| ᠮᠦᠷᠦᠭᠡᠳᠦᠯ ᠤᠨ ᠨᠠᠮᠤᠷ | | ᠦ᠊ ᠰᠦᠭᠡᠪᠠᠭᠠᠳᠤᠷ (ᠤᠷᠠᠳ ᠤᠨ ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ | ᠪᠠᠶ᠋ᠬᠠᠤᠯᠠᠭᠠᠨ ᠰᠤᠮᠤᠨ ᠤ ᠲᠦᠭᠦᠮ ᠭᠠᠴᠠᠭᠠ ) | | ᠰᠠᠭᠠᠯᠢ ᠶᠢᠨ ᠦᠨᠦᠷ ᠲᠠᠢ ᠲᠡᠯᠡᠭᠡᠢ ᠶᠢᠨ ᠬᠤᠷᠮᠤᠢ ᠳᠤᠨᠢ | ᠰᠢᠷᠭᠠᠯᠬᠠᠨ ᠨᠠᠮᠤᠷ ᠨᠢ ᠠᠶᠢᠰᠤᠢ ᠳ᠋ᠠ | ᠰᠠᠴᠤᠯᠢ ᠡᠷᠭᠦᠭᠰᠡᠨ ᠡᠵᠢ ᠶᠢᠨ ᠮᠢᠨᠢ | ᠰᠠᠭᠠᠯᠢᠴᠢᠨ ᠠᠯᠳᠠᠷ ᠢ ᠡᠷᠭᠦᠨᠡᠮ | ᠠᠶᠢᠷᠠᠭ ᠤᠨ ᠦᠨᠦᠷ ᠲᠠᠢ ᠬᠤᠩᠭᠤᠷ ᠰᠠᠯᠬᠢᠨ ᠳᠤᠨᠢ | ᠠᠮᠠᠭᠠᠢ ᠬᠦᠯᠡᠷᠡᠭᠰᠡᠨ ᠨᠠᠮᠤᠷ ᠨᠢ ᠠᠶᠢᠰᠤᠢ ᠳ᠋ᠠ | ᠠᠬᠳᠠ ᠶᠢᠨ ᠭᠡᠶᠢᠮᠦᠷᠢ ᠲᠠᠢ ᠠᠪᠤ ᠶᠢᠨ ᠮᠢᠨᠢ | ᠠᠳᠤᠭᠤᠴᠢᠨ ᠠᠯᠳᠠᠷ ᠢ ᠡᠷᠭᠦᠨᠡᠮ | ᠨᠠᠷᠠᠨ ᠤ ᠪᠤᠭᠤᠷᠤᠯ ᠬᠤᠷᠸᠠ ᠳᠤᠨᠢ | ᠨᠠᠰᠤᠨ ᠤ ᠨᠠᠮᠤᠷ ᠨᠢ ᠠᠶᠢᠰᠤᠢ ᠳ᠋ᠠ | ᠨᠠᠨᠳᠢᠨ ᠮᠦᠷᠦᠭᠡᠳᠦᠯ ᠲᠠᠢ ᠡᠵᠢ ᠶᠢᠨ ᠮᠢᠨᠢ | ᠨᠠᠮᠳᠠᠷ ᠲᠤᠤᠯᠢ ᠶᠢ ᠡᠷᠭᠦᠨᠡᠮ | ᠠᠮᠤᠭᠤᠯᠠᠩ ᠠᠭᠤᠳᠠᠮ ᠬᠤᠷᠸᠠ ᠳᠤᠨᠢ | ᠠᠶᠠᠯᠭᠤᠳᠤ ᠨᠠᠮᠤᠷ ᠨᠢ ᠠᠶᠢᠰᠤᠢ ᠳ᠋ᠠ | ᠠᠯᠤᠰ ᠲᠤ ᠪᠠᠷᠠ ᠲᠠᠢ ᠠᠪᠤ ᠶᠢᠨ ᠮᠢᠨᠢ | ᠠᠶᠠᠨ ᠤ ᠲᠦᠷᠦᠭᠡ ᠶᠢ ᠡᠷᠭᠦᠨᠡᠮ | ᠬᠦᠪᠴᠢ ᠶᠢᠨ ᠴᠡᠩᠭᠡᠷ ᠬᠠᠩᠭᠠᠢ ᠳᠤᠨᠢ | ᠬᠦᠭᠵᠢᠮ ᠡᠭᠡᠰᠢᠭ ᠲᠠᠢ ᠨᠠᠮᠤᠷ ᠨᠢ ᠠᠶᠢᠰᠤᠢ | ᠬᠦᠷᠡᠩ ᠲᠡᠷᠯᠢᠭ ᠲᠠᠢ ᠡᠵᠢ ᠶᠢᠨ ᠮᠢᠨᠢ | ᠬᠦᠭᠡ ᠲᠤᠯᠪᠤᠳᠤ ᠲᠤᠯᠭᠠ ᠶᠢᠨ ᠭᠠᠯ ᠢ ᠡᠷᠭᠦᠨᠡᠮ | ᠠᠭᠤᠳᠠᠮ ᠲᠡᠨᠢᠭᠡᠷ ᠪᠠᠶᠠᠨ ᠭᠤᠪᠢ ᠳᠤᠨᠢ | ᠤᠭᠤᠷᠠᠭ ᠰᠢᠷᠭᠠᠯ ᠨᠠᠮᠤᠷ ᠨᠢ ᠠᠶᠢᠰᠤᠢ | ᠠᠯᠳᠠᠨ ᠤᠷᠤᠭ ᠤᠨ ᠤᠳᠤᠮ ᠵᠠᠯᠭᠠᠬᠤ ᠡᠵᠢ ᠶᠢᠨ ᠮᠢᠨᠢ | ᠦᠷᠡ ᠶᠢᠨ ᠵᠠᠶᠠᠭᠠ ᠶᠢ ᠨᠢ ᠡᠷᠭᠦᠨᠡᠮ | ᠠᠭᠤᠳᠠᠮ ᠲᠡᠨᠢᠭᠡᠷ ᠬᠦᠳᠡᠭᠡ ᠳᠤᠨᠢ | ᠦᠭᠬᠢᠶᠡᠮᠤᠷ ᠨᠠᠮᠤᠷ ᠨᠢ ᠠᠶᠢᠰᠤᠢ ᠳ᠋ᠠ | ᠤᠬᠠᠭᠠᠠᠳᠤ ᠮᠠᠯᠴᠢᠨ ᠲᠦᠮᠡᠨ ᠤ ᠮᠢᠨᠢ | ᠦᠢᠯᠡᠰ ᠪᠦᠳᠦᠭᠡᠯ ᠢ ᠨᠢ ᠡᠷᠭᠦᠨᠡᠮ | ᠤᠩᠭᠤᠨ ᠪᠠᠶᠢᠭᠠᠯᠢ ᠶᠢᠨ ᠨᠤᠮᠢᠨ ᠪᠦᠷᠢᠳᠤ ᠳᠤᠨᠢ | ᠦᠩᠭᠡ ᠨᠢ ᠰᠢᠷᠭᠠᠯᠳᠤᠬᠤ ᠨᠠᠮᠤᠷ ᠨᠢ ᠠᠶᠢᠰᠤᠢ | ᠤᠨ ᠤᠯᠠᠷᠢᠬᠰᠠᠨ ᠨᠡᠭᠦᠳᠡᠯ ᠤᠨ ᠮᠢᠨᠢ | ᠤᠳᠤᠷ ᠤᠨ ᠬᠦᠰᠢᠭᠡ ᠶᠢ ᠡᠷᠭᠦᠨᠡᠮ | ᠲᠠᠶᠢᠪᠤᠩ ᠠᠮᠤᠭᠤᠯᠠᠩ ᠲᠦᠷᠦ ᠲᠦᠪᠰᠢᠨ ᠳᠤᠨᠢ | ᠲᠠᠷᠠᠭ ᠲᠠᠢ ᠨᠠᠮᠤᠷ ᠨᠢ ᠠᠶᠢᠰᠤᠢ ᠳ᠋ᠠ | ᠲᠠᠪᠢᠨ ᠵᠢᠷᠭᠤᠭᠠᠨ ᠦᠨᠳᠦᠰᠦᠳᠡᠨ ᠤ ᠮᠢᠨᠢ | ᠲᠤᠭ ᠭᠡᠶᠢᠮᠦᠷᠢ ᠶᠢ ᠡᠷᠭᠦᠨᠡᠮ | ᠪᠤᠭᠤᠷᠤᠯ ᠲᠡᠤᠭᠡ ᠶᠢᠨ ᠮᠦᠩᠭᠦᠨ ᠰᠤᠳᠤᠷ ᠲᠤᠨᠢ | ᠪᠤᠳᠤᠭᠤᠨ ᠤᠶᠠᠩᠭᠠ ᠲᠠᠢ ᠨᠠᠮᠤᠷ ᠨᠢ ᠠᠶᠢᠰᠤᠢ ᠳ᠋ᠠ | ᠪᠤᠶᠠᠨᠳᠤ ᠠᠷᠠᠳ ᠲᠦᠮᠡᠨ ᠤ ᠮᠢᠨᠢ | ᠪᠤᠰᠤᠭᠠ ᠭᠡᠶᠢᠮᠦᠷᠢ ᠶᠢ ᠡᠷᠭᠦᠨᠡᠮ | ᠨᠡᠷᠡᠳᠦ ᠶᠢᠨ ᠪᠠᠶᠠᠨ ᠬᠤᠷᠸᠠ ᠳᠤᠨᠢ | ᠨᠠᠶᠢᠷ ᠢᠶᠠᠷ ᠴᠠᠯᠬᠢᠭᠠᠳ ᠨᠠᠮᠤᠷ ᠨᠢ ᠠᠶᠢᠰᠤᠢ ᠳ᠋ᠠ | ᠨᠠᠶᠢᠷᠠᠮᠳᠠᠯ᠂ ᠪᠦᠯᠭᠦᠮᠳᠡᠯ ᠲᠠᠢ ᠤᠯᠤᠰ ᠤᠨ ᠮᠢᠨᠢ | ᠨᠠᠮ ᠤᠨ ᠲᠤᠭ ᠢ ᠡᠷᠭᠦᠨᠡᠮ | ᠲᠤᠷᠭᠠᠨ ᠴᠡᠯᠡᠭᠡᠷ ᠪᠡᠯᠴᠢᠭᠡᠷ ᠲᠤᠨᠢ | ᠲᠤᠰᠤᠨ ᠲᠠᠷᠭᠤ ᠲᠠᠢ ᠨᠠᠮᠤᠷ ᠨᠢ ᠠᠶᠢᠰᠤᠢ ᠳ᠋ᠠ | ᠲᠤᠯᠤᠭᠠᠳ ᠬᠠᠯᠢᠭᠤᠷᠠᠬᠰᠠᠨ ᠨᠤᠳᠤᠭ ᠤᠨ ᠮᠢᠨᠢ | ᠲᠦᠮᠡᠨ ᠦᠯᠵᠡᠢ ᠶᠢ ᠡᠷᠭᠦᠨᠡᠮ᠃ | | | |