| 1᠂ ᠬᠡᠤᠬᠡᠳ ᠪᠠᠭᠠᠴᠤᠳ ᠪᠤᠳᠤᠭᠤ ᠶᠢ ᠦᠬᠦᠭᠡᠷᠳᠡᠭᠡᠳ ᠠᠮᠠ ᠬᠤᠩᠰᠢᠶᠠᠷ ᠢ ᠨᠢ ᠲᠠᠭᠠᠯᠠᠬᠤ ᠶᠢ ᠴᠡᠭᠡᠷᠯᠡᠵᠤ᠂ ᠲᠠᠷᠠᠭᠠ ᠲᠦᠷᠦᠯ ᠳᠤ ᠪᠠᠨ ᠲᠠᠰᠤᠷᠬᠠᠢ ᠤᠷᠤᠭᠤᠯ | ᠲᠠᠢ ᠬᠦᠮᠦᠨ ᠪᠤᠯᠵᠤ ᠲᠦᠷᠦᠨᠡ ᠬᠡᠵᠤ ᠬᠡᠯᠡᠳᠡᠭ ᠤᠨ ᠤᠴᠢᠷ ᠨᠢ ᠠᠷᠢᠭᠤᠨ ᠴᠡᠪᠡᠷ ᠢ ᠡᠷᠬᠢᠮᠯᠡᠭᠰᠡᠨ ᠴᠡᠭᠡᠷ ᠶᠤᠰᠤ᠃ | 2᠂ ᠵᠢᠷᠮᠤᠰᠤᠨ ᠡᠮᠡᠭᠲᠠᠢ ᠲᠡᠮᠡᠭᠡ ᠤᠨᠤᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠬᠡᠪᠡᠯᠢ ᠳᠠᠬᠢ ᠬᠡᠤᠬᠡᠳ ᠨᠢ ᠠᠷᠪᠠᠨ ᠬᠤᠶᠠᠷ ᠰᠠᠷᠠ ᠪᠤᠯᠤᠭᠠᠳ ᠦᠵᠡᠭᠳᠡᠨᠡ ᠬᠡᠵᠤ ᠬᠡᠯᠡᠳᠡᠭ᠃ | ᠤᠴᠢᠷ ᠨᠢ ᠲᠡᠮᠡᠭᠡᠨ ᠤ ᠠᠯᠬᠤᠭᠠ ᠶᠠᠪᠤᠳᠠᠯ ᠬᠠᠳᠠᠭᠤ᠂ ᠮᠤᠷᠳᠠᠵᠤ ᠪᠠᠭᠤᠬᠤ ᠳᠤ ᠡᠪ ᠬᠠᠪᠤ ᠦᠬᠡᠢ ᠪᠠᠶᠢᠳᠠᠭ ᠲᠤᠯᠠ ᠬᠡᠪᠡᠯᠢ ᠳᠠᠬᠢ ᠬᠡᠤᠬᠡᠳ ᠨᠢ ᠲᠤᠩᠰᠢᠵᠤ | ᠬᠡᠮᠳᠦᠬᠦ ᠠᠴᠠ ᠰᠡᠷᠡᠮᠵᠢᠯᠡᠭᠰᠡᠨ ᠴᠡᠭᠡᠷ᠃ | 3᠂ ᠪᠤᠤᠷᠠ ᠶᠢ ᠬᠠᠷᠢᠶᠠᠵᠤ ᠮᠤᠳᠤ ᠴᠢᠯᠠᠭᠤ ᠪᠠᠷ ᠴᠤᠬᠢᠵᠤ ᠵᠤᠳᠤᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠪᠤᠤᠷᠠ ᠪᠠᠨ ᠬᠠᠷᠢᠶᠠᠵᠤ ᠪᠦᠳᠦᠬᠦᠯᠢᠭ ᠢᠶᠠᠷ ᠵᠤᠳᠤᠵᠤ ᠰᠤᠷᠭᠠᠳᠠᠭ ᠪᠢᠰᠢ | ᠬᠠᠷᠢᠨ ᠠᠷᠭᠠ ᠲᠡᠮ ᠬᠡᠷᠡᠭᠯᠡᠬᠦ ᠬᠡᠷᠡᠭᠲᠠᠢ ᠭᠡᠰᠡᠨ ᠵᠢᠮᠡ ᠶᠤᠰᠤ ᠶᠢ ᠢᠯᠡᠳᠭᠡᠭᠰᠡᠨ ᠴᠡᠭᠡᠷ᠃ | 4᠂ ᠲᠡᠮᠡᠭᠡᠨ ᠤ ᠬᠤᠮ ᠠᠴᠢᠶᠠ ᠪᠠᠨ ᠴᠢᠩᠭᠠ ᠲᠠᠳᠠᠵᠤ ᠬᠦᠯᠢᠬᠦ ᠶᠢ ᠴᠡᠭᠡᠷᠯᠡᠳᠡᠭ᠃ ᠲᠠᠳᠠᠯᠭᠠ ᠴᠢᠩᠭᠠᠷᠠᠪᠠᠯ ᠲᠡᠮᠡᠭᠡᠨ ᠤ ᠪᠦᠭᠡᠷᠡ ᠤᠨᠠᠨᠠ ᠬᠡᠵᠤ ᠬᠡᠯᠡᠳᠡᠭ᠃ | ᠲᠡᠷᠡ ᠨᠢ ᠤᠳᠠᠭᠠᠨ ᠵᠢᠯ ᠤᠨ ᠠᠶᠠᠨ ᠵᠠᠮ᠂ ᠠᠴᠢᠶᠠ ᠲᠡᠭᠡᠭᠡᠪᠦᠷᠢ ᠶᠢᠨ ᠪᠤᠳᠠᠳᠤ ᠦᠢᠯᠡᠳᠦᠯᠭᠡ ᠠᠴᠠ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ | ᠠᠭᠤᠯᠤᠭᠳᠠᠴᠠ ᠪᠦᠬᠦᠢ ᠨᠢᠭᠤᠴᠠ ᠲᠠᠢ ᠴᠡᠭᠡᠷ ᠶᠤᠰᠤ ᠶᠤᠮ᠃ | 5᠂ ᠬᠡᠬᠡᠯᠳᠦᠬᠦᠯᠭᠡ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠬᠡᠬᠡᠯ ᠠᠪᠬᠤ ᠢᠩᠭᠡ ᠪᠠᠨ ᠤᠨᠤᠵᠤ ᠡᠳ᠋ᠯᠡᠬᠦ ᠶᠢ ᠴᠡᠭᠡᠷᠯᠡᠳᠡᠭ᠃ | 6᠂ ᠪᠤᠤᠷᠠ ᠤᠷᠤᠭᠰᠠᠨ ᠬᠤᠭᠤᠴᠠᠭᠠᠨ ᠳᠤ ᠠᠷᠤᠭ ᠡᠭᠦᠷᠦᠭᠰᠡᠨ ᠬᠦᠮᠦᠨ ᠪᠤᠤᠷᠠ ᠲᠠᠢ ᠲᠡᠮᠡᠭᠡ ᠪᠠᠨ ᠠᠷᠠᠴᠢᠯᠠᠵᠤ ᠬᠠᠷᠢᠭᠤᠯᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠠᠷᠤᠭ | ᠪᠤᠤᠷᠠ ᠬᠤᠶᠠᠷ ᠠᠨᠳᠠᠭᠠᠢ ᠲᠠᠢ ᠭᠡᠵᠤ ᠲᠠᠶᠢᠯᠪᠤᠷᠢᠯᠠᠨ᠂ ᠤᠷᠤᠭᠰᠡᠨ ᠪᠤᠤᠷᠠ ᠬᠠᠷᠭᠠᠨᠠ ᠪᠤᠳᠠ ᠠᠷᠤᠭ ᠢ ᠦᠵᠡᠮᠡᠭᠴᠡ ᠲᠠᠷᠤᠵᠤ ᠬᠡᠮᠬᠡᠯᠡᠳᠡᠭ ᠲᠤᠯᠠ ᠠᠳᠡᠯ ᠠᠶᠤᠯ | ᠭᠠᠷᠬᠤ ᠠᠴᠠ ᠰᠡᠷᠭᠡᠶᠢᠯᠡᠭᠰᠡᠨ ᠴᠡᠭᠡᠷ᠃ | 7᠂ ᠲᠡᠮᠡᠭᠡ ᠪᠠᠨ ᠮᠤᠩᠭᠤᠯ ᠭᠡᠷ ᠤᠨ ᠡᠭᠦᠳᠡᠨ ᠳᠤ ᠰᠠᠭᠠᠬᠤ ᠶᠢ ᠴᠡᠭᠡᠷᠯᠡᠨ ᠬᠡᠷ ᠲᠤ ᠯᠤᠤ ᠪᠠᠭᠤᠨᠠ ᠬᠡᠵᠤ᠂ ᠡᠨᠡ ᠨᠢ ᠲᠡᠮᠡᠭᠡ ᠦᠨᠳᠦᠷ ᠪᠡᠶᠡ ᠲᠠᠢ ᠬᠦᠴᠦ ᠲᠠᠮᠢᠷ | ᠶᠡᠭᠡ ᠲᠤᠯᠠ ᠭᠡᠷ ᠲᠤ ᠤᠷᠤᠵᠤ ᠰᠤᠷᠤᠭᠠᠳ ᠡᠪᠳᠡᠭᠳᠡᠯ ᠰᠦᠢᠳᠦᠯ ᠭᠠᠷᠬᠤ ᠠᠴᠠ ᠰᠡᠷᠡᠮᠵᠢᠯᠡᠭᠰᠡᠨ ᠴᠡᠭᠡᠷ᠃ | 8᠂ ᠲᠡᠮᠡᠭᠡ ᠪᠠᠨ ᠬᠠᠰᠢᠷᠠᠲᠠᠯᠠ ᠤᠨᠤᠵᠤ ᠡᠳ᠋ᠯᠡᠨ ᠠᠴᠢᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠲᠡᠷᠡ ᠨᠢ ᠬᠠᠰᠢᠷᠠᠭᠰᠠᠨ ᠲᠡᠮᠡᠭᠡ ᠤᠨᠤᠵᠤ ᠠᠴᠢᠬᠤ ᠶᠢᠨ ᠵᠠᠭᠤᠷᠠ ᠠᠭᠠᠰᠢ ᠵᠠᠩ | ᠭᠠᠷᠭᠠᠳᠠᠭ ᠲᠤᠯᠠ ᠦᠷᠡᠭᠳᠡᠯ ᠰᠦᠢᠳᠦᠯ ᠠᠴᠠ ᠵᠠᠶᠢᠯᠠᠰᠬᠢᠭ᠍ᠰᠡᠨ ᠴᠡᠭᠡᠷ᠃ | 9᠂ ᠲᠡᠮᠡᠭᠡ ᠪᠠᠨ ᠨᠠᠷᠢᠬᠠᠨ ᠪᠤᠶᠢᠯᠠ ᠪᠠᠷ ᠪᠤᠶᠢᠯᠠᠯᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠲᠠᠷᠡ ᠨᠢ ᠨᠠᠷᠢᠬᠠᠨ ᠪᠤᠶᠢᠯᠠ ᠬᠤᠭᠤᠷᠠᠬᠤ ᠳᠤ ᠬᠢᠯᠪᠠᠷ ᠲᠤᠯᠠ ᠠᠳᠡᠯ ᠭᠠᠷᠬᠤ ᠠᠴᠠ | ᠰᠡᠷᠡᠮᠵᠢᠯᠡᠭᠰᠡᠨ ᠴᠡᠭᠡᠷ᠃ | 10᠂ ᠤᠶᠠᠭᠠ ᠰᠤᠶᠢᠯᠭᠠ ᠠᠪᠤᠭᠰᠠᠨ ᠦᠬᠡᠢ ᠲᠡᠮᠡᠭᠡ ᠪᠠᠨ ᠤᠨᠤᠵᠤ ᠠᠴᠢᠶᠠᠨ ᠳᠤ ᠬᠡᠷᠡᠭᠯᠡᠬᠦ ᠶᠢ ᠴᠡᠭᠡᠷᠯᠡᠳᠡᠭ᠃ ᠲᠡᠷᠡ ᠨᠢ ᠲᠡᠮᠡᠭᠡᠨ ᠳᠤ ᠲᠤᠳᠤᠷᠠ ᠬᠠᠯᠠᠭᠤᠨ | ᠰᠠᠭᠤᠵᠤ ᠡᠪᠡᠳᠴᠢᠨ ᠬᠡᠮ ᠲᠠᠢ ᠪᠤᠯᠬᠤ ᠠᠴᠠ ᠰᠡᠷᠭᠡᠶᠢᠯᠡᠭᠰᠡᠨ ᠴᠡᠭᠡᠷ ᠶᠤᠰᠤ᠃ | | ᠵᠤᠷᠢᠭᠪᠠᠭᠠᠳᠤᠷ ᠤᠨ ᠨᠠᠶᠢᠷᠠᠭᠤᠯᠤᠨ ᠵᠤᠬᠢᠶᠠᠭᠰᠠᠨ ︽ᠤᠷᠠᠨ ᠲᠠᠷᠬᠠᠨ ᠤᠷᠠᠳ ᠤᠨ ᠵᠠᠩ ᠦᠢᠯᠡ︾ ᠬᠡᠬᠦ ᠨᠤᠮ ᠠᠴᠠ ᠪᠠᠭᠤᠯᠭᠠᠪᠠ |