| ᠮᠢᠨᠤ ᠠᠪᠤ ᠠᠳᠤᠭᠤᠴᠢᠨ | | ᠮᠦᠩᠭᠡᠵᠤᠯᠠ | | | ᠱᠠᠩᠬᠤ ᠲᠡᠯ ᠲᠠᠢ ᠵᠡᠭᠡᠷᠳᠡ ᠤᠨᠤᠨ | ᠰᠢᠷᠠ ᠲᠤᠷᠳᠤᠩ ᠲᠠᠢ ᠲᠤᠷᠠᠨ ᠡᠭᠦᠷᠴᠦ | ᠵᠢᠵᠤ ᠡᠮᠡᠭᠡᠯ ᠲᠡᠭᠡᠷᠡ ᠲᠠᠰᠢᠶᠠᠯᠳᠤᠵᠤ ᠰᠠᠭᠤᠨ | ᠵᠢᠩᠬᠢᠨᠡᠳᠡᠯᠡ ᠢᠰᠭᠡᠷᠤᠨ ᠡᠷᠢᠯ ᠳᠤ ᠮᠤᠷᠳᠠᠳᠠᠭ | ᠮᠢᠨᠤ ᠠᠪᠤ ᠠᠳᠤᠭᠤᠴᠢᠨ ᠬᠦᠮᠦᠨ | ᠴᠠᠩ ᠬᠦᠤᠷᠭᠡ ᠲᠠᠢ ᠠᠳᠤᠭᠤᠳ ᠰᠤᠷᠳᠤᠯᠵᠠᠨ | ᠴᠠᠭᠠᠨ ᠦᠨᠳᠦᠷ ᠢᠶᠠᠷ ᠴᠠᠬᠢᠯᠠᠵᠤ ᠦᠩᠭᠡᠷᠡᠭᠦ ᠳᠤ | ᠲᠤᠭᠤᠷᠠᠢ ᠶᠢᠨ ᠢᠯᠴᠢᠨ ᠳᠤ ᠨᠢ ᠴᠠᠰᠤ ᠬᠠᠭᠵᠠᠷᠠᠨ | ᠲᠤᠷᠬᠢᠬᠤ ᠴᠤᠤᠷᠠᠢ ᠳᠤ ᠨᠢ ᠵᠢᠪᠡᠷ ᠪᠦᠯᠢᠶᠠᠰᠤᠨᠠ | ᠮᠢᠨᠤ ᠠᠪᠤ ᠠᠳᠤᠭᠤᠴᠢᠨ ᠬᠦᠮᠦᠨ | ᠰᠦᠭᠡᠭ ᠴᠠᠶᠢᠳᠠᠮ ᠠᠮᠤᠭᠤᠯᠠᠩ ᠨᠤᠶᠢᠷᠰᠤᠵᠤ | ᠰᠦᠨᠢ ᠶᠢᠨ ᠤᠳᠤᠳ ᠲᠡᠭᠷᠢ ᠳᠤ ᠡᠷᠭᠡᠯᠡᠭᠦ ᠳᠤ | ᠤᠨᠠᠭᠠ ᠵᠡᠭᠦᠳᠦᠯᠠᠵᠤ ᠠᠪᠤ ᠪᠠᠶᠠᠰᠤᠩᠬᠠᠨ | ᠤᠬᠠᠭᠠ ᠰᠤᠶᠢᠵᠤ ᠪᠢ ᠮᠢᠰᠢᠶᠡᠭᠭᠡᠨ | ᠮᠢᠨᠤ ᠠᠪᠤ ᠠᠳᠤᠭᠤᠴᠢᠨ ᠬᠦᠮᠦᠨ | ︽ᠲᠡᠯ ᠲᠠᠢ ᠰᠢᠪᠠᠭᠤᠨ︾ ᠤ ᠢᠠᠴᠠᠭᠠᠯ ᠳᠤ | ᠨᠢᠷᠤᠭᠤ ᠲᠤᠯᠤᠭᠠᠳ ᠰᠡᠷᠭᠡᠭᠵᠢᠨᠡ | ᠲᠡᠪᠡᠯ ᠲᠠᠢ ᠠᠪᠤ ᠶᠢᠨ ᠰᠢᠷᠤᠩᠬᠠᠢ ᠳᠤ | ᠡᠷᠡ ᠶᠢᠨ ᠭᠡᠶᠢᠮᠦᠷᠢ ᠲᠡᠭᠵᠢᠨᠡ | ᠮᠢᠨᠤ ᠠᠪᠤ ᠠᠳᠤᠭᠤᠴᠢᠨ ᠬᠦᠮᠦᠨ | ᠭᠠᠵᠠᠷ ᠤᠨ ᠴᠠᠭᠠᠨ ᠬᠤᠶᠠᠩ ᠢ | ᠠᠳᠤᠭᠤᠨ ᠲᠤᠭᠤᠷᠠᠢ ᠲᠠᠶᠢᠯᠠᠨᠠ | ᠭᠠᠯᠪᠠ ᠶᠢᠨ ᠴᠠᠳᠢᠭ ᠲᠤᠤᠯᠢ ᠶᠢ | ᠮᠤᠷᠢᠨ ᠤ ᠰᠢᠨᠳᠠᠰᠤ ᠲᠤᠭᠤᠷᠪᠢᠨᠠ | ᠮᠢᠨᠤ ᠠᠪᠤ ᠠᠳᠤᠭᠤᠴᠢᠨ ᠬᠦᠮᠦᠨ | ᠭᠤᠴᠢᠨ ᠭᠤᠷᠪᠠᠨ ᠪᠠᠯᠠᠷ ᠭᠡᠵᠤ | ᠭᠤᠪᠢ ᠨᠤᠳᠤᠭ ᠤᠨ ᠮᠢᠨᠢ ᠲᠡᠭᠡᠭ | ︽ᠭᠤᠷᠪᠠᠨ ᠰᠠᠶᠢᠬᠠᠨ ᠭᠡᠭᠡᠷ︾ ᠭᠡᠵᠤ | ᠤᠷᠠᠳ ᠲᠦᠮᠡᠨ ᠤ ᠮᠢᠨᠢ ᠪᠠᠭ᠋ᠠᠷᠬᠠᠯ | ᠮᠢᠨᠤ ᠠᠪᠤ ᠠᠳᠤᠭᠤᠴᠢᠨ ᠬᠦᠮᠦᠨ | ᠤᠷᠭᠠ ᠰᠤᠩᠭᠠᠨ ᠱᠤᠩᠬᠤᠯᠠᠬᠰᠠᠨ | ᠬᠦᠯᠦᠭ ᠤᠨ ᠰᠤᠷ ᠲᠠᠢ ᠰᠠᠬᠢᠭᠤᠰᠤ | ᠤᠳᠤᠮ ᠲᠠᠮᠵᠢᠨ ᠰᠢᠭᠤᠷᠬᠠᠶᠢᠯᠠᠬᠰᠠᠨ | ᠬᠦᠮᠦᠨ ᠤ ᠰᠤᠤ ᠲᠠᠢ ᠪᠠᠭᠠᠳᠤᠷ | ᠮᠢᠨᠤ ᠠᠪᠤ ᠠᠳᠤᠭᠤᠴᠢᠨ ᠬᠦᠮᠦᠨ | ᠲᠡᠭᠷᠢ ᠰᠦᠯᠳᠡᠳᠦ ᠬᠦᠯᠦᠭ ᠤᠨ | ᠬᠠᠨ ᠲᠠᠶᠢᠴᠢᠨ ᠡᠵᠡᠨ | ᠲᠡᠮᠤᠵᠢᠨ ᠤᠬᠰᠠᠭᠠ ᠶᠠᠰᠤᠨ ᠤ | ᠬᠠᠳᠠᠨ ᠪᠠᠳᠤ ᠬᠦᠪᠡᠭᠦᠨ | ᠮᠢᠨᠤ ᠠᠪᠤ ᠠᠳᠤᠭᠤᠴᠢᠨ ᠬᠦᠮᠦᠨ | ᠡᠵᠢ ᠭᠤᠪᠢ ᠶᠢᠨ ᠡᠯᠢᠭᠡᠨ ᠳᠤ | ᠠᠳᠤᠭᠤᠨ ᠵᠠᠶᠠᠭᠠ ᠬᠤᠷᠤᠢ᠂ ᠬᠤᠷᠤᠢ︕ | ᠡᠮᠡᠭᠡᠯᠳᠤ ᠬᠦᠯᠦᠭ ᠤᠨ ᠨᠢᠷᠤᠭᠤᠨ ᠳᠤ | ᠠᠪᠤ ᠶᠢᠨ ᠲᠠᠭᠤᠷᠢᠰᠤᠯ ᠤᠷᠠᠢ᠂ ᠤᠷᠠᠢ︕ | ᠮᠢᠨᠤ ᠠᠪᠤ ᠠᠳᠤᠭᠤᠴᠢᠨ ᠬᠦᠮᠦᠨ᠃ | |