| ᠪᠡ᠊ ᠪᠦᠭᠡ | ᠨᠤᠲᠤᠭ ᠤᠨ ᠮᠢᠨᠢ ᠭᠤᠷᠪᠠᠨ ᠤᠶᠠᠩᠭᠠ | | ᠮᠡᠨ ᠤ ᠬᠢ ᠨᠢ ᠠᠭᠯᠠᠭ ᠠᠭᠤᠯᠠᠨ ᠳᠤ ᠰᠠᠭᠤᠲᠠᠭ ᠪᠠᠶᠢᠪᠠ᠃ ᠬᠠᠲᠠ ᠴᠢᠯᠠᠭᠤ ᠰᠡᠬᠦᠶᠢᠨ ᠬᠠᠨᠠᠷᠠᠵᠤ᠂ ᠬᠠᠶᠢᠯᠠᠰᠤ ᠪᠤᠲᠠ ᠭᠤᠤ ᠵᠢᠯᠠᠭᠠ ᠪᠦᠬᠦᠨ | ᠳᠤᠨᠢ ᠨᠤᠭᠤᠭᠠᠷᠠᠵᠤ᠂ ᠪᠤᠷᠬᠠᠨᠲᠤ ᠶᠢᠨ ᠭᠤᠤᠯ ᠪᠤᠮᠠᠨ ᠮᠠᠯ ᠢᠶᠠᠨ ᠤᠮᠲᠠᠯᠠᠨ ᠡᠨᠡ ᠨᠤᠲᠤᠭ ᠤᠨ ᠬᠠᠯᠠᠭᠤᠨ ᠡᠯᠢᠭᠡ ᠪᠠᠷ ᠮᠤᠷᠤᠯᠵᠠᠨ ᠦᠩᠭᠡᠷᠡᠲᠡᠭ ᠢᠶᠠᠷ ᠪᠤᠶᠢᠲᠠ | ᠪᠦᠭᠯᠡᠬᠦᠦ ᠴᠦ ᠦᠷᠡ ᠨᠠᠲᠠ ᠳᠤ ᠪᠠᠨ ᠵᠢᠷᠭᠠᠯ ᠤᠨ ᠲᠠᠷᠬᠠᠨ ᠤᠷᠤᠨ ᠭᠡᠵᠤ ᠮᠠᠲᠠ᠃ | ᠨᠤᠲᠤᠭ ᠤᠨ ᠮᠢᠨᠢ ᠬᠠᠶᠢᠯᠠᠰᠤ | ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠪᠢᠴᠢᠭ ᠦᠵᠡᠵᠦ ᠪᠠᠶᠢᠬᠤ ᠳᠤ ᠮᠠᠨ ᠤ ᠬᠢ ᠨᠢ ᠲᠦᠷᠪᠡᠨ ᠲᠠᠯᠠ ᠪᠠᠷ ᠢᠶᠠᠨ ᠦᠨᠲᠦᠷ ᠠᠭᠤᠯᠠᠨ ᠰᠦᠨᠲᠡᠷᠯᠡᠭᠰᠡᠨ᠂ ᠵᠡᠬᠦᠨ | ᠲᠠᠯᠠ ᠪᠠᠷ ᠢᠶᠠᠨ ᠪᠤᠷᠬᠠᠨᠲᠤ ᠶᠢᠨ ᠭᠤᠤᠯ ᠮᠢᠷᠠᠯᠵᠠᠭᠰᠠᠨ ᠨᠤᠲᠤᠭ ᠲᠤ ᠨᠡᠬᠦᠨ ᠰᠠᠭᠤᠷᠢᠰᠢᠵᠠᠢ᠃ ᠪᠤᠶᠢᠲᠠ ᠪᠦᠭᠯᠡᠬᠦᠦ ᠪᠠᠶᠢᠲᠠᠭ ᠲᠤ ᠪᠠᠨ ᠪᠤᠯᠪᠠᠤ᠂ ᠶᠠᠭᠤ ᠴᠦ | ᠭᠡᠰᠡᠨ ᠡᠨᠡ ᠨᠤᠲᠤᠭ ᠲᠤ ᠬᠠᠶᠢᠯᠠᠰᠤ ᠤᠯᠠᠨᠲᠠᠢ᠃ | ᠭᠤᠤ ᠵᠢᠯᠠᠭᠠ ᠠᠴᠠ ᠡᠬᠢᠯᠡᠨ ᠬᠦᠲᠤᠯ ᠲᠤᠪᠤ ᠬᠦᠷᠲᠡᠯᠠ ᠬᠠᠶᠢᠯᠠᠰᠤ ᠪᠠᠷ ᠲᠦᠬᠦᠷᠴᠦ᠂ ᠵᠤᠨ ᠤ ᠭᠠᠯ ᠬᠠᠯᠠᠭᠤᠨ ᠳᠤ ᠬᠤᠨᠢ ᠢᠮᠠᠭᠠ ᠰᠡᠬᠦᠲᠡᠷ ᠲᠤᠨᠢ | ᠨᠤᠶᠢᠷᠮᠤᠭᠯᠠᠨ ᠲᠤᠷᠠ ᠲᠠᠢ ᠲᠤᠷᠠ ᠦᠭᠡᠢ ᠭᠡᠪᠢᠴᠢᠭᠡᠭᠰᠡᠨ ᠭᠡᠪᠲᠡᠨᠡ᠃ ᠤᠭᠲᠠᠷᠭᠤᠢ ᠶᠢᠨ ᠴᠡᠭᠡᠯ ᠬᠠᠮᠢᠭᠠ ᠪᠠᠶᠢᠨᠠ ᠭᠡᠵᠤ ᠴᠢᠨᠡᠭᠡ ᠮᠡᠲᠡᠨ ᠤᠷᠭᠤᠭᠰᠠᠨ | ᠬᠠᠶᠢᠯᠠᠰᠤᠨ ᠰᠠᠯᠠᠭᠠᠨ ᠳᠤ ᠠᠯᠠᠭ ᠱᠠᠭᠠᠵᠠᠭᠠᠢ ᠶᠢᠨ ᠡᠬᠦᠷ ᠠᠵᠢᠯᠴᠢ ᠮᠠᠯᠴᠢᠨ ᠠᠶᠢᠯ ᠤᠨ ᠡᠬᠦᠲᠡᠨ ᠳᠠᠬᠢ ᠠᠷᠭᠠᠯ ᠤᠨ ᠤᠪᠤᠭᠠ ᠭᠡᠮᠡᠷ ᠬᠠᠷᠠᠭᠲᠠᠨᠠ᠃ | ᠬᠠᠶᠢᠯᠠᠰᠤ ᠠᠮᠢᠵᠢᠷᠠᠯ ᠤᠨ ᠬᠦᠴᠦᠨ ᠢᠶᠠᠷ ᠴᠢᠩᠭᠠ᠂ ᠭᠠᠩ ᠬᠠᠭᠤᠷᠠᠢ ᠳᠤ ᠲᠡᠰᠪᠦᠷᠢᠲᠡᠢ ᠪᠠᠶᠢᠲᠠᠭ ᠢᠶᠠᠷ ᠢᠶᠠᠨ ᠠᠭᠤᠯᠠᠨ ᠭᠠᠵᠠᠷ ᠤᠨ ᠬᠦᠷᠦᠰᠤ ᠰᠢᠷᠤᠢ | ᠂ ᠠᠭᠤᠷ ᠠᠮᠢᠰᠬᠤᠯ ᠳᠤ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠵᠤᠬᠢᠴᠠᠭᠰᠠᠨ ᠪᠠᠶᠢᠲᠠᠭ᠃ ᠶᠠᠭ ᠲᠡᠶᠢᠮᠦ ᠳᠤ ᠪᠠᠨ ᠵᠠᠷᠢᠮ ᠬᠠᠶᠢᠯᠠᠰᠤ ᠨᠢ ᠠᠰᠬᠠ ᠬᠠᠲᠠᠨ ᠤ ᠡᠩᠭᠡᠷ ᠲᠤ | ᠠᠯᠤᠰ ᠢ ᠰᠢᠷᠲᠡᠨ᠂ ᠡᠷᠡᠮᠡᠭᠡᠢ ᠪᠠᠲᠤ ᠵᠤᠷᠢᠭ ᠪᠠᠷᠢᠵᠤ᠂ ᠰᠠᠯᠬᠢ ᠪᠤᠷᠤᠭᠠᠨ᠂ ᠮᠦᠨᠲᠦᠷ ᠴᠠᠰᠤ ᠶᠢ ᠬᠠᠶᠢᠬᠤᠷᠤᠯ ᠦᠭᠡᠢ ᠰᠦᠭᠯᠡᠶᠢᠨ ᠤᠷᠭᠤᠬᠤ ᠨᠢ ᠬᠦᠮᠦᠰ ᠢ | ᠭᠠᠶᠢᠬᠠᠰᠢ ᠠᠯᠲᠠᠭᠤᠯᠤᠨᠠ᠃ ᠡᠲᠡᠭᠡᠷ ᠤᠯᠠᠨ ᠬᠠᠶᠢᠯᠠᠰᠤ ᠠᠯᠢ ᠭᠠᠯᠪᠠ ᠤᠷᠭᠤᠭᠰᠠᠨ ᠢ ᠮᠡᠲᠡᠭᠡ ᠦᠭᠡᠢ᠂ ᠬᠤᠲᠠ ᠬᠤᠷᠤᠭᠠ ᠶᠢ ᠲᠤᠭᠤᠷᠢᠭᠠᠳ ᠪᠦᠷ ᠯᠠ | ᠬᠠᠶᠢᠯᠠᠰᠤᠨ ᠮᠤᠲᠤᠳ ᠪᠠᠶᠢᠭᠰᠠᠨ᠃ | ᠨᠠᠷᠠ ᠨᠠᠭᠠᠰᠢᠯᠠᠨ᠂ ᠨᠠᠪᠴᠢᠲᠤ ᠲᠡᠯᠡᠭᠡᠢ ᠲᠤᠯᠠᠭᠠᠷᠠᠬᠤ ᠳᠤ ᠬᠤᠷᠠᠭᠠ ᠢᠰᠢᠭᠡᠨ ᠤ ᠮᠠᠶᠢᠯᠠᠭᠠᠨ ᠬᠦᠯᠲᠡᠭᠰᠡᠨ ᠭᠠᠵᠠᠷ ᠢ ᠭᠡᠰᠭᠡᠵᠦ ᠬᠠᠶᠢᠯᠠᠰᠤᠨ ᠮᠤᠲᠤ | ᠪᠤᠷᠴᠠᠭᠯᠠᠵᠤ ᠡᠬᠢᠯᠡᠨᠡ᠃ ᠡᠨᠡ ᠯᠠ ᠦᠶᠡ ᠡᠲᠦᠷ ᠦᠩᠭᠡᠷᠡᠭᠡᠬᠦ ᠨᠢ ᠵᠢᠯ ᠮᠡᠲᠤ ᠲᠤᠩ ᠴᠦ ᠤᠲᠠᠭᠠᠨ ᠰᠠᠨᠠᠭᠲᠠᠨᠠ᠃ ᠵᠢᠵᠢᠭ ᠵᠢᠵᠢᠭ ᠨᠢᠯᠬᠠ ᠨᠠᠪᠴᠢ ᠬᠦᠴᠦ | ᠮᠡᠲᠡᠨ ᠰᠤᠨᠢᠶᠠᠵᠤ ᠪᠠᠶᠢᠬᠤ ᠳᠤ ᠭᠠᠤᠯᠢᠨ ᠵᠤᠭᠤᠰ ᠴᠦ ᠭᠡᠮᠡᠷᠭᠡᠨ ᠰᠢᠮᠠᠯᠵᠠᠭ ᠬᠠᠷᠢᠨ ᠴᠢᠪ ᠴᠢᠮᠡᠭᠡ ᠦᠭᠡᠢ ᠰᠠᠯᠠᠭᠠ ᠨᠠᠮᠠᠭᠠᠨ ᠳᠤ ᠪᠠᠭᠰᠢᠷᠠᠲᠠᠯᠠ ᠰᠠᠭᠤᠴᠢᠬᠠᠭᠰᠠᠨ | ᠪᠠᠶᠢᠲᠠᠭ᠃ ᠬᠠᠶᠢᠯᠠᠰᠤᠨ ᠳᠤ ᠮᠠᠨᠲᠠᠷᠸᠠ ᠴᠡᠴᠡᠭ᠂ ᠠᠯᠲᠠᠨ ᠵᠤᠯᠠ ᠴᠡᠴᠡᠭ᠂ ᠰᠠᠷᠭᠠᠢ ᠴᠡᠴᠡᠭ ᠠᠲᠠᠯᠢ ᠦᠩᠭᠡ ᠢᠯᠭᠠᠷᠠᠭᠰᠠᠨ ᠴᠡᠴᠡᠭ ᠬᠤᠸᠠᠷ ᠭᠡᠵᠤ ᠪᠠᠶᠢᠲᠠᠭ | ᠦᠭᠡᠢ᠃ ᠰᠢᠮᠠᠯᠵᠠᠭ ᠨᠢ ᠲᠡᠬᠦᠨ ᠳᠤ ᠠᠪᠴᠦ ᠭᠡᠯᠡᠪᠡᠯ ᠴᠡᠴᠡᠭ ᠨᠢ ᠮᠦᠨ᠂ ᠦᠷᠡ ᠨᠢ ᠴᠦ ᠮᠦᠨ᠃ ᠨᠢᠭᠡ ᠮᠡᠲᠡᠬᠦ ᠳᠤ ᠰᠠᠯᠠᠭᠠ ᠨᠠᠮᠠᠭᠠ ᠨᠢ ᠵᠢᠷᠦᠭᠡᠨ ᠭᠡᠯᠪᠡᠷᠢ | ᠲᠠᠢ ᠨᠠᠪᠴᠢ ᠪᠠᠷ ᠲᠦᠬᠦᠷᠴᠦ ᠭᠦᠭᠡᠷᠡᠨ ᠴᠡᠯᠭᠡᠷᠡᠭᠰᠡᠨ ᠪᠠᠶᠢᠲᠠᠭ᠃ ᠲᠡᠭᠡᠬᠦ ᠳᠤ ᠰᠢᠮᠠᠯᠵᠠᠭ ᠨᠢ ᠭᠠᠵᠠᠷ ᠪᠦᠷᠬᠦᠲᠡᠯᠡ ᠤᠨᠠᠵᠤ᠂ ᠮᠠᠯᠴᠢᠨ ᠠᠶᠢᠯ ᠤᠨ ᠭᠡᠤᠭᠡᠳ ᠪᠢᠲᠠ | ᠴᠦ ᠰᠢᠨᠠ ᠤᠨ ᠤ ᠰᠢᠨᠡ ︿︿ᠵᠢᠮᠢᠰ﹀﹀ ᠢ ᠤᠯᠵᠤ ᠢᠲᠡᠲᠡᠭ ᠨᠢ ᠨᠢᠭᠡ ᠴᠠᠭ ᠤᠨ ᠵᠢᠷᠭᠠᠯ ᠪᠠᠶᠢᠯᠠ᠃ ᠵᠦᠭᠡᠯᠡᠨ ᠪᠤᠷᠤᠭᠠᠨ ᠲᠤᠰᠤ ᠪᠤᠯᠵᠤ ᠤᠷᠤᠬᠤ ᠳᠤ ᠬᠠᠲᠠᠨ | ᠤ ᠠᠩ ᠵᠠᠪᠰᠠᠷ ᠢᠶᠠᠷ ᠬᠠᠶᠢᠯᠠᠰᠤᠨ ᠴᠢᠬᠢ ᠢᠷᠠᠶᠢᠵᠤ ᠤᠷᠭᠤᠬᠤ ᠬᠠᠷᠠᠭᠲᠠᠨᠠ᠃ ᠨᠠᠮᠤᠷ ᠤᠨ ᠰᠡᠬᠦᠯᠴᠢ ᠪᠤᠯᠬᠤ ᠳᠤ ᠬᠠᠶᠢᠯᠠᠰᠤᠨ ᠨᠠᠪᠴᠢ ᠢᠲᠡᠭ ᠢᠲᠡᠭ ᠢᠶᠠᠷ | ᠰᠢᠷᠠᠯᠠᠵᠦ᠂ ᠨᠤᠭᠤᠭᠠᠨ᠂ ᠰᠢᠷᠠ᠂ ᠤᠯᠠᠭᠠᠨ ᠭᠡᠳ ᠵᠦᠢᠯ ᠤᠨ ᠦᠩᠭᠡ ᠪᠠᠷ ᠰᠤᠯᠢᠭᠲᠠᠵᠤ ᠬᠤᠪᠢ ᠶᠢᠨ ᠭᠠᠲᠠᠨᠠ ᠦᠵᠡᠰᠬᠦᠯᠡᠩ ᠪᠠᠶᠢᠲᠠᠭ᠃ ᠠᠭᠤᠯᠠᠨ ᠤᠷᠤᠢ | ᠪᠠᠷ ᠢᠰᠭᠡᠷᠤᠨ ᠰᠡᠦᠬᠢᠬᠦ ᠰᠠᠯᠬᠢᠨ ᠲᠠᠢ ᠨᠢᠭᠡ ᠰᠦᠨᠢ ᠶᠢ ᠦᠩᠭᠡᠷᠡᠭᠡᠨ ᠦᠷᠯᠦᠭᠡ ᠪᠤᠯᠬᠤ ᠳᠤ ᠬᠠᠶᠢᠯᠠᠰᠤᠨ ᠮᠤᠲᠤᠨ ᠳᠤ ᠲᠤᠭᠠ ᠲᠠᠢ ᠭᠡᠲᠦᠭᠡᠨ ᠨᠠᠪᠴᠢ | ᠦᠯᠡᠲᠡᠴᠢᠭᠡᠭᠰᠡᠨ ᠪᠠᠶᠢᠯᠠ᠃ ᠨᠤᠲᠤᠭ ᠲᠤ ᠮᠢᠨᠢ ᠡᠪᠤᠯ ᠡᠬᠢᠯᠡᠵᠦ ᠪᠠᠶᠢᠭᠠ ᠨᠢ ᠡᠨᠡ ᠠᠵᠠᠢ᠃ | ᠨᠤᠲᠤᠭ ᠤᠨ ᠮᠢᠨᠢ ᠬᠠᠶᠢᠯᠠᠰᠤ ᠨᠠᠷᠠᠰᠤ᠂ ᠠᠭᠠᠷᠤ ᠰᠢᠭ᠋ ᠵᠢᠯ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠳᠤ ᠮᠦᠩᠭᠡ ᠨᠤᠭᠤᠭᠠᠨ ᠢᠶᠠᠷ ᠢᠶᠠᠨ ᠪᠠᠶᠢᠲᠠᠭ ᠦᠭᠡᠢ ᠴᠦ | ᠴᠡᠯᠭᠡᠷᠡᠬᠦ ᠴᠠᠭ ᠲᠤ ᠪᠠᠨ ᠴᠡᠯᠭᠡᠷᠡᠵᠦ᠂ ᠵᠤᠯᠭᠠᠷᠠᠬᠤ ᠴᠠᠭ ᠲᠤ ᠪᠠᠨ ᠵᠤᠯᠭᠠᠷᠠᠨ᠂ ᠨᠤᠲᠤᠭ ᠢᠶᠠᠨ ᠮᠠᠨᠠᠵᠤ᠂ ᠦᠷᠡ ᠪᠠᠨ ᠵᠠᠯᠭᠠᠵᠤ᠂ ᠰᠢᠯᠵᠢᠰᠢ ᠦᠭᠡᠢ᠂ ᠭᠤᠶᠢᠪᠠᠰᠢ | ᠦᠭᠡᠢ ᠪᠠᠶᠢᠲᠠᠭ ᠨᠢ ᠶᠠᠭᠤ ᠨᠢᠭᠡ ᠶᠢ ᠶᠠᠷᠢᠵᠦ ᠪᠠᠶᠢᠭᠠ ᠰᠢᠭ᠋ ᠰᠠᠨᠠᠭᠲᠠᠨᠠ ᠁ | | |