| | | ᠮᠢᠩᠭᠠ ᠬᠤᠶᠠᠷ ᠵᠠᠭᠤᠨ ᠵᠢᠷᠭᠤᠭᠠᠨ ᠤᠨ ᠳᠤ ᠴᠢᠩᠬᠢᠰ ᠬᠠᠭᠠᠨ ᠮᠤᠩᠭᠤᠯ ᠤᠨ ᠠᠶᠢᠮᠠᠭ ᠤᠳ ᠤᠨ ᠤᠷᠳᠤ ᠤᠳᠠᠭᠠᠨ ᠬᠤᠭᠤᠴᠠᠭᠠᠨ ᠤ ᠪᠤᠲᠠᠷᠬᠠᠢ | ᠪᠠᠶᠢᠳᠠᠯ ᠢ ᠡᠴᠤᠰᠯᠡᠬᠦᠯᠵᠤ᠂ ᠮᠤᠩᠭᠤᠯ ᠤᠨ ᠡᠯᠡ ᠠᠶᠢᠮᠠᠭ ᠢ ᠨᠢᠭᠡᠳᠭᠡᠭᠡᠳ ᠶᠡᠭᠡ ᠮᠤᠩᠭᠤᠯ ᠤᠯᠤᠰ ᠢ ᠪᠠᠶᠢᠭᠤᠯᠪᠠ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠮᠤᠩᠭᠤᠯ ᠠᠶᠢᠮᠠᠭ | ᠤᠳ ᠤᠨ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠪᠤᠯᠤᠨ ᠤᠷᠤᠨ ᠨᠤᠳᠤᠭ ᠢᠶᠠᠨ ᠪᠠᠳᠤᠯᠠᠨ ᠬᠠᠮᠠᠭᠠᠯᠠᠬᠤ ᠪᠠᠭᠠᠵᠢ ᠭᠡᠷᠡᠭᠰᠡᠯ᠂ ᠵᠠᠷ ᠵᠡᠪᠰᠡᠭ ᠤᠷᠠᠯᠠᠵᠤ ᠦᠢᠯᠡᠳᠬᠦ ᠨᠢ | ᠡᠷᠡᠴᠤᠳ ᠤᠨ ᠬᠦᠢᠴᠡᠳᠭᠡᠬᠦ ᠡᠬᠦᠷᠭᠡ ᠪᠠᠶᠢᠵᠠᠢ᠃ ᠴᠢᠩᠭᠢᠰ ᠬᠠᠭᠠᠨ ᠮᠤᠩᠭᠤᠯ ᠤᠨ ᠠᠶᠢᠮᠠᠭ ᠤᠳ ᠢ ᠨᠢᠭᠡᠳᠭᠡᠭᠰᠡᠨ ᠤ ᠲᠠᠷᠠᠭᠠ᠂ ᠮᠤᠩᠭᠤᠯ ᠤᠨ ᠨᠡᠶᠢᠬᠡᠮ ᠤᠨ | ᠬᠦᠭᠵᠢᠯᠲᠡ ᠶᠢᠨ ᠱᠠᠭᠠᠷᠳᠠᠯᠭᠠ ᠪᠠ ᠠᠵᠢᠯ ᠲᠦᠷᠦᠯ ᠤᠨ ᠬᠤᠪᠢᠶᠠᠷᠢᠯᠠᠯᠲᠠ ᠶᠢᠨ ᠨᠢᠭᠲᠠ ᠪᠤᠯᠬᠤ ᠶᠢ ᠲᠠᠭᠠᠯᠳᠤᠵᠤ᠂ ᠭᠡᠷ ᠲᠡᠷᠭᠡ᠂ ᠪᠠᠭᠠᠵᠢ ᠬᠡᠷᠡᠭᠰᠡᠯ᠂ ᠵᠠᠷ | ᠵᠡᠪᠰᠡᠭ ᠦᠢᠯᠡᠳᠪᠦᠷᠢᠯᠡᠬᠦ ᠲᠤᠬᠠᠢ ᠤᠷᠠᠨ ᠲᠠᠷᠬᠠᠨᠴᠤᠳ ᠤᠨ ᠡᠩᠨᠡᠭᠡ ᠶᠢ ᠪᠦᠷᠢᠯᠳᠦᠬᠦᠯᠵᠦ᠂ ᠬᠡᠷᠡᠭᠰᠡᠯ ᠤᠨ ᠮᠤᠳᠤ ᠪᠠᠶᠠᠯᠢᠭ ᠵᠢᠭᠠᠰᠤᠨ ᠴᠠᠪᠠᠤ ᠶᠢᠨ ᠭᠠᠷᠤᠯᠲᠠ | ᠡᠯᠪᠡᠭ ᠬᠦᠯᠦᠨ ᠨᠠᠭᠤᠷ ᠪᠤᠶᠢᠷ ᠨᠠᠭᠤᠷ ᠲᠠᠭᠠᠤ ᠨᠤᠳᠤᠭ ᠲᠤ ᠨᠢᠬᠡᠨ ᠤᠷᠠᠨ ᠲᠠᠷᠬᠠᠨᠴᠤᠳ ᠤᠨ ᠠᠶᠢᠮᠠᠭ ᠨᠤᠳᠤᠭᠯᠠᠨ ᠰᠠᠭᠤᠷᠢᠰᠢᠵᠤ ᠬᠤᠯᠠ ᠤᠶᠢᠷᠠ ᠳᠤ ᠪᠠᠨ | ᠨᠡᠷᠡ ᠠᠯᠳᠠᠷᠰᠢᠵᠤ ᠤᠷᠠᠳ ᠠᠶᠢᠮᠠᠭ ᠬᠡᠮᠡᠨ ᠨᠡᠷᠡᠶᠢᠳᠦᠭᠳᠡᠪᠡ᠃ ᠡᠨᠡ ᠠᠶᠢᠮᠠᠭ ᠤᠨ ᠲᠦᠷᠦᠬᠦᠦ ᠪᠤᠯ ᠲᠠᠷᠤᠢ ᠴᠢᠩᠭᠢᠰ ᠤᠨ ᠲᠡᠬᠦᠦ ᠬᠠᠪᠤᠳᠤ ᠬᠠᠰᠠᠷ ᠤᠨ ᠠᠷᠪᠠᠨ | ᠲᠠᠪᠤᠳᠤᠭᠠᠷ ᠦᠶᠡ ᠶᠢᠨ ᠠᠴᠢ ᠪᠤᠯᠬᠤ ᠤᠷᠠᠳ ᠤᠨ ᠲᠡᠭᠡᠳᠦᠰ ᠪᠤᠷᠬᠠᠢ ᠬᠡᠮᠡᠭᠴᠢ ᠬᠦᠮᠦᠨ ᠪᠤᠯᠤᠨᠠ᠃ ᠡᠶᠢᠮᠤ ᠠᠴᠠ ︽ᠤᠭ ᠨᠤᠳᠤᠭ ᠬᠦᠯᠦᠨ ᠪᠤᠶᠢᠷ᠂ ᠤᠳᠤᠮ | ᠰᠠᠳᠤᠨ ᠪᠤᠷᠬᠠᠢ ᠵᠠᠰᠠᠭ ᠭᠤᠷᠪᠠᠨ ᠬᠦᠩ᠂ ᠲᠦᠷᠦᠭᠰᠡᠨ ᠨᠤᠳᠤᠭ ᠭᠡᠷ ᠤᠨ ᠲᠤᠤᠷᠠ᠂ ᠲᠦᠷᠦᠯ ᠤᠭᠰᠠᠭᠠ ᠬᠠᠪᠤᠳᠤ ᠬᠠᠰᠠᠷ ᠤᠨ ᠦᠷᠡ︾ ᠬᠡᠮᠡᠨ ᠤᠷᠠᠳ ᠤᠨ | ᠬᠤᠷᠢᠮ ᠤᠨ ᠰᠢᠯᠦᠭ ᠲᠠᠭᠤᠯᠠᠯ ᠳᠤ ᠪᠢᠴᠢᠭᠳᠡᠨ ᠶᠠᠷᠢᠭᠳᠠᠵᠤ ᠪᠠᠶᠢᠳᠠᠭ ᠰᠠᠨ᠃ | ᠠᠷᠪᠠᠨ ᠲᠤᠯᠤᠳᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠤ ᠦᠶᠡᠰ ᠢᠶᠠᠷ ᠮᠠᠨᠵᠤ ᠦᠨᠳᠦᠰᠦᠲᠡᠨ ᠤ ᠴᠡᠷᠢᠭ ᠲᠠᠶᠢᠨ ᠤ ᠲᠤᠯᠤᠭᠠᠶᠢᠯᠠᠭᠴᠢ ᠨᠤᠷᠬᠠᠴᠢ ᠬᠦᠴᠦᠷᠭᠡᠭᠵᠢᠨ | ᠪᠤᠰᠤᠭᠠᠳ ᠲᠤᠯᠭᠤᠷ ᠲᠦᠷᠦ ᠪᠠᠶᠢᠭᠤᠯᠵᠤ ᠬᠤᠶᠢᠳᠤ ᠠᠯᠲᠠᠨ ᠤᠯᠤᠰ ᠭᠡᠪᠡ᠃ | ᠬᠤᠶᠢᠳᠤ ᠠᠯᠳᠠᠨ ᠤᠯᠤᠰ ᠤᠨ ᠲᠡᠭᠷᠢ ᠶᠢᠨ ᠰᠡᠴᠡᠨ ᠬᠠᠭᠠᠨ ᠤ ᠲᠤᠯᠤᠳᠤᠭᠠᠷ ᠵᠢᠯ ︵1633 ᠤᠨ︶ ᠳᠤ ᠬᠤᠸᠠᠩ ᠲᠠᠶᠢᠵᠢ ᠰᠠᠭᠤᠷᠢᠨ ᠳᠤ ᠪᠠᠶᠢᠬᠤ | ᠦᠶᠡ ᠳᠤ ᠪᠤᠷᠬᠠᠢ ᠶᠢᠨ ᠠᠬᠠᠮᠠᠳ ᠬᠦᠪᠡᠬᠦᠨ ᠯᠠᠶᠢᠭᠠ ᠶᠢᠨ ᠠᠴᠢ ᠤᠮᠪᠤ᠂ ᠤᠳᠬᠤᠨ ᠬᠦᠪᠡᠬᠦᠨ ᠪᠠᠷᠠᠰᠢ ᠶᠢᠨ ᠠᠴᠢ ᠲᠤᠪᠠ᠂ ᠠᠴᠢ ᠰᠡᠷᠡᠩ ᠨᠠᠷ ᠤᠷᠠᠳ | ᠠᠶᠢᠮᠠᠭ ᠢ ᠲᠠᠭᠠᠭᠤᠯᠵᠤ᠂ ᠬᠦᠯᠦᠨ ᠪᠤᠶᠢᠷ ᠤᠨ ᠬᠦᠪᠳᠦ ᠨᠠᠢᠮᠠᠨᠴᠠᠭᠠᠨ ᠠᠴᠠ ᠬᠤᠶᠢᠳᠤ ᠠᠯᠲᠠᠨ ᠤᠯᠤᠰ ᠢ ᠲᠠᠭᠠᠬᠤ ᠪᠠᠷ ᠠᠯᠤᠰ ᠬᠤᠯᠠ ᠠᠶᠠᠯᠠᠵᠤ ᠲᠡᠮᠡᠭᠡ ᠮᠤᠷᠢ | ᠬᠦᠷᠭᠡᠭᠡᠳ ᠴᠢᠩ ᠦᠨᠡᠨᠴᠢ ᠪᠠᠨ ᠢᠯᠡᠳᠭᠡᠪᠠ᠃ | ᠮᠠᠨᠵᠤ ᠶᠢᠨ ᠨᠤᠶᠠᠷᠬᠠᠭᠴᠢᠳ ᠶᠠᠭ ᠰᠢᠨᠡ ᠪᠠᠷ ᠮᠠᠨᠳᠤᠵᠤ ᠪᠠᠶᠢᠭᠰᠠᠨ ᠲᠤᠯᠠ ᠲᠡᠲᠡ ᠮᠢᠩ ᠤᠨ ᠬᠠᠭᠠᠨᠳᠤ ᠤᠯᠤᠰ ᠢ ᠰᠦᠨᠦᠭᠡᠨ᠂ ᠮᠤᠩᠭᠤᠯ ᠣᠨᠡᠯᠡ | ᠠᠶᠢᠮᠠᠭ ᠬᠤᠯᠠ ᠵᠠᠮ ᠬᠦᠭᠡᠭᠡᠨ ᠲᠠᠭᠠᠬᠤ ᠪᠠᠷ ᠢᠷᠡᠭᠰᠡᠨ ᠨᠢ ᠮᠤᠩᠭᠤᠯ ᠤᠨ ᠪᠦᠬᠦ ᠴᠤᠭᠴᠠ ᠶᠢ ᠰᠤᠯᠠᠷᠠᠭᠤᠯᠵᠤ᠂ ᠮᠠᠨᠵᠤ ᠶᠢᠨ ᠬᠦᠴᠦ ᠶᠢ ᠨᠡᠮᠡᠭᠳᠡᠬᠦᠯᠬᠦ ᠳᠤ | ᠴᠢᠬᠤᠯᠠ ᠪᠠᠶᠢᠭᠰᠠᠨ ᠨᠢ ᠮᠡᠳᠡᠭᠡᠵᠢ ᠶᠢᠨ ᠬᠡᠷᠡᠭ᠃ | ᠤᠷᠠᠳ ᠠᠶᠢᠮᠠᠭ ᠮᠠᠨᠵᠤ ᠴᠢᠩ ᠤᠯᠤᠰ ᠲᠤ ᠤᠷᠤᠵᠤ ᠦᠭᠭᠦᠭᠰᠡᠨ ᠠᠴᠠ ᠨᠠᠭᠠᠰᠢ ᠶᠡᠭᠡ ᠴᠢᠩ ᠤᠨ ᠬᠠᠭᠠᠨᠳᠤ ᠤᠯᠤᠰ ᠲᠤ ᠨᠤᠳᠤᠭ ᠲᠡᠪᠢᠰᠭᠡᠷ ᠢ ᠨᠢ | ᠦᠷᠭᠡᠳᠭᠡᠬᠦ ᠳᠤ ᠴᠢᠰᠤᠨ ᠭᠠᠪᠢᠶᠠ ᠪᠠᠶᠢᠭᠤᠯᠵᠤ ᠦᠭᠭᠦᠭᠰᠡᠨ ᠶᠤᠮ᠃ ᠲᠤᠬᠠᠶᠢᠯᠠᠪᠠᠯ1633 ᠤᠨ ᠠᠴᠠ1649 ᠤᠨ ᠬᠦᠷᠳᠡᠯᠡᠬᠢ ᠠᠷᠪᠠᠨ ᠲᠠᠪᠤᠨ ᠵᠢᠯ ᠤᠨ | ᠬᠤᠭᠤᠷᠤᠨᠳᠤ ᠬᠠᠯᠠᠬᠠ᠂ ᠰᠦᠨᠢᠳ᠂ ᠰᠤᠯᠤᠩᠭᠤᠰ ᠵᠡᠷᠭᠡ ᠲᠠᠢ ᠪᠠᠶᠢᠯᠳᠤᠭᠠᠳ᠂ ᠮᠠᠨᠵᠤ ᠴᠢᠩ ᠤᠨ ᠨᠤᠶᠠᠷᠬᠠᠭᠴᠢᠳ ᠤᠨ ᠢᠳᠡᠭᠡᠯ ᠨᠠᠶᠢᠳᠠᠪᠤᠷᠢ ᠪᠠ ᠮᠠᠭᠳᠠᠭᠠᠯ | ᠰᠠᠶᠢᠰᠢᠶᠠᠯ ᠢ ᠤᠯᠪᠠ᠃ | ᠴᠢᠩ ᠤᠯᠤᠰ ᠤᠨ ᠡᠶᠡᠪᠡᠷ ᠵᠠᠰᠠᠭᠴᠢ ᠶᠢᠨ ᠲᠠᠪᠤᠳᠤᠭᠠᠷ ᠤᠨ ᠳᠤ ᠲᠠᠶᠢᠨ ᠤ ᠭᠠᠪᠢᠶᠠ ᠵᠢᠳᠬᠦᠯ ᠢ ᠲᠤᠭᠠᠴᠠᠵᠠᠢ᠃ ᠡᠷᠭᠡ ᠲᠠᠶᠢᠵᠢ ᠲᠤᠪᠠ ᠶᠢ | ᠲᠦᠰᠢᠶᠡ ᠬᠦᠩ᠂ ᠲᠦᠮᠡᠨ ᠲᠠᠷᠬᠠᠨ ᠲᠠᠶᠢᠵᠢ ᠤᠮᠪᠤ ᠶᠢᠨ ᠬᠦᠪᠡᠬᠦᠨ ᠦᠪᠠᠨ ᠢ ᠲᠦᠰᠢᠶᠡ ᠬᠦᠩ᠂ ᠢᠯᠳᠤᠨ ᠬᠤᠰᠢᠭᠤᠴᠢ ᠰᠡᠷᠡᠩ ᠤᠨ ᠬᠦᠪᠡᠬᠦᠨ ᠪᠠᠭᠪᠠᠭ᠋ᠠᠢ ᠶᠢ | ᠲᠤᠰᠠᠯᠠᠭᠴᠢ ᠬᠦᠩ ᠢᠶᠠᠷ ᠲᠤᠰ ᠲᠤᠰ ᠡᠷᠬᠦᠮᠵᠢᠯᠡᠵᠤ᠂ ᠪᠤᠷᠤ ᠲᠤᠬᠤᠢ ᠶᠢᠨ ᠬᠤᠶᠢᠳᠤ ᠬᠡᠰᠡᠭ᠂ ᠮᠤᠨᠠ ᠠᠭᠤᠯᠠ᠂ ᠬᠤᠶᠠᠷ ᠪᠤᠭᠳᠠ ᠶᠢᠨ ᠬᠤᠭᠤᠷᠤᠨᠳᠤᠬᠢ | ᠦᠷᠭᠡᠨ ᠠᠭᠤᠳᠠᠮ ᠨᠤᠳᠤᠭ ᠲᠡᠪᠢᠰᠭᠡᠷ ᠢ ᠪᠡᠯᠴᠢᠭᠡᠷ ᠪᠤᠯᠭᠠᠨ ᠬᠦᠷᠳᠡᠭᠡᠵᠤ ᠤᠷᠠᠳ ᠠᠶᠢᠮᠠᠭ ᠢ ᠲᠤᠮᠳᠠᠳᠤ᠂ ᠪᠠᠷᠠᠭᠤᠨ᠂ ᠵᠡᠬᠦᠨ ᠭᠤᠷᠪᠠᠨ ᠬᠤᠰᠢᠭᠤ ᠪᠤᠯᠭᠠᠨ | ᠬᠤᠪᠢᠶᠠᠵᠤ ᠤᠯᠠᠭᠠᠨᠴᠠᠪ ᠤᠨ ᠴᠢᠭᠤᠯᠭᠠᠨ ᠳᠤ ᠵᠠᠬᠢᠷᠠᠭᠤᠯᠪᠠ᠃ | ᠭᠤᠷᠪᠠᠨ ᠬᠦᠩ ᠤᠨ ᠲᠤᠳᠤᠷᠠ ᠪᠠᠨ ᠡᠮᠤᠨᠡᠳᠤ ᠬᠤᠰᠢᠭᠤ ᠶᠢ ᠦᠪᠠᠨ ᠵᠠᠬᠢᠷᠴᠤ᠂ ᠪᠠᠷᠠᠭᠤᠨ ᠬᠦᠩ ᠤᠨ ᠬᠤᠰᠢᠭᠤ ᠬᠡᠵᠤ᠂ ᠬᠤᠶᠢᠳᠤ ᠬᠤᠰᠢᠭᠤ ᠶᠢ | ᠲᠤᠪᠠ ᠵᠠᠬᠢᠷᠴᠤ᠂ ᠵᠡᠬᠦᠨ ᠬᠦᠩ ᠤᠨ ᠬᠤᠰᠢᠭᠤ ᠬᠡᠵᠤ᠂ ᠲᠤᠮᠳᠠᠳᠤ ᠬᠤᠰᠢᠭᠤ ᠶᠢ ᠪᠠᠭᠪᠠᠭ᠋ᠠᠢ ᠵᠠᠬᠢᠷᠤᠭᠠᠳ ᠲᠤᠮᠳᠠᠳᠤ ᠬᠦᠩ ᠤᠨ ᠬᠤᠰᠢᠭᠤ ᠬᠡᠵᠤ ᠲᠤᠰ ᠲᠤᠰ | ᠨᠡᠷᠡᠶᠢᠳᠴᠤ᠂ ᠭᠤᠷᠪᠠᠭᠤᠯᠠ ᠪᠠᠨ ᠵᠠᠰᠠᠭ ᠲᠤᠰᠢᠶᠠᠯ ᠢ ᠬᠦᠷᠳᠡᠭᠡᠳ ᠦᠶᠡ ᠤᠯᠠᠷᠢᠨ ᠵᠠᠯᠭᠠᠮᠵᠢᠯᠠᠪᠠ᠃ ᠤᠷᠠᠳ ᠤᠨ ᠭᠤᠷᠪᠠᠨ ᠬᠦᠩ ᠤᠨ ᠬᠤᠰᠢᠭᠤ ᠬᠡᠳᠡᠭ ᠨᠢ | ᠡᠨᠡ ᠪᠢᠯᠡ᠃ | | ︽ᠤᠷᠠᠳ ᠵᠠᠩ ᠦᠢᠯᠡ ᠶᠢᠨ ᠰᠤᠳᠤᠯᠤᠯ︾ ᠠᠴᠠ ᠪᠠᠭᠤᠯᠭᠠᠪᠠ | | |