| ᠬᠤᠯᠪᠣᠭᠠ — ᠪᠠᠶᠠᠨ ᠪᠣᠷᠣ | | ᠪᠠᠳᠤᠪᠤᠶᠠᠨ(ᠪᠠᠶ᠋ᠬᠠᠤᠯᠠᠭᠠᠨ ᠰᠤᠮᠤᠨ ᠤ ᠡᠭᠡᠪᠤᠯᠠᠭ ᠭᠠᠴᠠᠭᠠ ) | | ᠪᠤᠳᠠ ᠪᠤᠷᠭᠠᠰᠤ ᠪᠤᠳᠠᠷᠭᠠᠨᠠ ᠨᠢ | ᠪᠤᠶᠢᠯᠢ ᠨᠢᠷᠤᠭᠤᠨ ᠳᠤᠨᠢ ᠰᠠᠪᠬᠤᠯᠠᠬᠰᠠᠨ | ᠪᠤᠯᠵᠤᠮᠤᠷ ᠱᠠᠭᠠᠵᠠᠭᠠᠢ ᠬᠠᠷᠢᠶᠠᠴᠠᠢ ᠨᠢ | ᠪᠠᠯᠠᠷ ᠤᠢ ᠳᠤᠨᠢ ᠱᠠᠬᠰᠢᠯᠳᠤᠬᠰᠠᠨ | ᠨᠠᠭᠤᠷ ᠬᠤᠨᠳᠤ ᠲᠤᠭᠤᠷᠢᠮ ᠳᠤᠨᠢ | ᠨᠤᠭᠤᠰᠤ ᠭᠠᠯᠠᠭᠤ ᠨᠢ ᠤᠮᠪᠤᠯᠳᠠᠬᠰᠠᠨ | ᠨᠤᠮᠢᠨ ᠴᠡᠩᠭᠡᠷ ᠵᠡᠷᠭᠡᠯᠭᠡᠨ ᠳᠤᠨᠢ | ᠨᠤᠳᠤᠭ ᠨᠢ ᠲᠠᠭᠠᠭᠠᠳ ᠨᠡᠯᠡᠶᠢᠭᠰᠡᠨ | ᠪᠠᠶᠠᠨ ᠲᠠᠩᠰᠤᠭ ᠪᠡᠯᠴᠢᠭᠡᠷ ᠲᠤ ᠨᠢ | ᠪᠤᠮᠠᠨ ᠰᠦᠷᠦᠭ ᠨᠢ ᠪᠡᠯᠴᠢᠭᠰᠡᠨ | ᠪᠤᠳᠤᠯ ᠰᠡᠳᠬᠢᠯ ᠢᠳᠡᠭᠡᠯ ᠳᠤᠨᠢ | ᠪᠠᠶᠢᠭᠠᠯᠢ ᠨᠢ ᠭᠡᠪ ᠢᠶᠠᠷ ᠢᠶᠠᠨ ᠬᠤᠨᠤᠬᠰᠢᠬᠰᠠᠨ | ᠬᠤᠷᠠ ᠲᠤᠨᠤᠳᠠᠰᠤ ᠪᠠᠨ ᠲᠠᠭᠠᠭᠠᠳ | ᠬᠤᠷᠮᠤᠢ ᠰᠢᠭᠦᠷᠡᠮᠡ ᠪᠡᠯᠴᠢᠭᠡᠷ ᠲᠠᠢ | ᠬᠤᠳᠠᠯᠠ ᠲᠦᠮᠡᠨ ᠨᠢ ᠪᠠᠶᠠᠵᠢᠴᠢᠬᠠᠭᠠᠳ | ᠬᠤᠳᠠ ᠬᠦᠳᠡᠭᠡ ᠨᠢ ᠢᠯᠭᠠᠭᠠ ᠦᠭᠡᠢ | ᠬᠤᠤᠰ ᠡᠪᠡᠷ ᠲᠠᠢ ᠦᠭᠡᠷ ᠤᠳ ᠨᠢ | ᠨᠤᠳᠤᠭ ᠢᠶᠠᠨ ᠬᠠᠶᠢᠭᠠᠳ ᠮᠦᠭᠡᠷᠦᠯᠳᠦᠨᠡ | ᠬᠤᠰᠠᠷᠠᠩ ᠲᠠᠭᠠᠭᠤᠯᠤᠬᠰᠠᠨ ᠠᠳᠤᠭᠤᠳ ᠨᠢ | ᠭᠠᠵᠠᠷ ᠢᠶᠠᠨ ᠲᠠᠨᠢᠭᠠᠳ ᠴᠠᠪᠴᠢᠯᠠᠨᠠ | ᠪᠠᠯᠠᠷ ᠰᠠᠬᠤᠯᠠᠭ ᠪᠡᠯᠴᠢᠭᠡᠷ ᠳᠤᠨᠢ | ᠪᠠᠶᠠᠨ ᠰᠦᠷᠦᠭ ᠤᠳ ᠨᠢ ᠢᠳᠡᠰᠢᠯᠡᠨᠡ | ᠪᠡᠶᠡ ᠪᠦᠳᠦᠭᠦᠨ ᠪᠦᠭᠡᠴᠤᠳ ᠨᠢ | ᠪᠢᠷᠠ ᠲᠠᠮᠢᠷ ᠢᠶᠠᠨ ᠭᠠᠶᠢᠬᠠᠭᠤᠯᠤᠨᠠ | ᠦᠩᠭᠡᠷᠡᠭᠰᠡᠨ ᠤᠳᠤ ᠢᠷᠡᠭᠡᠳᠦᠢ ᠶᠢ | ᠦᠨᠡᠯᠡᠵᠤ ᠲᠠᠭᠠᠮᠠᠬᠯᠠᠳᠠᠭ ᠮᠡᠷᠭᠡᠳ ᠲᠠᠢ | ᠦᠷᠡ ᠬᠤᠶᠢᠴᠢᠰ ᠪᠠᠭᠠᠴᠤᠳ ᠢᠶᠠᠨ | ᠦᠰᠭᠡᠵᠤ ᠬᠦᠮᠦᠵᠢᠭᠦᠯᠳᠡᠭ ᠠᠬᠠᠮᠠᠳ ᠲᠠᠢ | ᠬᠤᠨᠳᠤᠨ ᠴᠠᠭᠠᠨ ᠬᠤᠨᠢᠳ ᠨᠢ | ᠬᠤᠳᠠ ᠢᠶᠠᠨ ᠦᠭᠡᠶᠢᠯᠡᠭᠡᠳ ᠬᠠᠷᠢᠬᠤ ᠳᠤᠨᠢ | ᠬᠤᠳᠠᠯᠠ ᠤᠯᠠᠨ ᠲᠦᠮᠡᠨ ᠨᠢ | ᠬᠡᠶᠢᠮᠦᠷᠢ ᠪᠠᠨ ᠬᠤᠷᠤᠶᠢᠯᠠᠨ ᠲᠠᠯᠠᠯᠤᠨᠠ | ᠤᠷᠠᠨ ᠲᠡᠮᠳᠡᠢ ᠪᠦᠰᠡᠭᠦᠶᠢᠴᠤᠳ ᠨᠢ | ᠤᠶᠤᠳᠠᠯ ᠤᠷᠠᠯᠠᠭᠠᠳ ᠤᠷᠤᠯᠳᠤᠨᠠ | ᠤᠪᠤᠭᠠᠨ ᠨᠠᠶᠢᠷ ᠠᠴᠠ ᠠᠮᠵᠢᠭᠤᠯᠬᠤ ᠪᠠᠷ | ᠤᠬᠠᠭᠠᠨ ᠪᠦᠭᠦᠨ ᠢᠶᠠᠨ ᠰᠢᠪᠬᠠᠨᠠ | ᠪᠤᠭᠤᠷᠤᠯ ᠪᠤᠯᠤᠬᠰᠠᠨ ᠠᠬᠠᠮᠠᠳ ᠨᠢ | ᠪᠤᠶᠢᠯᠠ ᠵᠤᠷᠭᠤᠭᠠᠳ ᠰᠢᠨᠵᠢᠨᠡ | ᠪᠤᠶᠠᠨ ᠲᠦᠭᠦᠷᠡᠩ ᠨᠠᠰᠤᠳᠠᠶᠢᠴᠤᠳ ᠨᠢ | ᠪᠤᠷᠠᠨᠳᠠᠭ ᠲᠤᠮᠤᠭᠠᠳ ᠶᠠᠭᠠᠷᠠᠯᠳᠤᠨᠠ | ᠭᠡᠤᠭᠡᠳ ᠵᠢᠭᠠᠬᠠᠨ ᠪᠠᠭᠠᠴᠤᠳ ᠨᠢ | ᠬᠦᠰᠡᠯ ᠤᠨ ᠵᠢᠭᠦᠷ ᠢᠶᠠᠨ ᠪᠠᠬᠢᠵᠢᠭᠦᠯᠦᠨᠡ | ᠬᠦᠮᠦᠨ ᠤ ᠵᠡᠷᠭᠡ ᠳᠤ ᠬᠦᠷᠭᠦ ᠭᠡᠳ | ᠬᠦᠴᠦ ᠲᠠᠮᠢᠷ ᠢᠶᠠᠨ ᠪᠤᠵᠠᠭᠠᠶᠢᠷᠠᠭᠤᠯᠤᠨᠠ | ᠠᠤᠭᠠ ᠴᠤᠬᠯᠢᠭ ᠵᠠᠯᠠᠭᠤᠴᠤᠳ ᠨᠢ | ᠤᠷᠭᠠ ᠵᠠᠯᠭᠠᠭᠠᠳ ᠶᠠᠭᠠᠷᠠᠯᠳᠤᠨᠠ | ᠤᠬᠢᠯᠢᠭ ᠬᠦᠭᠡᠷᠦᠭᠦᠨ ᠭᠡᠤᠭᠡᠨᠴᠤᠳ ᠨᠢ | ᠦᠢᠯᠡᠰ ᠪᠤᠰᠬᠠᠭᠠᠳ ᠴᠢᠷᠮᠠᠶᠢᠵᠠᠭᠠᠨᠠ | ᠦᠨᠳᠦᠷ ᠬᠤᠸᠠ ᠶᠢᠨ ᠤᠷᠤᠢ ᠳᠤᠨᠢ | ᠦᠭᠡᠷ ᠤᠨ ᠰᠦᠷᠦᠭ ᠨᠢ ᠨᠠᠯᠠᠶᠢᠨᠠ | ᠦᠶᠡ ᠶᠢᠨ ᠵᠢᠭᠠᠬᠠᠨ ᠵᠠᠯᠠᠭᠤᠴᠤᠳ ᠨᠢ | ᠦᠨᠡᠨᠴᠢ ᠰᠡᠳᠬᠢᠯ ᠢᠶᠠᠨ ᠰᠤᠯᠢᠯᠴᠠᠨᠠ | ᠠᠬᠳᠠ ᠶᠢᠨ ᠴᠠᠭᠠᠨ ᠤ ᠤᠷᠤᠢ ᠳᠤᠨᠢ | ᠠᠳᠤᠭᠤᠨ ᠰᠦᠷᠦᠭ ᠨᠢ ᠢᠳᠡᠰᠢᠯᠡᠨᠡ | ᠠᠮᠠᠷᠠᠭ ᠵᠢᠭᠠᠬᠠᠨ ᠭᠡᠤᠭᠡᠨᠴᠤᠳ ᠨᠢ | ᠠᠯᠢᠶᠠ ᠬᠠᠷᠠᠴᠠ ᠪᠠᠨ ᠬᠦᠶᠦᠯᠭᠡᠨᠡ | ᠲᠡᠪᠰᠢ ᠶᠢᠨ ᠦᠨᠳᠦᠷ ᠤᠷᠤᠢ ᠨᠢ | ᠲᠡᠷᠡ ᠭᠡᠪ ᠢᠶᠠᠷ ᠢᠶᠠᠨ ᠰᠦᠨᠳᠠᠷᠯᠠᠨᠠ | ᠲᠡᠮᠡᠭᠡᠨ ᠰᠦᠷᠦᠭ ᠤᠨ ᠪᠤᠶᠢᠯᠠᠭᠠᠨ ᠨᠢ | ᠲᠠᠨᠢᠯ ᠶᠤᠮ ᠰᠢᠭ᠋ ᠰᠠᠨᠠᠬᠳᠠᠨᠠ | ᠬᠤᠪᠤᠷ ᠨᠠᠨᠳᠢᠨ ᠪᠠᠶᠠᠨ ᠪᠤᠷᠤ ᠶᠢᠨ | ᠬᠤᠳᠠᠯᠠ ᠲᠦᠮᠡᠨ ᠨᠢ ᠵᠢᠷᠭᠠᠯᠳᠠᠢ | ᠬᠦᠳᠡᠭᠡ ᠨᠤᠳᠤᠭ ᠤᠨ ᠬᠦᠭᠵᠢᠯᠳᠡ ᠨᠢ | ᠬᠦᠮᠦᠨ ᠪᠦᠭᠦᠨ ᠳᠡᠭᠡᠨ ᠭᠠᠶᠢᠬᠠᠯᠳᠠᠢ | ᠴᠡᠴᠡᠭᠯᠡᠵᠤ ᠬᠦᠭᠵᠢᠭᠰᠡᠨ ᠪᠠᠶᠠᠨ ᠪᠤᠷᠤ ᠨᠢ | ᠴᠠᠭ ᠤᠨ ᠤᠷᠤᠰᠬᠠᠯ ᠢᠶᠠᠨ ᠲᠠᠭᠠᠵᠤ ᠪᠠᠶᠢᠨᠠ | ᠴᠡᠯᠮᠡᠭ ᠰᠠᠶᠢᠬᠠᠨ ᠦᠷᠯᠦᠭᠡ ᠳᠤᠨᠢ | ᠴᠡᠭᠡᠯ ᠡᠭᠡᠰᠢᠭ ᠨᠢ ᠤᠶᠠᠩᠭᠠᠯᠠᠵᠤ ᠪᠠᠶᠢᠨᠠ | ᠬᠦᠰᠡᠯ ᠤᠨ ᠵᠢᠭᠦᠷ ᠢᠶᠠᠨ ᠲᠡᠯᠭᠡᠭᠡᠳ | ᠬᠦᠭᠵᠢᠵᠤ ᠪᠠᠶᠢᠨᠠ᠂ ᠪᠠᠶᠠᠨ ᠪᠤᠷᠤ | ᠬᠦᠮᠦᠨ ᠠᠷᠠᠳ ᠨᠢ ᠪᠠᠶᠠᠵᠢᠭᠠᠳ | ᠬᠦᠨᠳᠦ ᠴᠤᠯᠠ ᠲᠠᠢ ᠪᠠᠶᠠᠨ ᠪᠤᠷᠤ ᠡ | ᠨᠤᠳᠤᠭ ᠤᠰᠤ ᠨᠢ ᠨᠡᠯᠡᠶᠢᠭᠡᠳ | ᠨᠠᠮᠤᠷ ᠭᠡᠪ ᠢᠶᠠᠷ ᠢᠶᠠᠨ ᠵᠢᠷᠭᠠᠨᠠ | ᠨᠠᠭᠤᠷ ᠬᠤᠨᠳᠤ ᠨᠢ ᠴᠡᠯᠡᠶᠢᠭᠡᠳ | ᠨᠠᠮᠢᠷᠠᠭᠠ ᠬᠤᠷᠠ ᠲᠠᠢ ᠪᠠᠨ ᠮᠦᠩᠭᠡᠷᠡᠨᠡ | ᠪᠠᠶᠠᠵᠢᠵᠤ ᠴᠢᠨᠡᠭᠡᠯᠢᠭᠵᠢᠭᠰᠡᠨ ᠪᠠᠶᠠᠨ ᠪᠤᠷᠤ | ᠪᠠᠶᠢᠭᠠᠯᠢ ᠶᠢᠨ ᠦᠵᠡᠮᠵᠢ ᠪᠠᠨ ᠭᠠᠶᠢᠬᠠᠭᠤᠯᠤᠨ | ᠪᠠᠳᠠᠷᠠᠯ ᠬᠦᠭᠵᠢᠯ ᠬᠤᠶᠠᠷ ᠢᠶᠠᠷ ᠢᠶᠠᠨ | ᠪᠠᠳᠮᠠᠯᠠᠵᠤ ᠦᠨᠢᠳᠡ ᠮᠦᠩᠭᠡᠵᠢᠨᠡ᠃ | |