| ᠨᠣᠬᠠᠢ ᠶᠢᠨ ᠵᠠᠶᠠᠭᠠ | | ᠰᠡᠴᠡᠨᠴᠢᠮᠡᠭ | | ᠭᠤᠯᠣᠭᠳᠠᠭᠰᠠᠨ ᠨᠣᠬᠠᠢ | | ᠨᠣᠬᠠᠢ ᠭᠡᠵᠦ ᠡᠵᠡᠨ ᠳᠤ ᠪᠠᠨ ᠰᠢᠳᠤᠷᠭᠤ᠂ ᠭᠡᠷ ᠢᠶᠠᠨ ᠰᠠᠬᠢᠨ ᠰᠠᠭᠤᠳᠠᠭ ᠠᠮᠢᠲᠠᠨ ᠳ᠋ᠠ᠃ | ᠣᠷᠴᠢᠮ ᠤᠨ ᠬᠡᠳᠦᠨ ᠵᠢᠯ ᠠᠴᠠ ᠭᠡᠷ ᠤᠨ ᠲᠡᠵᠢᠭᠡᠪᠦᠷᠢ ᠠᠮᠢᠲᠠᠨ ᠠᠴᠠ ᠡᠪᠡᠳᠴᠢᠨ ᠡᠮᠬᠡᠭ ᠲᠠᠷᠬᠠᠯᠠ ᠭᠡᠳ ᠤᠤ᠂ ᠪᠠᠰᠠ ᠣᠯᠠᠩᠬᠢ ᠬᠦᠮᠦᠰ ᠠᠰᠠᠷ | ᠲᠠᠭᠲᠤ ᠳᠤ ᠰᠠᠭᠤᠯᠠ ᠭᠡᠳ ᠤᠤ᠂ ᠥᠬᠦᠭᠡᠷᠳᠦᠨ ᠲᠡᠵᠢᠭᠡᠭᠰᠡᠨ ᠨᠣᠬᠠᠳ ᠢᠶᠠᠨ ᠳᠡᠮᠡᠢ ᠤᠳᠠᠯ ᠦᠭᠡᠢ ᠡᠪᠡᠳᠴᠢᠨ ᠲᠠᠢ ᠴᠤ ᠲᠡᠷᠡ᠂ ᠡᠪᠡᠳᠴᠢᠨ ᠦᠭᠡᠢ ᠴᠤ ᠲᠡᠷᠡ | ᠪᠦᠷ ᠭᠡᠷ ᠭᠡᠷ ᠠᠴᠠ ᠪᠠᠨ ᠥᠯᠳᠡᠨ ᠬᠥᠭᠡᠭᠡᠵᠦ ᠶᠠᠪᠤᠭᠤᠯᠪᠠ᠃ ᠮᠢᠨᠤ ᠡᠵᠡᠨ ᠴᠤ ᠨᠠᠮᠠ ᠶᠢ ᠲᠡᠭᠡᠭᠰᠡᠨ᠃ | ᠭᠡᠷ ᠭᠡᠵᠦ ᠭᠡᠭᠡᠨ ᠰᠠᠷᠠᠭᠤᠯ ᠣᠷᠴᠢᠯᠠᠩ ᠪᠠᠶᠢᠯᠠ᠃ ᠭᠡᠲᠡᠯᠡ ᠣᠳᠣ ᠭᠡᠷ ᠴᠤ ᠦᠭᠡᠢ ᠡᠵᠡᠭᠦᠢ ᠲᠡᠨᠦᠬᠦ ᠪᠣᠯᠪᠠ᠃ ᠰᠢᠷᠠ ᠡᠳᠦᠷ ᠪᠣᠷᠣ ᠬᠤᠨᠤᠭ ᠢ | ᠨᠥᠭᠴᠢᠭᠡᠵᠦ ᠶᠠᠪᠤᠬᠤ ᠭᠡᠭᠴᠢ ᠬᠡᠴᠡᠭᠦᠦ᠃ ᠢᠳᠡᠬᠦ ᠬᠤᠭᠤᠯᠠ ᠪᠠᠨ ᠣᠯᠵᠤ ᠶᠠᠳᠠᠨ ᠵᠡᠭᠡᠯᠢ ᠶᠢᠨ ᠵᠠᠬᠠ ᠪᠠᠷ ᠬᠠᠶᠠᠭᠰᠠᠨ ᠬᠠᠶᠠᠭᠳᠠᠮᠠᠯ ᠢᠳᠡᠭᠡᠨ ᠤ ᠰᠢᠪᠬᠠᠷᠤᠤ ᠶᠢ | ᠴᠥᠯᠪᠡᠨ ᠢᠳᠡᠵᠦ ᠠᠮᠢ ᠭᠤᠣᠯ ᠢᠶᠠᠨ ᠲᠡᠵᠢᠭᠡᠳᠡᠭ ᠪᠣᠯᠪᠠ᠃ | ᠬᠦᠮᠦᠰ ᠤᠨ ᠠᠮᠲᠠᠲᠤ ᠬᠤᠭᠤᠯᠠ ᠰᠢᠮᠡᠲᠦ ᠢᠳᠡᠭᠡᠨ ᠢᠶᠠᠨ ᠠᠰᠬᠠᠨ ᠴᠢᠳᠬᠤᠨ ᠵᠣᠭᠤᠭᠯᠠᠵᠤ ᠪᠠᠶᠢᠭᠠ ᠶᠢ ᠦᠵᠡᠬᠦ ᠪᠦᠷᠢ ᠰᠢᠯᠥᠰᠥ ᠪᠠᠨ ᠭᠤᠭᠤᠵᠢᠭᠤᠯᠤᠨ | ᠬᠤᠷᠣᠰᠣᠯ ᠲᠠᠢ ᠨᠢᠳᠦ ᠪᠠᠷ ᠬᠠᠷᠠᠵᠤ ᠮᠠᠯᠠᠷᠠᠨ ᠵᠣᠭᠰᠤᠳᠠᠭ ᠰᠠᠨ᠃ ᠪᠠᠰᠠ ᠨᠡᠯᠢᠶᠡᠳ ᠣᠯᠠᠨ ᠨᠠᠶᠢᠵᠠ ᠨᠠᠷ ᠮᠢᠨᠢ ᠲᠡᠭᠦᠵᠦ ᠢᠳᠡᠭᠰᠡᠨ ᠢᠳᠡᠭᠡᠨ ᠤ ᠬᠤᠣᠷᠳᠠᠯ ᠠᠴᠠ | ᠪᠣᠯᠵᠤ ᠠᠮᠢ ᠨᠠᠰᠤ ᠪᠠᠨ ᠠᠯᠳᠠᠭᠰᠠᠨ ᠡ᠃ | ᠨᠢᠭᠡᠨ ᠡᠳᠦᠷ ᠵᠡᠭᠡᠯᠢ ᠪᠠᠷ ᠲᠡᠨᠦᠵᠦ ᠪᠠᠶᠢᠭᠠᠳ ᠭᠡᠷ ᠤᠨ ᠡᠵᠡᠨ ᠢᠶᠠᠨ ᠣᠯᠵᠤ ᠦᠵᠡᠭᠡᠳ ᠲᠣᠩ ᠪᠠᠶᠠᠷᠯᠠᠵᠤ᠂ ᠬᠥᠯ ᠭᠠᠵᠠᠷ ᠬᠦᠷᠬᠦ ᠦᠭᠡᠢ ᠭᠦᠶᠦᠵᠦ | ᠳᠡᠷᠭᠡᠳᠡ ᠨᠢ ᠬᠦᠷᠬᠦ ᠳᠤ ᠲᠠᠨᠢᠬᠤ ᠦᠭᠡᠢ ᠶᠤᠮᠰᠢᠭ ᠥᠯᠥ ᠣᠶᠢᠰᠢᠶᠡᠨ ᠬᠠᠵᠠᠭᠤ ᠳᠤ ᠨᠢ ᠪᠠᠶᠢᠭᠰᠠᠨ ᠮᠣᠳᠣ ᠶᠢ ᠰᠢᠭᠦᠷᠦᠨ ᠠᠪᠴᠤ ᠰᠢᠪᠬᠠᠷᠤᠨ ᠴᠣᠬᠢᠪᠠ᠃ | ᠵᠢᠷᠦᠬᠡ ᠮᠢᠨᠢ ᠭᠤᠮᠤᠳᠠᠯ ᠢᠶᠠᠷ ᠳᠦᠭᠦᠷᠴᠦ ᠳᠣᠲᠣᠷᠠ ᠬᠠᠷᠠᠩᠭᠤᠶᠢᠯᠠᠪᠠ᠃ ᠥᠰᠢᠶᠡᠷᠬᠡᠬᠦ ᠳᠤ ᠪᠠᠨ ᠰᠡᠳᠭᠢᠯ ᠢᠶᠠᠨ ᠪᠠᠷᠢᠵᠤ ᠶᠠᠳᠠᠨ ᠬᠥᠯ ᠢ ᠨᠢ ᠬᠠᠵᠠᠩᠭᠤᠳᠠ | ᠲᠦᠷᠭᠡᠨ ᠵᠠᠶᠢᠯᠠᠵᠤ ᠳᠠᠯᠳᠠᠯᠠᠪᠠ᠃ ᠡᠵᠡᠨ ᠨᠠᠮᠠ ᠶᠢ ᠡᠷᠢᠵᠦ ᠣᠯᠣᠭᠰᠠᠨ ᠦᠭᠡᠢ ᠳᠤ ᠪᠠᠨ ᠠᠭᠤᠷ ᠳᠦᠭᠦᠷᠡᠩ ᠪᠤᠴᠠᠪᠠ᠃ | ᠰᠢᠳᠦᠨ ᠣᠷᠣᠮ ᠢᠶᠠᠨ ᠦᠯᠡᠳᠡᠭᠡᠵᠦ ᠥᠭᠭᠦᠭᠰᠡᠨ ᠪᠣᠯᠪᠠᠴᠤ ᠪᠠᠶᠠᠰᠴᠤ ᠴᠢᠳᠠᠯ ᠦᠭᠡᠢ ᠨᠥᠰᠡᠷ ᠴᠢᠯᠠᠭᠤ ᠵᠢᠷᠦᠬᠡ ᠶᠢ ᠮᠢᠨᠢ ᠳᠠᠷᠤᠭᠰᠠᠨ ᠰᠢᠭ᠋ ᠥᠪᠡᠷ ᠤᠨ | ᠡᠷᠬᠡ ᠦᠭᠡᠢ ᠨᠢᠯᠪᠤᠰᠤ ᠪᠥᠮᠪᠥᠷᠢᠯᠡ᠃ ᠡᠨᠡ ᠪᠣᠯ ᠮᠢᠨᠤ ᠠᠩᠬᠠᠨ ᠤ ᠭᠤᠮᠤᠳᠠᠯ ᠤᠨ ᠨᠢᠯᠪᠤᠰᠤ᠃ ᠶᠠᠭᠤᠨ ᠤ ᠤᠴᠢᠷ ᠠᠴᠠ ᠪᠢᠯᠡ︖ ᠭᠡᠵᠦ ᠬᠥᠬᠡ ᠲᠡᠭᠷᠢ ᠶᠢ | ᠰᠢᠷᠲᠡᠨ ᠪᠠᠶᠢᠲᠠᠯᠠ ᠬᠠᠷᠠ ᠡᠭᠦᠯᠡᠰ ᠬᠤᠷᠠᠨ ᠪᠥᠭᠡᠮᠨᠡᠷᠡᠵᠦ ᠰᠠᠯᠬᠢ ᠰᠠᠯᠬᠢᠯᠠᠵᠤ᠂ ᠲᠡᠭᠷᠢ ᠳᠤᠤᠭᠠᠷᠤᠨ ᠪᠤᠷᠤᠭᠠᠨ ᠱᠠᠭᠢᠯᠠ᠃ ᠳᠠᠯᠳᠠᠯᠠᠬᠤ ᠭᠠᠵᠠᠷ ᠦᠭᠡᠢ ᠱᠠᠯ | ᠨᠣᠷᠪᠠ᠃ ᠪᠣᠷᠣᠭᠠᠨ ᠶᠠᠭ ᠯᠠ ᠨᠢᠭᠤᠷ ᠲᠣᠯᠣᠭᠠᠢ ᠶᠢ ᠮᠢᠨᠢ ᠢᠯᠪᠢᠵᠦ ᠰᠡᠳᠭᠢᠯ ᠰᠠᠨᠠᠭᠠ ᠢ ᠮᠢᠨᠢ ᠲᠠᠶᠢᠳᠬᠤᠷᠠᠭᠤᠯᠵᠤ ᠪᠠᠶᠢᠭᠠ ᠶᠤᠮᠰᠢᠭ ᠳᠣᠲᠣᠨᠤ ᠰᠠᠨᠠᠭᠳᠠᠪᠠ᠃ | ᠪᠣᠷᠤᠭᠠᠨ ᠤ ᠳᠠᠷᠠᠭᠠᠬᠢ ᠦᠵᠡᠮᠵᠢ ᠶᠠᠭᠤᠲᠠᠢ ᠰᠠᠶᠢᠬᠠᠨ ᠦᠵᠡᠭᠳᠡᠬᠦ ᠪᠤᠢ︕ ᠠᠯᠢᠪᠠ ᠪᠤᠳᠠᠰ ᠥᠩᠭᠡᠯᠢᠭ ᠰᠢᠨᠡᠬᠡᠨ ᠬᠠᠷᠠᠭᠳᠠᠵᠤ ᠪᠡᠶᠡ ᠳᠡᠭᠡᠷᠡᠬᠢ ᠭᠬᠢᠷ | ᠲᠣᠭᠤᠰᠤ ᠳᠠᠷᠤᠭᠠᠰᠤ ᠲᠠᠢ ᠪᠠᠨ ᠤᠬᠢᠶᠠᠭᠳᠠᠨ ᠠᠷᠢᠯᠵᠤ ᠪᠡᠶᠡ ᠪᠠᠨ ᠰᠡᠭᠰᠦᠷᠦᠮᠡᠭᠴᠡ ᠤᠯᠠᠮ ᠬᠥᠩᠭᠡᠷᠡᠵᠦ ᠨᠡᠯᠢᠶᠡᠳ ᠤᠷᠮᠠ ᠪᠠᠬᠠ ᠲᠠᠢ ᠪᠣᠯᠪᠠ᠃ ᠭᠡᠪᠡᠴᠦ | ᠬᠦᠮᠦᠨ ᠤ ᠨᠢᠭᠤᠷ ᠪᠠᠶᠢᠳᠠᠯ ᠲᠡᠶᠢᠮᠦ ᠡᠭᠡᠯᠢᠲᠡᠢ ᠬᠠᠷᠠᠭᠳᠠᠬᠤ ᠪᠠᠨ ᠪᠤᠯᠢᠵᠤ ᠴᠢᠳᠭᠦᠷ ᠱᠤᠯᠤᠮ ᠰᠢᠭ᠋ ᠬᠠᠷᠠ ᠬᠤᠤᠷᠲᠠᠢ ᠦᠵᠡᠭᠳᠡᠬᠦ ᠪᠣᠯᠪᠠ᠃ | ᠬᠤᠷᠣᠮᠬᠠᠨ ᠵᠠᠭᠤᠷᠠ ᠨᠠᠷᠠ ᠰᠢᠩᠭᠡᠵᠦ ᠰᠠᠷᠠ ᠮᠠᠨᠳᠤᠭᠠᠳ ᠰᠥᠨᠢ ᠶᠢᠨ ᠪᠣᠯᠵᠤᠭᠠᠨ ᠤ ᠴᠠᠭ ᠪᠣᠯᠣᠯᠠ᠃ ᠭᠠᠭᠴᠠ ᠪᠡᠶᠡ ᠭᠤᠵᠣᠩ ᠲᠣᠯᠣᠭᠠᠢ ᠪᠠᠶᠢᠭᠰᠠᠨ | ᠢᠶᠠᠨ ᠡᠨᠡ ᠰᠥᠨᠢ ᠬᠠᠷᠢᠨ ᠬᠠᠨᠢ ᠨᠥᠬᠦᠷ ᠲᠠᠨᠢᠵᠤ ᠬᠠᠶᠢᠷᠠ ᠬᠠᠶᠢᠷᠠ ᠪᠠᠨ ᠣᠯᠣᠯᠴᠠᠵᠤ᠂ ᠪᠡᠶᠡ ᠪᠡᠶᠡ ᠪᠠᠨ ᠲᠦᠰᠢᠵᠦ ᠰᠠᠭᠤᠬᠤ ᠪᠠᠷ ᠪᠣᠯᠣᠯᠠ᠃ ᠬᠡᠳᠦᠨ ᠰᠠᠷᠠ | ᠶᠢᠨ ᠳᠠᠷᠠᠭᠠ ᠪᠢᠳᠡ ᠬᠤᠶᠠᠷ ᠲᠤ ᠪᠤᠨᠳᠣᠭᠤᠷ ᠪᠤᠨᠳᠣᠭᠤᠷ ᠴᠠᠭᠠᠨ ᠬᠦᠦ ᠵᠠᠶᠠᠭᠠᠯᠠ᠃ ᠭᠡᠷ ᠳᠦᠭᠦᠷᠡᠩ ᠪᠠᠶᠠᠷ ᠡ᠃ ᠬᠤᠶᠠᠭᠤᠯᠠ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠨᠢᠭᠡ ᠭᠡᠷ | ᠬᠦᠦ ᠲᠠᠢ ᠪᠣᠯᠣᠭᠰᠠᠨ ᠶᠤᠮ ᠴᠢᠨᠢ ᠡᠳᠦᠷ ᠬᠤᠨᠤᠭ ᠥᠩᠭᠡᠷᠡᠬᠦ ᠶᠢ ᠳᠠᠭᠠᠯᠳᠤᠨ ᠬᠤᠭᠤᠯᠠᠨ ᠳᠤ ᠣᠷᠣᠭᠰᠠᠨ ᠠᠴᠠ ᠭᠡᠳᠡᠰᠦ ᠴᠠᠳᠬᠤᠯᠠᠩ ᠪᠠᠶᠢᠵᠤ ᠳᠡᠶᠢᠯᠬᠦ ᠦᠭᠡᠢ | ᠪᠣᠯᠵᠤ ᠭᠠᠵᠠᠷ ᠪᠣᠯᠭᠠᠨ ᠢᠶᠠᠷ ᠭᠦᠶᠦᠳᠡᠭ ᠪᠣᠯᠪᠠ᠃ | ᠦᠷ ᠤᠨ ᠭᠡᠭᠡ ᠪᠠᠷ ᠪᠢᠳᠡ ᠬᠤᠶᠠᠭᠤᠯᠠ ᠡᠷᠲᠡᠯᠡᠨ ᠪᠣᠰᠴᠤ ᠬᠡᠦᠬᠡᠳ ᠤᠳ ᠢᠶᠠᠨ ᠡᠭᠦᠷ ᠲᠤ ᠪᠠᠨ ᠤᠨᠲᠠᠭᠤᠯᠤᠨ ᠣᠷᠬᠢᠭᠠᠳ ᠢᠳᠡᠰᠢ ᠬᠤᠭᠤᠯᠠ ᠡᠷᠢᠨ | ᠭᠦᠶᠦᠭᠰᠡᠭᠡᠷ ᠭᠡᠨᠡᠳᠳᠡ ᠡᠵᠡᠨ ᠤ ᠪᠠᠨ ᠭᠡᠷ ᠢ ᠣᠯᠵᠤ ᠦᠵᠡᠭᠡᠳ ᠬᠤᠶᠠᠭᠤᠯᠠ ᠡᠭᠦᠳᠡᠨ ᠵᠠᠪᠰᠠᠷ ᠢᠶᠠᠷ ᠰᠢᠷᠭᠤᠨ ᠣᠷᠣᠵᠤ ᠢᠳᠡᠬᠦ ᠶᠠᠭᠤᠮᠠ ᠡᠷᠢᠭᠰᠡᠭᠡᠷ ᠬᠥᠢᠲᠡᠨ | ᠪᠠᠶᠢᠰᠢᠩ ᠳᠤ ᠣᠷᠣᠬᠤ ᠲᠠᠢ ᠵᠡᠷᠭᠡ ᠬᠠᠷᠭᠢᠰ ᠡᠵᠡᠨ ᠮᠢᠨᠢ ᠣᠯᠵᠤ ᠦᠵᠡᠮᠡᠭᠴᠡ ᠬᠦᠷᠵᠡ ᠪᠠᠷᠢᠨ ᠭᠦᠶᠦᠵᠦ ᠢᠷᠡᠪᠡ᠃ ᠠᠶᠤᠵᠤ ᠰᠣᠴᠢᠬᠤ ᠳᠤ ᠪᠠᠨ ᠬᠥᠯ | ᠨᠤᠭᠤᠷᠤᠨ ᠴᠡᠴᠡᠷᠡᠵᠦ ᠬᠠᠨᠢ ᠪᠠᠨ ᠳᠠᠭᠠᠭᠤᠯᠤᠨ ᠭᠦᠶᠦᠲᠡᠯᠡ ᠲᠡᠭᠦᠨ ᠢ ᠴᠣᠬᠢᠨ ᠤᠨᠠᠭᠠᠪᠠ᠃ ᠪᠢ ᠱᠣᠯᠲᠤᠷᠤᠨ ᠭᠦᠶᠦᠵᠦ ᠭᠠᠷᠤᠨ ᠠᠷᠠᠢ ᠴᠢᠮᠠᠢ ᠠᠮᠢ ᠪᠦᠲᠦᠨ | ᠦᠯᠡᠳᠡᠭᠰᠡᠨ ᠴᠤ ᠬᠠᠨᠢ ᠮᠢᠨᠢ ᠭᠠᠷᠴᠤ ᠢᠷᠡᠭᠰᠡᠨ ᠦᠭᠡᠢ᠂ ᠵᠢᠷᠦᠬᠡ ᠰᠢᠮᠰᠢᠷᠡᠵᠦ ᠠᠯᠬᠤᠵᠤ ᠳᠡᠶᠢᠯᠬᠦ ᠪᠠᠨ ᠪᠣᠯᠢᠪᠠ᠃ ᠬᠡᠰᠡᠭ ᠤᠳᠠᠭᠠᠳ ᠲᠡᠭᠦᠨ ᠢ ᠡᠷᠭᠢᠵᠦ | ᠦᠵᠡᠬᠦ ᠪᠠᠷ ᠣᠴᠢᠬᠤ ᠳᠤ ᠡᠭᠦᠳᠡᠨ ᠤ ᠭᠠᠳᠠᠨᠠ ᠬᠠᠮᠠᠷ ᠠᠴᠠ ᠪᠠᠨ ᠴᠢᠰᠤ ᠭᠤᠭᠤᠵᠢᠭᠤᠯᠤᠨ ᠠᠮᠠᠨ ᠳᠤ ᠪᠠᠨ ᠬᠡᠰᠡᠭ ᠮᠢᠬᠠ ᠵᠠᠭᠤᠴᠢᠬᠠᠭᠰᠠᠨ ᠭᠠᠵᠠᠷ ᠬᠡᠪᠲᠡᠵᠦ | ᠪᠠᠶᠢᠯᠠ᠃ ᠨᠠᠮᠠ ᠶᠢ ᠦᠵᠡᠮᠡᠭᠴᠡ ︽ᠡᠨᠡ ᠮᠢᠬᠠ ᠶᠢ ᠬᠡᠦᠬᠡᠳ ᠤᠳ ᠲᠤ ᠪᠠᠨ ᠡᠳᠦᠷ ᠤᠨ ᠬᠦᠨᠡᠰᠦ ᠪᠣᠯᠭᠠᠴᠢᠬᠠ︕ ᠪᠢ᠂᠂᠂᠂︾ ᠭᠡᠵᠦ ᠬᠡᠯᠡᠵᠦ ᠪᠠᠶᠢᠬᠤ | ᠰᠢᠭ᠋ ᠬᠠᠷᠠᠭᠰᠠᠭᠠᠷ ᠠᠭᠠᠵᠢᠮ ᠢᠶᠠᠷ ᠨᠢᠳᠦ ᠪᠠᠨ ᠠᠨᠢᠵᠤ ᠳ᠋ᠧᠪᠠᠵᠠᠨᠳᠥ ᠪᠠᠨ ᠶᠠᠪᠤᠴᠢᠬᠠᠯᠠ᠃ ᠠᠮᠠᠨ ᠳᠠᠬᠢ ᠮᠢᠬᠠ ᠶᠢ ᠨᠢ ᠵᠠᠭᠤᠵᠤ ᠬᠡᠴᠢᠨᠡᠨ ᠳᠠᠭᠤᠳᠠᠨ | ᠬᠦᠯᠢᠶᠡᠭᠰᠡᠨ ᠴᠤ ᠪᠣᠰᠴᠤ ᠢᠷᠡᠭᠰᠡᠨ ᠦᠭᠡᠢ᠃ ᠬᠤᠶᠠᠳᠡᠬᠢ ᠤᠳᠠᠭᠠᠨ ᠤ ᠬᠤᠷᠣᠰᠣᠯ ᠤᠨ ᠨᠢᠯᠪᠤᠰᠤ ᠮᠢᠨᠢ ᠪᠥᠮᠪᠥᠷᠢᠯᠡ᠃ | ᠡᠭᠦᠷ ᠲᠤ ᠪᠠᠨ ᠬᠠᠷᠢᠬᠤ ᠳᠤ ᠬᠡᠦᠬᠡᠳ ᠤᠳ ᠮᠢᠨᠢ ᠪᠠᠰᠠ ᠯᠠ ᠠᠮᠲᠠᠲᠤ ᠨᠣᠶᠢᠷ ᠲᠤ ᠪᠠᠨ ᠪᠠᠶᠢᠵᠤ ︽ᠠᠪᠤ ᠡ᠂ ᠡᠵᠢ ᠡ︕ ᠪᠢ ᠲᠠ ᠬᠤᠶᠠᠷ ᠲᠤ ᠪᠠᠨ | ᠬᠠᠶᠢᠷᠠᠲᠠᠢ︕︾ ᠭᠡᠵᠦ ᠰᠢᠪᠡᠨᠡᠵᠦ ᠪᠠᠶᠢᠬᠤ ᠰᠢᠭ᠋ ᠠᠮᠠ ᠪᠠᠨ ᠣᠮᠤᠭ ᠣᠮᠤᠭ ᠭᠡᠵᠦ ᠪᠠᠶᠢᠯᠠ᠃ ᠰᠡᠳᠭᠢᠯ ᠤᠨ ᠬᠤᠷᠣᠰᠣᠯ ᠮᠠᠷᠲᠠᠭᠳᠠᠵᠤ ᠡᠬᠢᠯᠡᠯᠡ᠃ | | ᠰᠥᠨᠢ ᠳᠤᠮᠳᠠ ᠶᠢᠨ ᠰᠢᠪᠡᠨᠡᠭᠡ | | ᠰᠥᠨᠢ ᠶᠢᠨ ᠭᠦᠨ ᠪᠣᠯᠣᠯᠠ᠂ ᠵᠠᠮ ᠤᠨ ᠳ᠋ᠧᠩ ᠴᠤ ᠤᠨᠲᠠᠷᠠᠯᠠ᠃ ᠶᠠᠭ ᠯᠠ ᠠᠮᠠᠷᠠᠬᠤ ᠴᠠᠭ ᠪᠣᠯᠣᠭᠰᠠᠨ ᠶᠤᠮᠰᠢᠭ ᠴᠢᠬᠢ ᠪᠠᠨ ᠲᠠᠯᠪᠢᠨ ᠴᠢᠩᠨᠠᠬᠤ ᠳᠤ | ᠭᠠᠳᠠᠨᠠ ᠮᠠᠰᠢᠨ ᠲᠡᠷᠭᠡᠨ ᠤ ᠰᠦᠯᠵᠢᠯᠳᠦᠨ ᠬᠦᠩᠭᠢᠨᠡᠬᠦ ᠳᠠᠭᠤ ᠴᠤ ᠦᠭᠡᠢ ᠪᠣᠯᠵᠤ ᠬᠠᠶᠠ ᠨᠢᠭᠡ ᠨᠣᠬᠠᠢ ᠶᠢᠨ ᠣᠶᠢᠳᠬᠠᠷ ᠲᠠᠢ ᠬᠤᠴᠠᠬᠤ ᠴᠢᠮᠡᠭᠡ ᠳᠤᠭᠤᠯᠳᠠᠨᠠ᠃ | | ︽ᠡᠵᠡᠨ ᠨᠠᠮᠠ ᠶᠢ ᠦᠭᠡᠶᠢᠯᠡᠬᠦ ᠪᠠᠨ ᠪᠣᠯᠢᠵᠤ | ᠥᠯᠳᠡᠵᠦ ᠭᠡᠷ ᠠᠴᠠ ᠪᠠᠨ ᠲᠠᠭᠤᠵᠤ ᠭᠠᠷᠭᠠᠭᠠᠳ | ᠣᠷᠣᠬᠤ ᠭᠡᠷ ᠦᠭᠡᠢ ᠪᠣᠯᠣᠭᠰᠠᠨ ᠳᠤ ᠪᠠᠨ | ᠭᠤᠨᠢᠭ ᠤᠨ ᠳᠠᠭᠤᠤ ᠪᠠᠨ ᠠᠶᠠᠯᠤᠨ ᠰᠠᠭᠤᠨᠠ᠃ | ᠥᠯᠥᠰᠭᠦᠯᠡᠩ ᠭᠡᠳᠡᠰᠦ ᠪᠠᠨ ᠰᠢᠷᠲᠡᠨ ᠪᠠᠶᠢᠵᠤ | ᠥᠰᠢᠶᠡ ᠬᠤᠷᠣᠰᠣᠯ ᠢᠶᠠᠷ ᠳᠦᠭᠦᠷᠡᠩ ᠪᠠᠶᠢᠵᠤ | ᠡᠳᠦᠷ ᠰᠥᠨᠢ ᠶᠢ ᠮᠡᠳᠡᠯ ᠦᠭᠡᠢ ᠪᠠᠶᠢᠵᠤ | ᠠᠮᠢ ᠵᠠᠭᠤᠨ ᠲᠡᠨᠦᠳᠡᠭ ᠪᠣᠯᠣᠯᠠ᠃ | ᠨᠢᠭᠤᠷ ᠳᠦᠭᠦᠷᠡᠩ ᠭᠤᠨᠢᠭ ᠢᠶᠠᠷ ᠵᠢᠷᠤᠭᠯᠠᠵᠤ | ᠵᠠᠯᠠᠭᠤ ᠪᠠᠶᠢᠭᠰᠠᠨ ᠴᠤ ᠥᠲᠡᠯᠬᠦ ᠶᠢᠨ ᠲᠦᠷᠢ ᠲᠠᠢ ᠪᠣᠯᠵᠤ | ᠵᠡᠷᠭᠡᠯᠡᠳᠡᠭᠡ ᠠᠶᠢᠯ ᠤᠨ ᠨᠣᠬᠠᠳ ᠬᠦᠷᠲᠡᠯᠡ | ᠵᠢᠭᠰᠢᠭᠡᠳ ᠨᠠᠮᠠ ᠠᠴᠠ ᠬᠤᠯᠠᠲᠠᠬᠤ ᠪᠣᠯᠣᠯᠠ᠃ | ᠠᠢ ᠬᠥᠭᠡᠷᠥᠬᠦᠢ ᠮᠢᠨᠤ ᠠᠮᠢᠳᠤᠷᠠᠯ | ᠡᠷᠢᠶᠡᠨ ᠪᠠᠷᠠᠭᠠᠨ ᠢᠶᠠᠷ ᠪᠢᠯᠬᠠᠮᠠ | ᠡᠷᠭᠢᠬᠦ ᠲᠥᠷᠥᠯ ᠳᠤ ᠪᠠᠨ ᠪᠢ | ᠨᠣᠬᠠᠢ ᠯᠠ ᠶᠠᠭᠠᠬᠢᠭᠰᠠᠨ ᠴᠤ ᠪᠣᠯᠬᠤ ᠦᠭᠡᠢ︾ ᠭᠡᠳ ᠭᠤᠯᠣᠭᠳᠠᠭᠰᠠᠨ ᠨᠣᠬᠠᠢ ᠶᠢᠨ ᠭᠠᠩᠰᠠᠷᠠᠨ ᠳᠠᠭᠤᠯᠠᠬᠤ ᠶᠢ ᠮᠤᠤᠷ ᠣᠯᠵᠤ ᠰᠣᠨᠣᠰᠤᠭᠠᠳ᠄ | ︽ᠡᠷᠭᠢᠵᠦ ᠢᠷᠡᠬᠦ ᠦᠭᠡᠢ ᠵᠠᠯᠠᠭᠤ ᠨᠠᠰᠤ ᠪᠠᠨ ᠴᠢ ᠥᠪᠡᠷ ᠢᠶᠠᠨ ᠬᠠᠶᠢᠷᠠᠯᠠᠭᠠᠷᠠᠢ︕ ᠡᠵᠡᠨ ᠴᠢᠨᠢ ᠴᠢᠮᠠ ᠶᠢ ᠭᠤᠯᠣᠭᠰᠠᠨ ᠴᠤ ᠠᠮᠢ ᠨᠠᠰᠤ ᠪᠣᠯ ᠪᠤᠷᠬᠠᠨ | ᠲᠡᠭᠷᠢ ᠠᠴᠠ ᠵᠠᠶᠠᠭᠠᠭᠰᠠᠨ ᠣᠯᠳᠠᠰᠢ ᠦᠭᠡᠢ ᠨᠠᠨᠳᠢᠨ ᠪᠡᠯᠡᠭ ᠶᠤᠮ︾ ᠭᠡᠵᠦ ᠲᠠᠶᠢᠳᠬᠤᠷᠠᠭᠤᠯᠪᠠ᠃ | ︽ᠡᠳᠡᠭᠡᠷ ᠤᠴᠢᠷ ᠢ ᠪᠢ ᠥᠪᠡᠷ ᠢᠶᠠᠨ ᠴᠤ ᠭᠡᠰᠡᠨ ᠮᠡᠳᠡᠵᠦ ᠪᠠᠶᠢᠨᠠ᠂ ᠭᠡᠲᠡᠯᠡ᠂᠂᠂᠂︾ ᠭᠡᠳ ᠬᠤᠭᠤᠯᠠᠢ ᠨᠢ ᠵᠠᠩᠭᠢᠷᠠᠵᠤ ᠦᠭᠡ ᠪᠠᠨ ᠶᠠᠷᠢᠵᠤ ᠳᠡᠶᠢᠯᠬᠦ | ᠪᠠᠨ ᠪᠣᠯᠢᠵᠤ ᠬᠡᠰᠡᠭ ᠪᠣᠯᠣᠭᠰᠠᠨ ᠤ ᠳᠠᠷᠠᠭᠠ ᠦᠭᠡ ᠪᠠᠨ ᠡᠯᠭᠦᠵᠦ᠄ | ︽ᠮᠥᠩᠬᠡ ᠲᠡᠭᠷᠢ ᠠᠴᠠ ᠨᠠᠮᠠ ᠳᠤ ᠳᠠᠭᠠᠭᠠᠯᠭᠠᠭᠰᠠᠨ ᠡᠭᠦᠷᠭᠡ ᠪᠣᠯ ᠡᠵᠡᠨ ᠤ ᠪᠠᠨ ᠭᠡᠷ ᠢ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠰᠠᠬᠢᠬᠤ ᠶᠠᠪᠤᠳᠠᠯ ᠪᠣᠯᠣᠨᠠ᠃ | ᠮᠣᠩᠭᠤᠯᠴᠤᠳ ᠡᠷᠲᠡ ᠳᠡᠭᠡᠳᠦ ᠠᠴᠠ ᠪᠠᠨ ᠠᠮᠢᠲᠠᠨ ᠠᠷᠢᠶᠠᠲᠠᠨ ᠳᠤ ᠡᠭᠡᠯᠢᠲᠡᠢ ᠪᠠᠶᠢᠳᠠᠭ᠃ ᠭᠡᠲᠡᠯᠡ ᠣᠳᠣ ᠬᠠᠷᠢᠨ ᠨᠣᠭᠤᠭᠠᠨ ᠯᠣᠩᠬᠤ ᠪᠠᠷ ᠬᠠᠨᠢ ᠬᠢᠵᠦ᠂ | ᠬᠤᠲᠠ ᠪᠠᠨ ᠬᠤᠷᠢᠶᠠᠵᠤ ᠬᠤᠲᠠ ᠳᠤ ᠣᠷᠤᠭᠠᠳ ᠨᠠᠮᠠ ᠶᠢ ᠪᠤᠳᠠᠭᠠᠨ ᠤ ᠪᠠᠷᠠᠰᠢ ᠭᠡᠵᠦ ᠴᠣᠬᠢᠨ ᠭᠡᠷ ᠠᠴᠠ ᠪᠠᠨ ᠬᠥᠭᠡᠭᠡᠯᠡ︾ ᠭᠡᠵᠦ ᠨᠢᠯᠪᠤᠰᠤ ᠴᠡᠶᠢᠯᠭᠡᠨᠡᠭᠦᠯᠦᠨ | ᠳᠣᠯᠤᠭᠠᠨ ᠪᠤᠯᠴᠢᠷᠬᠠᠢ ᠪᠠᠨ ᠲᠣᠭᠠᠴᠢᠯᠠ᠃ | ᠮᠤᠤᠷ ᠭᠦᠨ ᠰᠢᠭᠦᠷᠡᠰᠦ ᠠᠯᠳᠠᠨ᠄ ︽ᠲᠡᠭᠡᠯᠡ ᠭᠡᠳ ᠪᠢᠳᠡ ᠶᠠᠭᠠᠬᠢᠵᠤ ᠳᠡᠶᠢᠯᠬᠦ ᠪᠢᠯᠡ︕ ᠪᠢ ᠴᠤ ᠭᠡᠰᠡᠨ ᠥᠪᠡᠷ ᠤᠨ ᠲᠤᠰᠬᠠᠢ ᠠᠵᠢᠯ ᠳᠠᠭᠠᠭᠠᠯᠭᠠᠪᠤᠷᠢ | ᠲᠠᠢ ᠪᠠᠶᠢᠭᠰᠠᠨ᠂ ᠭᠡᠲᠡᠯᠡ ᠣᠳᠣ ᠪᠠᠰᠠ ᠯᠠ ᠴᠢᠮᠠ ᠲᠠᠢ ᠠᠳᠠᠯᠢ ᠣᠷᠣᠬᠤ ᠭᠡᠷ ᠣᠭᠤᠴᠢᠬᠤ ᠠᠶᠠᠭᠠ ᠦᠭᠡᠢ ᠲᠡᠨᠦᠭᠦᠴᠢᠯᠡᠵᠦ ᠶᠠᠪᠤᠨᠠ᠃ ᠬᠤᠯᠤᠭᠠᠨᠠ ᠴᠤ | ᠪᠢᠳᠡᠨ ᠢ ᠳᠣᠷᠣᠰᠢᠶᠠᠨ ᠦᠵᠡᠬᠦ ᠪᠣᠯᠣᠯᠠ᠃ ᠠᠢ᠂ ᠴᠠᠭ ᠦᠶᠡ ᠬᠤᠪᠢᠷᠠᠵᠠᠢ᠂᠂᠂᠂︾ ᠭᠡᠵᠡᠢ᠃ | ᠲᠡᠷᠡ ᠬᠤᠶᠠᠷ ᠤᠨ ᠭᠠᠰᠢᠭᠤᠨ ᠭᠤᠨᠢᠷᠬᠠᠯᠲᠠᠢ ᠶᠠᠷᠢᠶᠠ ᠶᠠᠪᠤᠬᠤ ᠳᠤᠲᠤᠮ ᠬᠤᠯᠠᠳᠠᠨ ᠨᠢᠭᠡ ᠮᠡᠳᠡᠬᠦ ᠳᠤ ᠦᠷ ᠴᠠᠶᠢᠯᠠ᠃ ᠲᠡᠳᠡᠭᠡᠷ ᠤᠨ ᠠᠮᠢᠳᠤᠷᠠᠯ ᠬᠤᠵᠢᠮ | ᠶᠠᠮᠠᠷ ᠪᠣᠯᠬᠤ ᠪᠣᠯ ᠭᠡᠰᠡᠨ ᠠᠰᠠᠭᠤᠯᠲᠠ ᠶᠢᠨ ᠲᠡᠮᠳᠡᠭ ᠤᠭᠲᠠᠷᠭᠤᠢ ᠳᠤ ᠰᠢᠭᠤᠭᠳᠠᠬᠤ ᠣᠳᠣᠨ ᠮᠡᠴᠢᠳ ᠰᠢᠭ ᠠᠷᠢᠯᠤᠯᠠ᠃ | | |