᠡᠵᠤ ᠰᠠᠯᠬᠢ ᠪᠤᠷᠤᠭᠠᠨ᠂ ᠴᠠᠰᠤ ᠮᠦᠨᠲᠦᠷ᠂ ᠬᠠᠯᠠᠭᠤᠨ ᠬᠦᠢᠲᠡᠨ᠂ ᠡᠬᠦᠯᠡ | ᠮᠠᠨᠠᠨ ᠠᠯᠢ ᠪᠦᠬᠦᠲᠡ ᠡᠲᠦᠷ ᠪᠦᠷᠢ ᠡᠭᠡᠯᠵᠢᠯᠡᠭᠰᠡᠨ ᠤᠨ ᠵᠢᠯ ᠤᠳ ᠪᠠᠶᠢᠭᠰᠠᠨ᠃ | —— ᠲᠦᠷᠦᠬᠦᠦ ᠬᠤᠶᠠᠷ ᠡᠲᠦᠷ ᠭᠠᠨᠮᠢᠩ ᠤᠨ ᠴᠡᠷᠢᠭ ᠮᠠᠯᠴᠢᠳ ᠤᠨ ᠭᠡᠷ ᠢᠶᠠᠷ ᠤᠷᠤᠵᠤ ᠪᠤᠯᠢᠶᠠᠨ ᠲᠡᠭᠡᠷᠡᠮᠲᠦᠭᠰᠡᠨ᠃ | —— ᠲᠤᠲᠤᠷᠠ ᠤᠷᠤᠨ ᠳᠤ ᠭᠠᠨᠮᠢᠩ ᠤᠨ ᠴᠡᠷᠢᠭ ᠤᠳ ᠶᠡᠭᠡ ᠢᠯᠠᠭᠲᠠᠭᠰᠠᠨ ᠭᠡᠨᠡ᠃ | —— ᠪᠠᠯᠤ ᠭᠡᠵᠤ ᠠᠶᠤᠮᠰᠢᠭᠲᠠᠢ ᠤᠯᠤᠰ ᠤᠳ ᠪᠠᠶᠢᠲᠠᠭ ᠭᠡᠨᠡ᠂ ᠤᠲᠠᠬᠤ ᠦᠭᠡᠢ ᠮᠠᠨ ᠤ ᠨᠤᠲᠤᠭ ᠲᠤ ᠤᠷᠤᠵᠤ ᠢᠷᠡᠬᠦ ᠶᠤᠮ ᠭᠡᠨᠡ ᠭᠡᠵᠤ ᠬᠠᠶᠠ | ᠲᠠᠪᠤ ᠭᠤᠷᠪᠠᠭᠤᠯᠠ ᠠᠭᠤᠯᠵᠠᠬᠤ ᠪᠠᠷ ᠠᠲᠡ ᠲᠡᠨᠲᠡ ᠠᠴᠠ ᠬᠠᠯᠲᠤ ᠮᠦᠯᠲᠦ ᠰᠤᠨᠤᠰᠤᠭᠰᠠᠨ ᠢᠶᠠᠨ ᠡᠪᠯᠡᠬᠦᠯᠵᠦ ᠲᠤᠤᠷᠠ ᠲᠠᠭᠤᠨ ᠢᠶᠠᠷ ᠰᠤᠨᠢᠨ ᠪᠤᠯᠭᠠᠵᠤ | ᠶᠠᠷᠢᠯᠴᠠᠨᠠ ᠁ | ᠬᠦᠯ ᠳᠤ ᠤᠷᠤᠮᠠᠭᠴᠠ ᠬᠤᠷᠠᠭᠠ ᠢᠰᠢᠭᠡ ᠲᠠᠢ ᠨᠤᠤᠷᠠᠯᠲᠤᠵᠤ᠂ ᠤᠬᠠᠭᠠ ᠤᠷᠤᠭᠰᠠᠨ ᠠᠴᠠ ᠡᠬᠢᠯᠡᠨ ᠤᠨᠤᠭᠠ ᠮᠠᠯ ᠲᠠᠢ ᠨᠤᠴᠤᠯᠲᠤᠨ ᠪᠤᠷᠤ ᠡᠲᠦᠷ | ᠰᠢᠷᠠ ᠬᠤᠨᠤᠭ ᠢ ᠦᠩᠭᠡᠷᠡᠭᠡᠵᠤ᠂ ᠡᠪᠤᠯᠵᠢᠶᠠ᠂ ᠬᠠᠪᠤᠷᠵᠢᠶᠠ᠂ ᠵᠤᠰᠠᠯᠠᠩ᠂ ᠨᠠᠮᠤᠷᠵᠢᠶᠠ ᠳᠤ ᠡᠷᠬᠢᠬᠦ ᠲᠦᠷᠪᠡᠨ ᠤᠯᠠᠷᠢᠯ ᠢ ᠡᠭᠡᠷᠦᠦᠯ ᠰᠢᠭ ᠢᠶᠠᠨ ᠡᠷᠬᠢᠯᠲᠦᠨ | ᠮᠠᠯᠴᠢᠳ ᠤᠨ ᠠᠮᠢᠲᠤᠷᠠᠯ ᠦᠷᠬᠦᠯᠵᠢᠯᠡᠨᠠ᠃ ᠲᠦᠷᠦ ᠬᠦᠷᠦᠨ ᠭᠡᠷᠬᠢᠨ ᠬᠤᠪᠢᠷᠠᠵᠤ ᠪᠠᠶᠢᠬᠤ ᠶᠢ ᠲᠦᠮᠡᠨ ᠤ ᠶᠠᠷᠢᠶᠠᠨ ᠠᠴᠠ ︿︿ᠠᠷᠠᠳ ᠲᠦᠮᠡᠨ ᠦᠪᠡᠷ ᠢᠶᠠᠨ | ᠡᠵᠡᠨ ᠰᠠᠭᠤᠵᠤ ᠡᠷᠭᠡ ᠮᠡᠲᠡᠬᠦ ᠴᠠᠭ ᠢᠷᠡᠬᠦ ᠶᠤᠮ﹀﹀ ᠭᠡᠰᠡᠨ ᠰᠤᠷᠠᠭ ᠢ ᠬᠠᠭᠠᠰ ᠬᠤᠭᠤᠰ ᠤᠶᠢᠯᠠᠭᠠᠵᠤ᠂ ᠨᠠᠷᠢᠨ ᠤᠴᠢᠷ ᠢ ᠮᠡᠲᠡᠯ ᠦᠭᠡᠢ᠂ ᠵᠤᠷᠰᠢᠭᠰᠠᠨ ᠴᠠᠭ | ᠲᠤ ᠰᠤᠷᠤᠭᠰᠠᠨ ᠠᠵᠢᠯ ᠢᠶᠠᠨ ᠬᠢᠭᠰᠡᠭᠡᠷ ᠨᠠᠷᠠ ᠰᠠᠷᠠ ᠶᠢ ᠡᠭᠡᠯᠵᠢᠯᠡᠬᠦᠯᠦᠨᠠ᠃ | ᠬᠤᠷᠠᠭᠠ ᠢᠰᠢᠭᠡ ᠮᠡᠶᠢᠯᠡᠯᠲᠤᠬᠤ ᠲᠠᠭᠤᠨ ᠭᠤᠤᠯ ᠭᠤᠷᠤᠬᠠ ᠶᠢᠨ ᠬᠤᠷᠴᠢᠬᠢᠨᠠᠬᠤ ᠲᠠᠭᠤᠨ ᠲᠠᠢ ᠬᠦᠭ ᠨᠡᠶᠢᠯᠡᠵᠦ᠂ ᠠᠮᠢᠵᠢᠷᠡᠯ ᠲᠦᠯᠵᠢᠯ ᠤᠨ ᠡᠭᠡᠰᠢᠭ | ᠤᠷᠠᠳ ᠨᠤᠲᠤᠭ ᠲᠤ ᠬᠠᠶᠠ ᠦᠭᠡᠢ ᠰᠤᠨᠤᠰᠲᠠᠨᠠ᠃ ᠬᠠᠶᠢᠷᠠ ᠰᠢᠩᠭᠡᠭᠰᠡᠨ ᠡᠵᠢ ᠶᠢᠨ ᠮᠢᠨᠢ ᠭᠠᠷ ᠰᠢᠭ᠋ ᠤᠷᠢᠬᠠᠨ ᠰᠠᠯᠬᠢ ᠬᠠᠴᠢᠷ ᠢᠯᠪᠢᠵᠦ᠂ ᠲᠤᠪᠤ | ᠲᠤᠯᠤᠭᠠᠳ ᠠᠴᠠ ᠡᠬᠢᠯᠡᠨ ᠵᠤ ᠰᠢᠯᠢ᠂ ᠲᠠᠯᠠ ᠬᠦᠨᠲᠡᠢ ᠦᠪᠴᠢ ᠨᠤᠭᠤᠭᠠᠷᠠᠨ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠲᠠᠷᠬᠠᠨ ᠪᠡᠯᠴᠢᠵᠦ᠂ ᠨᠡᠬᠦᠲᠡᠯ ᠤᠨ ᠰᠢᠪᠠᠭᠤᠳ ᠭᠠᠩᠭᠠᠷ | ᠭᠤᠩᠭᠤᠷ ᠭᠠᠩᠭᠠᠨᠠᠯᠲᠤᠨ᠂ ᠲᠤᠮᠤᠭ ᠤᠨ ᠶᠢᠷᠲᠢᠨᠴᠦ ᠭᠡᠮᠡᠷᠭᠡᠨ᠃ ᠪᠦᠬᠦᠯᠢ ᠬᠠᠪᠤᠷ ᠲᠦᠯ ᠮᠠᠯ ᠭᠡᠵᠤ ᠶᠠᠭᠠᠷᠠᠯᠲᠤᠨ ᠨᠠᠷᠠ ᠨᠤᠭᠤᠭᠠ ᠲᠠᠢ ᠵᠤᠯᠭᠠᠵᠤ᠂ ︿︿ᠪᠢᠷᠠᠭᠤ | ᠪᠤᠯᠴᠢᠩ ᠲᠠᠢ᠂ ᠲᠠᠭᠠ ᠲᠠᠯᠠᠩ ᠲᠠᠢ﹀﹀ ᠦᠩᠭᠡᠷᠡᠭᠡᠭᠰᠡᠨ ᠮᠠᠯᠴᠢᠳ ᠨᠢᠭᠡ ᠬᠤᠶᠠᠷ ᠢᠶᠠᠷ ᠢᠶᠠᠨ ᠬᠠᠪᠤᠷᠵᠢᠶᠠᠨ ᠠᠴᠠ ᠪᠠᠨ ᠵᠤᠰᠠᠯᠠᠩ ᠳᠤ ᠪᠠᠨ ᠨᠡᠬᠦᠵᠡᠭᠡᠯᠡ᠃ | ︿︿ᠭᠤᠷᠪᠠᠨ ᠬᠠᠰᠢᠶᠠᠲᠤ﹀﹀ ᠭᠡᠭᠴᠢ ᠡᠮᠦᠨᠡ ᠠᠴᠠ ᠬᠤᠶᠢᠰᠢ ᠦᠷᠬᠦᠯᠵᠢᠯᠡᠭᠰᠡᠨ ᠬᠤᠭᠤᠯᠠᠢ ᠭᠠᠵᠠᠷ᠂ ᠡᠬᠢᠨ ᠤ ᠬᠤᠳᠲᠤᠭ᠂ ᠲᠤᠮᠲᠠ ᠬᠤᠳᠲᠤᠭ᠂ | ᠠᠲᠠᠭ ᠤᠨ ᠬᠤᠳᠲᠤᠭ ᠭᠡᠵᠤ ᠭᠤᠷᠪᠠᠨ ᠬᠤᠳᠲᠤᠭ ᠲᠠᠢ ᠪᠠᠶᠢᠵᠤ᠂ ᠡᠬᠢᠨ ᠤ ᠪᠠ ᠲᠤᠮᠲᠠ ᠶᠢᠨ ᠬᠤᠳᠲᠤᠭ ᠨᠢ ᠱᠤᠷᠪᠤᠭ ᠪᠤᠯᠪᠠᠴᠤ ᠬᠦᠮᠦᠨ ᠮᠠᠯ ᠤᠤᠭᠤᠵᠤ | ᠪᠤᠯᠲᠠᠭ᠂ ᠠᠲᠠᠭ ᠤᠨ ᠬᠤᠳᠲᠤᠭ ᠨᠢ ᠭᠡᠲᠦᠷᠭᠡᠢ ᠱᠤᠷᠪᠤᠭ ᠪᠤᠯᠬᠤᠷ ᠪᠠᠰᠠ ︿︿ᠭᠠᠰᠢᠭᠤᠨ ᠬᠤᠳᠲᠤᠭ﹀﹀ ᠭᠡᠵᠤ ᠨᠡᠷᠡᠯᠡᠲᠡᠭ᠃ ︿︿ᠭᠤᠷᠪᠠᠨ ᠬᠠᠰᠢᠶᠠᠲᠤ﹀﹀ ᠶᠢᠨ | ᠪᠠᠷᠠᠭᠤᠨ ᠬᠤᠶᠢᠲᠤ ᠵᠤ ᠳᠤ ᠴᠦᠭᠡᠪᠦᠷ ᠮᠠᠯ ᠲᠠᠢ ᠵᠢᠵᠢᠭᠭᠡᠨ ᠪᠤᠷᠤ ᠭᠡᠷ ᠲᠠᠢ ᠠᠶᠢᠯ ᠢᠷᠡᠵᠦ ᠪᠠᠭᠤᠯᠠ᠃ ᠡᠨᠡ ᠨᠢ ᠨᠠᠮᠰᠠᠷᠠᠢ ᠶᠢᠨ ᠬᠢ ᠭᠡᠰᠡᠨ ᠠᠶᠢᠯ ᠪᠠᠶᠢᠯᠠ᠃ | —— ᠴᠠᠭ ᠦᠶᠡ ᠶᠡᠷᠦ ᠨᠢ ᠬᠤᠪᠢᠷᠠᠬᠤ ᠰᠢᠨᠵᠢᠲᠠᠢ ᠪᠤᠯᠤᠭᠠᠳ ᠪᠠᠶᠢᠨᠠ᠃ | —— ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠪᠠᠶᠢᠭᠤᠯᠤᠭᠲᠠᠵᠤ ᠭᠡᠨᠡ᠃ | —— ᠦᠭᠡᠢ ᠶᠡᠷᠦ ᠨᠢ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠭᠡᠲᠡᠭ ᠴᠢᠨᠢ ᠶᠠᠮᠠᠷ ᠤᠬᠠᠭᠠᠨ ᠲᠠᠢ ᠦᠭᠡ ᠪᠤᠢ︖ | —— ᠮᠤᠩᠭᠤᠯ ᠬᠦᠮᠦᠨ ᠦᠪᠡᠷ ᠢᠶᠠᠨ ᠡᠵᠡᠨ ᠮᠡᠲᠡᠬᠦ ᠶᠤᠮ ᠭᠡᠨᠡ᠃ | —— ᠶᠦᠨ ᠤᠪᠤᠭᠲᠠᠢ ᠬᠦᠮᠦᠨ ᠲᠡᠷᠢᠬᠦᠯᠡᠭᠴᠢ ᠪᠤᠯᠤᠭᠰᠠᠨ ᠭᠡᠨᠡ᠃ | ᠵᠤᠰᠠᠯᠠᠩ ᠳᠤ ᠪᠠᠭᠤᠭᠰᠠᠨ ᠠᠶᠢᠯ ᠤᠳ ᠢᠶᠠᠷ ᠡᠷᠢᠯ ᠳᠤ ᠶᠠᠪᠤᠭᠰᠠᠨ ᠤᠯᠤᠰ ᠤᠳ ᠠᠶᠠᠭᠠ ᠴᠠᠢ ᠤᠤᠭᠤᠬᠤ ᠵᠠᠪᠰᠠᠷ ᠢᠶᠠᠷ ᠴᠠᠭᠠᠲᠤ ᠤᠴᠢᠷ ᠢ ᠨᠢ ᠤᠯᠤᠯ | ᠦᠭᠡᠢ ᠲᠠᠮ ᠰᠤᠨᠤᠰᠤᠭᠰᠠᠨ ᠢᠶᠠᠨ ᠶᠠᠷᠢᠬᠤ ᠳᠤ᠂ ᠤᠬᠠᠭᠠᠨ ᠲᠦᠬᠦᠭᠡ ᠶᠢ ᠨᠢ ᠤᠯᠤᠭᠰᠠᠨ ᠦᠭᠡᠢ ᠮᠠᠯᠴᠢᠳ ︿︿ᠠ ᠲᠡᠶᠢᠮᠦ᠂ ᠶᠠᠭᠤ︖ ᠲᠡᠭᠡᠭᠡᠳ︖﹀﹀ | ᠭᠡᠵᠤ ᠶᠠᠷᠢᠶᠠ ᠶᠠᠪᠤᠭᠤᠷᠢ ᠮᠠᠭᠤᠲᠠᠢ ᠦᠷᠬᠦᠯᠵᠢᠯᠡᠨᠡ᠃ ᠲᠠᠪᠤᠬᠠᠨ ᠨᠠᠰᠤᠲᠠᠢ ᠰᠢᠷᠡᠬᠦᠦ ᠭᠤᠸᠠᠢ ᠳᠤ ᠠᠪᠴᠤ ᠭᠡᠯᠡᠪᠡᠯ ᠲᠦᠷᠦ ᠬᠦᠷᠦᠨ ᠶᠠᠭᠤ ᠪᠤᠯᠵᠤ ᠪᠠᠶᠢᠬᠤ ᠨᠢ | ᠲᠡᠯᠵᠢ ᠦᠭᠡᠢ ᠭᠡᠷᠡᠭ᠃ ᠡᠲᠦᠷ ᠪᠦᠷᠢ ᠲᠤᠭᠠ ᠲᠠᠢ ᠭᠡᠲᠦᠨ ᠬᠤᠷᠠᠭᠠ ᠪᠠᠨ ᠠᠯᠲᠠᠴᠢᠬᠠᠬᠤ ᠠᠴᠠ ᠡᠮᠢᠶᠡᠭᠰᠡᠨ ᠤ ᠬᠢ ᠶᠤᠮ ᠤᠤ︖ ᠠᠯᠢ ᠡᠰᠠᠬᠦᠯᠡ | ᠲᠦᠭᠡᠷᠢᠴᠢᠭᠡᠬᠦ ᠠᠴᠠ ᠠᠶᠤᠭᠰᠠᠨ ᠤ ᠬᠢ ᠶᠤᠮ ᠤᠤ︖ ᠶᠠᠭᠤ ᠴᠦ ᠭᠡᠰᠡᠨ ᠶᠡᠭᠡ ᠬᠤᠯᠠᠲᠠᠵᠤ ᠴᠢᠲᠠᠯ ᠦᠭᠡᠢ ᠭᠡᠷ ᠢᠶᠠᠨ ᠪᠠᠷᠠᠲᠠᠨ ᠬᠠᠷᠢᠭᠤᠯᠤᠨᠠ᠃ ᠲᠦᠭᠡᠨᠡᠵᠦ | ᠡᠬᠢᠯᠡᠭᠰᠡᠨ ᠨᠠᠷᠠ ᠦᠲᠡ ᠭᠤᠤᠯᠯᠠᠬᠤ ᠶᠢ ᠬᠦᠯᠢᠶᠡᠵᠦ ᠲᠡᠶᠢᠯᠦᠯ ᠦᠭᠡᠢ ᠬᠦᠭᠡᠷᠡᠬᠦᠯᠦᠭᠰᠡᠨ ᠰᠦ᠂ ᠬᠤᠰᠤᠮ ᠳᠤ ᠭᠤᠷᠢᠯᠠᠵᠤ᠂ ᠭᠡᠷ ᠤᠷᠤᠭᠤ ᠪᠠᠨ ᠬᠠᠷᠠᠶᠢᠯᠭᠠᠯᠠ ᠁ | | ᠲᠦᠴᠢᠭᠡᠳ ᠤᠨ ᠤ ᠲᠤᠮᠲᠠᠴᠢ ᠠᠴᠠ ᠤᠷᠠᠳ ᠨᠤᠲᠤᠭ ᠲᠤ ᠶᠠᠫᠤᠨ ᠴᠡᠷᠢᠭ ᠤᠨ ᠪᠠᠷᠠ ᠲᠠᠰᠤᠷᠠᠵᠤ᠂ ᠵᠦᠢᠯ ᠵᠢᠰᠤᠮ ᠤᠨ ᠡᠮᠦᠰᠭᠡᠯ ᠵᠡᠬᠦᠰᠭᠡᠯ ᠲᠠᠢ | ᠴᠡᠷᠢᠭ᠂ ᠲᠡᠭᠡᠷᠡᠮ ᠲᠤᠨᠤᠭᠠ ᠬᠠᠶᠠ ᠡᠨᠡ ᠨᠤᠲᠤᠭ ᠢᠶᠠᠷ ᠲᠠᠭᠠᠷᠢᠨ᠂ ᠪᠠᠶᠠᠳ ᠨᠤᠶᠠᠳ ᠠᠴᠠ ᠡᠬᠢᠯᠡᠨ ᠡᠭᠡᠯ ᠠᠷᠠᠳ ᠲᠤ ᠪᠠᠭᠠ ᠪᠤᠰᠤ ᠰᠦᠢᠲᠦᠯ ᠠᠪᠴᠢᠷᠠᠵᠤ᠂ | ᠵᠠᠷᠢᠮ ᠲᠡᠭᠡᠷᠡᠮ ᠲᠤᠨᠤᠭᠠ ︿︿ᠠᠶᠢᠯᠴᠢᠯᠠᠭᠰᠠᠨ﹀﹀ ᠡᠷᠦᠭᠡ ᠨᠤᠬᠠᠢ ᠬᠤᠴᠢᠬᠤ ᠲᠠᠭᠤᠨ ᠳᠤ ᠴᠦ ᠵᠢᠷᠦᠭᠡᠨ ᠴᠤᠬᠢᠯᠭᠠ ᠨᠢ ᠬᠤᠷᠲᠤᠰᠲᠠᠭ ᠪᠤᠯᠵᠠᠢ᠃ ᠶᠠᠭᠤ ᠴᠦ | ᠭᠡᠰᠡᠨ ᠲᠦᠮᠡᠨ ᠤ ᠶᠠᠷᠢᠶᠠᠨ ᠠᠴᠠ ᠪᠦᠷᠬᠦᠵᠦ ᠪᠠᠶᠢᠭᠰᠠᠨ ᠲᠡᠭᠷᠢ ᠭᠡᠶᠢᠵᠦ᠂ ᠴᠠᠭ ᠲᠦᠷᠦ ᠬᠤᠪᠢᠷᠠᠬᠤ ᠨᠢ ᠦᠨᠦ ᠮᠠᠷᠭᠠᠰᠢ ᠶᠢᠨ ᠤᠴᠢᠷ ᠪᠤᠯᠤᠭᠰᠠᠨ ᠤᠷᠠᠳ | ᠨᠤᠲᠤᠭ ᠤᠨ ᠪᠠᠶᠠᠳ ᠨᠤᠶᠠᠳ ᠠᠴᠠ ᠡᠬᠢᠯᠡᠨ ᠡᠭᠡᠯ ᠠᠷᠠᠳ ᠬᠦᠷᠲᠡᠯᠠ ᠭᠠᠲᠠᠷᠯᠠᠬᠤ ᠪᠤᠯᠵᠠᠢ᠃ | ᠰᠠᠶ᠋ᠢ ᠯᠠ ᠤᠬᠠᠭᠠᠨ ᠤᠷᠤᠭᠠ ᠰᠢᠷᠡᠬᠦᠦ ᠭᠤᠸᠠᠢ᠂ ᠢᠷᠡᠭᠰᠡᠨ ᠤᠯᠤᠰ ᠪᠦᠬᠦᠲᠡ ᠶᠢᠨ ᠠᠮᠠᠨ ᠠᠴᠠ ᠴᠤᠪᠤᠷᠠᠭᠤᠯᠲᠠᠭ ︿︿ᠭᠠᠨᠮᠢᠩ᠂ ᠪᠠᠯᠤ᠂ ᠦᠪᠡᠷᠲᠡᠭᠡᠨ | ᠵᠠᠰᠠᠬᠤ﹀﹀ ᠦᠭᠡ ᠤᠳ ᠴᠤᠬᠤᠮ ᠶᠠᠭᠤ ᠶᠢ ᠭᠡᠯᠡᠵᠦ ᠪᠠᠶᠢᠭᠠ ᠶᠢ ᠪᠦᠷᠢᠨ ᠤᠶᠢᠯᠠᠭᠠᠬᠤ ᠴᠢᠲᠠᠯ ᠦᠭᠡᠢ ᠴᠦ ᠭᠡᠷ ᠲᠤ ᠪᠠᠨ ᠤᠷᠤᠵᠤ ᠭᠠᠷᠬᠤ ᠶᠢᠨ ᠬᠤᠭᠤᠷᠤᠨᠲᠦ | ᠰᠤᠨᠤᠰᠤᠭᠰᠠᠭᠠᠷ ᠪᠠᠶᠢᠵᠤ ᠤᠭᠤᠷᠠᠭ ᠲᠠᠷᠢᠬᠢᠨ ᠳᠤᠨᠢ ᠬᠦᠨ ᠰᠠᠭᠤᠭᠲᠠᠵᠠᠢ᠃ | 1948 ᠤᠨ ᠤ ᠨᠡᠮᠤᠷ ᠤᠨ ᠰᠡᠬᠦᠯᠴᠢ ᠤᠶᠢᠷᠠᠲᠤᠬᠤ ᠳᠤ᠂ ᠨᠠᠮᠰᠠᠷᠠᠢ ᠶᠢᠨ ᠬᠢᠨ ᠡᠪᠦᠯᠵᠢᠶᠡᠨ ᠳᠤ ᠪᠠᠭᠤᠬᠤ ᠭᠡᠳ ᠯᠡ ᠲᠡᠮᠡᠭᠡᠨ ᠠᠴᠢᠶᠠ ᠪᠠᠷ ᠦᠷᠭᠡᠨ ᠵᠤ | ᠠᠴᠠ ᠦᠵᠦᠬᠦᠷ ᠦᠭᠡᠢ ᠭᠤᠪᠢ ᠤᠷᠤᠭᠤ ᠨᠡᠬᠦᠯᠡ᠃ ᠵᠠᠮ ᠵᠠᠭᠤᠷᠠ ᠨᠠᠭᠠ ᠡᠵᠢ ᠨᠢ ᠰᠢᠷᠡᠬᠦᠦ ᠭᠤᠸᠡᠢ ᠳᠤ᠄ ︿︿ᠲᠡᠷᠡ ᠨᠢ ᠵᠡᠭᠡᠷᠡ᠂ ᠲᠠᠷᠠ ᠨᠢ ᠭᠡᠭᠡᠷᠡ ᠶᠢᠨ | ᠨᠤᠬᠠᠢ᠂ ᠡᠨᠡ ᠬᠠᠶᠢᠷᠠᠬᠠᠨ ᠢ ᠰᠢᠷᠠ ᠶᠢᠨ ᠪᠠᠶᠠᠨᠴᠠᠭᠠᠨ᠂ ᠲᠡᠷᠡ ᠬᠦᠲᠦᠯ ᠢ ᠬᠦᠭᠡ ᠲᠠᠪᠠᠭᠠ᠂ ᠲᠡᠷᠡ ᠮᠤᠲᠤ ᠶᠢ ᠵᠠᠭ﹀﹀ ᠭᠡᠲᠡᠭᠴᠢᠯᠡᠨ ᠦᠵᠡᠭᠰᠡᠨ ᠬᠠᠷᠠᠭᠰᠠᠨ | ᠪᠦᠬᠦᠨ ᠤ ᠨᠡᠷᠡ ᠶᠢ ᠭᠡᠯᠡᠵᠤ ᠦᠭᠴᠦ ᠪᠠᠶᠢᠪᠠ᠃ ᠨᠡᠬᠦᠲᠡᠯ ᠤᠨ ᠵᠠᠮ ᠳᠤ ᠠᠬᠠᠮᠠᠳ ᠲᠤᠮᠤᠭᠠᠲᠠᠨ ᠠᠴᠠ ᠦᠷᠡ ᠠᠴᠢ ᠨᠠᠷ ᠲᠤ ᠪᠠᠨ ᠡᠪᠡᠰᠤ ᠤᠷᠭᠤᠮᠠᠯ᠂ ᠭᠠᠵᠠᠷ | ᠤᠰᠤᠨ ᠤ ᠨᠡᠷᠡᠶᠢᠲᠦᠯ᠂ ᠠᠮᠢᠲᠠᠨ ᠵᠢᠬᠦᠷᠲᠡᠨ ᠤ ᠨᠡᠷᠡ ᠶᠢ ᠡᠶᠢᠨᠬᠦ ᠨᠢᠭᠡᠳ ᠨᠢᠭᠡ ᠪᠠᠷ ᠲᠠᠨᠢᠭᠤᠯᠵᠤ ᠮᠡᠲᠡᠬᠦᠯᠵᠦ ᠶᠠᠪᠤᠲᠠᠭ ᠨᠢ ᠶᠠᠰᠤ ᠴᠢᠮᠦᠭᠡ ᠳᠤᠨᠢ ᠰᠢᠩᠭᠡᠭᠰᠡᠨ | ᠤᠬᠠᠮᠰᠠᠷ ᠦᠭᠡᠢ ᠤᠶᠢᠯᠲᠠ ᠮᠥᠨ ᠠᠵᠠᠢ᠃ ᠵᠠᠯᠭᠠᠮᠵᠢ ᠦᠶᠡ ᠨᠢ ᠴᠦ ᠠᠮᠠ ᠠᠴᠠ ᠠᠮᠠ ᠲᠠᠮᠵᠢᠭᠰᠠᠨ ᠮᠡᠲᠡᠯᠭᠡ ᠶᠢ᠂ ᠪᠢᠴᠢᠭ ᠢᠶᠠᠷ ᠪᠢᠰᠢ ᠪᠢᠯᠢᠭ ᠢᠶᠠᠷ ᠢᠶᠠᠨ | ᠡᠭᠡᠯᠵᠢᠯᠡᠬᠦ ᠲᠦᠷᠪᠡᠨ ᠤᠯᠠᠷᠢᠯ ᠤᠨ ᠨᠡᠬᠦᠲᠡᠯ ᠲᠤᠮᠲᠠ ᠴᠡᠭᠡᠵᠢᠨ ᠳᠤ ᠪᠠᠨ ᠪᠠᠲᠤ ᠲᠤᠭᠲᠠᠭᠠᠲᠠᠭ ᠰᠠᠨ᠃ ᠬᠦᠲᠡᠭᠡ ᠤᠨ ᠭᠡᠤᠭᠡᠳ ᠭᠡᠵᠤ ᠢᠩᠬᠢᠵᠦ ᠯᠠ ᠡᠭᠡ | ᠪᠠᠶᠢᠭᠠᠯᠢ ᠳᠤ ᠪᠠᠨ ᠠᠭᠤᠰᠴᠤ᠂ ᠡᠭᠡ ᠪᠠᠶᠢᠭᠠᠯᠢ ᠶᠢᠨ ᠢᠶᠠᠨ ᠠᠭᠤᠯᠠ ᠤᠰᠤ᠂ ᠠᠮᠢᠲᠠᠨ ᠤᠷᠭᠤᠮᠠᠯ ᠲᠠᠢ ᠪᠠᠨ ᠵᠠᠪᠰᠠᠷ ᠦᠭᠡᠢ ᠤᠶᠢᠷᠠᠲᠤᠨ᠂ ᠬᠦᠭᠡ ᠲᠡᠭᠷᠢ ᠪᠠᠷ | ᠬᠦᠨᠵᠢᠯᠡ ᠪᠠᠨ ᠬᠢᠵᠦ᠂ ᠬᠦᠷᠦᠰᠦᠲᠦ ᠲᠡᠯᠡᠭᠡᠢ ᠪᠠᠷ ᠲᠠᠪᠢᠰᠭᠡᠷ ᠢᠶᠠᠨ ᠪᠤᠯᠭᠠᠨ᠂ ᠭᠠᠷ ᠨᠢ ᠭᠠᠨᠵᠤᠭᠠᠨ ᠳᠤ ᠬᠦᠯ ᠨᠢ ᠲᠦᠷᠦᠭᠡᠨ ᠳᠤ ᠬᠦᠷᠲᠡᠭ ᠤᠴᠢᠷᠲᠠᠢ᠃ | ᠭᠡᠲᠦᠨ ᠡᠲᠦᠷ ᠶᠠᠪᠤᠭᠠᠳ ᠴᠠᠭᠠᠨ ᠨᠠᠭᠤᠷ ᠤᠨ ᠬᠦᠨᠲᠡᠢ ᠭᠡᠮᠡᠬᠦ ᠭᠠᠵᠠᠷ ᠬᠦᠷᠴᠦ᠂ ᠬᠦᠨ ᠬᠤᠩᠬᠤᠷ ᠲᠠᠢ ᠦᠨᠵᠢᠮᠡᠯ ᠨᠠᠭᠤᠷ ᠲᠠᠢ ᠭᠠᠵᠠᠷ ᠤᠨ ᠪᠠᠷᠠᠭᠤᠨ | ᠦᠷᠭᠡᠨ ᠶᠡᠭᠡ ᠬᠦᠨᠲᠡᠢ ᠶᠢᠨ ᠲᠤᠮᠲᠠ ᠤᠷᠠᠳ ᠨᠤᠳᠤᠭ ᠤᠨ ᠨᠡᠷᠡᠳᠤ ᠪᠠᠷᠢᠶᠠᠴᠢ ᠲᠠᠪᠢᠬᠤ ᠭᠡᠳᠡᠭ ᠪᠠᠶᠠᠨ ᠠᠶᠢᠯ ᠲᠠᠢ ᠬᠠᠮᠲᠤ ᠡᠪᠤᠯᠵᠢᠭ᠍ᠰᠡᠨ ᠪᠢᠯᠡ᠃ ᠲᠠᠶᠢᠨ | ᠲᠠᠵᠢᠨ ᠦᠷᠬᠦᠯᠵᠢᠯᠡᠨ᠂ ᠲᠡᠭᠡᠷᠡᠮ ᠬᠤᠯᠠᠭᠠᠢ ᠠᠷᠪᠢᠲᠠᠭᠰᠠᠨ ᠤᠨ ᠵᠢᠯ ᠤᠳ ᠲᠤ᠂ ᠶᠡᠭᠡ ᠪᠠᠭᠠ ᠤᠯᠠᠨ ᠬᠦᠨᠲᠠᠢ ᠬᠤᠩᠬᠤᠷ ᠲᠠᠢ ᠴᠠᠭᠠᠨ ᠨᠠᠭᠤᠷ ᠤᠨ ᠬᠦᠨᠲᠠᠢ | ᠭᠡᠵᠤ ᠨᠦᠮᠦᠷᠢ ᠰᠠᠶᠢᠨᠲᠠᠢ᠂ ᠭᠠᠲᠠᠨᠠ ᠶᠢᠨ ᠬᠦᠮᠦᠨ ᠳᠤ ᠶᠤᠮ ᠪᠤᠯ ᠠᠲᠡ ᠪᠠᠰᠠ ᠡᠶᠢᠮᠦᠷᠬᠦᠦ ᠬᠦᠨᠲᠡᠢ ᠪᠠᠶᠢᠨᠠ ᠭᠡᠵᠤ ᠵᠡᠬᠦᠲᠦᠨ ᠳᠤ ᠤᠷᠤᠮᠠᠷ ᠦᠭᠡᠢ ᠭᠠᠵᠠᠷ᠃ | ᠲᠠᠶᠢᠨ ᠲᠠᠵᠢᠨ ᠤ ᠬᠦᠯ ᠳᠤ ᠲᠠᠭᠠᠷᠢᠭᠲᠠᠬᠤ ᠦᠭᠡᠢ᠂ ᠬᠤᠯᠠᠭᠠᠢ ᠲᠡᠭᠡᠷᠡᠮ ᠠᠴᠠ ᠬᠤᠯᠠᠬᠠᠨ ᠪᠠᠶᠢᠬᠤ ᠨᠢ ᠭᠤᠪᠢ ᠨᠤᠲᠤᠭ ᠴᠢᠨᠠᠭᠰᠢᠯᠠᠭᠠᠳ ᠤᠷᠠᠳ ᠨᠤᠲᠤᠭ ᠤᠨ | ᠬᠦᠮᠦᠨ ᠠᠷᠠᠳ ᠤᠨ ᠬᠦᠰᠡᠯ ᠪᠤᠯᠵᠤ᠂ ᠤᠲᠤᠷ ᠨᠠᠬᠦᠲᠠᠯ ᠳᠤ ᠭᠠᠵᠠᠷ ᠤᠨ ᠪᠠᠶᠢᠴᠠ ᠰᠤᠩᠭᠤᠬᠤ ᠰᠢᠨᠠ ᠠᠭᠤᠯᠭᠠ ᠨᠡᠮᠡᠭᠲᠡᠭᠰᠡᠨ ᠢᠶᠠᠷ ᠴᠠᠭᠠᠨ ᠨᠠᠭᠤᠷ ᠤᠨ ᠬᠦᠨᠲᠠᠢ | ᠭᠡᠵᠤ ︿︿ᠰᠠᠭᠤᠯᠲᠠᠢ﹀﹀ ᠰᠠᠶᠢᠬᠠᠨ ᠭᠠᠵᠠᠷ ᠪᠤᠯᠤᠭᠰᠠᠨ ᠪᠠᠶᠢᠯᠠ᠃ ᠪᠠᠷᠢᠶᠠᠴᠢ ᠲᠠᠪᠢᠬᠤ ᠶᠢᠨ ᠬᠢ ᠭᠡᠵᠤ ᠭᠤᠷᠪᠠᠨ ᠭᠡᠷ ᠲᠠᠢ ᠪᠠᠶᠢᠵᠤ᠂ ᠬᠤᠲᠤᠭᠤᠷ ᠢᠶᠠᠷ ᠭᠡᠮᠵᠢᠬᠦ | ᠮᠠᠯ ᠲᠠᠢ ᠲᠦᠩᠬᠦᠷ ᠭᠡᠰᠡᠨ ᠠᠶᠢᠯ ᠪᠠᠶᠢᠪᠠ᠃ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠪᠠᠶᠠᠨ ᠠᠶᠢᠯ ᠠᠲᠠᠭ ᠲᠠᠭᠠᠨ ᠰᠠᠶᠢᠨ ᠮᠠᠭᠤ ᠭᠤᠷᠪᠠᠨ ᠭᠡᠷ ᠲᠠᠢ ᠪᠠᠶᠢᠳᠠᠭ᠂ ᠪᠠᠷᠠᠭᠤᠨ | ᠲᠠᠯᠠ ᠶᠢᠨ ᠶᠡᠭᠡ ᠭᠡᠷ ᠡᠵᠡᠨ ᠤ ᠦᠷᠭᠦᠭᠡ᠂ ᠲᠤᠮᠳᠠᠬᠢ ᠭᠡᠷ ᠨᠢ ᠵᠠᠷᠤᠴᠠ ᠪᠤᠶᠤ ᠵᠤᠴᠢᠳ ᠤᠨ ᠰᠠᠭᠤᠬᠤ ᠭᠡᠷ᠂ ᠵᠠᠭᠦᠨ ᠵᠠᠬᠠ ᠶᠢᠨ ᠬᠢᠨᠢ ᠪᠠᠷᠠᠭᠠᠨ ᠤ ᠭᠡᠷ ᠪᠠᠶᠢᠵᠤ᠂ | ᠪᠠᠰᠠ ︿︿ᠲᠦᠯ ᠤᠨ ᠭᠡᠷ﹀﹀ ᠭᠡᠵᠤ ᠬᠤᠨᠢᠨ ᠬᠤᠷᠤᠭᠠᠨ ᠤ ᠪᠠᠨ ᠲᠡᠷᠭᠡᠲᠡ ᠪᠤᠰᠬᠠᠵᠤ ᠲᠦᠯ ᠢᠶᠠᠨ ᠲᠤᠰᠳᠠᠭ ᠪᠠᠶᠢᠪᠠ᠃ ᠨᠠᠮᠰᠠᠷᠠᠢ ᠶᠢᠨ ᠬᠢ ᠭᠡᠵᠤ ᠲᠦᠷᠪᠡᠨ | ᠬᠠᠨᠠ ᠲᠠᠢ ᠨᠠᠪᠲᠠᠭᠠᠷ ᠪᠢᠴᠢᠬᠠᠨ ᠪᠤᠷᠤ ᠭᠡᠷ ᠲᠠᠢ᠂ ᠭᠡᠷ ᠤᠨ ᠵᠠᠭᠦᠨ ᠲᠠᠯᠡ ᠳᠤ ᠪᠠᠨ ᠬᠤᠶᠠᠷ ᠬᠠᠨᠠ ᠪᠤᠰᠬᠠᠨ ᠡᠯᠡᠭᠲᠡᠵᠦ ᠬᠠᠭᠤᠴᠢᠷᠠᠭᠠᠳ ᠨᠦᠭᠡ ᠭᠠᠷᠤᠭᠰᠠᠨ | ᠢᠰᠡᠭᠡᠢ ᠪᠠᠷ ᠪᠦᠲᠡᠭᠡᠭᠰᠡᠨ ᠬᠠᠷᠠᠭᠲᠠᠨᠠ᠃ ᠡᠨᠡ ᠨᠢ ᠨᠠᠮᠰᠠᠷᠠᠢ ᠭᠤᠸᠠᠢ ᠶᠢᠨ ᠪᠠᠭᠠ ᠰᠠᠭᠠ ᠢᠳᠡᠰᠢ ᠤᠤᠭᠤᠰᠢ ᠡᠳ᠋ᠯᠡᠯ ᠲᠠᠸᠠᠷ ᠢᠶᠠᠨ ᠲᠠᠯᠪᠢᠲᠠᠭ ᠭᠡᠷ ᠨᠢ ᠪᠢᠯᠡ᠃ | ᠴᠠᠭ ᠤᠨ ᠪᠠᠶᠢᠲᠠᠯ ᠤᠷᠤᠭᠠ ᠪᠤᠰᠤᠭᠠ ᠪᠠᠶᠢᠭᠰᠠᠨ ᠴᠦ ᠴᠠᠰᠤ ᠶᠡᠭᠡᠲᠡᠢ ᠠᠴᠠ ᠬᠦᠮᠦᠨ ᠠᠮᠢᠲᠠᠨ ᠤ ᠬᠦᠯ ᠲᠠᠰᠤᠷᠠᠵᠤ᠂ ᠴᠠᠭᠠᠨ ᠨᠠᠭᠤᠷ ᠤᠨ ᠬᠦᠨᠲᠠᠢ ᠳᠤ | ᠨᠠᠮᠰᠠᠷᠠᠢ ᠶᠢᠨ ᠬᠢᠨ ᠵᠤᠷᠰᠢᠯ ᠶᠤᠰᠤᠭᠠᠷ ᠭᠡᠲᠦᠨ ᠮᠠᠯ ᠢᠶᠠᠨ ᠬᠠᠷᠢᠭᠤᠯᠤᠨ ᠴᠢᠬᠢ ᠪᠢᠲᠡᠬᠦᠦ᠂ ᠠᠮᠤᠭᠤᠯᠠᠩ ᠲᠠᠶᠢᠪᠤᠩ ᠨᠢᠭᠡ ᠡᠪᠤᠯ ᠢ ᠦᠩᠭᠡᠷᠡᠭᠡᠵᠡᠢ᠃ | 1949 ᠤᠨ ᠤ ᠬᠠᠪᠤᠷ᠂ ᠡᠪᠦᠯᠵᠢᠶᠡᠨ ᠤ ᠠᠶᠢᠯ ᠤᠳ ᠨᠢᠭᠡ ᠬᠤᠶᠠᠷ ᠢᠶᠠᠷ ᠡᠬᠢᠯᠡᠨ ᠬᠠᠪᠤᠷᠵᠢᠶᠠ ᠵᠦᠭ ᠢᠶᠠᠨ ᠨᠡᠬᠦᠵᠦ ᠡᠬᠢᠯᠡᠯᠡ᠃ ᠲᠡᠭᠡᠬᠦ ᠳᠤ ᠲᠠᠨᠢᠵᠦ | ᠮᠡᠲᠡᠬᠦ ᠦᠭᠡᠢ ᠤᠯᠠᠨ ᠠᠶᠢᠯ ᠭᠤᠪᠢ ᠨᠤᠲᠤᠭ ᠢᠶᠠᠷ ᠲᠠᠭᠠᠷᠢᠨ ᠪᠠᠷᠠᠭᠤᠨᠰᠢ ᠨᠡᠭᠦᠵᠤ᠂ ᠬᠦᠮᠦᠨ ᠠᠮᠢᠳᠠᠨ ᠦᠢᠮᠡᠯᠲᠦᠨ ᠬᠠᠷᠠ ᠱᠤᠤᠬᠢᠶᠠᠨ ᠪᠤᠯᠵᠤ᠂ ᠨᠤᠲᠤᠭ ᠤᠨ | ᠮᠠᠯᠴᠢᠳ ᠤᠬᠭᠠᠨ ᠲᠦᠬᠦᠭᠡ ᠪᠠᠨ ᠤᠯᠬᠤ ᠪᠠᠨ ᠪᠤᠯᠢᠪᠠ᠃ | —— ᠵᠠᠭᠦᠨ ᠵᠦᠭ ᠠᠴᠠ ᠪᠠᠯᠤ ᠢᠷᠡᠭᠦ ᠶᠤᠮ ᠭᠡᠨᠡ᠂ ᠲᠡᠲᠡ ᠴᠢᠨᠢ ᠠᠶᠤᠮᠰᠢᠭᠲᠠᠢ ᠤᠯᠤᠰ ᠭᠡᠨᠡ᠃ | —— ᠢᠷᠡᠬᠦ ᠠᠴᠠ ᠡᠮᠦᠨᠡ ᠠᠮᠵᠢᠵᠤ ᠪᠠᠷᠠᠭᠤᠨᠰᠢ ᠬᠦᠲᠡᠯᠦᠶᠡ | —— ᠪᠤᠷᠬᠠᠨ ᠮᠢᠨᠢ ᠡᠨᠡ ᠴᠢᠨᠢ ᠶᠠᠭᠤ ᠪᠤᠯᠵᠤ ᠪᠠᠶᠢᠨᠠ ᠤᠤ︖ | ᠲᠠᠮ ᠤᠨ ᠦᠭᠡ ᠲᠠᠯᠠᠨ ᠰᠠᠯᠠᠭᠠ ᠲᠠᠢ ᠪᠤᠯᠵᠤ᠂ ᠦᠨᠡᠨ ᠵᠦᠪ ᠨᠢ ᠤᠯᠲᠠᠭᠲᠠᠬᠤ ᠪᠠᠨ ᠪᠤᠯᠵᠠᠢ᠃ ︿︿ᠨᠡᠶᠢᠯᠡᠭᠡᠳ ᠶᠠᠪᠤᠶᠠ᠂ ᠵᠠᠮ ᠳᠤ ᠬᠠᠨᠢ ᠪᠤᠯᠬᠤ ᠦᠭᠡᠢ | ᠤᠤ︖﹀﹀ ᠭᠡᠵᠤ ᠨᠡᠬᠦᠵᠦ ᠶᠠᠪᠤᠭᠠ ᠠᠶᠢᠯ ᠭᠡᠯᠡᠬᠦ ᠪᠠᠷ ︿︿ᠲᠡᠶᠢᠮᠦ ᠴᠦ ᠶᠤᠮ ᠤᠤ᠂ ᠡᠷᠲᠡ ᠤᠷᠤᠢ ᠦᠭᠡᠢ ᠨᠡᠬᠦᠬᠦ ᠯᠠ ᠶᠤᠮ ᠴᠢᠨᠢ﹀﹀᠂ ︿︿ᠨᠡᠶᠢᠯᠡᠭᠡᠳ ᠨᠡᠬᠦᠪᠡᠯ | ᠨᠢᠭᠡᠨ ᠨᠢᠭᠡ ᠳᠤ ᠪᠠᠨ ᠲᠦᠰᠢᠭ﹀﹀ ᠭᠡᠳ ᠬᠤᠶᠠᠷ ᠭᠤᠷᠪᠠᠨ ᠠᠶᠢᠯ ᠢᠶᠠᠷ ᠬᠠᠮᠲᠤᠷᠠᠭᠠᠳ ᠨᠡᠬᠦᠵᠦ ᠡᠬᠢᠯᠡᠭᠰᠡᠨ ᠪᠦᠭᠡᠳ ᠵᠠᠷᠢᠮ ᠨᠢ ᠨᠡᠭᠦᠭᠦ ᠪᠠᠷ ᠪᠠᠯᠡᠳᠭᠡᠵᠤ | ᠪᠠᠶᠢᠯᠠ᠃ | ᠦᠨᠡᠨ ᠳᠡᠭᠡᠨ ᠲᠠᠷᠠ ᠨᠢ ᠪᠠᠯᠤ ᠪᠢᠰᠢ᠂ ᠬᠠᠷᠢᠨ ᠭᠠᠨᠮᠢᠩ ᠤᠨ ᠴᠡᠷᠢᠭ ᠪᠠ ᠲᠠ᠊ ᠸᠠᠩ ᠤᠨ ᠲᠠᠰᠤᠷᠠᠵᠤ ᠪᠤᠲᠠᠷᠠᠭᠰᠠᠨ ᠴᠡᠷᠢᠭ ᠡᠪ ᠬᠠᠮᠳᠤ ᠨᠠᠮ ᠠᠴᠠ | ᠠᠶᠤᠵᠤ᠂ ᠠᠯᠠᠱᠨ ᠵᠦᠭ ᠲᠤᠳᠠᠭᠠᠵᠤ ᠪᠠᠶᠢᠭᠰᠠᠨ ᠢ ᠮᠠᠯᠴᠢᠳ ᠭᠡᠷᠬᠢᠨ ᠮᠡᠲᠡᠬᠦ ᠠᠵᠠᠢ᠃ ᠤᠷᠠᠳ ᠨᠤᠲᠤᠭ ᠤᠨ ᠭᠡᠰᠡᠭ ᠪᠠᠶᠠᠳ ᠨᠤᠶᠠᠳ᠂ ᠮᠠᠯᠴᠢᠳ ᠤᠳ | ᠪᠠᠷᠠᠭᠤᠨᠰᠢ ᠲᠡᠷᠪᠡᠵᠦ ᠨᠡᠭᠦᠭᠡᠳ ︿︿ᠪᠠᠭ ᠮᠤᠲᠤᠨ ᠤ ᠰᠦᠮᠡ﹀﹀᠂ ︿︿ᠪᠠᠶᠠᠨ ᠨᠢᠷᠤᠭᠤ﹀﹀᠂ ︿︿ᠰᠠᠷᠳᠠᠭ ᠰᠠᠯᠠᠭᠠ﹀﹀᠂ ︿︿ᠰᠤᠯᠭᠤᠷ ᠪᠤᠯᠤᠩ ᠤᠨ ᠬᠦᠨ﹀﹀ | ᠭᠡᠳᠡᠭ ᠭᠠᠵᠠᠷ ᠲᠤ ᠲᠦᠷ ᠭᠡᠳᠤᠨ ᠰᠠᠷᠠ᠂ ᠴᠢᠨᠠᠭᠰᠢᠯᠠᠭᠠᠳ ᠨᠡᠩ ᠤᠲᠠᠭᠠᠨ ᠬᠤᠷᠭᠤᠲᠠᠭᠰᠠᠨ ᠪᠢᠯᠡ᠃ | ᠬᠠᠪᠤᠷ ᠤᠨ ᠰᠡᠬᠦᠯᠴᠢ ᠠᠴᠠ ᠨᠠᠮᠤᠷ ᠤᠨ ᠰᠡᠬᠦᠯᠴᠢ ᠪᠤᠯᠲᠠᠯᠠ᠂ ᠤᠷᠠᠳ ᠨᠤᠲᠤᠭ ᠲᠤ ᠬᠦᠮᠦᠰ ᠲᠤᠷᠠ ᠪᠠᠷ ᠢᠶᠠᠨ ᠨᠠᠭᠠᠰᠢ ᠴᠠᠭᠠᠰᠢ ᠶᠠᠪᠤᠬᠤ ᠠᠴᠠ ᠠᠶᠤᠬᠤ | ᠪᠤᠯᠵᠤ᠂ ᠮᠠᠯ ᠤᠨᠤᠭᠠᠨ ᠳᠤ ᠪᠠᠨ ᠶᠠᠪᠤᠬᠤ ᠳᠤ ᠴᠦ ᠲᠤᠩ ᠭᠡᠷᠡᠰᠡᠤᠯᠡᠨ᠂ ᠵᠢᠰᠤ ᠪᠤᠷᠤᠭᠤ ᠪᠤᠶᠤ ᠫᠤᠤ ᠵᠡᠪᠰᠡᠭ ᠲᠠᠢ ᠬᠦᠮᠦᠨ ᠦᠵᠡᠭᠲᠡᠭᠰᠡᠭᠡᠷ ᠯᠠ ᠪᠤᠲᠠ | ᠲᠡᠷᠡᠰᠦᠨ ᠳᠤ ᠲᠠᠯᠲᠠᠯᠠᠬᠤ᠂ ᠠᠭᠤᠯᠠ ᠲᠤᠯᠤᠭᠠᠳ ᠤᠨ ᠴᠠᠭᠠᠭᠤᠷ ᠲᠤᠭᠤᠷᠢᠵᠦ ᠶᠠᠪᠤᠬᠤ ᠤᠴᠢᠷ ᠵᠦᠩᠲᠡᠭᠡᠨ ᠭᠠᠷᠲᠠᠭ᠃ | —— ᠲᠤᠮᠲᠠᠲᠤ ᠤᠯᠤᠰ ᠪᠠᠶᠢᠭᠤᠯᠤᠭᠲᠠᠭᠰᠠᠨ ᠭᠡᠨᠠ᠃ | —— ᠦᠭᠡᠶᠢᠬᠦᠦ ᠠᠷᠠᠳ ᠤᠲᠤ ᠡᠵᠡᠨ ᠮᠡᠲᠡᠬᠦ ᠡᠷᠭᠡ ᠲᠠᠢ ᠪᠤᠯᠤᠭᠰᠠᠨ ᠭᠡᠨᠠ᠃ | —— ᠮᠠᠤ ᠽᠧ ᠳ᠋ᠦᠩ ᠭᠡᠲᠡᠭ ᠬᠦᠮᠦᠨ ᠤᠯᠤᠰ ᠤᠨ ᠲᠡᠷᠢᠬᠦᠯᠡᠭᠴᠢ ᠪᠤᠯᠤᠭᠰᠠᠨ ᠭᠡᠨᠡ᠂ ᠠᠭᠤᠤ ᠶᠡᠭᠡ ᠬᠦᠮᠦᠨ ᠭᠡᠨᠡ᠃ | —— ᠪᠠᠶᠠᠳ ᠨᠤᠶᠠᠳ ᠢ ᠪᠦᠷ ᠤᠰᠠᠳᠬᠠᠬᠤ ᠶᠤᠮ ᠭᠡᠨᠡ ᠁ | ᠤᠶᠢᠷᠠ ᠶᠢᠨ ᠵᠢᠯ ᠠᠴᠠ ᠶᠠᠪᠤᠭᠤᠯ ᠶᠠᠷᠢᠶᠠ ᠶᠢ ᠤᠯᠠᠨ ᠰᠤᠨᠤᠰᠤᠭᠰᠠᠨ ᠮᠠᠯᠴᠢᠳ ᠤᠨ ᠴᠢᠬᠢ ᠴᠦ ᠲᠦᠭᠵᠢᠷᠡᠵᠦ᠂ ᠠᠯᠢ ᠨᠢ ᠦᠨᠡᠨ ᠠᠯᠢ ᠨᠢ ᠬᠤᠲᠠᠯ | ᠭᠡᠲᠡᠭ ᠢ ᠢᠯᠭᠠᠬᠤ ᠳᠤ ᠬᠦᠴᠢᠷ ᠪᠤᠯᠵᠠᠢ᠃ ᠰᠤᠨᠤᠰᠤᠭᠰᠠᠨ ᠲᠡᠷᠡ ᠪᠦᠬᠦᠨ ᠢᠶᠠᠨ ᠲᠤᠷᠠ ᠪᠠᠷ ᠢᠶᠠᠨ ᠨᠠᠭᠠᠰᠢ ᠴᠠᠭᠠᠰᠢ ᠲᠠᠮᠵᠢᠭᠤᠯᠬᠤ ᠠᠴᠠ ᠵᠢᠷᠦᠭᠡᠰᠢᠶᠡᠨ᠂ ᠠᠯᠢ | ᠡᠲᠦᠷ ᠰᠠᠶᠢᠬᠢ ᠠᠶᠤᠯ ᠨᠢ ᠢᠷᠡᠲᠡᠭ ᠪᠤᠯ ᠤᠤ ᠭᠡᠵᠤ ᠵᠢᠷᠦᠭᠡ ᠪᠠᠨ ᠭᠠᠷ ᠲᠤ ᠪᠠᠨ ᠪᠠᠷᠢᠴᠢᠬᠠᠭᠰᠠᠨ ᠡᠲᠦᠷ ᠬᠤᠨᠤᠭ ᠢ ᠦᠩᠭᠡᠷᠡᠭᠡᠨᠡ᠃ ᠪᠠᠶᠠᠳ ᠨᠤᠶᠠᠳ ᠴᠦ | ᠠᠶᠢᠯ ᠲᠤᠭᠤᠷᠢᠨ ᠰᠤᠷᠲᠤᠭᠠᠯᠠᠲᠠᠭ ᠢᠶᠠᠨ ᠪᠤᠯᠢᠵᠤ᠂ ᠭᠡᠷ ᠤᠨ ᠮᠤᠬᠤᠷ ᠰᠠᠬᠢᠨ᠂ ᠬᠠᠶᠠ ᠨᠢᠭᠡ ᠲᠠᠨᠢᠯ ᠲᠠᠰᠤᠯ ᠬᠦᠮᠦᠨ ᠲᠠᠢ ᠠᠭᠤᠯᠵᠠᠬᠤ ᠪᠠᠷ | ︿︿ᠶᠠᠭᠤ ᠪᠤᠯᠪᠠᠤ︖﹀﹀᠂ ︿︿ᠶᠠᠭᠠᠬᠢᠵᠤ ᠪᠠᠶᠢᠨᠠ︖﹀﹀ ᠭᠡᠵᠤ ᠦᠪᠡᠷ ᠲᠤᠨᠢ ᠰᠤᠨᠤᠰᠲᠠᠮᠠ ᠦᠭᠡᠢ ᠲᠤᠤᠷᠠ ᠲᠠᠭᠤᠨ ᠢᠶᠠᠷ ᠠᠰᠠᠭᠤᠨᠠ᠃ | ᠨᠠᠮᠰᠠᠷᠠᠢ ᠶᠢᠨ ᠬᠢᠨᠢ ᠡᠨᠡ ᠡᠪᠤᠯ ᠨᠢ ᠤᠷᠠᠳ ᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ︿︿ᠰᠢᠷᠠ ᠶᠢᠨ ᠪᠠᠶᠠᠨᠴᠠᠭᠠᠨ﹀﹀ ᠬᠠᠶᠢᠷᠬᠠᠨ ᠤ ᠠᠷᠤ ᠲᠠᠬᠢ | | | ︿︿ᠭᠦᠭᠡ ᠲᠠᠪᠠᠭᠠ﹀﹀ ᠭᠡᠳᠡᠭ ᠭᠠᠵᠠᠷ ᠲᠤ ᠡᠪᠤᠯᠵᠢᠵᠦ᠂ ᠲᠡᠭᠡᠷᠡᠮ ᠬᠤᠯᠠᠭᠠᠢ ᠲᠠᠭᠠᠷᠠᠭᠰᠠᠨ ᠦᠭᠡᠢ ᠠᠮᠤᠷ ᠮᠡᠨᠲᠦᠭᠡᠨ ᠦᠩᠭᠡᠷᠡᠭᠡᠭᠰᠡᠨ ᠴᠦ ᠰᠢᠷᠡᠬᠦᠦ ᠭᠤᠸᠠᠢ ᠶᠢᠨ | ᠲᠠᠯᠠ ᠭᠠᠷᠤᠭᠰᠠᠨ ᠨᠠᠭᠠ ᠡᠵᠢ ᠨᠢ ᠢᠷᠡᠬᠦ ᠵᠢᠯ ᠤᠨ ᠨᠢᠭᠤᠷ ᠢ ᠬᠠᠷᠠᠵᠤ ᠴᠢᠲᠠᠯ ᠦᠭᠡᠢ ᠪᠢᠳᠡᠭᠦᠨ ᠤ ᠡᠲᠦᠷ ᠲᠡᠭᠷᠢ ᠳᠤ ᠬᠠᠯᠢᠭᠰᠠᠨ ᠪᠢᠯᠡ᠃ ᠰᠢᠷᠡᠬᠦᠦ ᠭᠤᠸᠠᠢ | ᠴᠦ ᠨᠡᠯᠢᠶᠡᠳ ᠤᠬᠠᠭᠠᠨ ᠤᠷᠤᠵᠤ᠂ ᠡᠳᠡᠭᠡᠷ ᠶᠠᠪᠤᠳᠠᠯ ᠢ ᠴᠦ ᠪᠦᠷ ᠲᠤᠲᠤᠷᠬᠠᠢ ᠮᠡᠳᠡᠬᠦ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | 1950 ᠤᠨ ᠤ ᠬᠠᠪᠤᠷ ᠪᠤᠯᠬᠤ ᠳᠤ ᠮᠠᠯᠴᠢᠳ ᠤᠯᠤᠰ ᠪᠠᠶᠢᠭᠤᠯᠤᠭᠲᠠᠭᠰᠠᠨ ᠭᠡᠲᠡᠭ ᠢ ᠪᠦᠷ ᠮᠡᠲᠡᠭᠰᠡᠨ ᠪᠦᠭᠡᠳ ᠤᠲᠠᠯ ᠦᠭᠡᠢ ᠦᠪᠡᠷ ᠢᠶᠠᠨ ᠡᠵᠡᠨ | ᠪᠤᠯᠤᠨᠠ ᠭᠡᠰᠡᠨ ᠢ ᠪᠠᠲᠤ ᠢᠲᠡᠭᠡᠭᠰᠡᠨ ᠪᠠᠶᠢᠨᠠ᠃ ᠭᠡᠬᠦ ᠳᠤ ᠤᠷᠠᠳ ᠨᠤᠲᠤᠭ ᠲᠤ ᠬᠤᠯᠠᠭᠠᠢ ᠲᠡᠭᠡᠷᠡᠮ ᠤᠯᠠᠰᠢᠷᠠᠵᠤ᠂ ᠬᠠᠷᠠ ᠦᠢᠮᠡᠭᠡᠨ ᠪᠤᠯᠪᠠ᠃ ᠮᠠᠯᠴᠢᠳ | ᠠᠶᠤᠬᠤ ᠳᠠᠭᠠᠨ ᠪᠠᠭᠠ ᠰᠠᠭᠠ ᠭᠡᠷᠡᠭ ᠲᠠᠢ ᠡᠳ᠋ ᠲᠠᠸᠠᠷ ᠢᠶᠠᠨ ᠠᠭᠤᠯᠠ ᠬᠠᠳᠠᠨ ᠤ ᠭᠦᠨᠳᠠᠢ ᠵᠠᠪᠰᠠᠷ ᠡᠷᠭᠢ ᠭᠤᠤ᠂ ᠲᠡᠷᠡᠰᠤ ᠪᠤᠳᠠᠨ ᠤ ᠲᠤᠤᠷᠠ ᠨᠢᠭᠤᠵᠤ | ᠲᠠᠯᠪᠢᠲᠠᠭ ᠪᠤᠯᠪᠠ᠃ ᠬᠤᠯᠠ ᠤᠶᠢᠷᠠ ᠶᠢᠨ ᠴᠢᠮᠡᠭᠡ ᠪᠠᠷ ᠠᠮᠠ ᠬᠠᠮᠬᠢᠯ ᠦᠭᠡᠢ ᠬᠤᠴᠠᠲᠠᠭ ᠬᠤᠲᠠᠴᠢ ᠨᠤᠬᠠᠢ ᠴᠦ ᠰᠦᠨᠢ ᠪᠤᠯᠪᠠᠯ ᠭᠡᠯᠡ ᠪᠠᠨ ᠬᠤᠷᠢᠶᠠᠵᠤ᠂ | ᠭᠡᠴᠢᠨᠡᠨ ᠵᠠᠭᠤᠨ ᠢᠶᠠᠷ ᠬᠤᠲᠠ ᠰᠠᠬᠢᠭᠰᠠᠨ ᠨᠤᠬᠠᠢ ᠬᠤᠴᠠᠬᠤ ᠪᠤᠯᠤᠭᠰᠠᠨ ᠨᠢ ᠰᠤᠨᠢᠨ ᠰᠡᠪᠠᠬᠦᠨ ᠤᠴᠢᠷ ᠪᠤᠯᠵᠠᠢ᠃ ᠬᠤᠲᠠᠴᠢ ᠨᠤᠬᠠᠶᠢᠳ ᠤᠨ ᠴᠢᠬᠢ ᠨᠢ | ᠲᠦᠯᠡᠶᠢᠷᠡᠭᠰᠡᠨ ᠪᠢᠰᠢ᠂ ᠬᠠᠷᠢᠨ ᠬᠤᠯᠠᠭᠠᠢ ᠲᠡᠭᠡᠷᠡᠮ ᠤᠳ ᠰᠠᠷᠢᠰᠤᠨ ᠪᠠᠭᠪᠠᠭ᠋ᠠᠢ ᠰᠢᠭ᠋ ᠰᠦᠨᠢ ᠶᠢᠨ ᠬᠦᠰᠢᠭᠡ ᠶᠢ ᠠᠰᠢᠭᠯᠠᠨ ᠬᠠᠮᠢᠭᠠ ᠠᠶᠢᠯ ᠪᠠᠶᠢᠬᠤ ᠶᠢ ᠨᠤᠬᠠᠢ | ᠶᠢᠨ ᠲᠠᠭᠤᠨ ᠢᠶᠠᠷ ᠡᠷᠢᠵᠦ ᠤᠯᠲᠠᠭ ᠤᠨ ᠤᠴᠢᠷ ᠮᠠᠯᠴᠢᠳ ᠮᠠᠨᠢ ᠰᠦᠨᠢ ᠳᠤ ᠪᠠᠨ ᠴᠢᠮᠡᠭᠡ ᠭᠠᠷᠬᠤ ᠠᠴᠠ ᠠᠶᠤᠵᠤ ᠨᠤᠬᠠᠢ ᠶᠢᠨ ᠢᠶᠠᠨ ᠠᠮᠠ ᠶᠢ ᠪᠤᠭᠤᠵᠤ | ᠬᠤᠨᠤᠲᠠᠭ ᠪᠤᠯᠵᠠᠢ᠃ ᠬᠦᠭᠡᠷᠦᠬᠦᠢ ᠳ᠋ᠠ᠂ ᠭᠡᠯᠡ ᠦᠭᠡᠢ ᠠᠮᠢᠲᠠᠨ ᠳᠤ ᠬᠠᠯᠠ ᠪᠤᠯᠵᠠᠢ᠃ ᠨᠠᠮᠰᠠᠷᠠᠢ ᠭᠤᠸᠠᠢ ᠴᠦ ᠲᠤᠭᠠ ᠲᠠᠢ ᠭᠡᠲᠦᠭᠡᠨ ᠪᠤᠲᠠ ᠪᠤᠭ ᠮᠠᠯ ᠢᠶᠠᠨ | ᠲᠡᠭᠡᠷᠡᠮ ᠲᠤᠨᠤᠭᠠ ᠳᠤ ᠠᠯᠲᠠᠴᠢᠬᠠᠬᠤ ᠠᠴᠠ ᠠᠶᠤᠵᠤ᠂ ᠵᠢᠷᠦᠭᠡ ᠪᠠᠨ ᠭᠠᠷ ᠲᠤ ᠪᠠᠨ ᠪᠠᠷᠢᠭᠰᠠᠭᠠᠷ ᠡᠲᠦᠷ ᠬᠤᠨᠤᠭ ᠢ ᠦᠩᠭᠡᠷᠡᠭᠡᠨᠡ᠃ | ᠬᠠᠪᠤᠷ ᠤᠨ ᠠᠭᠤᠷ ᠴᠦ ᠰᠠᠯᠬᠢ ᠦᠭᠡᠢ ᠴᠠᠰᠤ ᠬᠢᠷᠠᠮᠠᠭᠯᠠᠨ ᠰᠠᠶᠢᠬᠠᠨ ᠤᠷᠤᠯᠠ᠃ ᠰᠦᠬᠦᠯᠡᠭᠰᠡᠨ ᠴᠠᠰᠤ ᠰᠦᠬᠦᠮ ᠰᠦᠬᠦᠮ ᠢᠶᠠᠷ ᠬᠠᠶᠢᠯᠠᠵᠤ᠂ ᠨᠡᠷᠡ | ᠡᠭᠡᠪᠦᠷ ᠭᠤᠤ ᠵᠢᠯᠠᠭᠠ ᠪᠠᠷ ᠨᠢᠯᠬᠠ ᠨᠤᠭᠤᠭᠠ ᠴᠤᠬᠤᠶᠢᠵᠤ ᠢᠲᠠᠭᠤ ᠴᠠᠳᠴᠤ ᠡᠬᠢᠯᠡᠪᠡ᠃ | —— ᠡᠨᠡ ᠬᠠᠪᠤᠷ ᠴᠦ ᠰᠠᠯᠬᠢ ᠦᠭᠡᠢ ᠰᠠᠶᠢᠬᠠᠨ ᠬᠠᠪᠤᠷ ᠪᠤᠯᠬᠤ ᠨᠢ ᠡ ︕ | —— ᠡᠨᠡ ᠵᠢᠯ ᠴᠦ ᠬᠤᠷᠠ ᠪᠤᠷᠤᠭᠠᠨ ᠲᠡᠩᠴᠡᠭᠰᠡᠨ ᠰᠠᠶᠢᠬᠠᠨ ᠵᠢᠯ ᠪᠤᠯᠬᠤ ᠳ᠋ᠠ︕ ᠭᠡᠵᠤ ᠲᠡᠭᠷᠢ ᠪᠠᠨ ᠰᠢᠨᠵᠢᠵᠦ ᠰᠢᠨᠡ ᠡᠲᠦᠷ ᠢᠶᠠᠨ ᠤᠭᠲᠤᠲᠠᠭ | ᠨᠢ ᠮᠠᠯᠴᠢᠨ ᠬᠦᠮᠦᠨ ᠵᠠᠭᠤ ᠮᠢᠩᠭᠠᠨ ᠢᠶᠠᠷ ᠤᠯᠠᠮᠵᠢᠯᠠᠭᠲᠠᠨ ᠢᠷᠡᠭᠰᠡᠨ ᠠᠮᠢᠲᠤᠷᠠᠬᠤᠢ ᠶᠢᠨ ᠲᠤᠷᠰᠢᠯᠭᠠ ᠶᠢᠨ ᠨᠢᠭᠡ ᠪᠠᠶᠢᠵᠤ᠂ ᠨᠢᠭᠡ ᠶᠤᠰᠤᠨ ᠳᠤ ᠪᠠᠨ ᠰᠢᠨᠵᠢᠯᠡᠬᠦ | ᠤᠬᠠᠭᠠᠨ ᠤ ᠦᠨᠲᠦᠰᠦ ᠪᠠᠷᠢᠮᠲᠠ ᠪᠦᠷᠢᠨ ᠠᠭᠤᠯᠤᠭᠲᠠᠵᠤ ᠪᠠᠶᠢᠲᠠᠭ᠃ ᠪᠤᠶᠢᠲᠠ ᠪᠦᠭᠯᠡᠬᠦᠦ ᠤᠷᠠᠳ ᠨᠤᠲᠤᠭ ᠤᠨ ᠮᠠᠯᠴᠢᠳ ᠤᠨ ᠠᠮᠢᠲᠤᠷᠠᠯ ᠤᠤᠯ ᠶᠤᠰᠤᠭᠠᠷ | ᠦᠷᠬᠦᠯᠵᠢᠯᠡᠵᠦ᠂ ᠮᠠᠯᠴᠢᠳ ᠲᠦᠯ ᠲᠤᠰᠤᠨᠠ᠂ ᠬᠠᠪᠤᠷᠵᠢᠶᠠᠨ ᠳᠤ ᠭᠠᠷᠤᠨᠠ ᠭᠡᠳ ᠶᠠᠭᠠᠷᠠᠯᠲᠤᠵᠤ ᠪᠠᠶᠢᠬᠤ ᠳᠤ ᠬᠤᠶᠠᠷ ᠭᠤᠷᠪᠠ᠂ ᠲᠠᠪᠤ ᠠᠷᠪᠠ ᠪᠠᠷ ᠬᠠᠨᠢ | ᠲᠠᠲᠠᠭᠰᠠᠨ ᠮᠤᠷᠢᠲᠠᠢ ᠬᠦᠮᠦᠰ ᠭᠡᠲᠦ ᠬᠤᠨᠤᠯ ᠦᠭᠡᠢ ᠪᠠᠷᠠᠭᠤᠰᠢ ᠪᠤᠲᠠᠷᠠᠯᠲᠤᠨ ᠴᠤᠪᠤᠵᠤ᠂ ᠬᠠᠪᠤᠷ ᠤᠨ ᠭᠠᠴᠢᠭ ᠴᠠᠭ ᠪᠠᠶᠢᠭᠰᠠᠨ ᠴᠦ ᠵᠠᠮ ᠲᠤᠵᠢ ᠲᠠᠭᠠᠷᠠᠭᠰᠠᠨ | ᠠᠶᠢᠯ ᠪᠤᠯᠭᠠᠨ ᠢᠶᠠᠷ ᠲᠤᠨᠤᠨ ᠲᠡᠭᠡᠷᠡᠮᠲᠦᠵᠦ᠂ ᠨᠢᠬᠦᠯ ᠲᠠᠷᠢᠭᠰᠠᠨ ᠫᠤᠥ ᠶᠢᠨ ᠠᠮᠠᠨ ᠠᠴᠠ ᠰᠦᠷᠲᠡᠨ ᠡᠰᠡᠷᠬᠦᠴᠡᠵᠦ ᠴᠢᠲᠠᠯ ᠦᠭᠡᠢ ᠬᠠᠷᠠᠵᠤ ᠬᠤᠴᠤᠷᠠᠨᠠ᠃ ︿︿ᠵᠠ | ᠶᠠᠭᠠᠬᠢᠪ ᠳ᠋ᠠ᠂ ︿ᠠᠮᠢᠲᠤ ᠶᠠᠪᠤᠪᠠᠯ ᠠᠯᠲᠠᠨ ᠠᠶᠠᠭᠠᠨ ᠠᠴᠠ ᠤᠰᠤ ᠤᠤᠭᠤᠨᠠ﹀ ᠭᠡᠲᠡᠭ ᠶᠤᠮ᠂ ᠠᠮᠢ ᠲᠠᠢ ᠭᠤᠤᠯ ᠲᠠᠢ ᠦᠯᠡᠲᠡᠭᠰᠡᠨ ᠨᠢ ᠪᠤᠷᠬᠠᠨ ᠲᠡᠭᠷᠢ ᠵᠦᠪ | ᠬᠠᠷᠠᠵᠤ ᠳ᠋ᠠ﹀﹀ ᠭᠡᠵᠤ ᠰᠢᠷᠬᠠᠯᠠᠭᠰᠠᠨ ᠰᠡᠳᠬᠢᠯ ᠢᠶᠠᠨ ᠠᠷᠭᠠᠲᠠᠨ ᠪᠤᠷᠬᠠᠨ ᠳᠤ ᠪᠠᠨ ᠵᠠᠯᠪᠢᠷᠠᠨᠠ᠃ | ᠬᠠᠪᠤᠷ ᠤᠨ ᠰᠡᠬᠦᠯᠴᠢ ᠵᠤᠨ ᠤ ᠡᠬᠢ ᠪᠤᠯᠬᠤ ᠳᠤ ᠨᠠᠮᠵᠢᠭᠤᠨ ᠲᠤᠭᠲᠠᠭᠤᠨ ᠪᠤᠯᠵᠤ᠂ ᠤᠷᠠᠳ ᠨᠤᠲᠤᠭ ᠠᠮᠤᠷ ᠲᠠᠶᠢᠪᠤᠩ ᠠᠭᠤᠷ ᠠᠮᠢᠰᠬᠤᠯ ᠢᠶᠠᠷ | ᠪᠢᠯᠬᠠᠯᠠ᠃ ᠮᠠᠯᠴᠢᠳ ᠤᠨ ᠰᠡᠳᠬᠢᠯ ᠰᠠᠨᠠᠭᠠ ᠨᠡᠯᠢᠶᠡᠳ ᠲᠤᠭᠲᠠᠭᠤᠨ ᠲᠠᠶᠢᠪᠤᠩ ᠪᠤᠯᠵᠤ ︿︿ᠵᠤᠯ ᠳᠤ ᠪᠠᠨ ᠲᠡᠭᠡᠷᠡᠮ ᠬᠤᠯᠠᠭᠠᠢ ᠡᠨᠡ ᠲᠡᠷᠡ ᠭᠡᠵᠤ ᠠᠶᠤᠬᠤ | ᠶᠠᠭᠤᠮᠠ ᠦᠭᠡᠢ ᠰᠠᠶᠢᠬᠠᠨ ᠴᠠᠭ ᠪᠤᠯᠤᠨᠠ﹀﹀ ᠭᠡᠵᠤ ᠠᠮᠢᠲᠤᠷᠠᠯ ᠶᠠᠲᠠᠭᠤᠬᠠᠨ ᠪᠤᠶᠤ ᠶᠡᠷᠦ ᠶᠢᠨ ᠮᠠᠯᠴᠢᠳ ᠢᠲᠡᠭᠡᠵᠦ ᠶᠠᠷᠢᠯᠴᠠᠬᠤ ᠳᠤ ᠪᠠᠶᠠᠳ ᠤᠳ ᠤᠨ ᠲᠤᠲᠤᠷᠠ | ᠳ᠋ᠠᠩ ᠲᠤᠩ ᠲᠠᠢ ᠪᠠᠶᠢᠵᠤ ︿︿ᠡᠪ ᠬᠠᠮᠲᠤ ᠨᠠᠮ ᠶᠡᠷᠦᠨᠢ ᠪᠠᠶᠠᠳ ᠨᠤᠶᠠᠳ ᠢ ᠯᠠ ᠦᠵᠡᠵᠦ ᠴᠢᠲᠠᠲᠠᠭ ᠦᠭᠡᠢ ᠶᠤᠮ ᠪᠠᠶᠢᠨᠠ᠂ ᠪᠢᠲᠡᠨ ᠤ ᠦᠪᠡᠷ ᠲᠡᠭᠡᠨ | ᠴᠤᠭᠯᠠᠭᠤᠯᠤᠭᠰᠠᠨ ᠬᠦᠷᠦᠩᠭᠡ ᠶᠢ ᠮᠢᠨᠢ ᠬᠤᠵᠢᠮ ᠡᠳ᠋ ᠤᠨ ᠵᠠᠰᠠᠭ ᠲᠤ ᠬᠤᠷᠢᠶᠠᠵᠤ ᠮᠡᠲᠡᠬᠦ ᠯᠠ ᠶᠤᠮ﹀﹀ ᠭᠡᠵᠤ ᠢᠯᠡ ᠪᠠᠷ ᠰᠠᠶᠢᠬᠠᠨ ᠵᠠᠩᠨᠠᠵᠤ ᠲᠠᠯᠲᠠᠭᠤᠷ | ᠬᠤᠭᠤᠷᠤᠨᠲᠤ ᠪᠠᠨ ᠰᠡᠵᠢᠭ ᠠᠵᠢᠭ ᠲᠠᠢ ᠦᠭᠡ ᠶᠢ ᠭᠡᠯᠡᠯᠴᠡᠲᠡᠭ ᠪᠠᠶᠢᠭᠰᠠᠨ ᠭᠡᠲᠡᠭ᠂ ᠲᠡᠷᠡ ᠦᠶᠠ ᠳᠤ ᠦᠭᠡᠶᠢᠬᠦᠦ ᠠᠩᠬᠢ ᠪᠤᠯᠤᠨ ᠬᠦᠷᠦᠩᠭᠡᠲᠡᠨ ᠠᠩᠬᠢ᠂ | ᠪᠠᠶᠠᠨ ᠪᠤᠯᠤᠨ ᠶᠠᠲᠠᠭᠤ ᠶᠢᠨ ᠵᠦᠷᠢᠴᠡᠯ ᠨᠢᠭᠤᠴᠠ ᠲᠠᠯᠲᠠ᠂ ᠨᠡᠯᠢᠶᠠᠳ ᠪᠤᠲᠤᠯᠢᠶᠠᠨ ᠲᠠᠢ ᠪᠠᠶᠢᠭᠰᠠᠨ ᠢ ᠤᠯᠠᠨ ᠤ ᠶᠠᠷᠢᠶᠠ ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠲᠡ ᠶᠢᠨ ᠲᠤᠮᠲᠠ | ᠠᠴᠠ ᠰᠢᠷᠡᠬᠦᠦ ᠭᠤᠸᠠᠢ ᠪᠠᠭᠠ ᠭᠠᠲᠠᠷᠯᠠᠬᠤ ᠪᠤᠯᠵᠠᠢ᠃ ᠤᠷᠢᠨ ᠲᠤᠯᠠᠭᠠᠨ ᠪᠤᠯᠵᠤ ᠡᠪᠡᠰᠤ ᠤᠷᠭᠤᠮᠠᠯ ᠢᠬᠴᠢ ᠰᠠᠬᠤᠯᠢᠭ ᠪᠤᠯᠬᠤ ᠶᠢ ᠲᠠᠭᠠᠯᠲᠤᠨ ᠤᠯᠤᠰ ᠠᠴᠠ | ᠲᠤᠮᠢᠯᠠᠭᠰᠠᠨ ᠲᠤᠮᠤ ᠲᠤᠮᠤ ᠬᠤᠪᠢᠰᠬᠠᠠᠯᠴᠢ ᠲᠠᠷᠤᠭᠠ ᠤᠳ ᠤᠷᠠᠳ ᠨᠤᠲᠤᠭ ᠲᠤ ᠢᠷᠡᠵᠦ᠂ ᠨᠢᠭᠡ ᠪᠦᠯᠦᠭ ᠬᠤᠷᠢᠭᠠᠳ ᠨᠠᠰᠤᠨ ᠤ ᠪᠠᠭᠠ ᠰᠠᠭᠠ ᠮᠡᠲᠡᠯᠭᠡ ᠲᠠᠢ | ᠵᠠᠯᠠᠭᠤᠴᠤᠳ ᠢ ᠺᠠᠳ᠋ᠷ ᠤᠨ ᠪᠤᠯᠪᠠᠰᠤᠷᠠᠯ ᠳᠤ ᠶᠠᠪᠤᠭᠤᠯᠤᠨ᠂ ᠬᠤᠰᠢᠭᠤ ᠪᠠᠶᠢᠭᠤᠯᠬᠤ ᠳᠤ ᠪᠡᠯᠡᠳᠭᠡᠵᠦ ᠪᠠᠶᠢᠭᠠ ᠶᠤᠮ ᠭᠡᠨᠠ᠃ ᠡᠨᠡᠬᠦ ᠪᠤᠯᠪᠠᠰᠤᠷᠠᠯ ᠳᠤ ᠰᠢᠷᠠᠬᠦᠦ | ᠭᠤᠸᠠᠢ ᠶᠢᠨ ᠠᠬᠠ ᠨᠢ ᠴᠦ ᠪᠠᠭᠲᠠᠯᠴᠠᠨ ᠤᠯᠤᠰ ᠤᠨ ᠠᠯᠪᠠᠲᠠᠨ ᠪᠤᠯᠤᠭᠰᠠᠨ ᠶᠤᠮ᠃ ᠡᠨᠡ ᠦᠶᠡ ᠠᠴᠠ ᠡᠬᠢᠯᠡᠨ ᠲᠦᠮᠡᠨ ᠤ ᠰᠡᠳᠬᠢᠯ ᠳᠤ ᠤᠯᠠᠨ ᠵᠢᠯ | ᠵᠠᠩᠬᠢᠷᠠᠭᠰᠠᠨ ᠵᠠᠩᠬᠢᠲᠤᠭᠠᠰᠤ ᠲᠠᠶᠢᠯᠤᠭᠲᠠᠵᠤ᠂ ᠮᠠᠯᠴᠢᠳ ᠤᠨ ᠰᠠᠨᠠᠭᠠ ᠰᠡᠳᠬᠢᠯ ᠲᠠᠶᠢᠪᠤᠰᠢᠷᠠᠨ᠂ ᠪᠠᠯᠤ ᠭᠡᠲᠡᠭ ᠴᠢᠨᠢ ᠦᠭᠡᠶᠢᠬᠦᠦ ᠠᠷᠠᠳ ᠤᠨ ᠡᠷᠭᠡ ᠴᠢᠯᠦᠭᠡᠨ ᠤ | ᠲᠦᠯᠦᠭᠡ ᠲᠠᠮᠡᠴᠡᠵᠦ ᠶᠠᠪᠤᠭᠰᠠᠨ ᠴᠡᠷᠢᠭ ᠭᠡᠲᠡᠭ ᠢ ᠤᠬᠠᠭᠠᠷᠠᠵᠠᠢ᠃ 1950 ᠤᠨ ᠤ 7 ᠰᠠᠷᠠ ᠶᠢᠨ 18 ᠤ ᠡᠲᠦᠷ ᠤᠷᠠᠳ ᠤᠨ ᠲᠤᠮᠲᠠᠲᠤ ᠬᠤᠰᠢᠭᠤ | ᠨᠠᠶᠢᠷᠠᠮᠲᠠᠯ ᠢᠶᠠᠷ ᠴᠢᠯᠦᠭᠡᠯᠡᠭᠲᠡᠨ᠂ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠲᠤᠨ ᠢᠶᠠᠨ ᠪᠤᠮᠪᠠᠲᠠᠢ ︵ᠤᠲᠤ ᠶᠢᠨ ᠬᠤᠯᠤᠰᠤᠲᠠᠢ ᠰᠤᠮᠤᠨ ᠤ ᠦᠵᠦᠬᠦᠷ ᠭᠠᠴᠠᠭᠠᠨ ᠳᠤ ᠪᠤᠢ︶ | ᠳᠤ ᠪᠠᠶᠢᠭᠤᠯᠤᠭᠲᠠᠵᠤ᠂ ᠤᠷᠠᠳ ᠨᠤᠲᠤᠭ ᠤᠨ ᠮᠠᠯᠴᠢᠳ ᠲᠦᠮᠡᠨ ᠤ ᠲᠤᠮᠲᠠ ᠲᠤᠯᠤᠭᠠᠢ ᠦᠨᠲᠡᠶᠢᠵᠦ᠂ ᠲᠦᠷᠦ ᠶᠢᠨ ᠬᠦᠭᠵᠢᠯ ᠳᠤ ᠦᠭᠡ ᠭᠡᠯᠡᠬᠦ ᠡᠷᠭᠡ ᠲᠠᠢ | ᠪᠤᠯᠤᠭᠰᠠᠨ ᠶᠤᠮ᠃ | ᠨᠡᠶᠢᠭᠡᠮ ᠤᠨ ᠬᠤᠪᠢᠰᠤᠯ ᠰᠢᠨᠡᠲᠦᠯ ᠭᠡᠵᠤ ᠭᠡᠲᠦᠭᠡᠨ ᠵᠢᠯ ᠤᠨ ᠬᠤᠭᠤᠷᠤᠨᠲᠤ ᠪᠤᠯᠲᠠᠭ ᠨᠢ ᠬᠠᠴᠢᠨ᠃ ᠲᠡᠤᠭᠡ ᠶᠢᠨ ᠤᠯᠠᠷᠢᠯ ᠬᠤᠪᠢᠷᠠᠯ ᠭᠡᠵᠤ ᠡᠬᠦᠯᠡ | ᠠᠭᠤᠯᠠ ᠮᠠᠯᠠᠭᠠᠶᠢᠲᠠᠨ ᠴᠠᠰᠤ ᠪᠤᠷᠤᠭᠠᠨ ᠤᠷᠤᠬᠤ᠂ ᠡᠪᠡᠰᠤ ᠭᠠᠵᠠᠷ ᠡᠯᠢᠭᠡᠲᠡᠨ ᠨᠤᠭᠤᠭᠠᠷᠠᠵᠤ ᠰᠢᠷᠠᠯᠠᠬᠤ ᠲᠠᠢ ᠶᠠᠭᠠᠬᠢᠭᠰᠠᠨ ᠲᠦᠰᠦᠲᠡᠢ ᠶᠢ ᠪᠤᠤ ᠮᠡᠲᠡ᠃ | ᠦᠴᠦᠭᠡᠲᠦᠷᠭᠡᠨ ᠬᠦᠷᠲᠡᠯᠡ ᠬᠠᠷᠠᠩᠭᠤᠢ ᠬᠠᠷᠠ ᠰᠢᠭᠤᠷᠭᠠᠨ ᠲᠠᠢ ᠪᠠᠶᠢᠭᠰᠠᠨ ᠲᠡᠭᠷᠢ ᠦᠷᠯᠦᠭᠡ ᠪᠤᠯᠬᠤ ᠳᠤ ᠨᠠᠷᠠ ᠲᠤᠨᠤᠷᠠᠴᠢᠬᠠᠭᠰᠠᠨ ᠨᠠᠪᠴᠢ ᠰᠤᠨᠢᠶᠠᠴᠢᠬᠠᠭᠰᠠᠨ | ᠡᠲᠦᠷ ᠪᠤᠯᠲᠠᠭ ᠨᠢ ᠭᠠᠶᠢᠬᠠᠮᠰᠢᠭᠲᠠᠢ᠃ | ᠰᠢᠨᠠ ᠨᠡᠶᠢᠭᠡᠮ ᠪᠤᠯᠵᠤ᠂ ᠰᠢᠨᠡ ᠰᠢᠨᠠ ᠵᠠᠷᠯᠢᠭ ᠵᠢᠭᠠᠪᠤᠷᠢ ᠠᠷᠤ ᠠᠷᠤ ᠤᠯᠠᠮᠵᠢᠯᠠᠭᠲᠠᠵᠤ ᠯᠠ ᠪᠠᠶᠢᠭᠰᠠᠨ᠃ ᠪᠠᠶᠠᠳ ᠨᠤᠶᠠᠳ ᠤᠨ ᠬᠠᠮᠤᠭ ᠠᠴᠠ ᠠᠶᠤᠵᠤ | ᠪᠠᠶᠢᠭᠰᠠᠨ ᠶᠠᠪᠤᠲᠠᠯ ᠬᠠᠰᠢᠯᠠ ᠡᠬᠦᠰᠦᠯᠡ᠃ ᠰᠢᠨᠠ ᠦᠭᠡᠷᠡᠴᠢᠯᠡᠯᠲᠡ ᠰᠢᠨᠠ ᠬᠤᠪᠢᠰᠤᠯᠲᠠ ᠶᠢᠨ ᠤᠷᠢᠬᠠᠨ ᠰᠠᠯᠬᠢ ᠤᠷᠠᠳ ᠨᠤᠲᠤᠭ ᠢ ᠨᠡᠶᠢᠲᠡᠮ ᠢᠯᠪᠢᠵᠦ᠂ ᠶᠡᠭᠡ | ᠬᠠᠮᠲᠤ ᠪᠠᠶᠢᠭᠤᠯᠤᠭᠲᠠᠨ ᠮᠠᠯ ᠰᠦᠷᠦᠭ ᠮᠢᠨᠤ ᠴᠢᠨᠤ ᠭᠡᠰᠡᠨ ᠢᠯᠠᠭᠠᠯ ᠦᠭᠡᠢ ᠪᠤᠯᠵᠤ᠂ ᠬᠤᠪᠢ ᠶᠢᠨ ᠦᠮᠴᠢ ᠪᠦᠷ ᠬᠠᠮᠲᠤ ᠶᠢᠨ ᠬᠢ ᠪᠤᠯᠤᠭᠰᠠᠨ ᠪᠠᠶᠢᠯᠠ᠃ | ᠪᠠᠶᠠᠳ ᠨᠤᠶᠠᠳ ᠤᠨ ᠬᠤᠲᠠ ᠰᠦᠷᠦᠭ ᠬᠠᠰᠤᠭᠲᠠᠵᠤ᠂ ᠬᠠᠮᠲᠤ ᠶᠢᠨ ᠮᠠᠯ ᠮᠠᠯᠯᠠᠬᠤ ᠳᠤ ᠲᠤᠩ ᠲᠠᠭᠠᠯᠠᠮᠵᠢ ᠦᠭᠡᠢ ᠪᠠᠶᠢᠪᠠ᠃ ᠲᠦᠷᠦ ᠦᠭᠡᠷᠡᠲᠡᠵᠦ ᠨᠡᠶᠢᠭᠡᠮ | ᠬᠤᠪᠢᠷᠠᠭᠰᠠᠨ ᠴᠠᠭ᠂ ᠠᠮᠢᠲᠤᠷᠠᠬᠤᠢ ᠶᠢᠨ ᠡᠷᠭᠡ ᠪᠠᠷ ᠯᠠᠷᠵᠢᠶᠠ ᠶᠠᠮᠪᠠ ᠪᠠᠨ ᠲᠠᠶᠠᠭᠲᠠᠬᠤ ᠯᠠ ᠭᠡᠷᠡᠭ᠃ ᠵᠠᠷᠢᠮ ᠨᠢ ︿︿ᠪᠤᠷᠬᠠᠨ ᠲᠡᠭᠷᠢ ᠲᠠᠩᠴᠢ | ᠭᠤᠤᠯᠴᠢ ᠦᠭᠡᠢ﹀﹀ ᠭᠡᠵᠤ ᠪᠤᠬᠢᠨᠢᠲᠤᠵᠦ ᠪᠠᠶᠢᠬᠤ ᠳᠤ᠂ ᠵᠠᠷᠢᠮ ᠨᠢ ︿︿ᠬᠤᠪᠢ ᠵᠠᠶᠠᠭᠠ ᠮᠠᠭᠤ᠂ ᠲᠦᠷᠦᠭᠰᠡᠨ ᠴᠠᠭ ᠮᠢᠨᠢ ᠲᠠᠭᠠᠷᠠᠭᠰᠠᠨ ᠦᠭᠡᠢ﹀﹀ ᠭᠡᠵᠤ ᠪᠠᠶᠡ ᠳᠤ | ᠪᠠᠨ ᠭᠤᠮᠤᠲᠠᠵᠤ ᠪᠠᠶᠢᠭᠰᠠᠨ ᠴᠦ ᠲᠤᠯᠭᠠᠷᠠᠵᠤ ᠢᠷᠡᠭᠰᠡᠨ ︿︿ᠵᠤᠪᠠᠯᠠᠩ﹀﹀ ᠢ ᠲᠤᠭᠤᠷᠢᠨ ᠭᠠᠷᠴᠦ ᠪᠤᠯᠲᠠᠭ ᠦᠭᠡᠢ ᠶᠢᠨ ᠤᠴᠢᠷ ᠲᠡᠷᠡ ᠪᠦᠬᠦᠲᠡ ᠶᠢ ᠠᠯᠪᠠ ᠪᠠᠷ | ᠵᠠᠯᠬᠢᠵᠦ᠂ ᠶᠤᠰᠤᠲᠠᠢ ᠯᠠ ︿︿ᠦᠵᠡᠲᠡᠭ ᠦᠭᠡᠢ ᠪᠠᠨ ᠦᠵᠡᠵᠦ ᠦᠭᠡᠷ ᠴᠠᠮ ᠬᠠᠷᠠᠶᠢᠭᠰᠠᠨ﹀﹀ ᠰᠢᠭ᠋ ᠪᠤᠯᠤᠭᠰᠠᠨ ᠪᠢᠯᠠ᠃ ᠲᠡᠭᠡᠬᠦ ᠳᠤ ᠦᠭᠡᠶᠢᠬᠦᠴᠤᠳ ᠬᠠᠷᠢᠨ | ᠬᠠᠮᠲᠤ ᠶᠢᠨ ᠰᠦᠷᠦᠭ ᠲᠠᠭᠠᠭᠠᠴᠢᠯᠠᠨ ᠠᠪᠴᠤ ᠬᠠᠷᠢᠭᠤᠯᠤᠭᠠᠳ ᠰᠠᠨᠠᠭᠠ ᠲᠦᠬᠦᠷᠡᠩ ᠰᠡᠳᠬᠢᠯ ᠬᠠᠩᠬᠤᠯᠠᠭᠤᠨ ᠶᠡᠭᠡ ᠯᠠ ᠪᠠᠶᠠᠷ ᠲᠠᠢ ᠪᠠᠶᠢᠭᠰᠠᠨ᠃ ᠢᠩᠬᠢᠭᠡᠳ | ᠪᠠᠶᠠᠳ ᠨᠤᠶᠠᠳ ᠨᠢ ᠶᠠᠳᠠᠭᠤ ᠵᠦᠳᠡᠭᠦᠦ ᠠᠷᠠᠳ ᠢ ᠵᠠᠷᠤᠵᠤ ᠪᠤᠭᠤᠯᠴᠢᠯᠠᠬᠤ᠂ ᠲᠠᠷᠤᠯᠠᠵᠤ ᠮᠦᠯᠵᠢᠬᠦ ᠹᠸᠤᠳᠠᠯ ᠤᠨ ᠬᠠᠭᠤᠴᠢᠨ ᠶᠤᠰᠤ ᠵᠠᠳᠠᠷᠠᠨ ᠰᠦᠢᠷᠡᠵᠦ᠂ | ᠤᠷᠠᠳ ᠨᠤᠲᠤᠭ ᠲᠤ ᠵᠢᠷᠭᠠᠯ ᠤᠨ ᠨᠠᠷᠠ ᠮᠠᠨᠲᠤᠭᠰᠠᠨ ᠪᠢᠯᠡ᠃ | ᠲᠠᠪᠢᠭᠠᠳ ᠤᠨ ᠤ ᠰᠡᠬᠦᠯᠴᠢ ᠪᠤᠯᠲᠠᠯᠠ᠂ ᠤᠷᠠᠳ ᠨᠤᠲᠤᠭ ᠶᠡᠷᠦᠩᠭᠡᠢ ᠳᠤ ᠪᠠᠨ ᠨᠠᠮᠵᠢᠭᠤᠨ ᠲᠤᠭᠳᠠᠭᠤᠨ ᠪᠠᠶᠢᠵᠤ᠂ ᠮᠠᠯᠴᠢᠨ ᠠᠷᠠᠳ ᠦᠷᠭᠡᠨ ᠤᠯᠠᠨ | ᠬᠠᠮᠲᠤ ᠶᠢᠨ ᠰᠦᠷᠦᠭ ᠢ ᠲᠠᠭᠠᠭᠠᠴᠢᠯᠠᠨ ᠬᠠᠷᠢᠭᠤᠯᠤᠭᠰᠠᠨ ᠠᠴᠠ ᠮᠠᠯ ᠰᠦᠷᠦᠭ ᠲᠤ ᠪᠠᠨ ᠨᠡᠩ ᠬᠦᠴᠦ ᠲᠠᠯᠪᠢᠵᠦ᠂ ᠦᠪᠡᠷ ᠤᠨ ᠢᠶᠠᠨ ᠰᠢᠭ ᠬᠠᠶᠢᠷᠠᠯᠠᠨ | ᠦᠰᠭᠡᠭᠰᠡᠨ ᠢᠶᠠᠷ ᠨᠠᠩ ᠰᠦᠷᠦᠭ ᠦᠨᠢᠷ ᠦᠰᠴᠦ᠂ ᠬᠤᠪᠢ ᠪᠠᠷ ᠢᠶᠠᠨ ᠴᠦ ᠱᠦᠯᠦᠨ ᠤ ᠮᠠᠯ᠂ ᠴᠢᠳᠤᠷ ᠤᠨ ᠮᠤᠷᠢ᠂ ᠤᠨᠤᠭᠠᠷᠢ ᠶᠢᠨ ᠮᠤᠷᠢ ᠪᠤᠶᠤ ᠲᠡᠮᠡᠭᠡ ᠲᠠᠢ | ᠪᠤᠯᠪᠠ᠃ ᠰᠢᠷᠡᠬᠦᠦ ᠭᠤᠸᠠᠢ ᠶᠢᠨ ᠬᠢᠨ ᠲᠡᠮᠡᠭᠡ ᠪᠠᠷ ᠭᠤᠤᠯᠲᠠᠵᠤ᠂ ᠲᠡᠮᠡᠭᠡᠴᠢᠨ ᠠᠶᠢᠯ ᠪᠤᠯᠤᠭᠰᠠᠨ ᠪᠠᠶᠢᠯᠠ᠃ ᠭᠦᠮᠦᠨ ᠭᠦᠮᠦᠨ ᠢᠶᠠᠨ ᠲᠠᠷᠤᠯᠠᠬᠤ ᠬᠠᠤᠯᠢ ᠪᠤᠰᠤ | ᠠᠵᠢᠯ ᠢ ᠡᠷᠡᠰ ᠲᠠᠰᠤ ᠠᠷᠢᠯᠭᠠᠵᠤ᠂ ᠭᠡᠨ ᠭᠦᠮᠦᠨ ᠠᠷᠠᠳ ᠲᠤ ᠬᠠᠯᠳᠠᠪᠠᠯ ᠲᠠᠬᠦᠨ ᠢ ᠪᠠᠷᠢᠪᠴᠢᠯᠠᠨ ᠬᠠᠳᠠᠭᠤ ᠪᠠᠷ ᠰᠢᠳᠭᠡᠲᠡᠭ ᠠᠴᠠ ᠲᠦᠷᠦ ᠬᠦᠷᠦᠨ ᠨᠢ ᠠᠮᠤᠷ | ᠲᠤᠭᠲᠠᠭᠤᠨ᠂ ᠲᠦᠮᠡᠨ ᠠᠷᠠᠳ ᠨᠢ ᠲᠦᠪ ᠭᠤᠤᠯᠴᠢ ᠪᠠᠶᠢᠵᠤ᠂ ᠴᠠᠭ ᠤᠨ ᠪᠠᠶᠢᠲᠠᠯ ᠦᠷᠨᠢᠬᠦᠨ ᠬᠦᠭᠵᠢᠬᠦᠨ ᠪᠤᠯᠪᠠ᠃ | 1943 ᠤᠨ ᠤ ᠵᠤᠨ᠂ ᠷᠢᠨᠴᠢᠨᠰᠡᠩᠭᠡ ᠶᠢᠨ ᠲᠤᠷᠠᠳᠤᠯᠭᠠ ᠪᠠᠷ 4 ᠰᠤᠮᠤᠨ ᠠᠴᠠ 50 ᠡᠮᠡᠭᠳᠠᠢ ᠰᠤᠷᠤᠭᠴᠢ ᠡᠯᠰᠡᠵᠤ᠂ ᠴᠤᠩᠵᠢ ᠶᠢᠨ ᠦᠪᠦᠷ | ᠰᠤᠨᠳᠤᠤᠯᠠ ᠳᠤ ᠴᠡᠴᠡᠭᠯᠡᠯᠳᠤ ᠬᠡᠮᠡᠬᠦ ᠡᠮᠡᠭᠳᠠᠶᠢᠴᠤᠳ ᠤᠨ ᠰᠤᠷᠭᠠᠭᠤᠯᠢ ᠶᠢ ᠠᠩᠬᠠ ᠪᠠᠶᠢᠭᠤᠯᠤᠭᠲᠠᠵᠤ᠂ 1946 ᠤᠨ ᠤ 6 ᠰᠠᠷᠠ ᠶᠢᠨ 24 ᠤ ᠡᠳᠦᠷ | ᠪᠤᠮᠪᠠᠳᠠᠢ ᠳᠤ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ ᠪᠠᠶᠢᠭᠤᠯᠤᠭᠲᠠᠨ᠂ 1948 ᠤᠨ ᠤ 2 ᠰᠠᠷᠠ ᠳᠤ᠂ ᠤᠷᠠᠳ ᠤᠨ ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠬᠢᠯᠢ ᠶᠢᠨ ᠲᠤᠷᠰᠢᠯᠳᠠ | ᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠪᠤᠷᠬᠠᠨᠳᠤ ᠳᠤ ᠪᠠᠶᠢᠭᠤᠯᠤᠭᠳᠠᠪᠠ᠃ | ᠪᠦᠬᠦ ᠬᠤᠰᠢᠭᠤᠨ ᠤ ᠡᠯᠠ ᠭᠠᠵᠠᠷ ᠰᠤᠷᠠᠭᠠᠭᠤᠯᠢ ᠵᠠᠯᠭᠠ ᠵᠠᠯᠭᠠ ᠪᠠᠷ ᠪᠠᠶᠢᠭᠤᠯᠤᠭᠲᠠᠭᠰᠠᠨ ᠢᠶᠠᠷ ᠡᠭᠡᠯ ᠠᠷᠠᠳ ᠤᠨ ᠭᠡᠤᠭᠡᠳ ᠴᠦ ᠪᠢᠴᠢᠭ ᠰᠤᠷᠬᠤ | ᠵᠠᠪᠰᠢᠶᠠᠨ ᠲᠠᠢ ᠪᠤᠯᠵᠤ᠂ ᠨᠠᠰᠤᠨ ᠤ ᠲᠡᠩᠴᠡᠬᠦᠷᠢ ᠦᠭᠡᠢ ᠭᠡᠤᠭᠡᠳ ᠤᠳ ᠨᠢᠭᠡ ᠠᠩᠬᠢ ᠳᠤ ᠴᠤᠭᠯᠠᠷᠠᠨ ᠪᠢᠴᠢᠭ ᠦᠵᠡᠵᠦ᠂ ᠲᠡᠤᠭᠡᠨ ᠰᠢᠨᠠ ᠬᠠᠭᠤᠲᠠᠰᠤ ᠶᠢ | ᠪᠢᠴᠢᠭᠯᠡᠭᠰᠡᠨ ᠶᠤᠮ᠃ ᠠᠷᠪᠠ ᠦᠩᠭᠡᠷᠡᠭᠰᠡᠨ ᠰᠢᠷᠡᠬᠦᠦ ᠭᠤᠸᠠᠢ ᠴᠦ ᠰᠤᠷᠭᠠᠭᠤᠯᠢ ᠶᠢᠨ ᠠᠯᠲᠠᠨ ᠪᠤᠱᠤᠭᠠ ᠶᠢ ᠠᠯᠬᠤᠬᠤ ᠭᠡᠵᠤ ᠭᠡᠲᠦᠢ ᠬᠦᠰᠡᠲᠡᠭ ᠪᠤᠯᠪᠠᠴᠦ ᠠᠬᠠ | ᠨᠢ ᠠᠯᠪᠠᠨ ᠠᠵᠢᠯ ᠭᠡᠳ ᠶᠠᠭᠠᠷᠠᠤ᠂ ᠮᠠᠯ ᠲᠡᠭᠡᠷᠡ ᠪᠠᠨ ᠡᠵᠢ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠪᠠᠶᠢᠲᠠᠭ ᠠᠴᠠ ᠠᠷᠭᠠ ᠪᠤᠰᠤ ᠪᠢᠴᠢᠭ ᠦᠵᠡᠬᠦ ᠴᠠᠭ ᠢᠶᠠᠨ ᠬᠤᠶᠢᠰᠢᠭᠤᠯᠬᠤ | ᠯᠠ ᠭᠡᠷᠡᠭ ᠪᠤᠯᠵᠠᠢ᠃ 1956 ᠤᠨ ᠳᠤ᠂ ᠠᠷᠪᠠᠨ ᠲᠦᠷᠪᠡᠲᠡᠢ ᠰᠢᠷᠡᠬᠦᠦ ᠭᠤᠸᠠᠢ ᠠᠵᠠ ᠪᠠᠷ ᠰᠤᠮᠤᠨ ᠤ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠵᠤ ᠡᠷᠲᠡᠮ ᠨᠤᠮ ᠤᠨ ᠮᠦᠷ ᠢ | ᠭᠦᠭᠡᠭᠡᠵᠦ ᠡᠬᠢᠯᠡᠯᠡ᠃ ᠭᠡᠬᠦ ᠳᠤ ᠰᠤᠷᠬᠤ ᠭᠡᠵᠤ ᠪᠠᠶᠢᠭᠠ ᠦᠰᠦᠭ ᠨᠢ ᠪᠤᠰᠤᠭᠠ ᠪᠢᠰᠢ ᠬᠠᠷᠢᠨ ᠭᠡᠪᠲᠡᠭᠡ ᠪᠠᠶᠢᠭᠰᠠᠨ ᠳᠤ ᠲᠤᠩ ᠭᠠᠶᠢᠬᠠᠵᠤ᠂ ᠵᠢᠯ ᠰᠤᠷᠤᠭᠰᠠᠨ | ᠪᠢᠯᠡ᠃ ᠲᠠᠷᠠᠭᠠ ᠨᠠᠮᠤᠷ ᠨᠢ ᠬᠤᠶᠠᠲᠤᠭᠠᠷ ᠤᠨ ᠳᠤ ᠤᠷᠤᠬᠤ ᠳᠤ ᠪᠠᠭᠠ ᠠᠴᠠ ᠪᠠᠨ ᠬᠠᠷᠠᠵᠤ ᠪᠠᠶᠢᠭᠰᠠᠨ ᠲᠠᠨᠢᠯᠬᠠᠨ ᠦᠰᠦᠭ ᠢ ᠰᠤᠷᠤᠵᠤ ᠡᠬᠢᠯᠡᠭᠰᠡᠨ ᠨᠢ | ᠰᠠᠨᠠᠭᠠᠨ ᠳᠤ ᠦᠭᠡᠢ ᠰᠠᠶᠢᠬᠠᠨ ᠤᠴᠢᠷ ᠪᠤᠯᠵᠠᠢ᠃ ᠲᠡᠭᠡᠲᠦᠰ ᠠᠴᠠ ᠤᠯᠠᠮᠵᠢᠯᠠᠭᠰᠠᠨ ᠲᠡᠯᠭᠡᠷ ᠮᠤᠩᠭᠤᠯ ᠪᠤᠰᠤᠭᠠ ᠦᠰᠦᠭ ᠢᠶᠠᠨ ᠰᠤᠷᠤᠨᠠ ᠭᠡᠭᠴᠢ ᠨᠢᠭᠡ ᠶᠤᠰᠤᠨ | ᠤ ᠵᠢᠷᠭᠠᠯ ᠭᠡᠵᠤ ᠮᠡᠲᠡ᠃ ᠠᠷᠪᠠᠨ ᠲᠦᠷᠪᠡ ᠲᠠᠪᠤ ᠲᠠᠢ ᠪᠤᠯᠤᠭᠰᠠᠨ ᠰᠢᠷᠡᠬᠦᠦ ᠭᠤᠸᠠᠢ ︿︿ᠠ ᠡ ᠢ﹀﹀ ᠭᠡᠳ ᠰᠤᠷᠬᠤ ᠳᠤ ᠶᠡᠷᠦ ᠬᠦᠴᠢᠷ ᠰᠠᠨᠠᠭᠲᠠᠭᠠ ᠦᠭᠡᠢ᠂ | ᠡᠷᠲᠡᠮ ᠨᠤᠮ ᠳᠤ ᠪᠠᠨ ᠰᠢᠮᠲᠡᠵᠦ ᠡᠬᠢᠯᠡᠵᠡᠢ᠃ | ᠲᠠᠪᠢᠭᠠᠳ ᠤᠨ ᠤ ᠰᠡᠬᠦᠯᠴᠢ ᠠᠴᠠ ᠡᠬᠢᠯᠡᠨ ︿︿ᠶᠡᠭᠡ ᠦᠰᠦᠷᠦᠩᠭᠦᠢ ᠲᠠᠪᠰᠢᠯᠳᠡ﹀﹀᠂ ︿︿ᠠᠷᠠᠳ ᠤᠨ ᠨᠢᠭᠡᠳᠤᠯ﹀﹀ ᠢ ᠪᠠᠶᠢᠭᠤᠯᠬᠤ ᠮᠡᠲᠦ ᠶᠢᠨ ᠲᠦᠷᠦ | ᠶᠢᠨ ᠪᠤᠲᠤᠯᠭᠠ᠂ ᠵᠠᠷᠯᠢᠭ ᠵᠢᠭᠠᠪᠤᠷᠢ ᠤᠷᠠᠳ ᠨᠤᠲᠤᠭ ᠲᠤ ᠰᠦᠷ ᠲᠠᠯᠠᠶᠢᠴᠢᠲᠠᠢ ᠶᠠᠪᠤᠭᠲᠠᠯᠠ᠃1958 ᠤᠨ ᠤ 8 ᠰᠠᠷᠠ ᠳᠤ᠂ ᠤᠷᠠᠳ ᠨᠤᠳᠤᠭ ᠨᠡᠶᠢᠳᠡᠮ ᠳᠤ | ᠪᠠᠨ ᠬᠤᠷᠰᠢᠶᠡᠵᠢᠯ ᠪᠠᠶᠢᠭᠤᠯᠵᠤ᠂ ᠮᠠᠯᠴᠢᠳ ᠪᠦᠬᠦ ᠮᠠᠯ ᠢᠶᠠᠨ ᠬᠠᠮᠳᠤ ᠨᠡᠶᠢᠳᠡ ᠳᠤ ᠲᠤᠰᠢᠶᠠᠨ ᠡᠬᠡ ᠤᠷᠤᠭᠤᠯᠵᠤ ᠭᠦᠦ ᠮᠦᠩᠭᠦ ᠪᠠᠨ ᠢᠳᠡᠭᠦ ᠲᠤᠭᠳᠠᠭᠠᠯ ᠲᠠᠢ | ᠪᠤᠯᠪᠠ᠃ ᠲᠠᠷᠠ ᠦᠶᠡ ᠳᠤ ᠡᠬᠡ ᠤᠷᠤᠭᠤᠯᠤᠭᠰᠠᠨ ᠮᠠᠯ ᠤᠨ ᠲᠤᠭᠠ ᠲᠤᠯᠤᠭᠠᠢ ᠪᠠᠷ ᠭᠦᠦ ᠮᠦᠩᠭᠦ ᠠᠳᠠᠯᠢ ᠪᠤᠰᠤ ᠬᠤᠪᠢᠶᠠᠵᠤ ᠦᠭᠳᠡᠭ᠃ ᠭᠡᠳᠤᠨ ᠵᠠᠭᠤ | ᠴᠢᠨᠠᠭᠰᠢᠯᠠᠭᠠᠳ ᠮᠢᠩᠭᠠᠨ ᠲᠦᠭᠦᠷᠢᠭ ᠤᠯᠲᠠᠭ ᠠᠶᠢᠯ ᠪᠠᠶᠢᠬᠤ ᠳᠤ ᠵᠠᠷᠢᠮ ᠨᠢ ᠲᠦᠩᠭᠡᠵᠢ ᠭᠡᠳᠤᠨ ᠠᠷᠪᠠᠨ ᠲᠦᠭᠦᠷᠢᠭ ᠯᠡ ᠲᠤᠰᠴᠤ ᠪᠠᠶᠢᠪᠠ᠂ ᠡᠨᠡ ᠨᠢ ᠡᠬᠡ | ᠤᠷᠤᠭᠰᠠᠨ ᠮᠡᠯ ᠤᠨ ᠤᠯᠠᠨ ᠴᠦᠭᠡᠨ ᠢᠶᠠᠷ ᠲᠤᠭᠳᠠᠭᠠᠭᠰᠠᠨ ᠪᠠᠶᠢᠵᠡᠢ᠃ ᠰᠢᠷᠡᠬᠦᠦ ᠭᠤᠸᠠᠢ ᠶᠢᠨ ᠬᠢᠨ ᠮᠠᠯ ᠴᠦᠭᠡᠨ ᠲᠠᠢ ᠤᠴᠢᠷ ᠵᠠᠭᠤᠨ ᠭᠠᠷᠤᠶᠢᠬᠠᠨ ᠲᠦᠬᠦᠷᠢᠭ | ᠤᠯᠲᠠᠭ ᠪᠠᠶᠢᠪᠠ᠃ 1959 ᠤᠨ ᠤ 1 ᠳ᠋ᠦ᠋ᠭᠡᠷ ᠰᠠᠷᠠ ᠳᠤ ︿︿ᠠᠷᠠᠳ ᠤᠨ ᠨᠢᠭᠡᠳᠤᠯ﹀﹀ ᠢ ᠪᠠᠶᠢᠭᠤᠯᠵᠤ᠂ ᠬᠠᠮᠳᠤᠷᠠᠭᠰᠠᠨ ᠬᠤᠷᠰᠢᠶᠠᠵᠢᠯ ᠲᠠᠪᠤᠬᠠᠨ ᠰᠠᠷᠠ | ᠪᠤᠯᠤᠭᠠᠳ ᠨᠢᠭᠡᠳᠤᠯ ᠪᠤᠯᠤᠭᠰᠠᠨ ᠨᠢ ᠡᠨᠡ ᠪᠠᠶᠢᠵᠡᠢ ᠃ | ︿︿ᠭᠠᠢ ᠭᠠᠵᠠᠷ ᠲᠤᠤᠷᠠ ᠠᠴᠠ﹀﹀ ᠭᠡᠲᠡᠭᠴᠢᠯᠡᠨ ᠲᠤᠰ ᠡᠪᠤᠯ ᠠᠴᠠ ᠡᠬᠢᠯᠡᠨ ᠰᠠᠭᠤᠷᠢ ᠨᠢᠮᠭᠡᠨ ᠲᠠᠢ᠂ ᠠᠵᠤ ᠠᠬᠤᠢ ᠬᠠᠷᠠᠬᠠᠨ ᠬᠦᠭᠵᠢᠬᠡ ᠦᠭᠡᠢ ᠮᠠᠨ ᠤ | ᠤᠯᠤᠰ ᠲᠤ ᠪᠠᠶᠢᠭᠠᠯᠢ ᠶᠢᠨ ᠭᠠᠮᠰᠢᠭ ᠪᠠ ᠵᠦᠪᠯᠡᠯᠳᠤ ᠶᠢᠨ ᠦᠷᠢ ᠰᠢᠷᠢ ᠶᠢ ᠲᠦᠯᠦᠭᠦ ᠬᠤᠶᠠᠷ ᠶᠡᠭᠡ ᠭᠠᠮᠰᠢᠭ ᠵᠡᠷᠭᠡ ᠲᠤᠬᠢᠶᠠᠯᠲᠤᠭᠰᠠᠨ ᠪᠡᠷᠭᠡ ᠭᠠᠴᠢᠭᠲᠠᠯᠲᠤ ᠴᠠᠭ | ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠡᠨᠡᠬᠦ ᠨᠦᠯᠦᠭᠡ ᠨᠢ ᠤᠲᠠᠵᠤ ᠲᠦᠲᠡᠯ ᠦᠭᠡᠢ ᠤᠷᠠᠳ ᠨᠤᠲᠤᠭ ᠢ ᠬᠠᠮᠤᠷᠤᠨ᠂ ᠭᠤᠷᠪᠠᠨ ᠵᠢᠯ ᠢᠴᠡᠭᠡᠭᠡᠨ ᠬᠠᠩᠭᠠᠯᠳᠠ ᠲᠠᠢ ᠬᠤᠭᠤᠯᠠᠨ | ᠭᠦᠨᠡᠰᠦ ᠦᠭᠡᠢ ᠪᠤᠯᠵᠤ᠂ ᠰᠠᠷᠠ ᠪᠦᠷᠢ ᠬᠦᠮᠦᠨ ᠳᠤ ᠭᠡᠳᠤᠨ ᠵᠢᠩ ᠬᠠᠭᠤᠷᠠᠭᠰᠠᠨ ᠠᠮᠤ᠂ ᠡᠷᠳᠡᠨᠢ ᠰᠢᠰᠢ ᠶᠢᠨ ᠲᠠᠯᠬᠠ᠂ ᠪᠤᠳᠠᠭᠠᠨ ᠤ ᠬᠠᠷᠠ ᠠᠭᠠᠭ ᠵᠡᠷᠭᠡ ᠪᠠᠷ | ᠭᠤᠤᠯ ᠬᠤᠭᠤᠯᠨ ᠢᠶᠠᠨ ᠪᠤᠯᠭᠠᠨ᠂ ᠭᠡᠳᠤᠨ ᠰᠠᠷᠠ ᠳᠤ ᠨᠢᠭᠡ ᠬᠦᠮᠦᠨ ᠳᠤ ᠭᠡᠳᠤᠭᠡᠨ ᠵᠢᠩ ᠬᠠᠷᠠ ᠦᠩᠭᠡᠳᠡᠢ ᠴᠠᠭᠠᠨ ᠭᠤᠯᠢᠷ ᠦᠭᠳᠡᠭ ᠪᠠᠶᠢᠯᠠ᠃ ᠪᠦᠰᠡ ᠪᠠᠨ | ᠴᠢᠩᠭᠠᠯᠠᠭᠰᠠᠨ ᠭᠠᠴᠢᠭᠲᠠᠯᠲᠤ ᠴᠠᠭ ᠲᠤ ᠡᠲᠡᠭᠡᠷ ᠨᠢ ᠪᠦᠷ ᠬᠤᠭᠤᠯᠢ ᠪᠠᠷ ᠲᠤᠷᠠᠬᠤ ᠦᠭᠡᠢ᠂ ᠪᠠᠯ ᠡᠮᠬᠦᠭᠰᠡᠨ ᠰᠢᠭ ᠠᠮᠳᠠᠳᠠᠢ ᠰᠠᠶᠢᠬᠠᠨ ᠬᠤᠭᠤᠯᠨ ᠪᠠᠶᠢᠪᠠ᠃ | ᠰᠢᠷᠡᠬᠦᠦ ᠭᠤᠸᠠᠢ ᠴᠦ ᠠᠮᠢᠲᠤᠷᠠᠯ ᠤᠨ ᠬᠦᠴᠢᠷᠲᠡᠯ ᠠᠴᠠ ᠪᠤᠯᠵᠤ ᠠᠷᠠᠶᠢᠬᠠᠨ ᠭᠡᠵᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠬᠦᠰᠭᠡᠭᠡᠳ ᠭᠡᠷ ᠲᠤ ᠪᠠᠨ ᠬᠠᠷᠢᠯᠠ ᠁ | 1964 ᠤᠨ ᠪᠤᠯᠬᠤ ᠳᠤ ᠬᠤᠭᠤᠯᠨ ᠬᠦᠨᠡᠰᠤ᠂ ᠬᠤᠪᠴᠠᠰᠤ ᠬᠤᠨᠠᠷ᠂ ᠪᠠᠷᠠᠭᠠ ᠶᠢᠨ ᠬᠠᠩᠭᠠᠯᠳᠠ ᠠᠯᠬᠤᠮ ᠠᠯᠬᠤᠮ ᠢᠶᠠᠷ ᠭᠡᠪ ᠤᠨ ᠪᠠᠶᠢᠲᠠᠯ ᠳᠤ | ᠤᠷᠤᠵᠤ᠂ ᠠᠩᠬᠠ ᠡᠬᠢᠨ ᠳᠤ ᠪᠠᠨ ᠭᠡᠳᠤᠬᠡᠨ ᠲᠤᠬᠤᠢ ᠪᠦᠰᠡ ᠶᠢᠨ ᠫᠢᠶᠤᠤ᠂ ᠬᠡᠳᠤᠬᠡᠨ ᠵᠢᠩ ᠪᠤᠳᠠᠭᠠᠨ ᠪᠢᠯᠧᠲ ᠦᠭᠳᠡᠭ ᠪᠠᠶᠢᠭᠰᠠᠨ ᠨᠢ ᠨᠡᠮᠡᠭᠲᠡᠵᠦ ᠡᠬᠢᠯᠡᠯᠡ᠃ | —— ᠮᠠᠨ ᠤ ᠳᠤ ᠠᠷᠪᠠᠨ ᠲᠤᠬᠤᠢ ᠪᠦᠰ ᠤᠨ ᠫᠢᠶᠤᠤ ᠢᠯᠡᠬᠦᠦ ᠦᠭᠬᠦᠭᠰᠡᠨ᠂ ᠵᠢᠯ ᠴᠠᠭᠠᠨ ᠰᠠᠷᠠ ᠪᠤᠯᠬᠤ ᠳᠤ ᠪᠦᠰᠡᠬᠦᠢ ᠭᠡᠤᠭᠡᠳ ᠲᠤ ᠪᠠᠨ ᠰᠢᠨᠠ | ᠬᠤᠪᠴᠠᠰᠤ ᠤᠶᠤᠵᠤ ᠦᠭᠬᠦ ᠪᠦᠰ ᠪᠠᠷᠠᠭᠠ ᠲᠠᠢ ᠪᠤᠯᠤᠭᠰᠠᠨ ᠰᠢᠤ︕ | —— ᠮᠠᠨ ᠤ ᠳᠤ ᠬᠦᠮᠦᠨ ᠤᠯᠠᠨ ᠲᠠᠢ ᠤᠴᠢᠷ ᠬᠠᠷᠠᠭᠠᠯᠵᠠᠭᠠᠳ ᠢᠯᠡᠬᠦᠦ ᠭᠡᠲᠦᠨ ᠵᠢᠩ ᠪᠤᠳᠠᠭᠠᠨ ᠪᠢᠯᠧᠲ ᠦᠭᠬᠦᠯᠡ᠂ ᠶᠠᠭᠤ ᠴᠦ ᠭᠡᠰᠡᠨ ᠡᠲᠦᠷ | ᠪᠦᠷᠢ ᠭᠡᠲᠡᠰᠤ ᠲᠠᠢ ᠪᠠᠨ ᠭᠡᠷᠡᠬᠦᠯ ᠬᠢᠬᠦ ᠨᠢ ᠪᠠᠭᠠᠰᠬᠤ ᠶᠤᠮ ᠪᠠᠶᠢᠨᠠ᠃ | —— ᠭᠤᠷᠪᠠᠨ ᠵᠢᠯ ᠤᠨ ᠦᠯᠦᠰᠴᠦ ᠵᠦᠲᠡᠷᠡᠭᠰᠡᠨ ᠭᠠᠴᠢᠭᠲᠠᠯᠲᠤ ᠴᠠᠭ ᠦᠩᠭᠡᠷᠡᠬᠦ ᠰᠢᠨᠵᠢᠲᠡᠢ ᠪᠤᠯᠴᠢᠬᠠᠯᠠ᠃ | —— ᠤᠯᠤᠰ ᠴᠦ ᠦᠷᠢ ᠰᠢᠷᠢ ᠪᠠᠨ ᠲᠦᠯᠦᠵᠦ ᠪᠠᠷᠠᠭᠰᠠᠨ ᠭᠡᠨᠡ᠃ | —— ᠲᠡᠭᠡᠪᠡᠯ ᠪᠤᠯᠵᠤ ᠳ᠋ᠠ᠂ ᠦᠷᠢ ᠦᠭᠡᠢ ᠪᠤᠯ ᠪᠠᠶᠠᠨ᠂ ᠡᠪᠡᠳᠴᠢᠨ ᠦᠭᠡᠢ ᠪᠤᠯ ᠵᠢᠷᠭᠠᠯ ᠭᠡᠲᠡᠭ ᠶᠤᠮ ᠡ᠃ | ᠴᠠᠭ ᠰᠠᠶᠢᠬᠠᠨ ᠪᠤᠯᠵᠤ᠂ ᠠᠮᠢᠲᠤᠷᠠᠯ ᠦᠭᠡᠲᠡ ᠲᠠᠢ ᠪᠤᠯᠵᠤ ᠢᠷᠡᠭᠰᠡᠨ ᠴᠦ ᠬᠤᠷᠢ ᠬᠦᠷᠦᠭᠰᠡᠨ ᠰᠢᠷᠠᠭᠦᠦ ᠭᠤᠸᠠᠢ ᠠᠩᠬᠠ ᠲᠤᠮᠲᠠᠲᠤ ᠳᠤ ᠰᠤᠷᠤᠯᠴᠠᠬᠤ | ᠰᠠᠶᠢᠬᠠᠨ ᠵᠠᠪᠰᠢᠶᠠᠨ ᠢᠶᠠᠨ ᠠᠯᠲᠠᠪᠠ᠃ ᠬᠦᠲᠡᠯᠮᠦᠷᠢ ᠬᠦᠴᠦ ᠬᠦᠷᠦᠯᠴᠡᠬᠦ ᠦᠭᠡᠢ᠂ ᠦᠯᠦᠰᠬᠦᠯᠡᠩ ᠭᠠᠴᠢᠭ ᠴᠠᠭ ᠲᠠᠭᠠᠷᠠᠭᠰᠠᠨ ᠤ ᠬᠠᠷᠠᠭᠠ ᠪᠠᠷ ᠰᠢᠷᠡᠬᠦᠦ ᠭᠤᠸᠠᠢ | ᠶᠢᠨ ᠡᠷᠦᠭᠡ ᠠᠮᠠ ᠶᠢᠨ ᠲᠡᠪᠲᠡᠷ ᠲᠤ ᠰᠤᠶᠤᠯ ᠤᠨ ᠭᠡᠮᠵᠢᠶᠠ ︿︿ᠪᠠᠭᠠ ᠰᠤᠷᠭᠠᠭᠤᠯᠢ﹀﹀ ᠭᠡᠵᠤ ᠲᠡᠮᠲᠡᠭᠯᠡᠭᠲᠡᠨ ᠤᠲᠤ ᠪᠤᠯᠵᠠᠢ᠃ ᠭᠡᠬᠦ ᠳᠤ ᠰᠠᠶᠢᠬᠠᠨ ᠴᠠᠭ ᠲᠠᠮᠡᠢ | ᠤᠲᠠᠵᠤ ᠴᠢᠲᠠᠭᠠ ᠦᠭᠡᠢ᠂ ᠬᠤᠯᠠ ᠶᠢᠨ ᠬᠤᠯᠠ ᠳᠤ ᠡᠬᠦᠯᠡ ᠬᠤᠶᠢᠯᠠᠷᠠᠵᠤ᠂ ᠠᠶᠤᠩᠭᠠ ᠴᠠᠬᠢᠯᠠᠨ᠂ ᠨᠢᠲᠤ ᠨᠡᠭᠡᠭᠡᠭᠲᠡᠮᠡ ᠦᠭᠡᠢ ᠤᠯᠠᠭᠠᠨ ᠰᠢᠭᠤᠷᠭᠠ ᠤᠲᠠᠬᠤ | ᠦᠭᠡᠢ ᠤᠷᠠᠳ ᠨᠤᠲᠤᠭ ᠢ ᠦᠪᠴᠢ ᠲᠠᠭᠠᠷᠢᠬᠤ ᠶᠢ ᠭᠡᠨ ᠴᠦ ᠪᠤᠲᠤᠵᠤ ᠤᠯᠤᠭᠠ ᠦᠭᠡᠢ᠃ | ᠠᠷᠪᠠ ᠰᠢᠬᠠᠮ ᠦᠷᠬᠦᠯᠵᠢᠯᠡᠭᠰᠡᠨ ᠡᠨᠡᠬᠦ ᠰᠢᠭᠤᠷᠭᠠᠨ ᠪᠦᠬᠦ ᠤᠯᠤᠰ ᠲᠤ ᠲᠡᠭᠲᠡᠵᠦ᠂ ᠤᠷᠠᠳ ᠨᠤᠲᠤᠭ ᠤᠨ ᠨᠢᠭᠡᠳᠤᠯ᠂ ᠪᠠᠷᠢᠭᠠᠲᠠ ᠭᠦᠷᠳᠡᠯᠡ | ᠬᠦᠷᠦᠩᠭᠡᠲᠡᠨ ᠠᠩᠭᠢ ᠶᠢᠨ ᠢᠯᠵᠢᠷᠡᠮᠡᠯ ᠦᠵᠡᠯᠳᠡ ᠶᠢ ᠴᠤᠬᠢᠬᠤ᠂ ᠠᠩᠭᠢ ᠶᠢᠨ ᠵᠠᠭᠠᠭ ᠱᠤᠭᠤᠮ ᠢ ᠢᠯᠭᠠᠬᠤ᠂ ᠬᠤᠪᠢᠰᠬᠠᠯ ᠤᠨ ᠡᠰᠡᠷᠭᠦᠴᠤᠳ ᠢ | ᠲᠠᠷᠤᠩᠭᠤᠶᠢᠯᠠᠬᠤ᠂ ᠤᠷᠪᠠᠭᠴᠢ ᠲᠠᠩᠨᠠᠭᠤᠯ ᠢ ᠮᠦᠷᠲᠡᠨ ᠪᠠᠶᠢᠴᠠᠭᠠᠬᠤ᠂ ᠪᠠᠶᠠᠨ ᠮᠠᠯ ᠤᠨ ᠡᠵᠡᠨ ᠢ ᠢᠯᠡᠴᠢᠯᠡᠨ ᠭᠠᠷᠭᠠᠬᠤ ᠵᠡᠷᠭᠡ ᠤᠯᠤᠰ ᠲᠦᠷᠦ ᠶᠢᠨ ᠭᠦᠳᠡᠯᠭᠡᠭᠡᠨ | ᠭᠡᠢ ᠦᠶᠡᠷ ᠰᠢᠭ ᠲᠠᠭᠡᠷᠡ ᠲᠡᠭᠡᠷᠡ ᠠᠴᠠ ᠨᠢ ᠵᠢᠭᠠᠪᠤᠷᠢᠯᠠᠨ ᠪᠠᠭᠤᠯᠭᠠᠵᠤ᠂ ᠲᠦᠷᠪᠠᠨ ᠬᠠᠭᠤᠴᠢᠨ ᠢ ᠡᠪᠲᠡᠵᠦ᠂ ᠲᠦᠷᠪᠠᠨ ᠰᠢᠨᠡ ᠶᠢ ᠪᠠᠶᠢᠭᠤᠯᠬᠤ ᠵᠠᠷᠯᠢᠭ ᠢᠶᠠᠷ | ᠬᠠᠭᠤᠴᠢᠨ ᠤ ᠦᠵᠡᠯ ᠰᠠᠨᠠᠭᠠ ᠠᠴᠠ ᠠᠪᠤᠭᠠᠳ ᠬᠠᠭᠤᠴᠢᠨ ᠤ ᠡᠳ᠋ ᠪᠤᠳᠠᠰ ᠲᠠᠤᠭᠡ ᠶᠢᠨ ᠲᠤᠷᠠᠰᠬᠠᠯᠳᠤ ᠵᠤᠶᠢᠯ ᠪᠦᠬᠦᠨ ᠢ ᠪᠠᠯᠪᠠᠵᠤ ᠬᠠᠭᠠᠯᠠᠬᠤᠪᠤᠯᠪᠠ᠃ ᠭᠡᠪᠡᠴᠤ | ᠶᠠᠲᠠᠭᠤ ᠬᠦᠮᠦᠰ ᠢᠲᠡᠪᠬᠢᠲᠡᠨ ᠪᠠᠶᠢᠭᠠᠳ ᠰᠡᠬᠦᠯ ᠳᠤ ᠨᠢ ᠪᠡᠰᠡ ᠯᠠ ᠬᠢᠯᠢᠰ ᠭᠡᠷᠡᠭ ᠲᠤ ᠬᠤᠯᠪᠤᠭᠲᠠᠨ ᠰᠡᠵᠢᠭᠯᠡᠭᠲᠡᠵᠦ ᠲᠡᠮᠡᠴᠡᠬᠦᠯᠦᠭᠰᠡᠨ ᠨᠢ ᠪᠠᠭᠠ ᠦᠭᠡᠢ | ᠪᠠᠶᠢᠭᠰᠠᠨ᠃ ᠠᠩᠬᠢ ᠶᠢᠨ ᠵᠢᠰᠤ ᠪᠤᠷᠤᠭᠤ ᠡᠲᠡᠭᠡᠳ ᠤᠨ ᠮᠠᠯᠠᠭᠠᠢ ᠡᠮᠦᠰᠦᠬᠦᠯᠲᠡᠭ ᠲᠡᠷᠡ ᠴᠠᠭ ᠦᠶᠠ ᠦᠪᠡᠷ ᠢ ᠪᠠᠨ ᠦᠨᠢᠲᠡ ᠤᠯᠠᠭᠠᠨ ᠬᠤᠪᠢᠰᠬᠠᠯᠴᠢ ᠭᠡᠵᠤ | ᠤᠩᠰᠢᠵᠤ ᠶᠠᠪᠤᠲᠠᠭ ᠨᠢ ᠲᠤᠩ ᠬᠤᠪᠤᠷᠬᠠᠨ᠃ ᠲᠤᠬᠠᠢ ᠶᠢᠨ ᠦᠶᠠ ᠳᠤ ᠤᠯᠠᠭᠠᠨ ᠰᠢᠷᠠ ᠪᠦᠰ ᠪᠦᠷ ᠲᠤᠭ ᠲᠠᠯᠪᠠᠭᠠ ᠪᠤᠯᠵᠤ᠂ ᠤᠯᠠᠭᠠᠨ ᠰᠢᠷᠠ ᠪᠦᠰ ᠭᠡᠷᠡᠮ | ᠬᠠᠰᠢᠶᠠ ᠪᠠᠷ ᠲᠦᠬᠦᠷᠡᠨ᠂ ᠬᠦᠮᠦᠰ ᠠᠭᠤᠯᠵᠠᠬᠤ ᠳᠤ ᠪᠠᠨ ᠴᠦ ᠶᠠᠭᠤᠨ ᠤ ᠡᠮᠦᠨᠠ ᠭᠡᠲᠦᠨ ᠪᠠᠲᠠᠭ ᠰᠤᠷᠭᠠᠯ ᠦᠭᠡ ᠤᠩᠰᠢᠵᠤ᠂ ᠭᠡᠲᠦᠨ ᠪᠠᠲᠠᠭ ᠦᠭᠡ ᠶᠢᠨ | ᠲᠡᠬᠦᠪᠦᠷᠢ ᠶᠢᠨ ᠲᠠᠭᠤᠤ ᠲᠠᠭᠤᠯᠠᠭᠠᠳ ᠰᠠᠶ᠋ᠢ ᠠᠮᠤᠷ ᠰᠠᠶᠢᠨ ᠢᠶᠠᠨ ᠠᠰᠠᠭᠤᠲᠠᠭ ᠪᠠᠶᠢᠭᠰᠠᠨ ᠁ | ᠴᠠᠭ ᠴᠠᠭ ᠢᠶᠠᠷ ᠢᠶᠠᠨ ᠪᠠᠶᠢᠲᠠᠭ ᠦᠭᠡᠢ᠂ ᠴᠠᠬᠢᠯᠲᠠᠭ ᠬᠦᠭᠡ ᠪᠠᠷ ᠢᠶᠠᠨ ᠪᠠᠶᠢᠲᠠᠭ ᠦᠭᠡᠢ ᠭᠡᠲᠡᠭᠴᠢᠯᠡᠨ᠂ ᠲᠠᠯᠠᠨ ᠤᠨ ᠤ ᠡᠬᠢ ᠪᠤᠯᠬᠤ ᠳᠤ ᠤᠯᠠᠭᠠᠨ | ᠰᠢᠭᠤᠷᠭᠠ ᠰᠢᠪᠲᠤᠷᠠᠭᠠᠨ ᠳᠤ ᠪᠠᠨ ᠤᠷᠤᠯᠠ᠃ ᠴᠠᠭ ᠲᠦᠷᠦ ᠲᠦᠪᠰᠢᠨ ᠪᠤᠯᠬᠤ ᠪᠠᠶᠢᠲᠠᠯ ᠳᠤ ᠪᠠᠨ ᠬᠠᠨᠲᠤᠵᠤ᠂ ᠨᠡᠶᠢᠭᠡᠮ ᠤᠨ ᠡᠯᠠ ᠲᠠᠯᠠ ᠶᠢᠨ ᠠᠵᠢᠯ | ᠠᠯᠭᠤᠷᠬᠠᠨ ᠭᠡᠪ ᠲᠤ ᠪᠠᠨ ᠤᠷᠤᠵᠤ ᠡᠬᠢᠯᠡᠭᠰᠡᠨ ᠢᠶᠠᠷ ᠤᠷᠠᠳ ᠨᠤᠲᠤᠭ ᠲᠤ ᠤᠷᠢᠬᠠᠨ ᠬᠠᠪᠤᠷ ᠲᠡᠬᠢᠨᠲᠡ ᠰᠠᠭᠠᠲᠠᠯᠠ᠃ ᠨᠡᠶᠢᠭᠡᠮ ᠤᠨ ᠰᠠᠮᠠᠭᠤᠨ ᠪᠠᠶᠢᠲᠠᠯ | ᠨᠡᠯᠢᠶᠡᠳ ᠵᠢᠯ ᠦᠷᠬᠦᠯᠵᠢᠯᠡᠭᠰᠡᠨ ᠴᠦ ᠪᠢᠴᠢᠵᠦ ᠵᠢᠷᠤᠬᠤ ᠲᠤᠷᠠ ᠲᠠᠢ ᠰᠢᠷᠡᠬᠦᠦ ᠭᠤᠸᠠᠢ ᠵᠠᠪᠰᠢᠶᠠᠨ ᠭᠠᠷᠲᠠᠭ ᠯᠠ ᠶᠤᠮ ᠪᠤᠯ ᠭᠠᠷ ᠲᠤ ᠦᠭᠲᠡᠭᠰᠡᠨ ᠰᠤᠨᠢᠨ | ᠰᠡᠳᠬᠦᠯ ᠨᠤᠮ ᠪᠦᠬᠦᠨ ᠢ ᠠᠯᠲᠠᠯ ᠦᠭᠡᠢ ᠤᠩᠰᠢᠬᠤ ᠶᠢᠨ ᠲᠠᠭᠠᠤ ᠪᠢᠷ ᠨᠢᠰᠭᠡᠨ ᠪᠢᠴᠢᠵᠦ ᠡᠬᠢᠯᠡᠭᠰᠡᠨ ᠪᠠᠶᠢᠨᠠ᠃ | ᠴᠢᠷᠮᠠᠶᠢᠯᠭᠠ ᠬᠦᠮᠦᠨ ᠢ ᠭᠤᠮᠤᠲᠠᠭᠠᠲᠠᠭ ᠦᠭᠡᠢ ᠭᠡᠲᠡᠭ ᠦᠨᠡᠨ ᠪᠠᠶᠢᠵᠠᠢ᠃ ᠭᠡᠲᠦᠶᠢᠪᠡᠷ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠶᠤᠯ ᠤᠨ ᠭᠡᠮᠵᠢᠶᠡ ᠲᠠᠢ ᠴᠦ | ᠴᠢᠷᠮᠡᠶᠢᠨ ᠪᠢᠴᠢᠵᠦ ᠤᠷᠤᠯᠲᠤᠭᠰᠠᠨ ᠤ ᠬᠠᠷᠢᠭᠤ ᠳᠤ ︿︿ᠦᠪᠦᠷ ᠮᠤᠩᠭᠤᠯ ᠤᠨ ᠡᠲᠦᠷ ᠤᠨ ᠰᠤᠨᠢᠨ﹀﹀᠂ ︿︿ ᠦᠪᠦᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠷᠠᠳᠢᠤ᠋ | ᠨᠡᠪᠲᠡᠷᠡᠬᠦᠯᠭᠡ ᠶᠢᠨ ᠬᠤᠷᠢᠶᠠ﹀﹀᠂ ︿︿ᠪᠠᠶᠠᠠᠨᠠᠭᠤᠷ ᠤᠨ ᠰᠤᠨᠢᠨ﹀﹀ ᠤ ᠴᠢᠮᠡᠭᠡᠯᠡᠭᠴᠢ ᠪᠠᠷ ᠤᠷᠢᠭᠲᠠᠨ᠂ ᠰᠤᠨᠢᠨ ᠰᠡᠳᠬᠦᠯ᠂ ᠷᠠᠳᠢᠤ᠋ ᠳᠤ ᠦᠪᠡᠷ ᠤᠨ ᠪᠢᠴᠢᠭᠰᠡᠨ | ᠮᠡᠲᠡᠭᠡ ᠴᠢᠮᠡᠭᠡᠯᠡᠯ᠂ ᠬᠤᠯᠪᠤᠭᠠ᠂ ᠲᠠᠭᠤᠤ ᠰᠢᠯᠦᠭ᠂ ᠦᠬᠦᠯᠡᠯᠭᠡ᠂ ᠱᠤᠭ ᠶᠠᠷᠢᠶᠠ ᠪᠠᠨ ᠨᠡᠶᠢᠲᠡᠯᠡᠬᠦᠯᠵᠦ᠂ ᠡᠯᠠ ᠱᠠᠲᠤᠨ ᠤ ᠰᠢᠯᠢᠲᠡᠭ ᠴᠢᠮᠡᠭᠡᠯᠡᠭᠴᠢ ᠶᠢᠨ ᠢᠷᠠᠭᠤ | ᠠᠯᠲᠠᠷ ᠢ ᠤᠯᠠᠨᠲᠠ ᠬᠦᠷᠲᠡᠭᠰᠡᠨ ᠶᠤᠮ᠃ | ᠦᠭᠡᠷᠡᠴᠢᠯᠡᠯᠲᠡ ᠨᠠᠭᠡᠭᠡᠯᠲᠡ ᠶᠢᠨ ᠲᠦᠷᠦ ᠶᠢᠨ ᠪᠤᠲᠤᠯᠭᠠ ᠡᠭᠡ ᠤᠯᠤᠰ ᠤᠨ ᠡᠯᠠ ᠭᠠᠵᠠᠷ ᠢ ᠤᠮᠲᠠᠯᠠᠨ᠂ ᠬᠠᠶᠠ ᠦᠭᠡᠢ ᠬᠦᠭᠵᠢᠯ ᠴᠡᠴᠡᠭᠯᠡᠯ ᠤᠨ ᠬᠦᠭ | ᠴᠤᠤᠷᠢᠶᠠᠲᠤᠵᠤ᠂ ᠠᠵᠤ ᠠᠬᠤᠢ᠂ ᠰᠤᠶᠤᠯ᠂ ᠰᠤᠷᠭᠠᠨ ᠬᠦᠮᠦᠵᠢᠯ ᠵᠡᠷᠭᠡ ᠠᠯᠢ ᠤᠯᠠᠨ ᠦᠢᠯᠡᠰ ᠦᠳᠲᠡᠷ ᠲᠦᠷᠭᠡᠨ ᠬᠦᠭᠵᠢᠨ᠂ ᠲᠦᠮᠡᠨ ᠤ ᠠᠮᠢᠲᠤᠷᠠᠯ | ᠰᠠᠶᠢᠵᠢᠷᠡᠵᠦ᠂ ᠮᠠᠯᠴᠢᠳ ᠤᠨ ᠮᠠᠩᠨᠠᠢ ᠲᠡᠨᠡᠶᠢᠯᠠ᠃ ᠬᠠᠷᠠ ᠪᠠᠭᠠ ᠠᠴᠠ ᠪᠠᠨ ᠨᠡᠶᠢᠭᠡᠮ ᠤᠨ ᠤᠷᠪᠠᠭᠠᠨ ᠬᠦᠷᠪᠡᠭᠡᠨ᠂ ᠠᠮᠢᠲᠤᠷᠠᠯ ᠤᠨ ᠬᠠᠲᠠᠭᠤ ᠪᠡᠷᠭᠡ ᠶᠢ | ᠲᠤᠭᠤᠯᠵᠤ ᠢᠷᠡᠭᠰᠡᠨ ᠰᠢᠷᠠᠬᠦᠦ ᠭᠤᠸᠠᠢ 1979 ᠤᠨ ᠳᠤ ︿︿ᠦᠨᠦᠴᠢᠨ ᠭᠡᠤᠭᠡᠨ ᠤ ᠭᠤᠨᠢᠭ﹀﹀ ᠭᠡᠬᠦ ᠭᠠᠷᠴᠠᠭ ᠢᠶᠠᠷ ᠦᠬᠦᠯᠡᠯᠭᠡ ᠪᠢᠴᠢᠵᠦ ᠡᠬᠢᠯᠡᠭᠰᠡᠨ ᠢᠶᠠᠨ ︿︿ | ᠰᠠᠯᠬᠢᠨ ᠳᠤ ᠴᠤᠬᠢᠭᠲᠠᠭᠰᠠᠨ ᠨᠠᠪᠴᠢᠰ﹀﹀᠂ ︿︿ᠦᠨᠦᠴᠢᠨ ᠮᠦᠴᠢᠷ﹀﹀᠂ ︿︿ᠦᠷᠦᠰᠢᠶᠡᠯ ᠦᠭᠡᠢ ᠬᠤᠷᠸᠠ﹀﹀᠂ ︿︿ᠪᠤᠭᠤᠷᠤᠯ ᠭᠤᠪᠢ﹀﹀ ᠭᠡᠵᠤ ᠭᠠᠷᠴᠠᠭ ᠨᠢ | ᠰᠤᠯᠢᠭᠲᠠᠬᠤ ᠶᠢ ᠲᠠᠭᠠᠯᠲᠤᠨ ᠦᠬᠦᠯᠡᠯᠭᠡ ᠠᠴᠠ ᠲᠤᠭᠤᠵᠢ᠂ ᠲᠤᠭᠤᠵᠢ ᠠᠴᠠ ᠷᠤᠮᠠᠨ ᠪᠤᠯᠵᠤ ᠪᠢᠴᠢᠭᠲᠡᠭᠰᠡᠨ ᠪᠠᠶᠢᠨᠠ᠃ 35 ᠵᠢᠯ ᠤᠨ ᠰᠢᠷᠭᠠᠭᠤ ᠬᠦᠲᠡᠯᠮᠦᠷᠢ ᠪᠠᠷ | ᠲᠠᠮᠵᠢᠨ 2014 ᠤᠨ ᠤ ᠡᠴᠦᠰ ᠲᠤ ᠭᠡᠪᠯᠡᠭᠲᠡᠨ ᠲᠠᠷᠬᠠᠭᠠᠭᠲᠠᠵᠤ᠂ 51.2 ᠲᠦᠮᠡᠨ ᠦᠰᠦᠭ ᠲᠠᠢ ᠲᠤᠰ ᠷᠤᠮᠡᠨ ᠨᠢ ᠠᠷᠪᠠᠨ ᠨᠢᠭᠡᠲᠦᠭᠡᠷ ᠬᠤᠭᠤᠴᠠᠭᠠᠨ ᠤ | ᠦᠪᠦᠷ ᠮᠤᠩᠭᠤᠯ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠤᠳᠬᠠ ᠵᠤᠬᠢᠶᠠᠯ ᠤᠨ ᠵᠤᠬᠢᠶᠠᠨ ᠪᠦᠲᠦᠭᠡᠯᠭᠡ ᠶᠢᠨ ︿︿ᠰᠤᠯᠤᠩᠭᠠ﹀﹀ ᠱᠠᠩᠨᠠᠯ ᠢ ᠲᠤᠰᠤᠭᠰᠠᠨ ᠰᠠᠶᠢᠠᠬᠨ | ᠴᠢᠮᠡᠭᠡ ︿︿ᠮᠤᠩᠭᠤᠯ ᠷᠤᠮᠠᠨ ᠤ ᠦᠯᠦᠭᠡᠢ﹀﹀ ᠪᠤᠯᠤᠭᠰᠠᠨ ᠤᠷᠠᠳ ᠤᠨ ᠲᠤᠮᠲᠠᠲᠤ ᠬᠤᠰᠢᠭᠤᠨ ᠳᠤ ᠵᠢᠬᠦᠷ ᠲᠠᠢ ᠶᠤᠮ ᠰᠢᠭ᠋ ᠲᠦᠲᠡᠭᠡᠨ ᠲᠠᠷᠬᠠᠵᠤ᠂ ᠢᠲᠡᠷ ᠵᠠᠯᠠᠭᠤ | ᠵᠤᠬᠢᠶᠠᠯᠴᠢᠳ ᠲᠤ ᠪᠠᠨ ᠢᠲᠡ ᠬᠦᠴᠦ ᠨᠡᠮᠡᠭᠰᠡᠨ ᠶᠤᠮ᠃ | ᠪᠤᠮᠠᠨ ᠰᠦᠷᠦᠭ ᠢᠶᠠᠨ ᠪᠦᠪᠡᠶᠢᠯᠡᠭᠰᠡᠨ ᠪᠤᠭᠤᠷᠤᠯ ᠭᠤᠪᠢ ᠤᠷᠠᠳ ᠨᠤᠲᠤᠭ ᠤᠨ ᠬᠠᠯᠭᠠᠤᠨ ᠡᠯᠢᠭᠡᠨ ᠳᠤ ᠡᠷᠬᠢᠯᠲᠦᠬᠦ ᠨᠠᠷᠠᠨ ᠰᠠᠷᠠᠨ ᠡᠭᠡᠯᠵᠢᠯᠡᠬᠦ ᠲᠦᠷᠪᠡᠨ | ᠤᠯᠠᠷᠢᠯ ᠢ ᠪᠤᠲᠤᠭᠤᠨ ᠪᠤᠶᠢᠯᠡᠭᠠᠨ ᠢᠶᠠᠷ ᠮᠢᠯᠢᠶᠠᠵᠦ᠂ ᠠᠷᠭᠠᠯ ᠤᠨ ᠴᠡᠩᠭᠡᠷ ᠤᠲᠤᠭᠠ ᠡᠩᠭᠡᠲᠡ ᠰᠤᠭᠤᠨᠠᠭᠯᠠᠨ᠂ ᠬᠤᠭᠤᠷᠠᠰᠢ ᠦᠭᠡᠢ ᠪᠠᠲᠤ᠂ ᠮᠦᠬᠦᠰᠢ ᠦᠭᠡᠢ | ᠮᠦᠩᠭᠡ ᠠᠮᠢᠵᠢᠷᠠᠯ ᠤᠨ ᠬᠦᠴᠦᠨ ᠢᠶᠠᠷ ᠵᠠᠭᠤᠨ ᠵᠠᠭᠤᠨ ᠢ ᠵᠤᠭᠰᠤᠭᠠ ᠪᠠᠷ ᠢᠶᠠᠨ ᠤᠭᠲᠤᠭᠰᠠᠨ ᠰᠠᠨ᠃ ᠰᠠᠷᠠᠨ ᠤ ᠮᠦᠩᠬᠦᠨ ᠭᠡᠷᠡᠯ ᠵᠡᠬᠦᠨ ᠲᠠᠲᠠᠪᠤᠷᠢ ᠭᠡᠮᠡᠬᠦ | ᠨᠤᠲᠤᠭ ᠲᠤ ᠰᠠᠴᠤᠭᠲᠠᠨᠠ᠂ ᠬᠤᠲᠠᠨ ᠳᠤ ᠬᠤᠨᠢ ᠢᠮᠠᠭᠠ ᠴᠠᠶᠢᠯᠵᠠᠨ ᠬᠠᠶᠠ ᠬᠤᠷᠠᠭᠠ ᠢᠰᠢᠭᠡᠨ ᠤ ᠮᠠᠶᠢᠯᠠᠬᠤ ᠲᠠᠭᠤᠨ ᠰᠤᠨᠤᠰᠲᠠᠬᠤ ᠳᠤ᠂ ᠲᠡᠬᠦᠨ ᠤ | ᠬᠠᠵᠠᠭᠤᠲᠠᠬᠠᠨ ᠲᠡᠮᠡᠭᠡᠳ ᠤᠨ ᠪᠦᠬᠦ ᠬᠤᠯᠠ ᠶᠢᠨ ᠠᠭᠤᠯᠠᠰ ᠰᠢᠭ᠋ ᠬᠦᠪᠪᠦᠯᠵᠨᠡ᠂ ᠤᠯᠠᠭᠠᠨ ᠲᠤᠭᠤᠰᠬᠠᠨ ᠪᠠᠶᠢᠰᠢᠩ ᠳᠤ ᠴᠠᠬᠢᠯᠭᠠᠨ ᠳ᠋ᠧᠩ ᠤᠨ ᠭᠡᠷᠡᠯ ᠳᠤ | ᠨᠢᠲᠤᠨ ᠳᠤ ᠪᠠᠨ ᠰᠢᠯ ᠲᠠᠢ ᠡᠪᠦᠭᠡᠨ ᠭᠤᠸᠠᠢ ᠵᠤᠬᠢᠶᠠᠯ ᠪᠢᠴᠢᠵᠦ ᠰᠠᠭᠤᠨᠠ᠂ ᠡᠨᠡ ᠬᠦᠮᠦᠨ ᠪᠤᠯ ᠲᠠᠷᠤᠢ ᠤᠷᠠᠳ ᠤᠨ ᠲᠤᠮᠲᠠᠲᠤ ᠬᠤᠰᠢᠭᠤᠨ ᠤ ᠭᠠᠭᠴᠠᠮᠤᠲᠤ | ᠪᠠᠯᠭᠠᠰᠤᠨ ᠤ ᠲᠠᠷᠡᠰᠤ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠨᠠ᠊ ᠰᠢᠷᠡᠬᠦᠦ ᠭᠤᠸᠠᠢ᠃ | | ᠰᠤᠷᠪᠤᠯᠵᠢᠯᠠᠭᠴᠢ᠂ ᠵᠤᠬᠢᠶᠠᠯᠴᠢ ᠪᠠ᠊ ᠪᠦᠭᠡ | | | |