| ᠠᠪᠤ ᠮᠢᠨᠢ ᠠᠳᠤᠭᠤᠴᠢᠨ ᠬᠦᠮᠦᠨ | | ᠮᠦᠩᠭᠡᠵᠤᠯᠠ | | ᠰᠢᠨᠡᠬᠦ᠋ᠷᠢᠶᠡ ᠰᠤᠮᠤ ᠪᠠᠷ ᠨᠤᠳᠤᠭ ᠲᠠᠢ | ᠰᠢᠷᠠ ᠲᠤᠷᠳᠤᠩ ᠲᠠᠢ ᠲᠤᠷᠠᠨ ᠡᠭᠦᠷᠴᠦ | ᠰᠢᠯᠢ ᠶᠢᠨ ᠲᠡᠨᠵᠢ ᠪᠠᠷ ᠤᠳᠤᠷᠯᠠᠳᠠᠭ | ᠰᠦᠷᠯᠢᠭ ᠬᠠᠯᠵᠠᠨ ᠬᠦᠷᠡᠩ ᠮᠤᠷᠢ ᠤᠨᠤᠬᠰᠠᠨ | ᠠᠪᠤ ᠮᠢᠨᠢ ᠠᠳᠤᠭᠤᠴᠢᠨ ᠬᠦᠮᠦᠨ | ᠠᠬᠠ ᠲᠡᠭᠦᠤ ᠶᠢᠨ ᠲᠤᠮᠳᠠ ᠪᠠᠨ ᠰᠤᠳᠤᠨ ᠬᠦᠮᠦᠨ | ᠴᠠᠭᠠᠨ ᠦᠨᠳᠦᠷ ᠤᠨ ᠬᠤᠷᠮᠤᠢ ᠳᠤ ᠰᠠᠭᠤᠭᠠ | ᠴᠠᠭᠠᠷᠠᠬᠰᠠᠨ ᠤᠶᠤᠳᠠᠯᠴᠢᠨ ᠡᠵᠢ ᠶᠢᠨ ᠮᠢᠨᠢ | ᠴᠠᠢ ᠶᠢᠨ ᠬᠢᠨᠢ ᠲᠡᠭᠡᠵᠢ ᠶᠢ ᠲᠡᠭᠡᠳᠦᠯᠡᠵᠤ ᠠᠮᠰᠠᠨ | ᠴᠡᠩᠭᠡᠷ ᠲᠡᠷᠯᠢᠭ ᠢᠶᠠᠷ ᠭᠤᠶᠤᠯᠠᠭᠠᠳ ᠮᠤᠷᠳᠠᠳᠠᠭ | ᠠᠪᠤ ᠮᠢᠨᠢ ᠠᠳᠤᠭᠤᠴᠢᠨ ᠬᠦᠮᠦᠨ | ᠠᠶᠢᠯ ᠭᠡᠷ ᠲᠡᠭᠡᠨ ᠬᠦᠨᠳᠦᠳᠠᠢ ᠬᠦᠮᠦᠨ | ᠤᠷᠤᠭᠠ ᠪᠤᠰᠬᠠᠭᠠ ᠤᠩᠭᠤᠨ ᠮᠤᠷᠢᠳ ᠲᠤ | ᠤᠷᠭᠠ ᠶᠢᠨ ᠬᠤᠶᠢᠪᠢ ᠶᠢ ᠰᠠᠭᠠᠷᠠᠭᠤᠯᠵᠤ ᠦᠵᠡᠭᠡ ᠦᠭᠡᠢ | ᠤᠮᠤᠬᠳᠠᠢ ᠡᠷᠡᠰ ᠤᠨ ᠤᠶᠢᠷᠠᠳᠤᠭᠠ ᠦᠭᠡᠢ ᠠᠵᠢᠷᠭᠠ ᠶᠢ | ᠤᠷᠤᠨ ᠠᠴᠠ ᠨᠢ ᠬᠦᠳᠡᠯᠦᠯ ᠦᠭᠡᠢ ᠤᠷᠭᠠᠯᠠᠵᠤ ᠶᠠᠪᠤᠬᠰᠠᠨ | ᠠᠪᠤ ᠮᠢᠨᠢ ᠠᠳᠤᠭᠤᠴᠢᠨ ᠬᠦᠮᠦᠨ | ᠠᠶᠢᠯ ᠰᠠᠭᠠᠬᠠᠯᠳᠠ ᠶᠢᠨ ᠲᠤᠮᠳᠠ ᠪᠠᠨ ᠭᠠᠷᠮᠠᠭᠠᠢ ᠤᠷᠭᠠᠴᠢᠨ | ᠬᠠᠯᠵᠠᠨ ᠬᠦᠷᠡᠩ ᠳᠡᠭᠡᠨ ᠮᠤᠷᠳᠡᠨ ᠡᠷᠡᠮᠡᠭᠡᠶᠢᠯᠡᠵᠤ | ᠬᠤᠷᠳᠤᠨ ᠮᠤᠷᠢᠳ ᠤᠨ ᠰᠢᠨᠳᠠᠰᠤ ᠰᠢᠯᠭᠠᠨ | ᠬᠤᠤᠰ ᠨᠢᠳᠦᠨ ᠤ ᠲᠤᠷᠠᠨ ᠬᠠᠨᠢ ᠲᠠᠢ ᠪᠠᠨ | ᠬᠤᠯᠠᠨ ᠵᠢᠰᠤ ᠲᠠᠢ ᠠᠳᠤᠭᠤᠳ ᠢᠶᠠᠨ ᠴᠢᠭᠯᠡᠳᠡᠭ | ᠠᠪᠤ ᠮᠢᠨᠢ ᠠᠳᠤᠭᠤᠴᠢᠨ ᠬᠦᠮᠦᠨ | ᠠᠵᠢᠯᠴᠢ ᠪᠤᠷᠤᠬᠵᠢᠭᠤᠨ ᠭᠡᠶᠢᠮᠦᠷᠯᠢᠭ ᠬᠦᠮᠦᠨ | ᠶᠠᠪᠤᠳᠠᠯ ᠡᠷᠢᠯ ᠤᠨ ᠬᠦᠮᠦᠰ ᠲᠤ | ᠶᠢᠰᠦᠨ ᠵᠤᠭᠤᠰ ᠢᠶᠠᠨ ᠰᠢᠪᠳᠤᠷᠤᠨ | ᠢᠷᠦᠭᠡᠯ ᠲᠠᠢ᠂ ᠲᠤᠮ ᠲᠠᠢ ᠭᠡᠳᠦᠨ ᠦᠭᠡ ᠪᠠᠷ | ᠢᠷᠡᠭᠦ ᠬᠤᠨᠤᠭ ᠤᠨ ᠡᠷᠢᠯ ᠤᠨ ᠵᠠᠮ ᠢ ᠨᠢ ᠵᠢᠭᠠᠳᠠᠭ | ᠠᠪᠤ ᠮᠢᠨᠢ ᠠᠳᠤᠭᠤᠴᠢᠨ ᠬᠦᠮᠦᠨ | ᠤᠶᠢᠷᠠ ᠬᠠᠪᠢ ᠳᠠᠭᠠᠨ ᠲᠦᠯᠭᠡᠴᠢ ᠬᠦᠮᠦᠨ | ᠠᠷᠳᠠᠭ ᠲᠤᠬᠰᠢᠨ ᠡᠮᠨᠢᠭ ᠤᠨ ᠨᠢᠷᠤᠭᠤᠨ ᠳᠤ | ᠠᠷᠴᠠ ᠽᠠᠨᠳᠠᠨ ᠡᠮᠡᠭᠡᠯ ᠢᠶᠠᠨ ᠲᠤᠬᠤᠵᠤ | ᠠᠶᠢᠯ ᠬᠤᠳᠠᠯᠠ ᠤᠯᠠᠨ ᠲᠠᠶᠠᠭᠠᠷ ᠲᠤ ᠪᠠᠨ | ᠠᠳᠤᠭᠤᠴᠢᠨ ᠤ ᠭᠡᠶᠢᠮᠦᠷᠢ ᠪᠠᠨ ᠪᠤᠰᠬᠠᠵᠤ ᠶᠠᠪᠤᠬᠰᠠᠨ | ᠠᠪᠤ ᠮᠢᠨᠢ ᠠᠳᠤᠭᠤᠴᠢᠨ ᠬᠦᠮᠦᠨ | ᠠᠷᠠᠳ ᠤᠨ ᠲᠤᠮᠳᠠ ᠪᠠᠨ ᠴᠤᠤᠳᠠᠢ ᠬᠦᠮᠦᠨ | | |