| ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠪᠣᠯ ᠨᠢᠭᠡᠨ ᠤᠷᠳᠤ ᠤᠳᠠᠭᠠᠨ ᠲᠡᠤᠬᠡ ᠲᠠᠢ ᠦᠨᠳᠦᠰᠦᠲᠡᠨ ᠢᠶᠠᠷ ᠦᠯᠦ ᠪᠠᠷᠠᠨ ᠮᠥᠨ ᠴᠦ ᠬᠦᠨ ᠵᠤᠵᠠᠭᠠᠨ ᠲᠡᠤᠬᠡᠨ ᠤᠬᠠᠭᠠᠨ | ᠤ ᠤᠯᠠᠮᠵᠢᠯᠠᠯ ᠲᠠᠢ ᠶᠤᠮ᠃ ᠮᠤᠩᠭᠤᠯ ᠬᠦᠮᠦᠨ ᠦᠰᠦᠭ ᠪᠢᠴᠢᠭ ᠲᠠᠢ ᠪᠤᠯᠬᠤ ᠠᠴᠠ ᠡᠮᠦᠨᠡ᠂ ᠦᠪᠡᠷ ᠤᠨ ᠤᠳᠤᠮ ᠭᠠᠷᠤᠯ᠂ ᠲᠡᠭᠡᠳᠦᠰ ᠪᠠ ᠦᠶᠡ ᠵᠠᠯᠭᠠᠮᠵᠢ | ᠪᠠᠨ ᠲᠤᠳᠤᠷᠬᠠᠢ ᠴᠡᠭᠡᠵᠢᠯᠡᠵᠤ᠂ ᠲᠤᠤᠷᠠᠳᠤ ᠦᠶᠡ ᠳᠤ ᠪᠠᠨ ᠲᠡᠭᠡᠳᠦᠰ ᠪᠠ ᠪᠠᠭᠠᠳᠤᠷᠯᠢᠭ ᠬᠦᠮᠦᠰ ᠢᠶᠠᠨ ᠠᠮᠠ ᠪᠠᠷ ᠤᠯᠠᠮᠵᠢᠯᠠᠵᠤ ᠦᠭᠳᠡᠭ ᠵᠠᠩᠰᠢᠯ ᠲᠠᠢ᠃ | ᠡᠶᠢᠨᠬᠦ᠂ ᠤᠷᠳᠤ ᠤᠳᠠᠭᠠᠨ ᠬᠤᠭᠤᠴᠠᠭᠠᠨ ᠤ ᠲᠡᠤᠬᠡᠨ ᠬᠦᠭᠵᠢᠯᠲᠡ ᠶᠢᠨ ᠲᠤᠮᠲᠠ ᠪᠠᠨ ᠦᠪᠡᠷ ᠤᠨ ᠢᠶᠠᠨ ᠲᠡᠤᠬᠡᠨ ᠤᠬᠠᠭᠠᠨ ᠢ ᠪᠦᠷᠢᠯᠳᠦᠬᠦᠯᠤᠨ ᠬᠦᠭᠵᠢᠬᠦᠯᠵᠤ | ᠢᠷᠡᠵᠠᠢ᠃ ᠴᠢᠩ ᠤᠯᠤᠰ ᠤᠨ ᠦᠶᠡ ᠳᠤ ᠮᠤᠩᠭᠤᠯ ᠤᠨ ᠲᠡᠤᠬᠡᠨ ᠤᠬᠠᠭᠠᠨ ᠤᠷᠢᠳ ᠡᠮᠦᠨᠡ ᠭᠠᠷᠤᠭᠠ ᠦᠬᠡᠢ ᠬᠦᠭᠵᠢᠯᠲᠡ ᠪᠠᠨ ᠤᠯᠵᠤ᠂ ᠮᠤᠩᠭᠤᠯ | ᠲᠡᠤᠬᠡᠴᠢᠨ ᠮᠤᠩᠭᠤᠯ᠂ ᠬᠢᠳᠠᠳ᠂ ᠲᠦᠪᠡᠳ ᠬᠡᠯᠡ ᠪᠠᠷ ᠮᠠᠰᠢ ᠤᠯᠠᠨ ᠲᠡᠤᠬᠡ ᠶᠢᠨ ᠨᠤᠮ ᠵᠤᠬᠢᠶᠠᠯ ᠪᠢᠴᠢᠵᠠᠢ᠃ ᠲᠡᠤᠬᠡᠨ ᠪᠢᠴᠢᠯᠭᠡ ᠨᠢ ᠲᠢᠭ ᠮᠠᠶ᠋ᠢᠭ᠂ ᠠᠭᠤᠯᠭᠠ | ᠪᠠ ᠬᠦᠤᠷᠨᠢᠨ ᠲᠤᠭᠠᠴᠢᠬᠤ ᠲᠠᠯᠠ ᠪᠠᠷ ᠵᠤᠬᠢᠶᠠᠭᠴᠢ ᠶᠢᠨ ᠶᠢᠷᠲᠢᠨᠴᠤ ᠶᠢᠨ ᠦᠵᠡᠯᠲᠡ ᠪᠠ ᠦᠷᠳᠡᠭ ᠤᠨ ᠦᠵᠡᠯᠲᠡ ᠶᠢ ᠢᠯᠡᠷᠡᠬᠦᠯᠦᠭᠰᠡᠨ ᠪᠠᠶᠢᠳᠠᠭ᠃ ᠲᠤᠤᠷᠠ | ᠤᠷᠠᠳ ᠨᠤᠳᠤᠭ ᠲᠤ ᠢᠯᠡᠷᠡᠭᠰᠡᠨ ᠬᠡᠳᠦᠨ ᠲᠡᠤᠬᠡ ᠪᠢᠴᠢᠯᠭᠡ ᠶᠢ ᠲᠠᠨᠢᠯᠴᠠᠭᠤᠯᠤᠶᠠ᠃ | ᠨᠢᠭᠡ᠂ ︽ᠠᠯᠳᠠᠨ ᠲᠤᠪᠴᠢ︾ 黄金史 | ᠮᠡᠷᠭᠡᠨ ᠭᠡᠭᠡᠨ ᠯᠤᠪᠰᠠᠩᠳᠠᠮᠪᠢᠵᠠᠯᠰᠠᠨ ᠤ ︽ᠠᠯᠳᠠᠨ ᠲᠤᠪᠴᠢ︾ 1765 ᠤᠨ ᠳᠤ ᠵᠤᠬᠢᠶᠠᠭᠳᠠᠵᠠᠢ᠃ ᠲᠡᠭᠡᠳᠦ ᠲᠤᠤᠷᠠᠳᠤ ᠬᠤᠶᠠᠷ ᠪᠤᠳᠢ ᠪᠠᠷ | ᠪᠦᠷᠢᠯᠳᠦᠵᠤ᠂ ᠭᠤᠴᠢᠨ ᠭᠤᠷᠪᠠᠨ ᠪᠦᠯᠦᠭ ᠪᠤᠯᠭᠠᠨ ᠪᠢᠴᠢᠭᠰᠡᠨ ᠶᠤᠮ᠃ ᠲᠡᠬᠡᠳᠦ ᠪᠤᠳᠢ ᠳᠤ ᠪᠦᠬᠦᠳᠡ ᠠᠷᠪᠠᠨ ᠲᠠᠪᠤᠨ ᠪᠦᠯᠦᠭ ᠪᠠᠭᠳᠠᠵᠤ ᠪᠤᠢ᠃ ᠡᠨᠡ ᠪᠤᠳᠢ | ᠳᠤ ᠭᠤᠤᠯᠳᠠᠭᠤ ᠶᠢᠷᠲᠢᠨᠴᠤ ᠲᠡᠯᠡᠬᠡᠢ ᠶᠢᠨ ᠪᠦᠷᠢᠯᠳᠤᠵᠤ ᠲᠤᠭᠳᠠᠨᠢᠭᠰᠠᠨ ᠵᠢᠴᠢ ᠲᠡᠬᠦᠨ ᠠᠴᠠ ᠬᠤᠶᠢᠰᠢᠬᠢ ᠦᠶᠡ ᠶᠢᠨ ᠡᠨᠡᠳᠬᠡᠭ᠂ ᠲᠦᠪᠡᠳ ᠤᠨ ᠲᠤᠬᠠᠢ | ᠦᠯᠢᠭᠡᠷ ᠲᠤᠮᠤᠭ ᠤᠳ ᠢ ᠵᠤᠬᠢᠶᠠᠨ ᠨᠠᠶᠢᠷᠠᠭᠤᠯᠵᠤ᠂ ᠲᠠᠲᠡᠨ ᠤ ᠬᠠᠭᠠᠳ ᠨᠤᠶᠠᠳ ᠤᠨ ᠤᠳᠤᠮ ᠤᠭᠰᠠᠭᠠ ᠶᠢ ᠵᠢᠭᠰᠠᠭᠠᠨ ᠲᠡᠮᠳᠡᠭᠯᠡᠵᠠᠢ᠃ ᠲᠤᠤᠷᠠᠳᠤ ᠪᠤᠳᠢ ᠳᠤ | ᠨᠡᠶᠢᠲᠡ ᠠᠷᠪᠠᠨ ᠨᠠᠢᠮᠠᠨ ᠪᠦᠯᠦᠭ ᠪᠠᠭᠳᠠᠵᠤ ᠪᠤᠢ᠃ ᠡᠬᠦᠨ ᠳᠤ ︿ᠲᠡᠭᠷᠢ ᠶᠢᠨ ᠬᠦᠪᠡᠬᠦᠨ﹀ ᠪᠦᠷᠳᠡᠴᠢᠨ᠋ᠸᠠ ᠠᠴᠠ ᠡᠬᠢᠯᠡᠨ ᠁ ᠴᠢᠩᠭᠢᠰ ᠬᠠᠭᠠᠨ ᠲᠡᠮᠦᠵᠢᠨ | ᠬᠠᠰᠠᠷ ᠪᠤᠭᠲᠠ ᠨᠠᠷ ᠤᠨ ᠤᠳᠤᠮ ᠤᠭᠰᠠᠭᠠ ᠪᠤᠯᠤᠨ ᠲᠡᠲᠡᠨ ᠤ ᠠᠮᠢᠳᠤᠷᠠᠯ ᠲᠡᠮᠡᠴᠡᠯ᠂ ᠤᠨᠴᠠᠭᠠᠶᠢᠯᠠᠨ ᠮᠤᠩᠭᠤᠯ ᠤᠨ ᠤᠯᠠᠨ ᠤᠪᠤᠭ ᠠᠶᠢᠮᠠᠭ ᠤᠳ ᠢ ᠬᠤᠷᠢᠶᠠᠨ | ᠨᠢᠭᠡᠳᠭᠡᠭᠰᠡᠨ ᠲᠡᠮᠡᠴᠡᠯ ᠤᠨ ᠶᠠᠪᠤᠴᠠ᠂ ᠮᠤᠩᠭᠤᠯ ᠤᠨ ᠶᠡᠭᠡ ᠬᠠᠭᠠᠨᠳᠤ ᠤᠯᠤᠰ ᠬᠢᠭᠡᠳ ᠬᠠᠷᠢ ᠵᠡᠷᠭᠡᠯᠡᠳᠡᠭᠡ ᠤᠯᠤᠰ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠤᠨ ᠬᠤᠭᠤᠷᠤᠨᠳᠤᠬᠢ | ᠪᠤᠯᠤᠭᠰᠠᠨ ᠤᠯᠠᠨ ᠤᠳᠠᠭᠠᠨ ᠤ ᠲᠠᠶᠢᠨ ᠲᠠᠵᠢᠨ ᠤ ᠲᠡᠤᠬᠡᠨ ᠦᠩᠭᠡᠷᠡᠯᠲᠡ ᠶᠢ ᠲᠡᠯᠭᠡᠷᠡᠩᠭᠦᠢ ᠬᠦᠤᠷᠨᠢᠵᠤ ᠲᠤᠭᠠᠴᠢᠵᠠᠢ᠃ ᠬᠤᠷᠢᠨ ᠲᠤᠯᠤᠭᠠ ᠠᠴᠠ ᠭᠤᠴᠢᠨ | ᠬᠤᠶᠠᠳᠤᠭᠠᠷ ᠬᠦᠷᠲᠡᠯᠡᠬᠢ ᠪᠦᠯᠦᠭ ᠤᠳ ᠲᠤ᠂ ᠪᠠᠳᠤᠮᠦ᠋ᠩᠬᠡ ᠲᠠᠶᠤᠨ ᠬᠠᠭᠠᠨ ᠠᠴᠠ ᠬᠤᠶᠢᠰᠢᠬᠢ ᠦᠶᠡ ᠶᠢᠨ ᠮᠤᠩᠭᠤᠯ ᠤᠨ ᠬᠠᠭᠠᠳ ᠨᠤᠶᠠᠳ ᠤᠨ ᠤᠭᠰᠠᠭᠠ | ᠵᠠᠯᠭᠠᠮᠵᠢ᠂ ᠤᠪᠤᠭ ᠨᠡᠷᠡ ᠵᠡᠷᠭᠡ ᠬᠡᠷᠬᠡᠮ ᠢ ᠨᠢᠭᠡᠳ ᠨᠢᠬᠡ ᠪᠠᠷ ᠲᠤᠳᠤᠷᠬᠠᠢ ᠲᠡᠮᠳᠡᠭᠯᠡᠵᠤ ᠪᠠᠶᠢᠬᠤ ᠪᠦᠭᠡᠳ ᠢᠯᠠᠩᠭᠤᠶᠠ ᠬᠠᠪᠤᠳᠤ ᠬᠠᠰᠠᠷ ᠤᠨ ᠬᠤᠶᠢᠴᠢ ᠦᠶᠡ | ᠶᠢᠨ ᠲᠦᠷᠦᠯ ᠤᠳᠤᠮ ᠢ ᠲᠤᠩ ᠨᠠᠷᠢᠨ ᠵᠢᠭᠰᠠᠭᠠᠭᠰᠠᠨ ᠪᠠᠶᠢᠨᠠ᠃ ᠲᠡᠬᠦᠰᠭᠡᠯ ᠤᠨ ᠪᠦᠯᠦᠭ ᠲᠤ᠂ ᠪᠦᠬᠦ ᠵᠤᠬᠢᠶᠠᠯ ᠢᠶᠠᠨ ᠬᠤᠷᠢᠶᠠᠩᠭᠤᠶᠢᠯᠠᠨ ᠳ᠋ᠦᠩᠨᠡᠵᠤ᠂ ᠬᠦᠮᠦᠨ | ᠪᠤᠯᠤᠭᠰᠠᠳ ᠤᠨ ᠠᠮᠢᠳᠤᠷᠠᠬᠤ ᠵᠦᠢ᠂ ᠶᠠᠪᠤᠬᠤ ᠶᠤᠰᠤᠨ᠂ ᠰᠠᠬᠢᠬᠤ ᠵᠡᠷᠴᠢᠮ᠂ ᠵᠢᠷᠤᠮᠯᠠᠬᠤ ᠶᠤᠰᠤᠯᠠᠯ᠂ ᠬᠦᠢᠴᠡᠳᠭᠡᠬᠦ ᠦᠢᠯᠡ᠂ ᠪᠡᠶᠡᠯᠡᠬᠦᠯᠬᠦ ᠵᠢᠷᠤᠮ ᠪᠠ | ᠬᠢᠴᠢᠶᠡᠬᠦ ᠵᠦᠢᠯ᠂ ᠴᠡᠭᠡᠷᠯᠡᠬᠦ ᠤᠴᠢᠷ ᠤᠳ ᠢ ᠦᠬᠦᠯᠠᠵᠤ ᠲᠤᠰ ᠱᠠᠰᠳᠢᠷ ᠢ ᠲᠤᠭᠤᠷᠪᠢᠵᠤ ᠪᠢᠴᠢᠭᠰᠡᠨ ᠰᠠᠨᠠᠭᠠ ᠵᠤᠷᠢᠯᠭᠠ ᠪᠠᠨ ᠲᠠᠬᠢᠨ ᠨᠢᠭᠡ ᠤᠳᠠᠭᠠ ᠲᠤᠰᠢᠶᠠᠨ | ᠲᠤᠳᠤᠷᠬᠠᠶᠢᠯᠠᠵᠠᠢ᠃ | ᠬᠤᠶᠠᠷ᠂ ︽ᠪᠤᠯᠤᠷ ᠲᠤᠯᠢ︾水晶鉴 | ᠪᠤᠯᠤᠷ ᠲᠤᠯᠢ ᠶᠢᠨ ᠵᠤᠬᠢᠶᠠᠭᠴᠢ ᠪᠣᠯ ᠤᠤᠯ ᠤᠨ ᠤᠯᠠᠭᠠᠨᠴᠠᠪ ᠴᠢᠭᠤᠯᠭᠠᠨ ᠤ ᠤᠷᠠᠳ ᠤᠨ ᠲᠤᠮᠳᠠᠳᠤ ᠬᠦᠩ ᠤᠨ ᠬᠤᠰᠢᠭᠤᠨ ᠤ ᠲᠤᠶᠢᠯ ᠢ | ᠬᠠᠮᠠᠭᠠᠯᠠᠭᠴᠢ ᠰᠦᠮᠡ ︵ᠴᠠᠭᠠᠨ ᠭᠤᠤᠯ ᠤᠨ ᠰᠦᠮᠡ︶ ᠶᠢᠨ ᠲᠡᠷᠢᠬᠦᠨ ᠪᠯᠠᠮᠠ᠂ ᠷᠠᠪᠵᠠᠮᠪᠠ ᠬᠡᠯᠦᠩ ᠴᠤᠯᠠ ᠲᠠᠢ ᠵᠢᠮᠪᠠᠳᠤᠷᠵᠢ ᠪᠤᠯᠤᠨᠠ᠃ ᠲᠦᠷᠦ ᠭᠡᠷᠡᠯᠳᠦ ᠶᠢᠨ | ᠬᠤᠷᠢᠨ ᠵᠢᠷᠭᠤᠳᠤᠭᠠᠷ ᠤᠨ ︵ᠤᠯᠠᠭᠠᠨ ᠮᠤᠷᠢᠨ ᠵᠢᠯ︶ 1846 ᠤᠨ ᠤ ᠬᠠᠭᠤᠴᠢᠨ ᠤᠯᠠᠷᠢᠯ ᠤᠨ ᠴᠠᠭᠠᠨ ᠰᠠᠷᠠ ᠠᠴᠠ ᠡᠬᠢᠯᠡᠨ ᠪᠢᠴᠢᠭᠡᠳ᠂ ᠲᠦᠷᠦ ᠭᠡᠷᠡᠯᠳᠦ | ᠶᠢᠨ ᠬᠤᠷᠢᠨ ᠶᠢᠰᠦᠳᠦᠭᠡᠷ ᠤᠨ ︵ᠰᠢᠷᠠᠭᠴᠢᠨ ᠲᠠᠬᠢᠶᠠ ᠵᠢᠯ︶ 1849 ᠤᠨ ᠳᠤ ᠪᠢᠴᠢᠵᠤ ᠲᠠᠭᠤᠰᠬᠠᠭᠰᠠᠨ ᠪᠠᠶᠢᠨᠠ᠃ ᠲᠦᠷᠦ ᠭᠡᠷᠡᠯᠳᠦ ᠶᠢᠨ ᠬᠤᠷᠢᠨ | ᠶᠢᠰᠦᠳᠦᠭᠡᠷ ᠤᠨ ︵1849︶ ᠳᠤ ᠬᠡᠪᠯᠡᠬᠦᠯᠦᠭᠰᠡᠨ ᠭᠠᠷ ᠪᠢᠴᠢᠮᠡᠯ᠂ ᠲᠦᠷᠪᠡᠨ ᠪᠦᠯᠦᠭ᠂ ᠨᠠᠢᠮᠠᠨ ᠲᠠᠪᠲᠡᠷ ︵28x40︶ ᠨᠡᠶᠢᠲᠡ 586 ᠬᠠᠭᠤᠳᠠᠰᠤ᠃ | ︽ᠪᠤᠯᠤᠷ ᠲᠤᠯᠢ︾ ᠶᠢᠨ ᠪᠦᠬᠦᠶᠢᠯᠡ ᠠᠭᠤᠯᠭᠠ ᠶᠢ ᠭᠤᠷᠪᠠᠨ ᠵᠦᠢᠯ ᠳᠤ ᠬᠤᠪᠢᠶᠠᠨ ᠦᠵᠡᠵᠤ ᠪᠤᠯᠤᠨᠠ᠃ | ᠨᠢᠭᠡ ᠳᠤ᠂ ᠲᠦᠷᠪᠡᠨ ᠵᠦᠢᠯ ᠭᠠᠯᠠᠪ ᠤᠨ ᠤᠷᠤᠰᠢᠬᠤ᠂ ᠡᠪᠲᠡᠷᠡᠬᠦ᠂ ᠬᠤᠭᠤᠰᠤᠷᠠᠬᠤ᠂ ᠲᠤᠭᠲᠠᠬᠤ ᠶᠢᠨ ᠶᠤᠰᠦ︔ ᠰᠦᠮᠪᠤᠷ ᠠᠭᠤᠯᠠ ᠪᠠ ᠲᠦᠷᠪᠡᠨ | ᠲᠢᠪ ᠤᠨ ᠲᠦᠷᠰᠦ ᠪᠠᠶᠢᠳᠠᠯ᠂ ᠬᠡᠮᠵᠢᠶᠡ᠂ ᠲᠡᠭᠷᠢ ᠶᠢᠨ ᠤᠷᠤᠨ ᠤ ᠪᠠᠶᠢᠳᠠᠯ᠂ ᠲᠠᠮᠤ ᠠᠴᠠ ᠢᠨᠠᠭᠰᠢ ᠬᠦᠮᠦᠨ ᠲᠡᠷᠢᠬᠦᠳᠡᠨ ᠤ ᠤᠷᠤᠨ ᠡᠬᠢᠯᠡᠨ ᠲᠤᠭᠲᠠᠭᠰᠠᠨ ᠠᠴᠠ | ᠡᠬᠢᠯᠡᠭᠡᠳ᠂ ᠪᠤᠷᠬᠠᠨ ᠱᠠᠬᠢᠮᠤᠨᠢ ᠠᠴᠠ ᠬᠤᠶᠢᠰᠢ ᠱᠠᠵᠢᠨ ᠢ ᠡᠵᠡᠯᠡᠨ ᠠᠪᠤᠭᠰᠠᠨ ᠲᠤᠯᠤᠭᠠᠨ ᠬᠤᠳᠤᠭᠲᠠᠨ ᠤ ᠨᠠᠮᠳᠠᠷ᠂ ᠲᠠᠷᠠᠭᠠᠯᠠᠨ ᠱᠠᠰᠢᠨ ᠢ ᠪᠠᠷᠢᠭᠴᠢ ᠡᠨᠡᠳᠭᠡᠭ | ᠤᠨ ᠬᠠᠳ ᠤᠨ ᠲᠤᠮᠤᠭ᠂ ᠽᠠᠨᠪᠤᠳᠢᠪ ᠤᠨ ᠬᠤᠶᠠᠷ ᠲᠡᠭᠡᠳᠦ᠂ ᠵᠢᠷᠭᠤᠭᠠᠨ ᠴᠢᠮᠡᠭ ᠪᠠ ᠨᠠᠶᠠᠨ ᠨᠢᠭᠡᠨ ᠰᠢᠳᠢ ᠲᠠᠨ ᠤ ᠨᠠᠮᠳᠠᠷ ᠤᠨ ᠤᠯᠠᠩᠬᠢ ᠶᠢ ᠪᠢᠴᠢᠭᠰᠡᠨ ᠪᠠᠶᠢᠨᠠ | ᠃ | ᠬᠤᠶᠠᠷ ᠲᠤ᠂ ᠬᠢᠳᠠᠳ ᠲᠦᠪᠡᠳ ᠤᠷᠤᠨ ᠤ ᠭᠠᠵᠠᠷ ᠤᠷᠤᠨ ᠤ ᠪᠠᠶᠢᠳᠠᠯ᠂ ᠤᠯᠤᠰ ᠲᠦᠷᠦ ᠶᠢᠨ ᠪᠠᠶᠢᠳᠠᠯ᠂ ᠲᠡᠷᠢᠬᠦᠯᠦᠭᠰᠡᠨ ᠬᠠᠭᠠᠨ ᠤ ᠤᠳᠤᠮ ᠦᠶᠡ | ᠤᠯᠠᠷᠢᠯ᠂ ᠱᠠᠰᠢᠨ ᠨᠤᠮ ᠲᠡᠯᠭᠡᠷᠡᠭᠰᠡᠨ ᠶᠤᠰᠤ᠂ ᠢᠯᠠᠩᠭᠤᠶᠠ ᠵᠤᠤ ᠶᠢᠨ ᠤᠷᠤᠨ ᠢ ᠪᠠᠶᠢᠭᠤᠯᠤᠨ ᠪᠦᠳᠦᠭᠡᠭᠰᠡᠨ ᠶᠤᠰᠤ᠂ ᠬᠤᠶᠢᠨᠠ ᠪᠤᠶᠠᠨᠳᠤ ᠬᠠᠳ ᠨᠠᠷ ᠤᠨ | ᠱᠠᠰᠢᠨ ᠠᠮᠢᠲᠠᠨ ᠢ ᠲᠤᠰᠠᠯᠠᠭᠰᠠᠨ᠂ ᠬᠢᠯᠢᠨᠴᠡ ᠬᠠᠳ ᠨᠠᠷ ᠤᠨ ᠱᠠᠰᠢᠨ ᠠᠮᠢᠲᠠᠨ ᠢ ᠬᠤᠤᠷᠯᠠᠭᠰᠠᠨ ᠲᠤᠮᠤᠭ᠂ ᠱᠠᠰᠢᠨ ᠤ ᠡᠵᠡᠨ ᠪᠯᠠᠮᠠ ᠨᠠᠷ ᠤᠨ ᠨᠠᠮᠳᠠᠷ᠂ ᠬᠠᠮᠪᠤ | ᠪᠤᠳᠢᠰᠠᠳ᠋ᠸᠠ ᠠᠴᠠ ᠡᠬᠢᠯᠡᠨ ᠪᠠᠳᠮᠠᠰᠠᠩᠪᠤᠸᠠ᠂ ᠵᠤᠤ ᠠᠳᠢᠱᠠ᠂ ᠽᠤᠩᠺᠡᠪᠡ ᠲᠡᠷᠢᠬᠦᠲᠡᠨ ᠤ ᠱᠠᠰᠢᠨ ᠲᠡᠯᠭᠡᠷᠡᠬᠦᠯᠦᠭᠰᠡᠨ ᠶᠤᠰᠤ ᠵᠢᠴᠢ ᠽᠤᠩᠺᠡᠪᠡ ᠶᠢᠨ ᠱᠠᠪᠢᠨᠠᠷ | ᠠᠨᠤ ᠰᠢᠷᠠ ᠶᠢᠨ ᠱᠠᠰᠢᠨ ᠢ ᠲᠡᠯᠭᠡᠷᠡᠬᠦᠯᠦᠭᠰᠡᠨ ᠶᠤᠰᠤ ᠶᠢ ᠪᠢᠴᠢᠪᠡ᠃ | ᠭᠤᠷᠪᠠ ᠲᠤ᠂ ᠮᠤᠩᠭᠤᠯ ᠤᠷᠤᠨ ᠤ ᠭᠠᠵᠠᠷ ᠤᠷᠤᠨ᠂ ᠤᠯᠤᠰ ᠲᠦᠷᠦ ᠶᠢᠨ ᠪᠠᠶᠢᠳᠠᠯ᠂ ᠬᠠᠭᠠᠨ ᠤ ᠤᠭ ᠤᠳᠤᠮ ᠵᠢᠴᠢ ᠦᠶᠡ ᠤᠯᠠᠷᠢᠯ᠂ ᠮᠤᠩᠭᠤᠯ | ᠤᠷᠤᠨᠠ ᠱᠠᠰᠢᠨ ᠲᠡᠯᠭᠡᠷᠡᠭᠰᠡᠨ ᠲᠡᠤᠬᠡ᠂ ᠮᠠᠨᠵᠤ ᠶᠢᠨ ᠨᠤᠷᠬᠠᠴᠢ ᠠᠴᠠ ᠠᠪᠤᠭᠠᠳ ᠲᠦᠷᠦ ᠭᠡᠷᠡᠯᠳᠤ ᠪᠤᠯᠳᠠᠯᠠᠬᠢ ᠮᠠᠨᠵᠤ ᠶᠢᠨ ᠬᠠᠳ ᠮᠤᠩᠭᠤᠯ ᠳᠤ | ᠬᠡᠷᠡᠭᠵᠢᠬᠦᠯᠦᠭᠰᠡᠨ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠢ ᠪᠢᠴᠢᠭᠰᠡᠨ ᠪᠠᠶᠢᠨᠠ᠃ | ᠲᠤᠰ ᠪᠢᠴᠢᠭ ᠪᠣᠯ ᠮᠤᠩᠭᠤᠯ ᠲᠡᠤᠬᠡ ᠶᠢᠨ ᠲᠤᠯᠭᠤᠷ ᠪᠢᠴᠢᠭ ᠤᠨ ᠨᠢᠭᠡ ᠪᠤᠯᠤᠨᠠ᠃ ᠬᠤᠷᠢᠳᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠠᠴᠠ ᠭᠠᠳᠠᠭᠠᠳᠤ ᠶᠢᠨ ᠡᠷᠳᠡᠮᠲᠡᠨ | ᠨᠠᠷ ᠤᠨ ᠠᠩᠬᠠᠷᠤᠯ ᠢ ᠲᠠᠳᠠᠳᠠᠭ ᠪᠤᠯᠵᠠᠢ᠃ ᠭᠧᠷᠮᠠᠨ ᠤ ᠠᠯᠳᠠᠷᠳᠤ ᠮᠤᠩᠭᠤᠯᠴᠢ ᠡᠷᠳᠡᠮᠳᠡᠨ ᠸ᠊ ᠾᠸᠶᠢᠰᠢᠭ ︽ᠪᠤᠯᠤᠷ ᠲᠤᠯᠢ︾ ᠶᠢᠨ ᠮᠤᠩᠭᠤᠯ ᠲᠡᠤᠬᠡ ᠶᠢᠨ ᠬᠡᠰᠡᠭ | ᠢ ᠨᠡᠶᠢᠲᠡᠯᠡᠪᠡ᠃ ᠵᠦᠪᠯᠡᠯᠳᠦ ᠶᠢᠨ ᠡᠷᠳᠡᠮᠳᠡᠨ ᠺᠷᠤᠯᠢ ᠮᠥᠨ ᠮᠤᠩᠭᠤᠯ ᠲᠡᠤᠬᠡ ᠶᠢᠨ ᠬᠡᠰᠡᠭ ᠢ ᠨᠢ ᠤᠷᠤᠰ ᠬᠡᠯᠡ ᠲᠡᠭᠡᠷᠡ ᠤᠷᠴᠢᠭᠤᠯᠵᠤ ᠨᠡᠶᠢᠲᠠᠯᠠᠪᠠ᠃ | ᠦᠪᠦᠷ ᠮᠤᠩᠭᠤᠯ ᠤᠨ ᠨᠡᠶᠢᠬᠡᠮ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠬᠦᠷᠢᠶᠡᠯᠡᠩ ᠤᠨ ᠨᠤᠮ ᠤᠨ ᠰᠠᠩ ᠳᠤ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠶᠢᠭᠠ ᠠᠳᠠᠯᠢ ᠪᠤᠰᠤ ᠭᠤᠷᠪᠠᠨ | ᠶᠠᠩᠵᠤ ᠶᠢᠨ ᠭᠠᠷ ᠪᠢᠴᠢᠮᠡᠯ ︽ᠪᠤᠯᠤᠷ ᠲᠤᠯᠢ︾ ᠶᠢ ᠯᠢᠦ ᠶᠢᠨ ᠰᠥᠸᠧ ᠬᠢᠨᠠᠵᠤ ᠲᠠᠶᠢᠯᠪᠤᠷᠢᠯᠠᠭᠠᠳ 1984 ᠤᠨ ᠤ 5 ᠰᠠᠷᠠ ᠳᠤ ᠦᠨᠳᠦᠰᠦᠲᠡᠨ ᠤ ᠬᠡᠪᠯᠡᠯ | ᠤᠨ ᠬᠤᠷᠢᠶᠠ ᠠᠴᠠ ︽ᠮᠤᠩᠭᠤᠯ ᠲᠤᠯᠭᠤᠷ ᠪᠢᠴᠢᠭ ᠤᠨ ᠴᠤᠪᠤᠷᠠᠯ︾ ᠢᠶᠠᠷ ᠬᠡᠪᠯᠡᠪᠡ᠃ | ᠭᠤᠷᠪᠠ᠂ ︽ᠰᠦᠮᠡ ᠬᠡᠶᠢᠳ ᠤᠨ ᠲᠡᠤᠬᠡ︾ | ᠤᠷᠠᠳ ᠤᠨ ᠡᠯᠡ ᠰᠦᠮᠡ ᠬᠡᠶᠢᠳ ᠲᠤ ᠪᠦᠷ ᠰᠦᠮᠡ ᠬᠡᠶᠢᠳ ᠤᠨ ᠬᠦᠭᠵᠢᠯᠲᠡ ᠶᠢᠨ ᠲᠡᠮᠳᠡᠭᠯᠡᠯ ᠪᠠ ᠲᠠᠩᠰᠠ ᠬᠠᠷᠠ ᠶᠢᠨ ᠪᠢᠴᠢᠭ ᠲᠠᠢ ᠪᠠᠶᠢᠵᠠᠢ᠃ | ᠵᠢᠱᠢᠶᠡᠯᠡᠪᠡᠯ᠄ ︽ᠱᠠᠰᠢᠨ ᠢ ᠪᠠᠳᠠᠷᠠᠭᠤᠯᠤᠭᠴᠢ ᠰᠦᠮᠡ ᠶᠢᠨ ᠲᠤᠬᠠᠢ ᠤᠴᠢᠷ ᠪᠠ ᠪᠠᠶᠠᠰᠬᠤᠯᠠᠩ ᠢ ᠬᠤᠷᠢᠶᠠᠭᠴᠢ ᠰᠦᠮᠡ ᠶᠢᠨ ᠤᠭ ᠡᠬᠢ ᠶᠢᠨ ᠲᠡᠤᠬᠡ︾ ︵ | ᠮᠡᠷᠭᠡᠨ ᠰᠦᠮᠡ ᠪᠠ ᠬᠦᠩ ᠤᠨ ᠰᠦᠮᠡ ᠶᠢᠨ ᠲᠡᠤᠬᠡ︶ ᠪᠡᠭᠡᠵᠢᠩ ᠤᠨ ᠨᠤᠮ ᠤᠨ ᠰᠠᠩ ᠳᠤ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠶᠢᠨᠠ᠃ ᠲᠤᠰ ᠪᠢᠴᠢᠭ ᠲᠤ | ︽ᠱᠠᠰᠢᠨ ᠤ ᠪᠠᠳᠠᠷᠠᠭᠤᠯᠤᠭᠴᠢ ᠰᠦᠮᠡ︾ ᠶᠢᠨ ᠨᠢᠭᠡᠳᠦᠭᠡᠷ ᠲᠦᠷᠢ ᠮᠡᠷᠭᠡᠨ ᠭᠡᠭᠡᠨ᠂ ᠬᠤᠶᠠᠳᠤᠭᠠᠷ ᠲᠦᠷᠢ ᠳ᠋ᠠᠨᠵᠠᠨᠵᠠᠮᠰᠤ ᠂ ᠭᠤᠷᠪᠠᠳᠤᠭᠠᠷ ᠲᠦᠷᠢ | ᠯᠤᠪᠰᠠᠩᠳᠠᠮᠪᠢᠵᠠᠯᠰᠠᠨ ᠂ ᠲᠠᠪᠤᠳᠤᠭᠠᠷ ᠲᠦᠷᠢ ᠢᠰᠢᠴᠤᠶᠢᠮᠪᠠᠯ ᠂ ︿ᠪᠠᠶᠠᠰᠬᠤᠯᠠᠩ ᠢ ᠬᠤᠷᠢᠶᠠᠭᠴᠢ ᠰᠦᠮᠡ﹀ ᠶᠢᠨ ᠨᠢᠭᠡᠳᠦᠭᠡᠷ ᠲᠦᠷᠢ ᠦᠭᠯᠢᠬᠦᠨᠳᠠᠯᠠᠢ᠂ | ᠬᠤᠶᠠᠳᠤᠭᠠᠷ ᠲᠦᠷᠢ ᠯᠤᠺᠠᠰᠤᠨᠵᠠᠮᠰᠤ᠂ ᠭᠤᠳᠠᠭᠠᠷ ᠲᠦᠷᠢ ᠠᠭᠸᠠᠩᠷᠠᠰᠢᠳᠤᠩᠭᠤᠷᠪ᠂ ᠲᠦᠷᠪᠡᠳᠦᠭᠡᠷ ᠲᠦᠷᠢ ᠯᠤᠪᠰᠠᠩᠵᠠᠯᠰᠠᠨ ᠮᠡᠳᠦ ᠶᠢᠨ ᠦᠶᠡ ᠤᠯᠠᠷᠢᠭᠰᠠᠨ | ᠪᠯᠠᠮᠠ ᠪᠠ ᠬᠡᠷᠡᠭ ᠢ ᠲᠡᠮᠳᠡᠭᠯᠡᠪᠡ᠃ ᠡᠨᠡ ᠨᠢ ︽ᠮᠡᠷᠭᠡᠨ ᠬᠡᠶᠢᠳ ᠤᠨ ᠤᠭ ᠲᠡᠤᠬᠡ ᠤᠷᠤᠰᠢᠪᠠᠢ︾ ᠬᠡᠬᠦ ᠱᠠᠰᠳᠢᠷ ᠪᠢᠴᠢᠭ ᠲᠠᠢ ᠡᠬᠢ ᠨᠢᠭᠡᠳᠡᠢ ᠪᠠᠶᠢᠵᠤ ᠮᠡᠳᠡᠨᠡ᠃ | ᠬᠡᠷᠪᠡ ᠡᠬᠢ ᠨᠢᠭᠡᠲᠠᠢ ᠪᠠᠶᠢᠬᠤ ᠳᠤ ᠬᠦᠷᠪᠡᠯ ᠵᠤᠬᠢᠶᠠᠭᠴᠢ ᠨᠢ ᠤᠤᠯ ᠤᠨ ᠤᠯᠠᠭᠠᠨᠴᠠᠪ ᠤᠨ ᠴᠢᠭᠤᠯᠭᠠᠨ ᠤ ᠤᠷᠠᠳ ᠤᠨ ᠪᠠᠷᠠᠭᠤᠨ ᠬᠦᠩ ᠤᠨ ᠬᠤᠰᠢᠭᠤᠨ ᠤ | ᠠᠷᠪᠠᠨ ᠲᠦᠷᠪᠡᠳᠦᠭᠡᠷ ᠦᠶᠡ ᠶᠢᠨ ᠵᠠᠰᠠᠭ᠂ ᠤᠯᠤᠰ ᠤᠨ ᠲᠦᠰᠢᠶᠡ ᠬᠦᠩ ᠠᠭᠰᠠᠨ ᠭᠠᠯᠳᠠᠨᠸᠠᠩᠴᠤᠭᠳᠤᠷᠵᠢ ᠪᠤᠯᠤᠨᠠ ᠃ ᠵᠤᠬᠢᠶᠠᠭᠳᠠᠭᠰᠠᠨ ᠴᠠᠭ ᠨᠢ | 1846 ᠤᠨ ᠪᠤᠯᠤᠨᠠ ᠃ ᠡᠬᠦᠨ ᠠᠴᠠ ᠭᠠᠳᠠᠨᠠ ︽ᠱᠠᠩᠳᠠ ᠶᠢᠨ ᠰᠦᠮᠡ ᠶᠢᠨ ᠬᠤᠶᠠᠷ ᠤᠯᠠᠭᠠᠨ ᠲᠡᠪᠲᠡᠷ ︾ ᠂ ︽ᠰᠢᠷᠡᠭᠡᠳᠦ ᠰᠦᠮᠡ ᠶᠢᠨ | ᠲᠡᠤᠬᠡ︾ ᠂ ︽ᠲᠠᠪᠰᠠᠩ ᠤᠨ ᠰᠦᠮᠡ ᠶᠢᠨ ᠲᠤᠪᠴᠢ ᠲᠡᠤᠬᠡ︾ ᠵᠡᠷᠭᠡ ᠪᠤᠢ᠃ ᠡᠯᠡ ᠰᠦᠮᠡ ᠬᠡᠶᠢᠳ ᠤᠨ ᠲᠡᠤᠬᠡ ᠱᠠᠰᠳᠢᠷ ᠨᠢ ︽ᠰᠤᠶᠤᠯ ᠤᠨ ᠶᠡᠭᠡ | ᠬᠤᠪᠢᠰᠬᠠᠯ︾ ᠤᠨ ᠦᠢᠮᠡᠭᠡᠨ ᠤ ᠲᠤᠮᠲᠠ ᠰᠦᠢᠳᠴᠠᠢ᠃ | ᠲᠦᠷᠪᠡ᠂ ︽ᠨᠠᠮᠲᠠᠷ ᠵᠤᠬᠢᠶᠠᠯ︾ | ᠤᠷᠠᠳ ᠬᠦᠤᠰᠢ ᠪᠢᠯᠢᠬᠦᠨᠳᠠᠯᠠᠢ 1739 ᠤᠨ ᠳᠤ ︽ᠪᠤᠭᠲᠠ ᠨᠠᠶᠢᠵᠢ ᠲᠤᠶᠢᠨ ᠬᠤᠳᠤᠭᠳᠤ ᠳ᠋ᠠᠯᠠᠢ ᠮᠠᠨᠽᠤᠰᠢᠷᠢ ᠶᠢᠨ ᠳ᠋ᠤᠮᠤᠭ ᠲᠤᠳᠤᠷᠬᠠᠶᠢᠶᠠ | ᠬᠡᠶᠢᠬᠦᠯᠦᠭᠴᠢ ᠴᠢᠨᠳᠠᠮᠤᠨᠢ ᠡᠷᠢᠬᠡ ᠤᠷᠤᠰᠢᠪᠠᠢ︾ ᠬᠡᠮᠡᠬᠦ ᠠᠩᠬᠠᠳᠤᠭᠠᠷ ᠲᠦᠷᠢ ᠶᠢᠨ ᠨᠠᠶᠢᠵᠢ ᠲᠤᠶᠢᠨ ᠬᠤᠳᠤᠭᠳᠤ ᠶᠢᠨ ᠨᠠᠮᠳᠠᠷ ᠢ ᠲᠡᠮᠳᠡᠭᠯᠡᠪᠡ᠃ ᠵᠤᠬᠢᠶᠠᠭᠴᠢ ᠪᠠᠷ | ᠮᠤᠩᠭᠤᠯ᠂ ᠲᠦᠪᠡᠳ ᠤᠨ ᠲᠡᠤᠬᠡ ᠪᠢᠴᠢᠯᠭᠡ ᠶᠢᠨ ᠨᠡᠶᠢᠳᠡᠯᠢᠭ ᠬᠡᠯᠪᠡᠷᠢ᠂ ᠮᠤᠩᠭᠤᠯ ᠪᠠᠭᠠᠳᠤᠷᠯᠢᠭ ᠲᠤᠤᠯᠢ ᠶᠢᠨ ᠪᠢᠴᠢᠯᠭᠡ ᠶᠢᠨ ᠠᠷᠭᠠ ᠶᠢ ᠬᠡᠷᠡᠭᠯᠡᠨ᠂ ᠲᠡᠤᠬᠡ | ᠶᠢᠨ ᠦᠨᠡᠨ ᠢᠶᠠᠷ ᠪᠠᠷᠢᠮᠲᠠ ᠪᠤᠯᠭᠠᠨ ᠲᠤᠭᠠᠴᠢᠵᠤ᠂ ᠦᠢᠯᠡ ᠶᠠᠪᠤᠳᠠᠯ ᠢ ᠨᠢ ᠲᠤᠮᠤᠭᠴᠢᠯᠠᠨ ᠲᠦᠷᠰᠦᠯᠡᠵᠤ ᠪᠢᠴᠢᠵᠠᠢ᠃ ᠢᠩᠬᠢᠬᠦᠯᠡᠷ ᠡᠨᠡ ᠨᠢ ᠪᠤᠷᠬᠠᠨ ᠤ ᠱᠠᠰᠢᠨ | ᠤ ᠲᠡᠤᠬᠡ ᠶᠢ ᠰᠤᠳᠤᠯᠬᠤ ᠳᠤ ᠠᠰᠢᠭᠯᠠᠵᠤ ᠪᠤᠯᠬᠤ ᠨᠠᠮᠳᠠᠷ ᠤᠨ ᠵᠤᠬᠢᠶᠠᠯ ᠪᠤᠯᠤᠨᠠ᠃ | ᠡᠬᠦᠨ ᠠᠴᠠ ᠭᠠᠳᠠᠨᠠ᠂ ᠠᠯᠳᠠᠷᠳᠤ ᠬᠦᠤᠰᠢ ᠳ᠋ᡁᠷᠮᠠ ᠰᠠᠮᠤᠳᠠᠷᠠ — ᠨᠤᠮᠤᠨᠳᠠᠯᠠᠢ 1756 ᠤᠨ ᠳᠤ ︽ᠲᠡᠭᠡᠳᠦ ᠲᠦᠷᠤᠯᠬᠢᠳᠤ ᠪᠤᠭᠳᠠ ᠭᠰᠠᠨ ᠪᠢᠤ ᠲᠤᠶᠢᠨ | ᠬᠤᠳᠤᠭᠳᠤ ᠸᠠᠬᠢᠰᠤᠸᠠᠷᠠ ᠰᠤᠮᠠᠲᠢ ᠱᠠ᠋ ᠨᠠ᠋ ᠡ ᠳ᠋ᡁᠤᠸᠠᠽᠢ ᠰᠠᠶᠢᠨ ᠴᠤᠭᠳᠤ ᠶᠢᠨ ᠲᠤᠯᠤᠭᠠᠢ ᠡᠷᠳᠡᠨᠢ ᠲᠡᠬᠦᠰᠦᠭᠰᠡᠨ ᠰᠦᠰᠦᠭ ᠤᠨ ᠵᠤᠯᠠ ᠭᠡᠮᠡᠭᠳᠡᠬᠦ ᠤᠷᠤᠰᠢᠪᠠᠢ︾ | ᠬᠡᠮᠡᠬᠦ ᠬᠡᠳᠦᠨ ᠲᠦᠮᠡᠨ ᠦᠰᠦᠭ ᠲᠠᠢ ᠨᠠᠶᠢᠵᠢ ᠲᠤᠶᠢᠨ ᠬᠤᠳᠤᠭᠳᠤ ᠶᠢᠨ ᠬᠤᠶᠠᠳᠤᠭᠠᠷ ᠲᠦᠷᠢ ᠶᠢᠨ ᠲᠡᠤᠬᠡ ᠨᠠᠮᠳᠠᠷ ᠢ ᠪᠢᠴᠢᠵᠠᠢ᠃ ᠲᠤᠰ ᠪᠢᠴᠢᠭ ᠱᠠᠰᠳᠢᠷ ᠨᠢ | ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠲᠡᠤᠬᠡ᠂ ᠪᠤᠷᠬᠠᠨ ᠱᠠᠰᠢᠨ ᠲᠡᠯᠭᠡᠷᠡᠭᠰᠡᠨ ᠲᠡᠤᠬᠡ ᠵᠡᠷᠭᠡ ᠶᠢ ᠰᠤᠳᠤᠯᠠᠬᠤ ᠳᠤ ᠲᠤᠩ ᠶᠡᠭᠡ ᠦᠨᠡ ᠦᠷᠳᠡᠭ ᠲᠠᠢ ᠨᠤᠮ ᠪᠤᠯᠬᠤ ᠪᠠᠷ | ᠪᠠᠷᠠᠬᠤ ᠦᠭᠡᠢ᠂ ᠤᠷᠠᠨ ᠵᠤᠬᠢᠶᠠᠯ᠂ ᠬᠡᠯᠡ ᠰᠢᠨᠵᠢᠯᠡᠯ ᠪᠠ ᠭᠤᠸᠠ ᠰᠠᠶᠢᠬᠠᠨ ᠤ ᠲᠠᠯᠠ ᠪᠠᠷ ᠴᠦ ᠰᠤᠨᠢᠷᠬᠠᠵᠤ ᠰᠤᠳᠤᠯᠤᠭᠤᠰᠢᠲᠠᠢ ᠴᠢᠬᠤᠯᠠ ᠨᠢᠭᠡᠨ ᠲᠤᠷᠠᠰᠬᠠᠯᠳᠤ | ᠪᠢᠴᠢᠭ ᠪᠤᠯᠤᠨᠠ᠃ | ︽ ᠤᠷᠠᠳ ᠲᠡᠤᠭᠡ ᠰᠤᠶᠤᠯ︾ ︵ ᠲᠡᠭᠡᠳᠤ ᠲᠡᠪᠳᠡᠷ︶ ᠠᠴᠠ ᠪᠠᠭᠤᠯᠭᠠᠪᠠ |